O'Thai Restaurant

老公生日梗係要揀返間靚餐廳同佢食吓好嘢，黃埔呢間餐廳喺正海邊，有戶外座位，望住個靚海景食飯夠晒情調，撞啱佢仲會有live Band表演添。我哋去嗰晚有啲涼，吹住海風有啲凍，我哋着唔夠衫，唯有揀咗坐室內位，環境都非常唔錯，我哋坐私人空間十足嘅卡位，坐得好舒服。講返嘢食先，原來呢度可以同時泰國嘢同埋意大利西班牙西餐，食物選擇好多元化。我哋試咗佢個tasting Menu，再加咗個熟成和牛同埋泰式蟹肉炒飯，一於狂食慶祝。幾款前菜我哋都試晒，前菜已經好精緻，特別係個油甘魚，勁靚。薄切油甘魚：油甘魚一片一片薄薄的，配上特別調製嘅醬汁，有啲麻油香氣，再加上一啲青紅黃椒粒，味道好清爽。牛肉他他：牛肉他他好新鮮，唔會有雪味，配上一啲黑椒粒，鹹鹹香香，用香脆多士片配搭一齊食。鮮蝦芒果米紙卷：芒果配鮮蝦，味道清爽香甜，用上煙靭嘅越南米紙包住一齊食，好清新。法國生蠔：生蠔新鮮，蠔肉飽滿，鮮味，唧上檸檬汁就咁食已經好味，但係佢都配有兩款醬汁搭配，一款係熱情果，另一款係醋。跟住就小食，我哋都試咗3款，全部都好味。香脆魚柳夾餅：細細件，但係餡料非常豐富，炸魚柳非常香脆，炸粉好薄酥脆，裏面魚肉嫩滑Juicy，配上牛油果醬同埋特別調製嘅醬汁，加上一啲洋蔥，味道好惹味。蟹肉餅配蟹籽及是拉差醬：呢個蟹餅好正好正，切開嚟原來全部都係蟹肉，一絲一絲的，煎得非常之香口，配上一啲蟹籽同埋個微辣嘅沙律醬，食到舔舔脷。三文魚芝士吐司：呢個多士裏面夾住煙三文魚同埋勁厚嘅熱熔芝士，好邪惡，但係好味，如果再加埋黑松露醬仲正。鮮蝦蛋忌廉咖喱配長棍法包呢個跟餐嘅main course泰式黃咖喱有三隻大蝦，爽口彈牙，加上配料好香嘅芹菜同埋滑蛋，配上牛油法包一齊食好好味。招牌西班牙乳豬配馬鈴薯，蜜糖芥末西班牙乳豬賣相好靚，切得四四方方好整齊，皮焦脆焦脆，肉鬆軟鬆軟，而且有肉汁，配菜嘅焗薯都好好味。熟成和牛 150g呢個熟成和牛肉質柔軟，我哋揀咗五成熟，粉嫩粉嫩，配上燒牛肉汁，加上芥末一齊食，好正。泰式蟹肉炒飯呢個炒飯炒得好香，炒飯裏面伴入咗好多一絲絲嘅蟹肉，而且上碟嘅時候面頭仲鋪滿咗蟹肉炒蛋，蟹肉份量都幾多，淡淡鮮味。食嘅時候加入青醬汁一齊食，更加提鮮。芝士蛋糕&Tiramisu最後食埋跟餐嘅甜品，兩款都好食，芝士蛋糕口感綿密，香濃芝士味， Tiramisu幼滑，咖啡香氣同埋酒味恰到好處。我哋食得好滿意。…查看更多

2025年11月8日 星期六呢個週末同屋企人一齊去咗黃埔行街周圍玩，不知不覺就玩到夜晚，一於決定喺黃埔食埋飯先走，咁岩喺海旁發現呢間泰國餐廳，充滿外國風情，決定入去試下餐廳分為室內同室外，兩個區域都可以清楚見到成個維多利亞港，充滿特色同夠晒氣氛，由於當日比較大風怕小朋友會著涼，所以我哋就揀咗室內用餐，空間都好大，枱與枱之間有足夠距離，唔會坐得好迫夾餐牌分為tasting menu同散叫，有好多款唔同嘅泰國菜式可以選擇，價錢都唔算太貴，但由於好多食物都想食，唔知點揀好，最後決定點tasing menu，每樣都可以試下等左一陣食物就開始陸續送到，首先有牛肉他他，生牛肉切得細緻滑嫩，混合香料同醬汁後入口非常鮮美，完全冇腥味，反而有種清爽既層次感底層既醬汁微酸微甜，令到整體味道更有深度配上脆卜卜既麵包片，一啖牛肉一啖麵包，口感豐富又有層次之後有鮮蝦芒果米紙卷，米紙薄得嚟唔會黐口，包住爽脆蔬菜、鮮甜芒果同彈牙蝦肉，一啖咬落去有種夏天嘅感覺芒果嘅果香同蝦嘅鮮味互相襯托，蘸埋旁邊酸酸甜甜嘅醬汁，口感層次即刻升級到小食有香脆魚柳夾餅，魚柳炸得外脆內嫩，冇油膩感，咬落去仲有啲微微香料味配料方面有紫椰菜、醃洋蔥同酸甜醬汁，啖啖都好有層次，酸香中帶少少辣，好醒胃餅皮係柔軟嘅墨西哥式夾餅，唔會搶味，反而令到餡料更突出另一款小食就係蟹肉餅配蟹籽及是拉差醬，蟹肉餅外層煎到金黃香脆，入面係滿滿蟹肉，冇太多粉漿，食落去啖啖鮮味，上面仲鋪咗一層橙色蟹籽，爆開時有種海水鹹香，令口感更豐富旁邊係拉差醬，唔算太辣，反而有啲微甜同煙韌感，配埋蟹肉餅一齊食，味道好有 punch主菜有蜆肉墨汁扁意粉配大蒜蛋黄醬，扁意粉煮得啱啱好，煙韌唔黐牙，帶住淡淡海水味蜆肉新鮮飽滿，啖啖都食到海鮮嘅鮮甜，配埋大蒜蛋黃醬，香濃得嚟唔會太膩，仲有啲微微辣勁啲彩椒同蕃茄粒唔止加色彩，仲有清新果香，令呢道菜由頭到尾都好有節奏感呢個就係青咖喱熟成和牛，熟成和牛切得厚薄適中，煎到外層微焦，入面仲保持粉嫩多汁，牛味濃郁得嚟唔霸道底下鋪住香濃青咖喱，椰香同香料味交織，唔會太辣但好有層次紅油點綴令味道更立體，成碟嘢係西餐擺盤加泰式靈魂，好有 fusion 風甜品我地要左芝士蛋糕配雜莓汁，蛋糕質地綿密滑順，唔會太膩，芝士味濃而不霸道，入口有種輕盈感面層微微焦香，帶出焗製嘅層次，配埋酸甜嘅雜莓醬，紅莓果香即刻提味，令整體味道更有動感，一啖蛋糕一啖醬，甜中帶酸，食完唔會滯最後點少得有芒果糯米飯，糯米係翠綠色，應該係加咗斑蘭葉，食落去香氣自然，口感煙韌唔黐牙芒果切得厚身又熟透，果香濃郁，甜度啱啱好，淋上椰漿後，甜中帶鹹，好有泰式特色今餐真係食得非常滿足，無論味覺同視覺都好享受…查看更多

星期六中午同屋企人去咗黃埔海旁間泰式西餐廳食Brunch，同時食泰菜加意大利菜，望住海景食，$238一set，性價比唔錯，食物款式精緻，特別係前菜超多🍽️ 前菜小食 🦪 法國生蠔2隻- 新鮮無腥味，分別有兩種醬汁-百香果汁、紅酒醋，都幾特別，個人口味覺得加少少就好，百香果汁好啲，冇咁酸🥭🥑 牛油果芒果米紙卷- 清爽健康好味，打卡一流📸 🦐 柚子蝦沙律- 清新開胃，柚子酸甜配蝦肉彈牙，好醒神！🐟三文魚他他- 滑溜，配埋香草油🔥 熱食小點松露火腿多士Bikini- 松露好香好食🤤芝士控必食！🦐蒜香蝦Gambas- 蝦肉爽口，蒜香撲鼻，有少少辣 雞肉沙嗲串- 香料味濃，好惹味🌮 魚柳墨西哥夾餅Fish Taco- 墨西哥風味，一口size，較香辣主菜🐟 Grilled Halibut served with Mashed Potatoes香煎比目魚配薯蓉- 煎得香脆，魚肉嫩滑👍👍推薦🍝 Penne Wagyu Bolognese 和牛肉醬長通粉- 肉醬濃郁，口味比較偏濃味泰式奶茶- 香甜唔膩，解渴一流 甜品🍫 Tiramisu- 好食😍滑溜香濃，咖啡味突出🥭🍚 芒果糯米飯- 甜而不膩，糯米煙韌…查看更多

講到香港週末Brunch，紅磡呢間泰式fusion坐落維多利亞海邊，最正就係有室外坐位坐低即刻被180度無敵維港景包圍——藍天白雲配住海風無論影景、影食物定自拍，光線都靚到唔使執相重點係$238嘅Brunch set竟然包埋前菜、小吃、主菜、甜品同飲品分量同質素都超驚喜，簡直抵到爛！經典凱撒沙律沙律菜新鮮爽脆，芝士碎同麵包粒香脆淋上濃郁凱撒醬，酸甜平衡唔會膩柚子乾蝦沙律柚子嘅清甜配埋乾蝦嘅鹹香，口感層次好豐富三文魚他他三文魚切得厚身，混合埋洋蔥、青檸汁，鮮味又唔腥牛油果芒果米紙牛油果綿密、芒果香甜，米紙卷薄而有韌性咬落滿口果香+薄荷嘅清新 開胃一流雞肉沙嗲串烤得焦香，肉質嫩到多汁，沙嗲醬濃香又帶少少微辣魚柳墨西哥夾餅外層薄餅香脆，夾住沙律同甜辣醬入面魚柳鮮嫩無骨油蒜大蝦蝦肉彈牙爽口，多士吸晒油蒜同香草嘅香味 勁邪惡泰式蝦餅外層脆卜卜，入面滿滿都是蝦肉，彈牙多汁蘸埋泰式甜辣醬，酸辣開胃西班牙乳豬乳豬皮烤得金黃酥脆，咬落 咔嚓 聲超治愈皮下脂肪唔多，肉質嫩到爆汁牛扒煎蛋配薯條牛扒外皮焦香，內裡粉紅色，嫩到切開有肉汁流出配上香煎太陽蛋，蛋黃流心拌住薯條，鹹香十足芒果糯米飯芒果新鮮香甜、肉厚多汁，糯米吸滿椰汁，綿密不黏牙藍莓芝士蛋糕creamy到痹，芝士味濃郁但唔會過甜，底層餅乾碎香脆，配上酸甜藍莓醬，平衡得好到位泰式奶茶，茶味同奶味均衡，甜度適中，絲滑順喉$238可以坐室外位歎到180度維港靚景仲有咁豐富嘅泰Fusion Brunch從前菜到甜品無一踩雷無論係同閨蜜打卡、同男友拍拖定係家人聚會都超適合！海風吹住，靚景睇住，美食食住呢種週末先叫真正嘅chill～…查看更多

經過黃埔海邊，見到之前間餐廳The Bayside變左O’Thai，除左保留左以前西班牙菜，仲加入泰菜元素，就決定入去嘆個泰意西fusion晚餐。餐廳坐落喺黃埔海邊，室外座位直望維港180度海景，晚市時段尤其有氣氛。室內用落地玻璃設計，環境光猛又唔焗促，想chill啲可以揀戶外座位，仲有live band，可以邊食邊吹海風。柚子大蝦沙律沙律汁酸酸甜甜，柚子清新又Juicy同大蝦好夾。大蝦啖啖肉，彈牙又爽口，口感好有層次，開胃一流。香煎比目魚配紅咖哩魚件大塊，肉質嫩滑，紅咖哩醬汁好入味，椰香微辣，帶少少鮮甜。魚肉加紅咖哩，送飯一流。和牛肉醬意大利寬條面和牛肉碎好Juicy，肉味濃郁入味，麵條煙韌好Q。脆皮乳豬配馬鈴薯外皮薄脆、內裏肉質香嫩，帶有微微脂香。切件時啱啱好唔會過厚，啖啖肉，食落好冧，果然係signature 嘅菜式。釀墨西哥辣椒辣椒塞入芝士後燒香，外層微辣，芝士流心超惹味，咬落去有少少微辣，好適合做小食配酒。西班牙蒜油大蝦蝦煎到啱啱好，肉質爽口，外層微微焦香，蝦膏同醬汁又香又惹味，啖啖肉食落好爽，鍾意辣嘅朋友可以蘸多啲汁。無蛋開心果忌廉蛋糕賣相好吸引，蛋糕好creamy好有口感，但一d都唔膩，開心果香氣好突出，夠晒層次。…查看更多

呢間餐廳主打泰式fusion菜，有無敵海景做背景，仲有戶外位，成個feel好chill好有度假feel！✨ 前菜同串燒，開胃度爆燈！1. 柚子沙律配大蝦 (Pomelo Salad with Prawns) $158 🦐好清新嘅香茅同青檸味。柚子肉一絲絲，首先係柚子嘅清甜同微酸，再嚟係泰式香料，辣度係溫和嘅，好開胃！大蝦爽口彈牙，份量都唔少2. 香茅油甘魚刺身 (Lemongrass Hamachi Ceviche) $178 🐟 油甘魚上面鋪滿咗五顏六色嘅雜椒粒同香草。魚肉新鮮，但最特別係佢個醬汁，唔係平時食開嘅日式醬油，而係帶有濃郁香茅同少少魚露香嘅泰式汁，再夾埋菠蘿粒嘅酸甜3. 雞肉串燒 (Chicken Satay 4pcs) $138 🍢 串燒嘅雞肉燒到好香，肉質好嫩滑，一啲都唔柴。但個靈魂係佢個沙嗲醬！佢哋嘅沙嗲醬花生味好濃郁，口感好幼滑，甜度同鹹度都控制得好好，唔會死甜。點埋個醬食，真係好傳統嘅泰式風味，鍾意沙嗲嘅朋友唔會失望。🤤🍜 主食推介，啖啖肉夠滿足！4. 和牛紅咖喱配飯 (Wagyu Bavette w/ Red Curry) $278 🥩和牛板腱燒到medium rare，中間仲係粉嫩色，牛味濃郁，肉質好軟腍。重點係個紅咖喱，顏色好靚，椰奶味勁香濃，但辣度比平時泰式紅咖喱溫和一截，多咗份香料嘅複雜同鮮甜，撈飯食一流！😋5. 和牛河粉 (Wagyu Beef Soup Noodle) $158 🥣個湯底睇落好濃色，飲落去係有少少藥材香嘅牛肉湯，好入味。和牛片有幾塊，輕輕灼熟，保持到肉汁6. 蟹肉炒飯 (Crab Fried Rice) $178 🦀炒飯炒得粒粒分明，乾身唔油膩，飯粒仲有蛋香…查看更多

中午同屋企人嚟到黃埔海旁呢間主打泰式西餐嘅餐廳食 Brunch，仲有戶外位，望住 180° 維港靚景，吹住海風好chill～前菜法國生蠔（2隻）鮮甜無腥味，配百香果汁或紅酒醋柚子乾蝦沙律好refresh！柚子肉酸酸甜甜，佐微辣泰式醬汁，非常開胃。油蒜大蝦蝦肉大隻爽口，蒜香味濃郁，帶點微辣，好香好惹味！雞肉沙嗲串雞肉唔會乾柴。沙嗲醬帶花生香，少少香料味。主菜三文魚扒青咖哩三文魚煎至外層微脆、內裡嫩滑。 青咖哩香辣度適中，椰香濃郁但唔膩，拌飯一流。熟成和牛牛味濃郁、肉質軟嫩，熟度控制得好。 切開仲有肉汁，仲有烤蔬菜伴碟、平衡返和牛嘅濃厚油香。甜品提拉米蘇咖啡味香濃、口感軟滑，甜度適中。開心果蛋糕開心果偏淡但唔會太甜，口感綿密…查看更多

呢度嘅戶外環境有海景㗎 ！唔使過海都有海景睇一路食飯正！仲可以泰菜同意大利菜一齊揀添！好多款式，仲要營業到凌晨一點！🤩炸軟殼蟹配辣椒蒜蓉 軟殼蟹炸得夠晒香口，外層金黃酥脆🔥配埋辣椒蒜蓉既香又惹味，少少辣勁啱啱好，仲帶啲蒜香🦀🤩燒豬頸肉配辣浪漫子醬 表面微微焦香，內裡又嫩又juicy，帶住少少油香味，真係一流！😌🤩蟹肉忌廉咖喱配香脆長棍法包 蟹肉鮮甜得嚟份量十足，咖喱醬又濃郁又幼滑，仲有少少椰香味，超正！🥥🦀🤩西班牙八爪魚配泰式紅咖喱 八爪魚爽口彈牙，煮得啱啱好，唔會太韌！🐙配埋泰式紅咖喱，辣味同香料味都好平衡🌶️🤩慢煮熟成和牛配紅咖喱 和牛嘅肉質真係冇得輸🥩❤️紅咖喱味濃但又唔會搶咗和牛嘅風頭，兩者融合得嚟好有層次🔥🤩泰式大蝦炒金邊粉 金邊粉炒得乾身又唔會太油，仲有陣陣鍋氣！🍝😚大蝦新鮮彈牙，啲調味重有泰式嘅酸辣風味🦐🍋🤩泰式炸蝦餅配甜梅子醬 炸蝦餅外脆內嫩✨配埋甜甜嘅梅子醬🦐💛🤩洋甘菊茶 最後用呢杯洋甘菊茶完美收尾～茶香清新又舒服，飲完感覺整個人都放鬆晒，真係好chill～🌼☕…查看更多

位於黃埔海濱，呢間酒店旁既酒店，又得食泰國菜 x 西班牙菜，環境夠曬chill，而且室外環境仲可以望住海，視野超好，想搵間望海景餐廳傾下計，一定要嚟試下！Tasting Dinner Menu🌈薄切油甘魚🌈牛肉他他鮮嫩牛肉，彷似吞拿魚蓉，配合香口法包，好食！🌈鮮蝦芒果米紙卷好清新，芒果味超正，真係開胃。🌈法國生蠔（2pcs）（+60）新鮮肥美，略帶海水味，加點調味，完美呈現鮮味。🌈香脆魚柳夾餅口感軟綿绵餅皮，夾住香脆魚柳，配有沙律醬，味道出眾，讓人回味。🌈蟹肉餅配蟹籽及是拉差醬外脆內嫩，炸蝦餅外脆內軟，口感唔太油膩。🌈和牛肉醬長通粉肉醬意粉真係超多汁， 一啲都唔乾，而且入面啲和份量唔少，多重口感，推薦點呢個長通粉。🌈扒三文魚配薯蓉賣相精緻，慢煮後再將外層煎香，亦保留三文魚油，非常美味。🌈芝士蛋糕配雜莓汁蛋糕輕盈柔滑，甜度恰好。🌈經典提拉米蘇內裏蛋糕體濕潤不乾，奶油豐富。🌈Singapore sling (H/H)🌈Cranberry甜甜的果汁，這杯正合我心意! …查看更多

星期六中午同屋企人去咗黃埔海旁間泰式西餐廳食Brunch，同時食泰菜加意大利菜，望住海景食，$238一set，性價比唔錯，食物款式精緻，特別係前菜超多🍽️ 前菜小食 🦪 法國生蠔2隻- 新鮮無腥味，分別有兩種醬汁-百香果汁、紅酒醋，都幾特別，個人口味覺得加少少就好，百香果汁好啲，冇咁酸🥭🥑 牛油果芒果米紙卷- 清爽健康好味，打卡一流📸 🦐 柚子蝦沙律- 清新開胃，柚子酸甜配蝦肉彈牙，好醒神！🐟三文魚他他- 滑溜，配埋香草油🔥 熱食小點 雞肉沙嗲- 香料味濃，好惹味🦐蒜香蝦Gambas- 蝦肉爽口，蒜香撲鼻，有少少辣松露火腿多士Bikini- 松露好香好食🤤芝士控必食！🌮 魚肉Taco- 墨西哥風味，一口size，較香辣主菜🍝Wagwu Penne Bolognese- 肉醬濃郁，口味比較偏濃味🐟 比目魚扒- 煎得香脆，魚肉嫩滑泰式奶茶- 香甜唔膩，解渴一流 甜品🍫 Tiramisu- 好食😍滑溜香濃，咖啡味突出🥭🍚 芒果糯米飯- 甜而不膩，糯米煙韌🏷️ O'Thai Restaurant (紅磡) 📍紅磡德豐街18號黃埔花園地下G1A號舖 …查看更多

這間餐廳可以同時order泰菜與西菜，而且有現場演唱，非常好氣氛。 🐟 薄切滷甘魚配香茅油醋汁，酸香清爽，芒果莎莎點綴其中，口感層次豐富。🍤 泰式炸蝦餅外酥內彈，蟹肉鮮甜，甜梅子醬酸甜開胃。🐷 燒豬頸肉配辣羅望子醬，肉質彈牙，非常 juicy , 醬汁微辣帶酸。🥩 和牛配黑松露醬及有機蘿蔔，入口即化，油脂香氣與松露的濃郁完美融合，蘿蔔清甜更添一抹清新。 🥬 牛油蘆筍爽脆不失柔嫩，牛油香氣恰到好處， 唯獨我覺得有少少偏鹹。 🍫 朱古力心太軟配雲厘拿雪糕濃郁爆漿，不太甜，啱香港人口味。 Live music~ 女聲唱得幾好！ …查看更多

跑步為咗食嘢 食嘢為咗跑步 你認同嘛？跑完步走到海旁附近餐廳醫肚✌🏻 戶外位置有醉人影色 夜少少景色更優美 配合埋樂隊坐陣 人生就該如此寫意🫶🏻喜歡嘆空調的為食妹 轉眼間已經衝入餐廳坐低 靜靜地看着餐牌了😬餐廳提供泰國菜🇹🇭及意大利菜🇮🇹可以一齊點選🥳加上營業時間至凌晨1點 係米開心仔先🤩✨薄切油甘魚配香茅油醋汁油甘魚經過油醋醃製 配以芒果莎莎 醒神開胃 作為前菜相當不錯💥✨蟹肉餅餡料滿滿 鮮味十足✨鮮蝦芒果米紙卷米紙晶瑩剔透 包裹著爽甜蝦肉、鮮甜芒果🥭、蘿蔔絲、雞蛋🥚配料 蘸上酸甜醬汁 清爽開胃🤤✨龍蝦堡有一件/兩件選擇 一開始諗住點一件 一路食一路後悔點解點咗一件咁少😅 麵包烘得香脆 牛油🧈香氣四溢😮‍💨夾著滿滿龍蝦肉 一啖咬落去 幸福感爆棚🫶🏻✨綠咖喱大蝦（5件）配時蔬我真係好鍾意食笑哈哈 一開始以為喺原隻大蝦 上枱嗰刻見到係蝦球有少少失望 不過蝦肉爽口彈牙 我都好滿足😍咖喱配飯或者薄餅應該一流✌🏻✨泰式大蝦炒金邊粉今晚真係哈哈蝦🍤金邊粉炒得幾乾身😝我很可以😌最怕一pat pat濕笠笠 伴以花生碎🥜砂糖辣椒粉🌶️ 口感層次豐富👍🏿✨芒果糯米飯甜品永遠係第二個胃✌🏻如果配埋椰漿咁就冇得輸😬✨開心果雪糕🍧椰子雪糕🍧✨椰青食泰國菜飲椰青是常識吧😎…查看更多

這家餐廳真的挖到寶了！環境舒適又寬敞，戶外座位直接擁有 180 度維港靚景，吃飯時賞著海景，心情都變得捨意🥰。套餐前菜能選兩款超加分，柚子乾蝦沙律清爽解膩，泰式蝦餅外脆裏彈，法國生蠔鮮甜無腥，香煎鵝肝脂香濃郁，口感一流😋！主菜我們叫了扒三文魚配泰式青咖哩還有熟成和牛口。三文魚肉嫩而不柴，咖哩香氣獨特，配上一碗白飯，好滿足👍🏻！熟成和牛口感軟嫩多汁，甜點也沒掉鏈，經典提拉米蘇酒味適中、口感綿密。芒果糯米飯果香與米香融合，甜而不膩。景靚、菜正、選擇豐富，不管約會還是聚餐都很合適❤️～…查看更多

由泰國廚師團隊親自主理，帶來原汁原味的泰式風情，景觀與美食雙重享受。唔只泰菜仲可以點意大利菜嫁。👍推介：招牌菜 - 慢煮熟成和牛配紅咖喱或青咖喱當慢煮的極致柔軟，遇上咖哩的狂野辛香。和牛的油脂香，在舌尖融化沸騰。yummy！泰式蟹肉炒飯 金黃飯粒裹滿泰式香料，鑊氣十足！大口蟹肉鮮甜爆擊。這碗和牛船麵，是濃郁湯底與軟嫩肉片的完美二重奏。泰式生蝦 晶瑩剔透的鮮蝦，邂逅泰式酸辣靈魂醬汁。甘甜與辛辣在舌尖引爆，一試上癮。薄切油甘魚配香茅油醋汁油甘魚的豐腴甘甜，邂逅香茅的東南亞清新。一口冰涼，一抹酸香，層次感在口中輕盈綻放。芒果糯米飯香甜芒果遇上椰香糯米飯，冰與暖在舌尖共舞。一秒帶你回到泰國街頭的甜蜜瞬間！兩種空間體驗
✴️室內冷氣座 - 精緻泰式裝潢與舒適氛圍
✴️室外海景座-微風輕拂的浪漫用餐體驗無論是甜蜜約會或溫馨家聚，這裡都能找到專屬的完美角落！營業時間至凌晨1點 ，慢慢享受喔！ …查看更多

好小見啲食肆係無「負皮」，行開黄埔，一於試吓佢⋯⋯叫咗個～船麵，蟹肉炒飯，蒜蓉辣椒炒軟殼蟹，雞肉嘅生菜包。船麵正常濃湯底，炸豬皮，牛丸等，味道正常，係牛丸無驚喜（因為唔係彈牙果隻）。雞肉生菜包，唔夠辣，可能係落咗啲「青檸汁」，所以酸酸哋，酸酸哋嘅生菜包，個人覺得嘛嘛。蒜蓉辣椒軟殼蟹，反而呢個炸得唔錯，送酒一流。蟹肉炒飯～夠鑊氣，蟹味香氣四溢，夠乾身，不俗。加杯咖啡，埋單$759回頭度～7/10其實間嘢係一半西餐酒吧同一半泰菜，其實仲有好多選擇，另外當晚有live band 所以現場氣氛不錯，價錢係略高，但食物質素係比一般的高小小.算物有所值。本人純粹食後分享，絶無收受任何利益及優惠，亦願意承擔所有責任。…查看更多