Goobne Chicken (屯門時代廣場北翼)

营业中

休息中

今日老公買咗外賣返屋企，一入門口見佢拎住袋Goobne返嚟真係超雀躍，我超鍾意食佢哋嘅烤雞🍗，我同老公都認為佢哋嘅雞係最好食的😋。平時我哋會叫超辣嘅火山烤雞，不過咁啱賣晒，所以叫咗我哋嘅次選—甜辣烤雞。一打開，啲醬汁多到好似成個水塘咁，一見到已經流晒口水！我哋鍾意食佢哋嘅雞嘅原因係佢哋唔係炸，而係焗，食落去唔會有油淰淰嘅感覺，感覺亦都健康啲。佢哋嘅雞肉亦好有彈性，一啲都唔會靭，配上香甜惹味帶微辣、煮得好濃稠嘅醬汁，嘩！真係人生一大享受😎。食完後個盒仲有一大碗汁，我同老公都話下次要煮定啲白飯，用汁撈飯，唔好嘥！

📍 Goobne Chicken 嗰日同boss食飯，一行8人黎到，不過我哋有啲夜，staff有啲趕收工感覺，服務有啲差🥲同埋Goobne Chicken不嬲都偏貴！—————————————————————❣️UFO 芝士火鍋 （無骨）$268多人先好嗌！因為好漏！有6款雞可以揀2款，嗌左甜酸辣雞同韓式BBQ醬烤雞，兩款烤雞都焗到脆卜卜，外脆內嫩呀！中間芝士用左三款芝士做拉絲效果，芝士味好香，不過要食快啲，因為好快就會痴埋一大舊！.❣️ 韓式BBQ醬煙燻烤雞 + 蜜糖香滑烤雞 $262蜜糖味no. 1焗得好香！肉好嫩滑！BBQ都好食，不過有骨，🐷都係鐘意無骨多啲😝.❣️ Goobne 芝加哥薄餅 $207好好味！好多芝士好好味，個外皮有啲似曲奇皮，夾得好好食！.❣️ 韓式雞蛋卷 $163雞蛋卷入面包住青瓜、餐肉、海苔、醃紅蘿蔔和芝士。雞蛋卷有少少甜味，另外個韓式泡菜醬汁只係微辣。有9件，件件都好厚身，食一二件已經好飽！.❣️ 鐵板泡菜煎餅 $119幾唔錯！唔會好厚粉！好足料！.❣️ 炸醬炒年糕 $149同平時炸醬麵嘅味有啲唔同，甜甜地😂都係辣嘅年糕襯啲😂.❣️香桃韓式米酒 $150/Jar0.7%

今日食韓式炸雞，此店的炸雞口味有好多選擇，我覺得最好食是芝士炸雞。但是今日我選擇了「社內相親」套餐，此套餐我炸雞有3款口味，而今次我選了甜辣口味，甜甜地但唔會好辣，好味但食多2件會「好溜」。而pizza非常好味，有多重口感，重芝士味，好適合芝士控食，而pizza尾部有甜甜地既醬和薯容。最後還點了一個泡菜煎餅，美道好又唔會太辣。不過如果食量不是大的人，就建議點「社內相親」套餐就足夠了，因為雞都有10多件，pizza有8件，分量算多。

之前食過其他分店屯門呢間第一次今次為咗個芝士同埋番茄奶油炒年糕UFO芝士火鍋 (無骨）揀咗個果味蒜香同埋三重芝士烤雞因為我同朋友都係芝士控所以就特登嚟試吓 反而果味蒜香有啲特別 芝士有啲太甜 個鍋入面嘅芝士好快就硬左 所以可能要食得快少少番茄奶油炒年糕呢個喺韓國嘅時候已經好鍾意食所以特登再叫黎試吓入面有啲意粉唔驚唔夠飽不過可以辣啲同埋唔使咁甜食到最尾真係太甜 會有啲漏服務冇咩特別不過係冷氣唔夠又或者可能本身嗰日太熱啦 食到出晒汗

買完野，屋企人打來話想加個炸雞做晚餐，即刻search下附近邊到有得買。睇完menu最後擇咗呢個set -  社內相親烤雞 (果味醬油蒜香) + 蜜糖BBQ芝加哥薄餅，落完order要等二十分鐘。烤雞份量都幾多仲大大件，雞肉多汁鮮嫩，啖啖肉，配上蘋果檸檬汁好甘甜。另外，仲跟左醃蘿蔔，酸酸甜甜好爽口。個薄餅放左勁多芝士，拉出來好似變成拉絲，而且餅底好深好鬆化，完全不膩!

今日同啲friend過嚟食呢間炸雞但係嗰個服務員態度差到極限又唔俾餐具得閒到喺度傾閑偈自己聽唔到我哋講嘢仲空返我哋轉頭仲怪我地聽唔到佢講嘢邊有服務員係咁樣㗎😢😢

一入到嚟就有位睇落去年紀好細嘅樓面員工，佢除咗同我講韓文unyohaseyo，仲次次都講多一句多謝晒唔該晒，呢啲我諗真係由細培養到大嘅禮貌嚟㗎，佢好貼心囉，一望到我支飲管爛咗就換支飲管俾我，同時落單又係佢，每次講嘢佢語氣都十分之好，睇得出呢位樓面員工做嘢都幾上心，唔似其他人咁，識得自動波又好好語氣，其實依家飲食業真係好少做嘢嘅員工仲可以咁認真為每一個人去服務，可能其他人有多啲呢啲嘅機會見識得到，但係我真係第一次遇到咁精力充沛嘅員工妹仔，咁有質素嘅服務態度，我真係第一次遇到，明明只係簡簡單單去食個嘢，野食價錢又都唔係話好貴，但係啲服務質素就好似去咗五星級酒店咁，唔知下次仲會唔會遇到嗰位樓面員工呢？等我食下佢嘅服務態度🤣🤣🤣！

岩岩食左兩個午餐，食物水平一平。樓面質素好好，係有一位資深啲講韓文嘅同事態度極為差。樓面同事唔小心收錯錢，怪責埋我唔睇單。黑晒口面，又比說話我哋聽，又不停話個樓面同事。食完一次唔敢再食

UFO芝士無骨雞火鍋價錢係HKD268有6款雞可以揀2款✌🏻揀左果味蒜香烤雞同甜辣烤雞🍗睇幅相以為兩個人應該岩岩好一送上黎啲雞比幅圖仲大隻左！！我見好多食客都要打包返屋企繼續食(･_･;用左三款芝士做拉絲效果 芝士味好香🧀兩款烤雞都焗到脆卜卜 外脆內嫩呀👍🏻！！！！男友評分 Goobne比其他韓國連鎖店都好食😋Total 16件雞全部KO！！！！！！！！！！！！！！！！！！！！！！！！

前傳：首先講吓呢間啲服務先，原先食嘢成個過程都冇乜嘢，但一小時後，店員無端端攞張單俾我哋（我哋冇叫到埋單）入座時都冇說明話有限時就覺得好奇怪，感覺佢哋有點趕客走，喳喳林想做第二轉咁，但我哋都未食完㗎😠之後出去埋單啦，有個韓國佬企喺收銀度西口西面，完全冇笑容不特止，碌完我張咭後係「飛」返落張枱度，係「飛」，超級冇禮貌，多謝都冇聲，以後唔會幫襯😡入內見到有「杜內相親」套餐宣傳牌，都冇食到，因為一心想食UFO芝士火鍋。呢間新開嗰時食過一次，當時已想食芝士火鍋，但就話冇貨，今次終可食到～🛸UFO 芝士火鍋（無骨）$268揀咗果味醬油蒜香烤雞同甜辣烤雞味。用咗瑪蘇里拉芝士，車打芝士，Grana Padano芝士，呢三種慢慢將溶化，芝士熱溶之後可以點烤雞食，滿滿既芝士包住烤雞，芝土控大愛呀！But芝士食起來唔夠香，烤雞皮都脆嘅，好食但冇乜特別，芝士太過拉絲關係要用手扯開先至會斷開😅🥚韓式雞蛋卷 $148雞蛋卷入面包住青瓜、餐肉、海苔、醃紅蘿蔔和芝士。雞蛋卷食落有少少甜味，另個韓式泡菜醬汁只係微辣。有9件，件件都好厚身，食一二件已好飽肚。🍹芒果沙冰 $58個杯太細，D沙冰又滿瀉咁滯，未飲已經流晒落張

太耐冇去旅行，特別掛住日本同韓國嘢食！早兩日入屯門送貨，見到屯市有間烤雞店，就決定入去一試。店舖唔算大，座位只有四十多個！一入去，店員就主動介紹星期一到五有抵食lunch set，有飯、面，烤雞，任你選擇👍🏻所以服務態度正常！今日唔算肚餓，所以就叫咗一個Lunch set，會附送魚糕湯、沙律，仲會送汽水或熱茶！整體來講， lunch set份量都多，尚算扺食！決定下次再叫烤雞試試😆因為都幾多人叫，賣相唔錯！不過當日天氣太熱，就額外叫咗一杯藍橙沙冰，賣相吸眼，份量都多。

難得平日放假，呢間喺屯門開左咁耐都未試過喺度堂食，只試過一次外賣炸雞，咁就去食lunch, 差不多兩點，舖內得幾枱，大把吉枱，兩個人要求坐四人枱，但服務員就話就算坐四人枱都要拉開中間，咩玩法？！算啦，咁坐二人枱囉！叫兩個午餐share, 叫左甜辣炸雞同牛肉蓋飯，炸雞就話得無骨？！話只係menu未update, 算啦又試下囉（我鐘意食有骨）。送餐到，前菜沙律難食、沙律面既多士粒係林，咬兩啖放底；魚蛋湯正常；炸雞到 - 伴碟薯條係淋，唔知未炸脆定放到淋，唔熱既，咬一啖放低；炸雞無骨係用雞扒劈開幾舊，唔脆、唔香、唔夠熱，甜辣汁唔會出事，因為都係撈落去，食兩件雞肉已經夠，完全唔推介，炸雞係要食有骨，無骨一啲都唔香，又唔明點解散叫就有有骨，午餐點就話得無骨。講到服務，就大把吉枱都要焗坐細枱已經唔滿意，之後每次叫佢哋執走啲碗碟都好似唔願咁，炸雞一放低已經佔左半張枱，再嚟埋個飯枱面已經無位... 仲有最重要係成日有啲野飛來飛去，飛去kimchi,酸蘿蔔，話佢知有野飛落去叫佢收走，只係話換個碟比我，我唔係想要過碟野，我只係唔想見到隻野，有野飛下飛下代表舖頭唔夠乾淨，佢究竟知唔知。整體嚟講呢間可以唔再去

宜家啲人成日會咁講「好耐無去旅行，好掛住邊度邊度呀」！而我今日忽然都好想食韓國炸雞🍗，左揀右揀就揀咗喱間，不過今日繼續叫外賣重點想食炸雞，所以喺喱間嘢就只叫左「（有骨）蜜糖蒜香炸雞」外賣始終比堂食差少少，唔太熱，微暖（外賣🥡嘅缺點）我食炸雞係鐘意有掛汁款，今次就是我預期這款。汁有點濃，帶黑醋色，雞上面有蒜片，但食唔到蒜味，有蜜糖甜味，但整個汁嘅顏色比我想像中深色左，唔似係蜜糖蒜香🧄。雞食落仍有點脆，讚👍🏻但食到底果幾件就開始有點咸所以炸雞跟一盒酸蘿蔔係完全正確✅整體來講，雞嘅肉質好味，唔嚡，仍有點嫩。份量算多，但價錢略貴。可惜今次這款口味不是我杯茶下次一定會再試其他味道。

近排大熱嘅社內相親申夏莉屋企就係經營呢間炸雞店🍗好吧!我仲係社內相親套戲未出到黎🤣講返間餐廳先,餐廳坐位都闊落嘅🪑店員態度都正常✨🔺蜜糖蒜香烤雞🍯$205有得揀無骨同有骨🙌🏻今次揀咗無骨😙總共有16舊烤雞💦每舊雞都好大舊同掛上蜜糖😋仲有d蒜片係旁邊🧄整體黎講係好食嘅同好大份🥰🔺番茄奶油炒年糕🍅$155呢個個汁偏辣但都開胃🌶食落有d似卡邦尼🤣配料包括有年榚,魚片同意粉✨份量都頗大份🙌🏻好飽肚😆🔺韓式海鮮湯$158呢個相對較清淡💦包括有蝦🦐青口,蛋🥚大量菜🥬木耳同蒜🧄湯飲落有麻油味但個人覺得太清淡唔太岩我食😂🔺芒果沙冰🥭$58呢杯好清新✨芒果味都好夠🥭而且好大杯😆真係由頭飲到走🤣

等等等等等星期日中午黎食UFO芝士火鍋， 用餐時間90分鐘。 等左大半個鐘都冇野食黎，後過我地入黎果啲客全部都有野食， 見唔對路， 催左兩次最後成一個鐘先有野食黎。 大家都真係要等咁耐？🤡