影片
更多
2021-06-06
962 浏览
韓式炸雞終於開到黎屯門啦～開業首個weekend已經約朋友黎試下，唔使下下出九龍先止到癮。今日餐廳都幾禍不單行，首先我5點半落去攞位，諗住6點半有得食。點知熱情奔放嘅屯門之友，已經瘋狂黎落take away order.一位身高188左右嘅歐巴店長出黎用英文同等緊嘅食客交待，話呢刻廚房至少有over 50 orders.咁就勸食客要等返好一段時間先有機會入去食。由於我想食雞嘅渴望指數很很很很高，所以我張飛只係等4張枱，我就堅持咁等落去。望住張menu就咁過左成粒鐘，人就越黎越多，餐廳仲黑仔到連部攞飛機都壞x埋。攞唔到飛嘅同入去買外賣嘅屯門之友，就係咁塞爆左個門口，歐巴後來再出現處理問題，好彩係歐巴咋，先可以安撫到一眾女女嘅心情，包括...我。我估應該外賣都已經停左，人群先無咁洶湧。而我就等左2粒鐘先入到去坐。點解咁誇張？因為餐廳其實唔大，70個位，大部分4人枱，如果2人嘅話就應該更難先入到。6人就建議你地返屋企或者分枱，仲唔好request坐埋一齊，因為堅難安排。好啦～我以中獎嘅心情入坐，開心到忘記左自己同朋友得3個胃，就瘋狂叫雞，同以最難得嘅心情叫下特飲慶祝下。3條Queen, 叫左
今日餐廳都幾禍不單行，首先我5點半落去攞位，諗住6點半有得食。點知熱情奔放嘅屯門之友，已經瘋狂黎落take away order.
一位身高188左右嘅歐巴店長出黎用英文同等緊嘅食客交待，話呢刻廚房至少有over 50 orders.咁就勸食客要等返好一段時間先有機會入去食。
由於我想食雞嘅渴望指數很很很很高，所以我張飛只係等4張枱，我就堅持咁等落去。望住張menu就咁過左成粒鐘，人就越黎越多，餐廳仲黑仔到連部攞飛機都壞x埋。
攞唔到飛嘅同入去買外賣嘅屯門之友，就係咁塞爆左個門口，歐巴後來再出現處理問題，好彩係歐巴咋，先可以安撫到一眾女女嘅心情，包括...我。
我估應該外賣都已經停左，人群先無咁洶湧。而我就等左2粒鐘先入到去坐。
點解咁誇張？因為餐廳其實唔大，70個位，大部分4人枱，如果2人嘅話就應該更難先入到。6人就建議你地返屋企或者分枱，仲唔好request坐埋一齊，因為堅難安排。
好啦～我以中獎嘅心情入坐，開心到忘記左自己同朋友得3個胃，就瘋狂叫雞，同以最難得嘅心情叫下特飲慶祝下。
3條Queen, 叫左鐵板軟芝士甜辣烤雞，原味烤雞＋蜜糖香滑烤雞，果味醬油蒜香烤雞，韓式雞蛋卷。雞，全部都係雞...
仲諗住叫下酒，點知未有酒牌，只可以叫返條鯊魚特飲開心下，又睇得又飲得，朋友杯芒果沙冰都唔錯。
首先，黎嘅係雞蛋卷，又睇得又好食，然後無耐就黎左half&half，睇個樣就睇唔出蜜糖同原味有咩分別，食落蜜糖就出色啲。
再黎就上果味醬香蒜雞，哇～第一啖食落去真係覺得無得輸，成隻雞都係滿滿嘅果醬，啱哂我鍾意味濃嘅朋友。
然後再上埋個鐵板軟芝士烤雞。由於之前隻雞，食呢隻就即刻失色左，而且佢真係要趁熱食，過多5分鐘啲芝士都拉唔到絲啦
但估唔到，番轉頭食個原味反而個原味又幾好食，無咁膩添。
到埋單啦～餐廳都黑開有條路，當刻連部credit card機都壞埋，好彩夠cash姐，唔係我就留低我朋友俾餐廳洗碗啦～
张贴
