呢到裝修超有藝術感，五顏六色嘅牆壁同燈光，坐落嚟即刻覺得浪漫又放鬆，座位又夠闊落。
1
點左個手工Pizza Set，好抵食，份量多！🍕✨
手工Pizza Set包括餐湯，沙律，主菜同飲品。餐湯揀左法式龍蝦海鮮濃湯，湯底濃郁鮮美，龍蝦肉彈牙又有海鮮香；黑松露牛肝菌蘑菇湯，菌菇味濃郁，入口滑順，唔油膩，飲落去暖笠笠👍。
之後係慢煮雞胸胡麻沙律，雞胸一d都唔鞋口，仲有少少淋，胡麻醬汁酸甜開胃，好味！🥗
手工Pizza套餐有好幾款pizza可選，我地揀左松露牛肝菌雞肉芝士pizza，餅底薄脆可口，餡料十足又香氣撲鼻，口感豐富。
大推加配雞翼拼盤，有3種口味雞翼，多汁嫩滑，香脆滋味。咸蛋黃，和風同蜜糖芥末，我3款都鐘意，熱辣辣又惹味，食唔停。
另一個蘭王蛋松露煙腩卡邦尼QQ捲意粉，我地見隔離檯食又跟點，確實好味道，卡邦尼口味本身已經好味，再加蘭王蛋就更香濃，仲要搭配QQ彈牙嘅捲捲意粉，口感味道都好滿足。
最後一定要點埋甜品，除左有畫碟，蛋糕係堅高質！開心果奶蓋巴斯克蛋糕濃濃開心果味，蛋糕香濃綿滑，再加上餐廳精緻擺碟同畫公仔，鮮花點綴，職員仲幫我地影相，太好服務。
