女友人WK之前约我食生日饭，咁等我同老公旅完行返嚟至食啦，就约29-9-2025 （Mon）晚嚟我哋食过嘅呢间食（上次食评系2025年8月12日提交嘅呢篇：https://www.openrice.com/zh/hongkong/review/y-%E4%BD%90%E9%85%92%E9%B9%B9%E9%A3%9F-e6154279），其实都提咗佢呢间唔平，不过佢OK就得。咁我book呢晚7：30啦，贪系平日唔多人，应该唔会再有人等位而要快快交枱，就可以倾耐啲。我哋准时嚟到，都只系9成full，坐低睇埋menu，WK都想试我哋上次食$348.00嘅招牌火焰桂花啤酒鸡，同$398.00起嘅pizza二人套餐。我哋拣咗：1. 黑松露牛肝菌蘑菇汤同上次一样，有蒜蓉多士跟，味道够同滑，但WK唔钟意有啲滑潺潺嘅粒粒。而蒜蓉多士未拎上手都断咗，不过今次唔太硬。3分2. 慢煮鸡胸胡麻沙律鸡胸算嫩滑，胡麻沙律口感同味道都正常。4分4. - 5. 叫套餐，以正价75折叫嘅饮品我同老公饮活乳酸草莓果蓉梳打，WK要活乳酸粒粒百香果梳打少冰，两杯正价$48.00，即$36.00一杯。活乳酸草莓果蓉梳打唔会太酸，味道正常。3分3. +$18.00嘅明太子雪山芝士炸薯条可以拣走辣粉，但唔拣，因为唔想老公同WK就晒我唔食辣。嚟到大大兜，见到有芝士碎，紫菜丝同木鱼丝，食落，薯条热腾腾，明太子酱正常，加紫菜同木鱼嘅咸香，都几好味，辣粉都落得唔多，所以唔会太辣；亦可惜明太子酱唔够，我哋问店员攞，佢答系standard，只可拎茄汁俾我哋。我哋谂，知道明太子酱贵，所以要加钱，但系咪应该俾足够？因为只系面𠮶浸有，虽然佢嘅薯条就算唔蘸酱食都好食。5分6. 松露牛肝菌鸡肉芝士薄饼拎到嚟同样嗅到好香松露味，pizza虽然唔系厚批，但仍有啲厚度，唔似饼干咁，而且口感唔错，几好食，WK都赞。5分7. $348.00嘅招牌火焰桂花啤酒鸡店员同上次一样咁做，今次食到蜜糖嘅甜味多于啤酒嘅甘，但冇上次咁咸，亦都juicy，但我食鸡髀就食到辣味。5分服务：呢喥一定要用QR code落单，因为我哋睇饮品menu时，见到活乳酸饮品下面写住冻饮加$3.00，活乳酸梳打都有热？所以叫店员嚟落单顺便问，店员唔清楚有冇热，佢就叫cashier答，cashier答只有冻冇热，价钱亦都系冻饮价。店员亦唔似上次𠮶个咁，上招牌火焰桂花啤酒鸡时主动叫我哋预备手机录影。3.5分抵食系2.5分…查看更多
