O'Thai Restaurant

老公生日梗系要拣返间靓餐厅同佢食吓好嘢，黄埔呢间餐厅喺正海边，有户外座位，望住个靓海景食饭够晒情调，撞啱佢仲会有live Band表演添。我哋去𠮶晚有啲凉，吹住海风有啲冻，我哋着唔够衫，唯有拣咗坐室内位，环境都非常唔错，我哋坐私人空间十足嘅卡位，坐得好舒服。讲返嘢食先，原来呢度可以同时泰国嘢同埋意大利西班牙西餐，食物选择好多元化。我哋试咗佢个tasting Menu，再加咗个熟成和牛同埋泰式蟹肉炒饭，一于狂食庆祝。几款前菜我哋都试晒，前菜已经好精致，特别系个油甘鱼，劲靓。薄切油甘鱼：油甘鱼一片一片薄薄的，配上特别调制嘅酱汁，有啲麻油香气，再加上一啲青红黄椒粒，味道好清爽。牛肉他他：牛肉他他好新鲜，唔会有雪味，配上一啲黑椒粒，咸咸香香，用香脆多士片配搭一齐食。鲜虾芒果米纸卷：芒果配鲜虾，味道清爽香甜，用上烟靭嘅越南米纸包住一齐食，好清新。法国生蚝：生蚝新鲜，蚝肉饱满，鲜味，唧上柠檬汁就咁食已经好味，但系佢都配有两款酱汁搭配，一款系热情果，另一款系醋。跟住就小食，我哋都试咗3款，全部都好味。香脆鱼柳夹饼：细细件，但系馅料非常丰富，炸鱼柳非常香脆，炸粉好薄酥脆，里面鱼肉嫩滑Juicy，配上牛油果酱同埋特别调制嘅酱汁，加上一啲洋葱，味道好惹味。蟹肉饼配蟹籽及是拉差酱：呢个蟹饼好正好正，切开嚟原来全部都系蟹肉，一丝一丝的，煎得非常之香口，配上一啲蟹籽同埋个微辣嘅沙律酱，食到舔舔脷。三文鱼芝士吐司：呢个多士里面夹住烟三文鱼同埋劲厚嘅热熔芝士，好邪恶，但系好味，如果再加埋黑松露酱仲正。鲜虾蛋忌廉咖喱配长棍法包呢个跟餐嘅main course泰式黄咖喱有三只大虾，爽口弹牙，加上配料好香嘅芹菜同埋滑蛋，配上牛油法包一齐食好好味。招牌西班牙乳猪配马铃薯，蜜糖芥末西班牙乳猪卖相好靓，切得四四方方好整齐，皮焦脆焦脆，肉松软松软，而且有肉汁，配菜嘅焗薯都好好味。熟成和牛 150g呢个熟成和牛肉质柔软，我哋拣咗五成熟，粉嫩粉嫩，配上烧牛肉汁，加上芥末一齐食，好正。泰式蟹肉炒饭呢个炒饭炒得好香，炒饭里面伴入咗好多一丝丝嘅蟹肉，而且上碟嘅时候面头仲铺满咗蟹肉炒蛋，蟹肉份量都几多，淡淡鲜味。食嘅时候加入青酱汁一齐食，更加提鲜。芝士蛋糕&Tiramisu最后食埋跟餐嘅甜品，两款都好食，芝士蛋糕口感绵密，香浓芝士味， Tiramisu幼滑，咖啡香气同埋酒味恰到好处。我哋食得好满意。…查看更多

2025年11月8日 星期六呢个周末同屋企人一齐去咗黄埔行街周围玩，不知不觉就玩到夜晚，一于决定喺黄埔食埋饭先走，咁岩喺海旁发现呢间泰国餐厅，充满外国风情，决定入去试下餐厅分为室内同室外，两个区域都可以清楚见到成个维多利亚港，充满特色同够晒气氛，由于当日比较大风怕小朋友会著凉，所以我哋就拣咗室内用餐，空间都好大，枱与枱之间有足够距离，唔会坐得好迫夹餐牌分为tasting menu同散叫，有好多款唔同嘅泰国菜式可以选择，价钱都唔算太贵，但由于好多食物都想食，唔知点拣好，最后决定点tasing menu，每样都可以试下等左一阵食物就开始陆续送到，首先有牛肉他他，生牛肉切得细致滑嫩，混合香料同酱汁后入口非常鲜美，完全冇腥味，反而有种清爽既层次感底层既酱汁微酸微甜，令到整体味道更有深度配上脆卜卜既面包片，一啖牛肉一啖面包，口感丰富又有层次之后有鲜虾芒果米纸卷，米纸薄得嚟唔会黐口，包住爽脆蔬菜、鲜甜芒果同弹牙虾肉，一啖咬落去有种夏天嘅感觉芒果嘅果香同虾嘅鲜味互相衬托，蘸埋旁边酸酸甜甜嘅酱汁，口感层次即刻升级到小食有香脆鱼柳夹饼，鱼柳炸得外脆内嫩，冇油腻感，咬落去仲有啲微微香料味配料方面有紫椰菜、腌洋葱同酸甜酱汁，啖啖都好有层次，酸香中带少少辣，好醒胃饼皮系柔软嘅墨西哥式夹饼，唔会抢味，反而令到馅料更突出另一款小食就系蟹肉饼配蟹籽及是拉差酱，蟹肉饼外层煎到金黄香脆，入面系满满蟹肉，冇太多粉浆，食落去啖啖鲜味，上面仲铺咗一层橙色蟹籽，爆开时有种海水咸香，令口感更丰富旁边系拉差酱，唔算太辣，反而有啲微甜同烟韧感，配埋蟹肉饼一齐食，味道好有 punch主菜有蚬肉墨汁扁意粉配大蒜蛋黄酱，扁意粉煮得啱啱好，烟韧唔黐牙，带住淡淡海水味蚬肉新鲜饱满，啖啖都食到海鲜嘅鲜甜，配埋大蒜蛋黄酱，香浓得嚟唔会太腻，仲有啲微微辣劲啲彩椒同蕃茄粒唔止加色彩，仲有清新果香，令呢道菜由头到尾都好有节奏感呢个就系青咖喱熟成和牛，熟成和牛切得厚薄适中，煎到外层微焦，入面仲保持粉嫩多汁，牛味浓郁得嚟唔霸道底下铺住香浓青咖喱，椰香同香料味交织，唔会太辣但好有层次红油点缀令味道更立体，成碟嘢系西餐摆盘加泰式灵魂，好有 fusion 风甜品我地要左芝士蛋糕配杂莓汁，蛋糕质地绵密滑顺，唔会太腻，芝士味浓而不霸道，入口有种轻盈感面层微微焦香，带出焗制嘅层次，配埋酸甜嘅杂莓酱，红莓果香即刻提味，令整体味道更有动感，一啖蛋糕一啖酱，甜中带酸，食完唔会滞最后点少得有芒果糯米饭，糯米系翠绿色，应该系加咗斑兰叶，食落去香气自然，口感烟韧唔黐牙芒果切得厚身又熟透，果香浓郁，甜度啱啱好，淋上椰浆后，甜中带咸，好有泰式特色今餐真系食得非常满足，无论味觉同视觉都好享受…查看更多

星期六中午同屋企人去咗黄埔海旁间泰式西餐厅食Brunch，同时食泰菜加意大利菜，望住海景食，$238一set，性价比唔错，食物款式精致，特别系前菜超多🍽️ 前菜小食 🦪 法国生蚝2只- 新鲜无腥味，分别有两种酱汁-百香果汁、红酒醋，都几特别，个人口味觉得加少少就好，百香果汁好啲，冇咁酸🥭🥑 牛油果芒果米纸卷- 清爽健康好味，打卡一流📸 🦐 柚子虾沙律- 清新开胃，柚子酸甜配虾肉弹牙，好醒神！🐟三文鱼他他- 滑溜，配埋香草油🔥 热食小点松露火腿多士Bikini- 松露好香好食🤤芝士控必食！🦐蒜香虾Gambas- 虾肉爽口，蒜香扑鼻，有少少辣 鸡肉沙嗲串- 香料味浓，好惹味🌮 鱼柳墨西哥夹饼Fish Taco- 墨西哥风味，一口size，较香辣主菜🐟 Grilled Halibut served with Mashed Potatoes香煎比目鱼配薯蓉- 煎得香脆，鱼肉嫩滑👍👍推荐🍝 Penne Wagyu Bolognese 和牛肉酱长通粉- 肉酱浓郁，口味比较偏浓味泰式奶茶- 香甜唔腻，解渴一流 甜品🍫 Tiramisu- 好食😍滑溜香浓，咖啡味突出🥭🍚 芒果糯米饭- 甜而不腻，糯米烟韧…查看更多

讲到香港周末Brunch，红磡呢间泰式fusion坐落维多利亚海边，最正就系有室外坐位坐低即刻被180度无敌维港景包围——蓝天白云配住海风无论影景、影食物定自拍，光线都靓到唔使执相重点系$238嘅Brunch set竟然包埋前菜、小吃、主菜、甜品同饮品分量同质素都超惊喜，简直抵到烂！经典凯撒沙律沙律菜新鲜爽脆，芝士碎同面包粒香脆淋上浓郁凯撒酱，酸甜平衡唔会腻柚子干虾沙律柚子嘅清甜配埋干虾嘅咸香，口感层次好丰富三文鱼他他三文鱼切得厚身，混合埋洋葱、青柠汁，鲜味又唔腥牛油果芒果米纸牛油果绵密、芒果香甜，米纸卷薄而有韧性咬落满口果香+薄荷嘅清新 开胃一流鸡肉沙嗲串烤得焦香，肉质嫩到多汁，沙嗲酱浓香又带少少微辣鱼柳墨西哥夹饼外层薄饼香脆，夹住沙律同甜辣酱入面鱼柳鲜嫩无骨油蒜大虾虾肉弹牙爽口，多士吸晒油蒜同香草嘅香味 劲邪恶泰式虾饼外层脆卜卜，入面满满都是虾肉，弹牙多汁蘸埋泰式甜辣酱，酸辣开胃西班牙乳猪乳猪皮烤得金黄酥脆，咬落 咔嚓 声超治愈皮下脂肪唔多，肉质嫩到爆汁牛扒煎蛋配薯条牛扒外皮焦香，内里粉红色，嫩到切开有肉汁流出配上香煎太阳蛋，蛋黄流心拌住薯条，咸香十足芒果糯米饭芒果新鲜香甜、肉厚多汁，糯米吸满椰汁，绵密不黏牙蓝莓芝士蛋糕creamy到痹，芝士味浓郁但唔会过甜，底层饼干碎香脆，配上酸甜蓝莓酱，平衡得好到位泰式奶茶，茶味同奶味均衡，甜度适中，丝滑顺喉$238可以坐室外位叹到180度维港靓景仲有咁丰富嘅泰Fusion Brunch从前菜到甜品无一踩雷无论系同闺蜜打卡、同男友拍拖定系家人聚会都超适合！海风吹住，靓景睇住，美食食住呢种周末先叫真正嘅chill～…查看更多

经过黄埔海边，见到之前间餐厅The Bayside变左O’Thai，除左保留左以前西班牙菜，仲加入泰菜元素，就决定入去叹个泰意西fusion晚餐。餐厅坐落喺黄埔海边，室外座位直望维港180度海景，晚市时段尤其有气氛。室内用落地玻璃设计，环境光猛又唔焗促，想chill啲可以拣户外座位，仲有live band，可以边食边吹海风。柚子大虾沙律沙律汁酸酸甜甜，柚子清新又Juicy同大虾好夹。大虾啖啖肉，弹牙又爽口，口感好有层次，开胃一流。香煎比目鱼配红咖哩鱼件大块，肉质嫩滑，红咖哩酱汁好入味，椰香微辣，带少少鲜甜。鱼肉加红咖哩，送饭一流。和牛肉酱意大利宽条面和牛肉碎好Juicy，肉味浓郁入味，面条烟韧好Q。脆皮乳猪配马铃薯外皮薄脆、内里肉质香嫩，带有微微脂香。切件时啱啱好唔会过厚，啖啖肉，食落好冧，果然系signature 嘅菜式。酿墨西哥辣椒辣椒塞入芝士后烧香，外层微辣，芝士流心超惹味，咬落去有少少微辣，好适合做小食配酒。西班牙蒜油大虾虾煎到啱啱好，肉质爽口，外层微微焦香，虾膏同酱汁又香又惹味，啖啖肉食落好爽，钟意辣嘅朋友可以蘸多啲汁。无蛋开心果忌廉蛋糕卖相好吸引，蛋糕好creamy好有口感，但一d都唔腻，开心果香气好突出，够晒层次。…查看更多