Goobne Chicken (屯門時代廣場北翼)

营业中

休息中

Goobne主打烤雞而唔係炸雞，聲稱因為雞嘅油份係烤焗過程中迫晒出嚟，所以比起一般炸雞更健康又冇咁熱氣，聽落好似唔可以歸類邪惡食物🤣的確對我嚟講食呢間比起pizza maru好似係無咁肥肥。不過兩間都係人氣人龍店呢樣嘢係無可否認嘅事實，屯門分店食兩次都要排隊，今次仲等左成個鐘🥲-🍯蜜糖蒜香烤雞 $205試過幾款，最鍾意都係BBQ，今次因為見佢話新出就試吓呢隻so called新口味🌝結果都係BBQ好食啲，呢個個醬油味重左少少，試一次就ok了👋🏻反而蜜糖系列會推介香滑烤雞都幾正😆💕-題外話雀仔胃表示如果可以叫半份雞就好，兩個人多數叫一份雞飽得啱啱好，次次都試唔到其他菜式😩仲有雖然我係懶人鍾意食無骨雞，不過今次試完覺得都係有骨會好食啲🤣-總結：想食韓國炸雞嘅時候唔係呢間就係pizza maru🤣兩間都係我fav韓國炸（烤）雞店💕

呢間韓國炸雞集團係香港已經開左幾年，終於開到黎屯門，所以個晚去食都有好多人排隊，都要等左半個鐘以上先可以入座。蜜糖蒜香烤雞呢款雞因為有蜜糖會偏甜，同埋會濃味d，鍾意濃味既朋友就岩晒，不過食完要食返幾舊酸蘿蔔中和下。(無骨）軟芝士蜜糖咖哩烤雞呢款雖然都係有蜜糖不過就相對淡味d，而且係無骨既關係，可以好方便食。而底下既芝士好「拉絲」，不過就要盡快食，唔係d 芝士會變返做一舊。總結係如果要排半個鐘以上既話，未必會再去食多次。

新開張一排，最初多人到6:00pm 來排都無位食dinner。今次Friday 6:30 左右到，竟然無人可以直接入去坐。第一次試左佢個蛋卷，好有心思一層一層捲出來，又唔會好易散，蛋好滑好juicy, 無煎到老左嘅感覺，好正。來到一定要試炸雞，作為芝士控，揀左個三重芝士，重口味，超正，夠熱,外脆內juicy，雞皮炸粉都調好味，上面芝士粉好正，食到停唔到。份量好足，最少三個大人先clear到佢。唔想打包走，因為返熱就唔夠新鮮，會唔好食。飲品揀左藍橙沙冰，甜甜酸酸好開胃，藍色但係橙味，好特別。不過呢杯飲品等左好耐，最尾食完晒先上，懷疑佢等埋幾個order一齊整，一出就出幾杯。呢餐食到好飽，返去要飲定一杯涼茶清清熱氣先

Goobne 終於開入屯門，四個女仔便一嚐韓式風味。驟看餐牌，單點的炸雞、食物份量較大，校適合一班朋友前去用餐，若果是兩口子應該不能是太多種類的食物。建議餐廳可以提供不同份量的餐點，供人選擇。是次點了韓式芝士炸雞，口味分別是蒜香和BBQ醬。芝士相當濃稠，蘸上炸雞時有拉絲效果。炸雞方面，兩款都相當Juicy，蒜香略勝一籌。不過，多蘸芝士會顯得較飽滯，建議六至八人share 會更好。另外也試了蛋餅卷，傳統嘅飯卷換成蛋，更健康，配上蛋黃醬，不俗。韓式炒年糕方面，點了少辣也較辣。不過內裏的粉絲吸收了炒年糕的醬汁，年糕也很煙韌，儘管辣，也一口接一口想吃。

卖相和口味都不错，就是店铺极小，位置比较紧逼，还没有取号系统，得在室外热气腾腾傻等，碰巧周五晚上还下阵雨，风中凌乱一个半小时，哎所幸食物还可以。服务还可以。我们选了一份芝士火锅，可选双拼两个口味炸鸡则选了一份辣（五🌶️火山辣）一份不辣（果酱蒜香酱油味）。服务员和我们确认了一下，因为另一个辣只有一🌶️的甜辣味，我们没有更改，事实证明坚持是对的，辣度刚刚好，和肥腻腻的芝士，很和爱辣人士的口味。炸鸡确实非油炸，也没有厚厚油油炸浆皮。唯一美中不足是火锅只有无骨可以选择，食肉兽估计很喜欢，对于爱吮骨的人来说就少了很多乐趣。第二道是蟹子沙拉酱蛋卷。非常喜欢，柔软香浓第三道是铁板海鲜煎饼，不失不过，一般般还行。

從來未試過食一餐飯食物要等成個鐘先上到枱，我地7點30開始等位，8點30先入到座，咁都正常嘅，間野又細間，又多人食，等位耐都好正常。8點30入都去我地就立即叫野食，叫左米酒同一個大鐵盤芝士烤雞，order完大約10分鐘就上左米酒，之後一直等，因為唔想空肚飲酒，所以等到d米酒出晒水隻雞都未到。大約30分鐘後，店員先俾個gas爐我，我地順便問佢大概仲要等幾耐，佢話已經幫我地問左廚房，過多10分鐘再問佢話廚房放緊雞上盤，但我眼見遲過我入坐個d人都已經左晒野食。9點15分店員同我講話因為廚房俾錯單，所以你盤雞同事俾左前面個枱客，你介唔介意食?我話我見到佢已經撈左芝士，我唔會食佢食過嘅野(我望住前枱上盤後5分鐘個店員先同佢講盤雞唔係佢oder嘅雞，竟然個店員問我介唔介意食上手d野)9點30終於上到枱，佢重新整其實15分鐘係可以上到枱，但我要等成個鐘先食到，到上枱時個店員依依哦哦咁話會俾折我地，但要問問老闆娘睇下點(佢講得好細聲，唔太聽到佢講緊咩)到埋單睇返張單，完全冇折過，要我出聲問個店員話你頭先唔係話有折咩，佢先幫我地free個服務費。總結:我由7點30排隊，8點30入座，9點30先有野食落肚

係屯門開左間韓國烤雞店，所以同太太就去左呢間「Goobne Chicken」度食，試一試佢，好多人都慕名而來，好多人排隊等位，叫到差啲last order先入到去，爭少少就入唔到去食😬最後有位韓國Oppa經理親身同各位等候嘅客人逐一講解同安排入座，係依家呢個服務真係少之有少，真係要比個like佢哋👍👍雙併烤雞(BBQ味+蜜糖芥末醬)$238首先講下蜜糖芥末醬味，好出色，好夾個烤雞😋BBQ味相比蜜糖芥末醬冇咁好味，但都好好味🤣個BBQ醬汁好惹味🤤卡邦尼芝士火腿年榚$135小編係卡邦尼控，太愛了，無論卡邦尼配咩都咁鍾意😍😆柚子燒酒$150份量都好多，我同太太每人起碼斟左3杯先飲得哂😂味道就不算太特別，水準之作😊

三個人去食，攞咗飛冇幾耐，有個年紀大少少嘅阿姐問我哋加多張凳坐二人枱介唔介意，我就ok，入到去之後，竟然冇人帶位，啲員工同我你眼望我眼，夠膽死問我入嚟做乜，入嚟食嘢囉做乜😑唔帶位都同其他員工溝通下，示意叫佢哋帶啦，問個客入嚟做乜都有嘅，成班都懵下懵下。人手明明係足夠，但次次叫佢哋都冇人認，成班企係到發夢🙄🙄🙄🙄不過嘢食味道係OK嘅，但就等咗好耐囉。韓式炒年糕好好味，入邊有冬粉索晒啲汁😋😋

屯門市中心一帶越黎越多野食而且好多間都要等位，呢間都要等下不過想食雞蛋卷所以就照等下啦。點了：BBQ 及蜜糖味雞 ，韓式雞蛋卷，士多啤梨沙冰。BBQ味同蜜糖味雞味道都算濃，可以接受不過印象中以前食過既好似比較大份，今次感覺細隻左DD。韓式雞蛋卷，口感軟實的而且足料食落去係好味道的，咬落去d料都無散出黎，而且呢個一定要夠熱食先好味，今次都係算好味，足料而且唔散。士多啤梨沙冰就無特別，普通啦。總結自己都係最鍾意食佢地整既雞蛋卷。

屯門區又好少嚟類炸雞店，之前見裝修已經好期待，星期二剛好行過見到無人排隊（時候尚早），於是入去一試。二大一細，叫唔到太多款式，一份蛋卷，一份黃金炸雞，兩杯鯊魚特飲品。炸雞應該係即叫即炸，等咗差唔多25分鐘，如果繁忙時間應該等得仲耐。味道方面，其實唔差，特別係熱辣辣食，好香口，另外仲有配酸蘿蔔同兩款醬，燒烤醬好味☺️☺️蛋卷味道唔差，內有餐肉酸瓜，配味道好夾😋，小朋友好啱食。鯊魚特飲完全係吸眼嘢，係帶桃味嘅沙冰，好大杯，同小朋友一齊飲都飲唔曬😅下次可以再試其他款式。

星期六6點左右入去唔洗等位原本安排左中間位但有近窗未執枱 一問帶位侍應哥哥都好helpful比我揀幫我執枱因為兩個人所以剩係叫左一個芝士雞（蒜味+蜜糖）落單最尾職員話要等大約40mins最後7點先到中間就幾枱你眼望我眼 都冇野食上菜後職員有幫手炒芝士後尾想叫侍應比兩杯水， 侍應話「d杯未洗好， 比唔到水」 😂 最後直到走都冇比水 中間聽到隔離枱有漏單補落單同埋外賣落左單等over 1 hour 都未有既情況後尾直情停埋外賣感覺佢係未準備好 平均等得有小小耐不過門口個侍應都幾好禮貌 不停要同客解釋都好有禮貌不過人小就未必會成日食 因為太多雞 希望佢出半份雞～

見新開都人多，都等左近兩個鐘。入到去同我地講餐牌嘅全部炸雞得返一款，入坐前又唔講咩都冇哂，入到去叫野飲，為咗個白桃米酒黎，酒全冇，又唔講又唔貼出黎。同埋落完單野食嚟先準備好張枱。隔離枱有一枱又係最後一齊入，之後想落單就話佢哋第一個落單，已經係最後落單。但第一次落單，店員冇同顧客講清楚。去過尖沙咀個間，完全覺得屯門店服務態度差。如果下次要食，近都唔會揀係屯門食，情願出返去市區食。個品牌嘅炸雞幾好食，野飲都好飲。

之前食過將軍澳同旺角分店，都覺得Goobne好食，但係屯門呢間分店實在令我太失望叫左2樣野食，half half 蜜糖雞拼BBQ醬同蛋卷個雞真係好有問題，話明half half，但係2隻味嘅雞撈埋一碟，完全分唔到咩味打咩味。仲要啲雞唔似其他分店咁熱辣辣Juicy滴雞汁，皮又唔脆蛋卷同其他分店嘅味都唔同，似隔夜員工not well trained, 成班似炒散唔識收錢落單serve客人落單個陣本身叫左米酒，但話冇酒牌（但餐牌冇遮住含酒精嘅飲料），fine，叫沙冰。等到食完一半野食都未黎野飲，一問之下先知原來冇冰咁點解冇人通知客人？斟水都唔識，正常應該拎起客人水杯去斟，但係呢度啲人唔係。仲要個壺嘴貼住左杯嘴咁斟，疫情之下更覺嘔心。好心未train好員工整野食同serve人就唔好開鋪啦

最近屯門市廣場新開了很多間餐廳，而這間韓式炸雞店便是其中之一，剛巧媽媽又想試一試韓式炸雞的味道，所以今天中午的時候我便陪她來嚐試一下可能現在新開張的關係，所以中午 12：00 餐廳未開門之前已經有很多人在排隊，幸好我們都早來到能夠成為第一批的顧客，不然應該要排隊很久了另外可能太多人同時落單以及多新員工的關係，導致炸雞製作時間十分長，我們的炸雞等了 35分鐘才來到，而旁邊的客人更等了足足 45分鐘，老實說等待的時間真的太久了，餐廳真的要改善一下這個問題No.1【蜜糖蒜香烤雞(無骨)】$205由於炸雞是即叫即炸，所以外皮十分香脆可口，而內裡的肉質則十分嫩滑可口，鮮甜美味，細嚼慢嚥的時候，鮮甜無比的雞汁更立即傾巢而出，在唇齒間留下一絲絲濃郁的鮮雞氣息，香甜可口，肉汁四溢，口感豐富而飽滿，讓人陶醉其中，吮指回味美中不足的是，烤雞的份量真的太多了，有骨的有 14件，無骨則有 16件，兩個女人全程只吃一盤雞，味蕾未免有些重複，吃多幾件便開始有些厭倦在現在仍然是四人限聚令的情況下，其實餐廳出一些 6件炸雞套餐/雙拼炸雞口味/炸雞拼雞蛋卷套餐會更好一些價錢方面，蜜糖蒜香烤雞 $205，餐廳設有加一服務

午市外賣韓國人參雞加白飯$188 話新開鋪未有lunch set 最快要下個月咁真係要考慮下幫唔幫親佢 仲要12點開要12點10先準備好 叫炸雞仲要等半個鐘 如果趕時間既真係唔見意食