1
我哋叫咗 **手工黑啤龍蝦湯**，超濃郁，啖啖龍蝦鮮甜味，好creamy！
前菜先嚟個重頭戲 - **魚子醬海膽多士**！OMG！個海膽新鮮到好似喺北海道食緊咁，超級creamy，配埋卜卜脆嘅多士，口感一流，真心無得輸！
另外試埋 **焦糖法式燉鵝肝**，入口即溶勁邪惡，仲有 **秘製油漬吞拿魚** 同 **法國生蠔**，全部都好高質！
Main course我哋揀咗 **威靈頓牛柳**，一切開個酥皮勁香脆，完全無soggy！入面嘅蘑菇醬香到癲，牛肉超juicy超稔，熟度啱啱好，高水準之作！
朋友叫嘅 **香煎鵝肝配A5和牛** 都係超屈機，和牛油香滿瀉，入口即化！
食到尾聲點可以無甜品？個 **蘋果酥** 係我人生食過最好食，冇誇張！熱辣辣嘅蘋果蓉配埋脆卜卜嘅金寶，加一啖雪糕，冰火交融，呢個真係世一！必點！芝士蛋糕都好rich，再配杯Sangria，perfect ending！
總括嚟講，L'amour無論係食物質素、環境定服務都好掂，大埔友又多個好選擇啦！絕對會再encore！
