Hidden和洋食屋

营业中

休息中

我是在2024年3月6日中午點到貴餐廳用餐的客人之一。我非常失望和不滿貴餐廳的服務態度，特此向你投訴。首先，服務員的語氣和表情都很不禮貌，我們點了鯖魚定食套餐，點完才告訴沒有味噌湯，我們向服務員反映這個問題，他卻說沒有補償，還說在餐牌上已經說明，但我在餐牌上沒有看到任何指示。我們要求他拿出點菜單來核對，他卻說重複說沒有就沒有，態度10分差，。他的態度非常粗魯和不尊重，完全無視我們的權益和感受。☹️☹️☹️☹️

同公司食飯去咗呢一間樓上Cafe。嘩估唔到入邊好多驚喜，因為外邊嘅裝修以木色為主而且又唔少日本懷舊海報好似去咗日本居酒屋，而且坐得好舒服位置都好空曠。咁嗰日就試咗三文魚，明太子茶漬飯我自己本身就好鍾意食三文魚嘅，我覺得佢都煎得幾油香同埋魚肉都夠潤滑，而且仲有三文魚子配搭我覺得好好食再加埋個茶個感覺咁另外仲叫咗個秘製煎牛舌飯個牛舌好牛牛香同埋好厚切好煙靭而且個汁都好夠味我自己覺得好好味咁另外仲嗌咗個溫泉蛋隻燒三文魚牛油果飯望落去就好健康，但係呢嗰日嘅牛油果都好新鮮我都覺得好好食

店如其名 係hidden嘅和洋食屋🤭位於mega box附近 餐廳入面有board game 飛標🎯仲有街機比客人玩！座位寬敞 啱曬朋友聚會嚟🤍🍵三文魚明太子茶漬飯🍵魚唔腥 煎得魚肉夠嫩 本來個餐係配三文魚籽 但賣晒所以轉咗明太子🤔不過個飯配埋明太子 有種辛辣嘅感覺 食落更有層次 配埋飯素同熱茶 好夾嘅組合✨🐄特制蔥醬煎牛舌丼👅牛舌好厚😋略嫌有啲韌 蔥醬唔係好夠味🥲🥚溫泉蛋炙燒三文魚牛油果丼🥑賣相睇落真係唔太吸引🤣不過三文魚加牛油果嘅組合真係實冇死 牛油果好新鮮😍🪄參考菜式【🌟為推薦菜式】三文魚明太子茶漬飯🌟 $118特制蔥醬煎牛舌丼 $98溫泉蛋炙燒三文魚牛油果丼 $88*午市套餐包括小食&飲品🪄評分 ❤️食物 8/10 🤎服務 7/10🤍環境 8/10晚市仲有壽喜燒食 有時仲有live band表演喲🎸

見到食評好多人話好，今次試吓啦。我們2人12:15分到，很多吉枱，呀姐定要我哋坐佢地放外賣飯盒既枱，算啦。我見大家食鰻魚蛋飯好味，我揀咗再加購蒸蛋$18 及柚子茶。但估唔到系甘差！蛋似加很多水炒，冇蛋味加很多糖又薄，鰻魚有骨，頭尾2邊位凍既，蒸旦細杯過元氣，內𥚃有舊雞肉，不好味，麵豉湯仲衰溝咗好多水，完全唔敢飲，淡而無味，不如唔好俾啦。柚子茶少柚子蜜，飲落好淡。食完飯停一下，個呀姐行2次我哋位：食完啦？之後收我哋碗。又多2，3分鐘見我朋友剛剛飲完杯杯之後又耒收話：唔要啦！收哂。明白lunch 時間不可以霸住個位但都不用5分鐘內收哂我哋嘅野啊？食物不掂，衛生麻麻，枱及地下都立立地，好食的餐廳大把，不值光顧

係Open rice見到食評唔錯，特登禮拜五同同事過黎試一試！大約12:30去到，已經差不多full house了，要等位。不過大約10分鐘，已經可以入座！餐廳都大，仲有卡位！而且不限時，如果冇人等位，都可以坐得舒服慢慢食！餐廳係自助掃Code落單！餐廳有好多種唔同嘢食，分左烏冬、和風定食（即燒三文魚飯）、don飯、蛋包飯、意粉等！$65就有一個餐不加一！燒雞扒烏冬（$65）餐已經包了味噌湯+前菜蘿蔔+餐飲烏冬好打份，仲有一隻雞蛋！雞扒就有d咸餐飲我叫左冰茶無糖！都ok南蠻炸雞飯（$78）炸雞都有5件！炸得好鬆化！不過同樣有d咸以lunch來講，坐得舒服，上菜快性價比okkk！可以一試！

主菜香煎三文魚茶漬飯 - $88.0香煎三文魚, 皮脆肉嫩, 一D都唔腥, 香糯軟熟的白飯配埋一壺熱辣辣的茶漬湯咸香又夠味, 真係食唔停口明太子蟹肉虎蝦意粉 - $128.0真係好抵食, 兩大隻虎蝦, 蝦身厚肉彈牙, 蝦肉既鮮又甜, 意粉軟硬適中，意粉入面有雜菌, 雜菌香氣逼人，仲有一梳梳蟹肉, 配埋鹹鮮的明太子，意粉吸收曬所有材料嘅精華，真係食到停唔到口串燒翠玉瓜 - $18.0之前的主菜比較濃味, 清甜的翠玉瓜完全可以中和味蕾 日本手羽先 - $28.0雞亦燒到表面乾身，雞肉仍好嫩滑，唔鞋口同Juicy, 肉汁超豐富🤩 飲品柚子雪葩配梳打 (日本雪糕使用) - $38.0清潤香甜的柚子雪葩, 酸酸甜甜，味道清新可口餐廳咁岩仲做緊推廣，買枝豆，有得無限飲sapporo啤酒，真係好抵!!搵晚一定要再同班friend再泥玩過食過先得.

琴晚去咗間勁vintage feel嘅日式cafe食壽喜燒。特別嘅係呢間餐廳好多嘢玩✨啱曬幾個朋友嚟聚餐，分別有桌球、飛鏢、大屏幕睇日劇、同一大堆board game!!食咗飯好似去咗轉日本咁，例如海報，酒瓶、小飾件等等，個感覺真係舒服到唔想走！🤣日本元氣雞肉壽喜燒$108+$35轉套餐◻️雞肉壽喜燒個壽喜燒湯唔算特別甜，撈飯食一流🫶🏻配料好多種類，有芋絲、長蟹柳、冬菇、豆腐、蘿蔔等等，份量好足，一個女仔食曬都有啲難度！雞肉新鮮嫩滑，好有雞味😍◻️ 和風柚子醋沙律酸酸甜甜好開胃，沙律菜新鮮爽口◻️味噌硯湯有蜆肉同埋菇類，都比較濃味◻️有得揀珍珠飯或者烏冬，如果揀珍珠飯可以無限添🤤

九龍灣同觀塘區都好多工廈餐廳，地方大啲，坐都坐得舒服啲，見到幾枱都叫炭烤原條鰻魚蛋包飯，蛋包飯既蛋夠滑，最令人驚喜係鰻魚醬汁，大大提升呢道菜嘅口感。醬汁既甜味同咸味相得益彰。香煎三文魚茶漬飯，三文魚表面煎得金黄酥脆，魚肉鮮嫩多汁。啲飯吸收咗茶，仲帶有淡淡茶香。日本鹽麴雞腿鹽麴其實係一種調味料，係由水，鹽，米麴mix埋發酵而成，用佢嚟醃過既肉肉質都會變得軟嫩，又唔會蓋過雞腿原本嘅味，仲有少少甜味。波板豬腩肉，切到波板糖shape ，姐係圓圓地既豬腩串，口感十足，肉質都爆出黎。厚切牛舌芯，厚切一定係最好食，切到好似豬扒甘大，好腍加埋蔥又幾夾。

平時係九龍灣返工，間唔中都會去和洋食堂食飯，原來lunch time 係一間普通既日本菜餐廳，夜晚會變做一間有得玩又有得食既cafe,除左一般board game 之外，仲有飛標、街機，而且仲有live band, 好岩放左工之後黎依度輕鬆下！壽喜燒鍋套餐 A4黑毛和牛壽喜燒 $148和牛雪花紋理清晰，口感嫩滑，壽喜燒湯底香甜濃郁，配埋蟹柳、冬菇、金菇、芋絲、蘿蔔、娃娃菜、豆腐等配料，吸收晒湯底既味道，好正！吉列魷魚圈 $38 (跟餐追加小食）即叫即炸，上枱時仲係熱辣辣，魷魚圈外脆不油膩，口感軟嫩，雖然係加購，但份量一啲都唔少，抵食！牛油帆立貝蟹子茶漬飯 $118之前食過三文魚茶漬飯覺得幾好食，晚餐仲有帆立貝揀，一於試下！首先將茶加入飯入面再撈均，味道清甜帶有鰹魚湯味，加左蟹子同飯素，增加口感。帆立貝好大粒，肉質厚實鮮味！

閒日晚上有電影投放，又有飛鏢、桌球枱等玩意，適合知己朋友三、四人短聚。晚間時段的$128生啤無限飲亦好抵！【A4黑毛和牛壽喜燒】高品質的A4黑毛和牛肉，每一片肉都嫩滑多汁，融化在口中，保持了牛肉的鮮美和嫩度。火鍋以豐富多樣的蔬菜為主要成分，將各種新鮮的時令蔬菜融合在一起，最後加上蛋汁撈入火鍋中。【秘製蔥醬薄切牛舌】牛舌經過特殊的處理，切得非常薄，入口即化。搭配秘製的蔥醬，鮮美味道更加突出。石燒的方式讓牛舌保持了熱度和嫩度。【厚切牛舌】牛舌切得厚實成長方形，突顯了肉質的彈性。【芝麻雞翼】雞翼經過炸製後，外層酥脆，內部保持著嫩滑的肉質。【味噌蜆湯】充滿家庭溫暖的湯品。新鮮的蜆貝搭配濃郁的味噌湯底，湯汁中帶著蜆的鮮甜味道。【和風柚子醋沙律】清新又開胃，新鮮的蔬菜搭配柚子醋的酸甜味道，蔬菜的爽脆和柚子醋的清爽相互融合。

玩味十足嘅日式餐廳‼️🇯🇵同朋友去咗九龍灣工廠區食飯😀係環球大廈八樓有間和洋食屋😄裝潢採用居酒屋木系風格🪵大量日本動漫及遊戲擺設🇯🇵仲有飛鏢機同街機比顧客玩🎮主打食壽喜鍋同日式蛋包飯🥰炭烤原條鰻魚蛋包飯，128蚊份💰原條蒲燒鰻魚，夠肥美鰻魚食落啖啖肉，無乜細骨，伴碟有沙律，配埋蕃茄飯底，份量非常豐富，滋味無窮☺️明太子蟹肉虎蝦意粉，128蚊份💰明太子意大利麵，配搭兩隻大虎蝦保持鮮嫩彈牙，明太子汁令每條意粉都滿明太子醬汁，好掛汁每啖都食到明太子嘅鮮味，絕對推介☺️巨峰乳酸梳打，20蚊杯💰巨峰梳打酸酸地好清新口味🥰整體環境舒適，有大量遊戲邊食邊玩🎮服務態度好，店員會好主動幫忙☺️食物賣相幾靚打卡一流，價錢合理，可以同班朋友一齊去聚餐🥰

餐廳位於商廈內，裝潢以懷舊日本和洋風為主題，牆上貼有多款海報、摺紙、乾花等挺有心思。場內還設有遊戲機、桌球枱、射標機、大電視及不少board game任玩，適合一班朋友聚會。A4黑毛和牛壽喜燒火鍋配料豐富，包括蛋、豆腐、冬菇、菜、紅白蘿蔔、金菇、超長蟹柳，湯底濃郁，黑毛和牛肉質夠嫩。鍋物可加錢轉套餐，包有味噌蜆湯、和風柚子醋沙律，還有珍珠飯無限添，配埋樽裝汽水正。火鍋還可加錢追加小食，吉列魷魚圈份量不少，香脆又彈牙。芝麻雞軟骨大大粒，好有咬口又惹味。

Hidden 和洋食屋喺九龍灣一個好隱世咁嘅地方，係工廈入面，未必每個人都知道。呢度唔單止有好野食，仲有好多娛樂活動。最正嘅係佢哋免費提供桌上遊戲同打機🎮，只有桌球🎱係要收費嘅。餐廳仲播住香港懷舊電影《鹿鼎記》，氣氛好懷舊。環境好寬敞，座位舒服，裝修都係日系木風。1️⃣北海道千歲豚肉鍋🥘，跟餐有麵豉湯同和風柚子沙律，加$10就可以配埋紅豆冰。$163豚肉鮮嫩，湯頭濃郁，同爽口嘅柚子沙律搭配得好好，味道好正。紅豆冰作為甜品，清涼又好味。白飯仲可以任叫🍚。2️⃣明太子蟹肉虎蝦意粉 $128有兩隻大隻烤虎蝦🍤，味道鮮美😍。蟹肉同明太子嘅結合好出色，帶出豐富嘅海鮮🦞風味。意粉煮得剛好，彈牙又順滑。每一口都感受到明太子嘅濃郁，令人回味無窮。餐廳唔收加一真係勁抵食，食完飯就去打機，有街霸等遊戲，真係好開心！

Hidden 和洋食屋係一間置身係九龍灣工業大廈嘅樓上cafe，環境闊落之餘而且提供好多款board game 比客人選擇，都幾啱同朋友一齊上黎又食又玩架~🤩佢地嘅菜式都偏日式，我地就揀咗✅A4黑毛和牛壽喜燒~ A4黑毛和牛有啲瘦但都幾嫩腍~ 而壽喜燒入面有好多唔同材料，例如︰豆腐、蟹肉棒、冬菇同菜等等~ 旁邊仲有生雞蛋同調味料，配搭埋一齊食就更美味~😜✅炭烤原條鰻魚蛋包飯嘅鰻魚係原條放係蛋包飯上面，睇落好吸引~ 鰻魚冇骨嘅，而且味道好香濃，配配埋蛋包飯一齊食，味道唔錯~ 略嫌蛋包飯嘅飯味道唔夠，如果撈飯嘅醬汁濃少少就更好啦~ 😇

唔知係咪人大左🤣 愈黎愈鐘意烚下烚下，同朋友一路傾計一路烚👍🏻 .鐘意壽喜燒夠多菜，且仲配和風柚子沙律，膳食纖維夠晒😍 湯底偏甜唔會話太重口味；啲肉個份量都啱啱好，個Size 唔會烚好耐先熟.+$5 轉鳥冬最尾先食，啲湯收晒水，Mix 埋隻蛋☺️ 撈鳥冬完成👏🏻 唔個大家係咪都係咁食呢😝.跟著再加多左個蟹柳😝 食左兩條長既，好開心，朋友就叫多左個燒豆腐，表面燒得焦焦地，幾特別😝.呢度幾好，坐得舒服，又有 Boardgame、飛鏢、桌球挽，推薦👍🏻