Park café

星期日晚上用餐，不算太多人。食物的選擇足以適合家中不同口味的人，爸爸媽媽都有許多合口味的熱食。自助飲品區的選擇也多，非常好！網上訂位有折，感覺很好~雪糕還有movenpick, 很滿足！

同事又一齊出動搵下有無平價優質buffet，今次呢間$218加一 （like Facebook 後就有75折），價錢親民！開始當然要食返碟沙拉🥗菜打底，款式都多既。💡海鮮方面，有蝦，青口同蜆🍴💡到了主菜方面，呢個價錢黎講 選擇還算不錯，連豬腳薑都有，同事都幾推佢個雞肉燒賣。💡款式數量還好，有即整粉麵、有大阪燒、燒菠蘿、茄子等。但大部分熟食仍有好大改進空間：好似墨汁意粉（意粉太林）、燒肉眼扒（過靭）、蛋包炒飯（無乜味）、雞翼（好似一直翻煎好）、炸蝦片（都林哂）等等等等...💡刺身🍣 味道還好，選擇有： 三文魚，希靈魚，鯛魚，象拔蚌，蟹棒。💡甜品方面：種類不算多，奶凍都佔有三個口味，誠意需改進。而要排隊拎既心太軟 由光波爐出品，質素不錯。💡當天lunch 時段幫襯客人都為年紀較大的

呢度做緊榴槤香芒主題下午茶，有tea buffet 見到好多人食，我同friend想食得精緻啲，就食咗佢個tea set. 啲款當然同佢出面嘅tea buffet有啲唔同啦。一共11款鹹甜食，再加飲品，杯嘢飲認真麻麻，建議大家叫杯正常普通嘢飲就算，不過個tea set就好好食左下角個龍蝦沙律，同右下角個黑魚子榴槤凍杯勁好食其他嘅都唔差㗎！最最好食係右上角個榴槤吉士杯，真係勁好食，有啲似食緊雪糕咁！因為佢實在太好食啦，我同friend諗住俾錢加多杯嚟食，點知個部長好好人，每人送多一杯俾我哋唔使加錢！佢哋Facebook有張coupon, tea buffet有七五折，食tea set 都有八五折，想去嘅話記得download coupon 就更抵喇！

很久沒有吃過下午茶自助餐了，搜尋一下，原來平日有下午茶自助餐的酒店不多，找到這間又便宜，主題 榴槤、芒返 也不錯，便訂位了。餐廳的佈置雖然簡單，但令人感覺清新舒適，座位擺設闊落，出入拿取食物也很方便。下午茶剛開始時，食客不多，到三點半過後才坐滿人，不過仍不算人多，拿取食物也不用等的。即使是美食，要排隊等很久才拿到也會令人食慾大減。主題食品是榴槤與芒果，很多甜點、熟食也以榴槤和芒果入饌。即使我不喜歡榴槤，也有熟食、冷盤、甜品等等適合我的。首先是食甜點，這裏的甜品款式很多，外表精美，色香味全。以上碟子正中的就是榴槤椰奶蛋糕，榴槤味濃郁，讚。綠色的是抹茶味蛋糕，口感豐富茶味香濃。左手面的芒果拿破崙也十分好吃。以上前方的是oreo芝士杯、芒果牛肉墨西哥卷。芝士杯配上曲奇餅碎，絕配。後方碟子中間的是芒果吉士撻，我認為是必食之選，芒果肉鮮甜，撻皮鬆化牛油味濃，超讚。試完甜品先至再食番啲熱食，雖然只是下午茶，熱食的款式也不少，章魚小丸子和炒蘿蔔糕是我的一級推薦，十分惹味，芒果忌廉焗薯蓉也是很有特色。此外還有中式點心、粥、湯麵攤檔等等，就下午茶而言算是款式繁多。刺身也有多款，有我最喜歡吃的三文魚，象拔

今日專登放假同屋企人去尖沙咀park hotel嘅park cafe食個下午茶buffet，因為平曰的下午茶平啲。呢度環境好好，服務員好友善，下午茶時間係平日其實真係好少人，起碼唔使去搶嘢食。其實下午茶自助餐都有好多嘢食，除咗有主食外，仲有好多甜品，小朋友叫到超級開心。我食自助餐第一時間就梗係去食個新鮮嘅菜沙律先啦，D菜好新鮮，又好味。甜品仲有新鮮熱辣辣嘅軟心朱古力蛋糕，D朱古力醬一切開就流晒出嚟，好香好濃的朱古力，正!

同友人上網買左個8點半入座半價的coupon見到餐廳關10點半，有2個鐘都唔錯呀點知食到一半先知原來9點半就會清野，可以坐到10點半😢阿Q精神: 8點半冇人同你爭😂咁就黎過1個鐘之自助餐先說冷盤:必食回本之一----生蠔唔知係咪8點半冇乜人，佢係開定放係冰上，而非即開蠔身都算肥美，海水味不重，仲食唔到有蠔殼👍第二回本---長腳蟹蟹腳味道幾鮮味，而且又厚又肥，鮮甜味👍不過去到8點9都冇再refill了刺身壽司🍣:有三文魚油甘魚鯛魚吞拿魚象拔蚌八爪魚👍三文魚都算肥美甘香而象拔蚌比較少有，口質十分爽口，都鮮味👎刺身係一早切定放係個筒到而非即切自助餐唔少得---芝士不過呢到芝士既味不重，而得1種餅(仲要係淋)，可以不試熱葷:必食推介: 羊架味道少羶(友人食話冇羶)，肉質嫩口，不會太滯佢有個煙燻烤香的香味同埋有好多款醬料同醬汁可供配搭我試左個黑椒味但唔濃同較稀👎諗起好耐冇食大排檔，見到有避風塘炒瀨尿蝦同豉椒炒蜆就一於試下避風塘炒瀨尿蝦: 個汁都幾惹味但偏甜，但肉質係“梅”豉椒炒蜆:個汁幾正，佢有落麻子，係麻辣味不過個肉質都係唔新鮮，完全敗筆見到有🍕同和牛漢堡(出邊比較少), 一於試下Pizza個

今次已經係第三次去Park Cafe歎tea，完全無叫人失望😉。星期六同屋企人齊齊去食tea buffet ，原價每位$228，但我地有生日同長者優惠，折左每位一百七十幾，二百蚊唔洗就食兩個鐘buffet, 仲要係尖沙咀地區，算係平。至於食物方面，Park café今期以榴槤和芒果為題—「榴槤‧芒返」下午茶自助餐。如果你鍾意榴槤，絕對唔好錯過，其中脆炸榴槤西多士、脆炸榴槤球、芒果榴槤吉士撻必試。另外，當然仲有海鮮同刺身。海鮮今日有蝦，青口同蜆。刺身有三文魚，鯛魚，希靈魚同蟹棒。食材新鮮，但期待的象拔蚌好快就無貨😞。至於甜品方面，可以話應有盡有。大部分的甜度適中，可以多食幾件。推介芒果拿破崙（可借只有第一轉先有，之後都無補充過，所以要快搶😭），楊枝甘露杯，咖啡慕絲杯，芒果美式芝士蛋糕🍰。總括而言，食物種類多，質素中上，以咁嘅價錢黎講，算幾抵食。可以留意佢地的自助餐主題，經常會轉，見到啱心水的不防一試😏。

今天難得和男友，他的朋友一起聚會，當然要找一間餐廳吃晚飯，可惜放題，燒肉太經常吃了，想轉一下口味和環境，剛巧又看見這間酒店自助餐有【黑安格斯.龍蝦大戰】海鮮主題的自助餐，正正是我的口味而且夜晚自助餐有7折優惠，當然要試一試一個自助餐最吸引人的地方當然是凍的海鮮食物，所以現在先介紹一下冷盤的海鮮酒店提供了 【紐西蘭生蠔】，【加拿大雪花蟹腳】，【紐西蘭青口】及【海蝦】No.1【紐西蘭生蠔】，每人一次可拿3隻，由於生蠔不是即開和餐廳只有半數人入座，所以不用排隊便可以拿了雖然不是即開生蠔，但都算新鮮，味道完全不腥，而且沒什麼海水味可惜生蠔不大隻，而且不太肥美，沒有生蠔那種【爆汁】，很juicy的口感只是很普通的生蠔的味道，就像一些餐廳$10生蠔的味道，不算難吃，但又稱不上美味，只是不過不失而已不過由於沒人排隊，你可以不斷去領取生蠔，一人吃2~3打都沒難度，想回本根本不成問題No.2【加拿大雪花蟹腳】，蟹腳十分細條，每一條都沒什麼蟹肉，蟹鉗更加是稀有食物不過，付出是有收穫的，蟹肉十分鮮甜多汁，肉質很嫩滑，而且海水味不濃郁，十分美味No.3【紐西蘭青口】及【海蝦】，海蝦都算大隻，口感都幾彈牙，可惜

今日我地來到百樂酒店，park Cafe試下個特價自助午餐，$210.8己加一，不過不失，甜品，海鮮，熱食様樣齊，評價係，「唔好食，唔難食，無驚喜」，無邊樣突別好味好中意，但整體唔會難食，唔會食完好伏好嬲，只可以話一分錢一分貨，係咁上下，地方清潔收渫快算係咁啦。真係要講幾中意只有咼夫同芝士蛋糕係幾好味。

榴連無榴連味，所謂芒果甜品係一兩粒芒果。以為加左38蚊既心太軟同窩乎會好啲，點知，我食左我人生第一次熟既心太軟。唔會再有下次，都希望大家唔好中伏，好無心既一個afternoon tea。寧願比得貴但食高質好多倍既tea。

我很喜歡吃水果，但有要求：水果一定要香和甜，酸的我不吃啦！尖沙咀百樂酒店新推出的下午茶自助餐，由現在至九月初的主題是「榴槤‧芒返」，芒果和榴槤正合我心意呢，而且優惠後成人只為$177起 (已連加一)，閒日約姊妹去吃最好！ 「榴槤‧芒返」主題七月初才推出，這天周一下午來到，想不到客人也不少，果然受歡迎！Buffet以榴槤和芒果為主題，大家可能只期望有好多的甜品，卻沒想到原來鹹點選擇也不少，不會一味吃甜容易飽滯，值得一讚。 凍海鮮 魚生及壽司 只百多元的自助餐，竟然有凍海鮮和魚生？沒錯，今天有四款魚生選擇，有大家最喜歡的三文魚，我則愛吃凍海鮮，尤其海蝦，夠鮮甜，其餘還有紐西蘭青口和花螺。 牛肉燒賣、雞肉燒賣 粉麵檔 熱葷選擇也不少，燒賣有牛肉、雞肉，熱辣辣好吸引！未吃午餐想飽肚一些？可以來一碗粉麵。 椒鹽三文魚頭腩 鱆魚燒 日式韭菜餅 其他熱盤都頗有特色，推薦日式韭菜餅，輕輕一煎，餅皮煙靭，裡面都是惹味韭菜粒，很好吃。 醃三文魚芒果撻 香芒草莓壽司 芝士榴槤芒果薄餅 還有好多芒果點心，小小的一件，不但外形精緻，而且芒果粒又夠甜，吃得出有菲律賓芒果和台灣芒果，前者甜美，

今晚有朋友生日，一行五人去左park cafe慶祝。原價$518,生日者半價，其他人七折，折完每人四百蚊都唔駛，好抵食。開頭以為咁平應該都麻麻地，估唔到都好有驚喜，好多選擇。冷盤冷盤有煙三文魚，凍肉腸，最估唔到竟然有parma ham凍海鮮有蝦，蜆，螺，長腳蟹，生蠔生蠔都算新鮮，忍唔住食左15隻刺身有六款可選擇，最好味係象拔蚌熱食同甜品都有好多選擇總括而言，呢個價錢嘅buffet 可以有咁多選擇真係好抵食。

Park café網址: https://s.openrice.com/QrbS0Kme000約了好友去吃下午茶自助餐，因為其中一人是生日之星，所以令大家也有折扣，真好！食物款式尚可，有冷盤、熱食、甜品、粉麵、飲品及雪糕。整體而言，味道就是一般水平，不算太有驚喜，較為美味的是蝦、沙律、蝦餅（但居然是蘸抹茶醬😮但味道很不搭，也不好吃）、迷你芝士火腿牛角包、薯蓉。甜品我比較喜歡brownie、朱古力蛋糕、桂花糕和榴連慕絲蛋糕。而且細心發現食物名字上都有花名，就是把不同的花都加入食物當中，像菊花芝士蛋糕、桂花糖雞翼、玫瑰花士多啤梨慕絲、茉莉花芝士海鮮焗薯蓉等等，所以才是「花漾年華」！

早前見到某個app 有優惠就去呢間試下，點知去到先知原來得一個鐘頭食， 而訂檯嘅時候 , 並冇明確標示。 呢個都唔重要， 最重要係喺呢個鐘裏面啲野食完全冇refill, 感覺上就係食人哋啲餸頭餸尾 , 而生蠔bar 嗰度大部分時間都唔會有人serve 你， 好似好驚你食曬佢啲嘢咁， feeling 極差。 最後埋單之後， 我哋仲要去第二度買香香雞食， 食咁耐buffet真係第一次。 講真啲食物質素唔算差 , 但一定唔係好。 呢個價錢我喺第二度食過好多間都好過佢!! 一句講哂， 冇下次， 極力唔推薦畀朋友!!!

舖頭旁邊是百樂酒店，一直都想去試一下，剛好朋友來找我，我們幾個人就決定來吃自助餐，朋友熱愛生蠔，見到這有生蠔就衝過去，我自己就不吃蠔，先吃蟹腳、凍蝦、藍青口等等海鮮~蟹腳雖然不算很肥厚，不過勝在夠鮮甜又不死咸，凍蝦蝦肉彃牙爽口，而藍青口、翡翠螺就一般，沒有什麼特別蟹腳、凍蝦這兩款我也有安可，之後就去吃刺身，三文魚就不過不失，象拔蚌就略有一點遜色。希靈魚爽口，沒有魚腥味道，我個人很滿意。之後就是熱食，牛肉、羊架都有驚喜，入口嫩滑，味道又剛剛好~個人覺得真的不錯。之後朋友吃過龍蝦汁飯，推薦我要去試，確很好吃，飯煮得很入味，龍蝦汁滲入一口吃一口，停不到。之後是每有一隻日式磯燒鮑魚，味道都偏濃，但都很好入口。接著是甜品時間，見到雪糕，又有窩夫，當然要自家制的甜品窩夫配上了芝士味，味道剛剛好不會太甜，很好入口，淡淡的芝士鹹香配上雪糕超讚，必要吃其他甜品就一般，沒有太大的驚喜，但味道也不錯。