L'AMOUR

餐厅好近太和街，位置唔多但都坐得舒服。我地weekend 中午黎食系差唔多满座，所以最好book定枱。话明系Oyster Tasting Menu，当然有靓靓生蚝食。日本，法国同澳洲生蚝各两只。大大只生蚝见到已经胃口大开。日本生蚝比较有浓郁的海洋风味，食个鲜味。法国生蚝就层次比较丰富，肉质柔滑，我最钟意！澳洲蚝肉身肥美而口感鲜甜，比较有余韵。各款都各有特色，唔太食生冷野嘅妈咪都食晒三只！法国餐嘅餐汤都值得期待，今次我地试左龙虾汤同「是日手工浓汤」 。龙虾汤好浓郁，不过最惊喜系今日嘅鱼汤，超鲜甜，仲有啖啖鱼肉。我地冇另外加钱升级Starter，拣左「是日沙律」，事实证明都系冇拣错，全部都系新鲜食材配搭嘅厨师推介。主菜分别食左「法式日本A5和牛肉眼」 同 「北海道有机南瓜带子薏米饭」。所谓法式和牛系指将法式料理的烹调技巧运用于日本和牛上，呢种食法都系第一次，一样能展现和牛独特的油花与肉质风味。和牛再配上三色南瓜泥，薯仔泥同蕃薯泥，等于一牛三食，非常有新意。最后仲有一人一大块靓靓又好味嘅芝士蛋糕，妈咪食唔晒，我一个人食晒1.5块就知我有几咁钟意…查看更多

推介晚市套餐，可以自己拣要2/3/4 courses，第一次见餐厅咁样安排相对上有弹性👍Tokyo ice tea鸡尾酒口感清新，酒精味唔重所以好易入口，卖相好得意有个气泡，推介比喜欢小酌同打卡既朋友仔👐是日餐汤系周打蚝忌廉汤，味道浓郁够晒creamy, 海鲜味同忌廉平均，另外加钱点左法式花胶浓汤比刚病好既朋友滋润下，花胶鲜甜👍前菜点左塔斯曼尼亚海胆多士，海胆出色，浓浓既胆鲜配脆口多士，仲有法式焦糖鹅肝挞都大推，第一次食鹅肝挞原来咁夹，甜度适中，口感有啲似奶油布甸😁轮到主菜真心一定要试个招牌法式鹅肝牛柳，原片鹅肝劲大块，煎得外皮微脆，入口即融，而我就点左传统法式油封鸭髀配焦糖苹果，油封鸭髀本身喺香港已经好难揾，而且仲要整得咁出色，大家真心要嚟试吓，表皮香脆，鸭髀煮得好够稔，加啲烧汁就更加惹味，想讲佢连配菜个焦糖苹果同薯蓉都好好味❤️限定甜品系Tiramisu，baley 酒香味浓郁，可可粉同蛋糕完美融合，配酸酸甜甜既杂果，is a perfect ending of the night🤓…查看更多

型男发型师放假我地揾左间高质浪漫嘅西餐拍拖仔，一入门已经觉得好有Feel 大大朵打卡花超吸精。L'AMOUR Dinner Set🍲 黑松露蘑菇汤 ～ 我地本身都喜欢黑松露那份独有香味，入口又有蘑菇碎。✡️ 秘制油渍吞拿鱼 ～ 经油渍后鱼肉更柔软美味层次丰富，能提供极致嘅味蕾享受。✡️ 焦糖法式炖鹅肝 ～ 上层嘅焦糖香脆甜中带咸，下层鹅肝极度绵密入口即化，充满浓郁丰厚嘅鹅肝香气。✡️ 传统法式牛柳 ～ 口感极软嫩肉质细致，有丰富嘅肉汁同淡淡的焦香感。✡️ 烧西班牙黑毛猪鞍 ～ 黑毛猪有橡果嘅天然坚果香气，脂肪分布平均，细致油花带来入口即化又有紧实爽嫩嘅双重口感，肉味浓郁但又唔油腻。🥧 南瓜芝士蛋糕 ～ 芝士蛋糕味道唔会过甜，好啱我胃口。专登同侍应讲我地想画飞鼠加写字服务，佢地都提供到， 亦画得好可爱，成餐饭好满足又 sweet 🥰。另加✡️ 塔斯曼尼亚海胆多士 ～ 必点之选海胆超级香甜creamy，夹住下层脆卜卜多士好夹。✡️ 季节时令法国生蚝 ～ 带有海水嘅咸鲜，又有奶油般滑顺嘅甘甜，口感一流。🍹 Blue Angel 😇 ～ peach 🍑 syrup , blue curacao 7-up🍹 Bumble Bee ～ Grenadine, orange juice, soda water…查看更多

平时行过望见都觉得好浪漫, 👻谂住当提早庆祝圣诞忍唔住book 黎试吓,🤭 望落去好似有啲贵, 但系食完觉得值回票价, cp值得㖞 🍞极品海胆鱼子酱多士~ 第一碟上嚟个卖相已经好靓😅忍唔住要劲打卡！ 鱼子酱> 少少咸海鲜味, 海胆>鲜甜, 加埋多士>脆卡卡, 成件事一齐放入口，好多层次好夹㖞🤣 加块金箔成件事高贵哂🐽猪慢煮西班牙黑毛猪鞍，焦糖苹果~ 个摆盘又甘靓, 猪鞍外焦香内软软地, 苹果片面焦糖脆卜卜，份量啱啱好小小脆攞咗个口感唔难咬唔黐牙刚好, 甜到啱啱好适合我呢啲少糖人士😝🐮香煎法国鹅肝.A5日本和牛肉眼～crazy 丫😁碟碟摆盘都要谋杀人哋部相机🤣仲唔重覆！和牛同鹅肝软熟好香, 不过比隔篱三色蓉吸引🤩南瓜蓉.紫薯蓉.薯蓉🫕一次过满足三个味道～～正🍟巴马臣芝士黑松露薯条～黑松露酱好夹芝士同薯条, 松露酱好香, 连薯条都正, 出边少少脆里便好软熟🥔一啲都唔马虎🍺👍🏻LM beer👍🏻～😍个人觉得佢唔会有啤酒平时嘅苦涩味, 我觉得多咗阵肉桂味🫚平时唔饮啤酒嘅都忍唔住饮咗半杯🤭🍸👌🏻Bumble Bee～杯饮品好靓, 有个气泡波波喺上面, 样靓啱晒打卡📸！ 石榴+橙+soda water 🍸mix埋又真系几好饮❣️🛋️环境：地方唔算大，不过卡位sofa坐得好舒服, 令人有种放松感觉, 好适合拍拖倾偈💰 : $1600/👩🏻👨🏻‍🦳🍴L'AMOUR (太和)🚙太和大埔太和路15号太和中心地下38号舖@ 揾定藉口再食😏🤞🏻🤞🏻🤞🏻🤞🏻🤞🏻👻大Ki@嘴馋姐妹趴趴吃#大埔 #L’AMOUR #法国菜 #西餐 #精致菜 #拍拖约会 #打卡 #Fine Dining25/11/2025…查看更多

估唔到大埔都有咁高质嘅西餐！最近同Bae去咗大埔L'amour撑枱脚，环境劲有feel，灯光柔和，啱晒拍拖纪念日！佢个Set Lunch真系CP值爆灯，食物水准超高，即刻同大家分享下先！我哋叫咗 **手工黑啤龙虾汤**，超浓郁，啖啖龙虾鲜甜味，好creamy！前菜先嚟个重头戏 - **鱼子酱海胆多士**！OMG！个海胆新鲜到好似喺北海道食紧咁，超级creamy，配埋卜卜脆嘅多士，口感一流，真心无得输！另外试埋 **焦糖法式炖鹅肝**，入口即溶劲邪恶，仲有 **秘制油渍吞拿鱼** 同 **法国生蚝**，全部都好高质！Main course我哋拣咗 **威灵顿牛柳**，一切开个酥皮劲香脆，完全无soggy！入面嘅蘑菇酱香到癫，牛肉超juicy超稔，熟度啱啱好，高水准之作！朋友叫嘅 **香煎鹅肝配A5和牛** 都系超屈机，和牛油香满泻，入口即化！食到尾声点可以无甜品？个 **苹果酥** 系我人生食过最好食，冇夸张！热辣辣嘅苹果蓉配埋脆卜卜嘅金宝，加一啖雪糕，冰火交融，呢个真系世一！必点！芝士蛋糕都好rich，再配杯Sangria，perfect ending！总括嚟讲，L'amour无论系食物质素、环境定服务都好掂，大埔友又多个好选择啦！绝对会再encore！…查看更多