DK1885 (已結業)

譚臣道呢到有好多小食店 有次行過見到呢間DK1885北正宗 做緊午市優惠 有四款套餐只需38蚊就可以食到 於是同同事都買過幾次嚟食 味道都唔錯 平靚正👍🏻而且仲隨機附送一包紙包飲品添椰汁豬扒飯 💰38無論汁定扒定飯嘅份量都好足 不過有時略嫌個汁有啲油 但整體都幾好…查看更多

越南菜食得多，但北越菜就好少會吃到。呢間位於灣仔北越菜小店，食物跟一般越南菜都肯接近，但味道就不一樣😋*海防手工墨魚餅炸得香脆金黃，入口有墨魚嘴的爽口感覺自己必吃之選*越式炸蝦餅味道鮮甜，食落爽口彈牙同墨魚餅有截然不同口感*越式網絲春卷咬落脆卜卜，餡料又豐富，好味*法式豬肝醬燒雞肉卷雞肉嫩滑可口，最特別在餡料中加人豬肝肉醬，鹹香的味道令雞肉更鮮甜*北越街頭燒鵪鶉鵪鶉皮嫩多汁，肉質比雞更嫩滑，燒出來特別惹味*北正宗燒乳豬皮脆可口，肉質鮮嫩，味道鹹香，另一個必吃食物*脆炸蟹肉香葉肉碎米紙球所有餡料包成米紙球，餡料主要有肉碎粉絲這個菜要分開兩種食法第一啖不加任何調味，吃食物原味道第二啖加魚露吃，味道即提鮮不少*豬腩肉撈檬腩肉好入味又不太肥檬粉外形似雲南米線，食落跟一般檬粉沒有分別第一次吃這種檬粉覺得好新鮮…查看更多

DK1885係我覺得最好食既越南餐廳，餐廳賣既係北越菜，而普遍香港食到既都係南越菜，北越菜會比較清淡，強調食材鮮味。下午同夜晚我都食過好多次，下午抵食啲而夜晚食物款式較多同更加特別法式豬肝醬燒雞肉卷 ($148)第一次食豬肝醬，肝醬好香濃，雞肉嫩滑有肉汁，肝醬同雞肉中間有一層芥末醬，食落冇咁膩😋香茅魚露煮活蜆($118)蜆肉鮮甜厚肉，但蜆湯先係精華所在，湯比蜆更鮮，再加上大量香茅、蔥，飲落更香甜，每次都會飲哂個湯😝北正宗烤乳豬 ($198)水準有啲唔穩定，好果陣係我食過最好既乳豬，皮脆到好似食緊豬味極濃既薯片🤯肉質嫩滑肉味濃。醬汁配搭亦有花心思，脆皮配蔥油，肉配酸辣汁，將成道菜提升到另一層次。但今次食係冇咁好果次，皮依然咁脆，但皮多過肉，落鹽亦重手左冇咁食到豬肉甘香🙈老街魚露燒豬肉伴檬粉 ($88)每次食店員都會講解食法，將檬粉放落小碗，再加豬肉、九層塔、小小湯汁撈埋一齊食。湯汁酸酸甜甜，由於魚露份量比較多所以好鮮，豬肉肥瘦均勻，就算肥既位都會爽口，肉味唔錯，不過檬粉份量比較少，撈完全部檬粉都淨返好多湯汁，我有時會叫多啲檬粉去撈埋佢😆價錢: $325/位 (有加一)環境: 7.5/10味道: 9/10性價比: 8.5/10…查看更多

最新推廣有外賣自取優惠之前路過問可唔可以預早打電話叫定然後自取當時回覆係可以嘅因為可以打電話叫定所以今日試下打去叫定遭到拒絕仲反問我你叫好多份咩叫我自己落去叫仲話好快跟住我就問佢唔可以叫定先啦跟住叫完佢就cut咗我線連飲品都唔問結果我去到俾錢嘅時候佢仲話我你下次唔好打電話嚟我哋唔接受電話外賣跟住我解釋返比佢聽我就係之前現場問過你哋話OK我先打電話嚟跟住佢話你以後都唔使打架啦我哋唔接㗎佢話已經做緊特價㗎啦其實特價同埋佢接唔接電話外賣自取係兩件事唔知點解啲態度可以咁樣，其實疫情期間食外賣都係唔想喺條街停留咁耐姐同埋佢本身出餐係慢嘅我唔信佢話好快可以做起囉之前堂食態度都好一般，但係我見佢係屬於小店類型所以我都幫襯過幾次嘅我見到佢哋人手又唔係好夠所以都覺得出餐可能都係人手唔夠但係態度唔好就真係越明顯一般多謝唔該嘅說話係唔會聽到連外賣都係咁真係可以說再見…查看更多

同事話想食健康啲，所以就黎左呢間，順便帶我試新野。食撈檬，都唔洗點等位就入得。不過staff超級忙，都唔係好得閒落單，好匆忙寫完食咩都未得閒落埋野飲單。野食都等左最少20min先有😱…🔅DK香茅雞翼撈檬 ($60)雞翼幾香香茅味，熱辣辣食都幾野味😋。配埋炸蒜片，生菜絲，蘿蔔絲同少少蔥，撈埋都幾香👍🏻。枝魚露酸甜汁都OK，甜甜地唔會太酸。整體份量都唔算小。💬野食都正常，跟餐有野飲，凍飲加$3都還可以。不過lunch hour staff太忙，野食出得慢有啲扣分……查看更多

已經係下3點幾，經過此處，諗住吃個下午餐，入到去得2枱人客，待應匿埋喺入邊，愛理不理，自己坐低下後，揮手喂咗5、6聲先有人行過嚟，唔係攞餐牌俾你，係木口木面咁望住你，都唔知做乜！咁嘅待應講句唔好聽倒米，於是點咗一個生熟牛肉湯河，送到上嚟試一啖，湯淡而無味，牛肉普通，D粉唔滑兼份量極少，質素之差都唔識講，安x和新竹x的同樣嘅好食好多，套餐連一杯嘢飲，我叫咗咸檸7，盛惠加一後$90，超級搵笨！認住呢間舖，下次永遠不會幫襯！都唔明咁嘅舖頭出咗可以喺度生存到？…查看更多

之前一路book mark左呢間餐廳好耐，見到佢有個墨魚餅好似好正今日諗住終於有機會去試吓嗰個墨魚餅，點知去到佢話冇墨魚餅，一開舖已經冇咗個招牌，好失望燒豬腩仔湯河$68最後就轉咗一個燒腩仔湯河，撈檸轉湯河要加$8今日想食啲嘢辣辣嘅嘢，就照加咗錢燒腩仔用咗啲燒烤醬去燒燒烤醬味都幾重下，完全cover左本身燒腩仔有嘅味道，感覺上都唔係太越式湯河其實個份量都幾細，男仔可以話幾肯定係唔夠飽嘅同埋上個侍應嘅態度真係幾麻麻，冇咩禮貌，下次唔會再食…查看更多

疫情沒完沒了，「幾條冷」的飯聚固然變得稀少，甚至乎多個生日聚也被迫壓後！香港人那麼愛好美食美酒，不同程度的限聚令與食肆營業時間的限制，實在苦不堪言，相信大家也身同感受！最近，我們渡過了一個隔著板子、分檯而坐的生日聚！大抵是久分再聚，大家情緒高漲，加上令人回味的越式菜餚與及自攜美酒作助燃劑，歡笑聲竟有增無減，快慰兼風騷霸佔每分秒，所以不得不跟愛吃愛飲的大家分享！訂位時請老闆寫好菜單，部份是舊菜回味、亦有新菜首嚐，總體非常滿意！先來的蓮藕心鮮蝦沙律是一道嚐過多遍的菜式，集合大蝦、青瓜、車厘茄、大量沙律雜菜，最特別要算是爽口的蓮藕心，將沙律的越色帶出，絕對是一道清爽怡人、屢吃不嫌的開胃沙律！接著是香辣香茅爆炒雞腎，這道新菜式釋出香茅和各式香料的芳香，配合金黃焦香的爽彈雞腎，惹味非常，佐酒吃不停，已成為我的新竉！北越街頭燒鵪鶉是每次的必吃，入口多汁鮮嫩的鵪鶉與特製的香料醬汁融合為一體，怎能不吃！再來外脆內彈的海防手工墨魚餅，必然要再乾一杯！多變的香味是越南菜一大吸引之處，這道新嚐的椰汁喇沙葉煮大蜆，擁有滑溜與芬香的汁料，每一隻鮮嫩的大蜆均盛載著滿厚的汁料滋味，令味蕾依戀著迷，在意猶未盡之際，旁邊的油炸鬼可不得了，用來沾上汁料，既香脆又滋味，吃得大樂透！北正宗烤乳豬是舊有菜式，也同樣列入我們必吃的菜式。採用真正的越南乳豬仔，肉質最為嫩滑，加上脂肪含量不高，烤出來的乳豬，皮層甘香酥脆、肉質幼滑而不膩，蘸上特製的酸味或蔥油醬汁，令人回味不已！新菜式的越式豬肝醬燒雞肉卷邪惡度十足，每吃一口，便速使我灌一口酒，間中也會來一點酸蘿蔔，大家要正視豬肝醬的威力啊！壽星女指著香露辣醬炒龍蝦，究竟所為何事？無他，因為這道龍蝦新菜式實在太震撼了！經爆炒後的新鮮龍蝦保持鮮甜彈嫩，混合多種香草精髓的醬汁緊貼蝦肉，達到香而不濃，惹味而不奪鮮之效，非常的讚！龍蝦醬汁之妙，驅使我們要來了一客濱海，滋味醬汁當然要全面封殺、一滴不留！河內漁民焗魚是新口味之一，先嚐了鮮嫩輕甜、帶有香茅清香的原味道， 再來挾一把魚肉蘸上自家製的醬汁，嘩 ....... 立即將純味道切換成開胃刺激的新滋味！壽星女是愛蠔之人，這道越式乾蔥油焗蠔正好對準她的味蕾而設！蠔肉鮮嫩，以乾蔥油帶出鹹香的越式風格，焗蠔從來不簡單。當晚有魚、有蝦、有蠔、有菜、有肉，我們的饞嘴不忘蟹的滋味，何況椰青蒸羔蟹是百吃不膩的好菜式，一定要重溫！香港人多吃薑蔥炒蟹，花雕蒸蟹、又或是鹽焗蟹，但原來椰青的鮮甜，湊合焦蟹的鮮，竟可引出蟹食鮮純清潤的另一面，其實多說也沒用，此美味得親自品嚐！最後，還要來一杯啤酒，可見滿足到極點！再看看整晚的耗酒量，簡直要用盡興與不醉無歸，雙倍的形容詞才能表達出來！…查看更多

去到四月的第一天好像很多事情和人要懷緬，與此同時亦可以是作慶祝的一天！因為這夜我們幾條冷為辣糖補祝她遲來的生日飯。選址是我們也十分喜歡的DK1885亦即是以前在新蒲崗的北正宗，這間店子我是超級有情意結的，皆因我跟車車在哪兒有過一段很快樂美好的回憶。由新蒲崗轉戰至灣仔的DK1885我們已不是首次前來捧場，但原來已經接近兩年半沒有來探阿Ray了！甫踏進店中那份親切的感覺即時全部回來了！未開席前先品嚐沉大師帶來的日本名物香蕉蛋糕，用白酒來佐吃原來感覺很甜蜜醉人！幾天我帶了這來自支日本削Rue de Vin La Collection Les Amis Poise Sparkling梨酒，用製香檳的方法釀造而成喝下味道清香甜美，我覺得作為Dessert Wine十分匹配呢！六條冷須隔著一板但也無損興致，先來乾一杯乾一杯恭祝友誼，然後我們便可大快朵頤了哈哈！生日大餐由熟悉的蓮藕心鮮蝦沙律揭開序幕，酸香爽口的蓮藕心依舊迷人，配搭車厘茄和新鮮的沙律菜口感爽到不行，而內裡的鮮蝦更是爽彈甜美吃得我胃口大開喔！緊接著這一碟香辣香茅爆炒雞腎一致得到我們的讚賞，一粒吃下香香辣辣非常惹味，再呷一口美酒實在太享受了。這次的北越街頭燒鵪鶉雖然有點失色！但非烹調味道出了問題，相信是鵪鶉貨源出了岔子，很欣賞阿Ray樂意接受客人意見，所以每次來也會吃到驚喜的菜式。這個由越南直送的海防手工墨魚餅，吃下口感極具彈性而且墨魚份量足，而且一點也不油膩，絕非坊間的行貨可比媲的。接下來的北正宗烤乳豬仍然保持水準，皮香肉嫩的乳豬件味道調教得恰到好處，醃料香得來能提升了豬肉的甘香，另可隨心的配上蔥油式或酸子辣汁伴吃來增添香氣。這個又是首次品嚐的身材色，他的名字叫越式豬肝醬燒雞肉卷，光是菜名已感覺到那份邪惡了吧！軟軟嫩的雞肉包裹著甘香迷人的豬肝醬，這組合又那會有不好吃的道理呢！我相信如果配口紅酒便更會加完美。吃過前菜和肉肉後到海鮮出場了！打頭陣的是我們首次品嚐的椰汁喇沙葉煮蜆伴油條，喇沙葉在香港不易找估不到輕易在這兒吃得到！香濃的汁醬緊緊環抱著蜆肉吃下香滑而不膩，剩下的美味椰汁用油條來細意品嚐，因為絕不能辜負大廚的悉心製作。再來的是河內漁民焗魚簡單菜式最考功夫，魚肉帶上幽幽香料味道再沾點辣汁吃會更加吸引。鮮氣縈繞緊接著到香露辣醬炒龍蝦隆重登場，鮮爽彈牙的龍蝦肉被香辣惹味的醬汁浸淫著，一件吃罷好味得難以停嘴呢！所以我們詢眾要求要了一大份濱海伴香露辣醬吃。繼而來到的是越式乾葱油焗蠔，新鮮肥美的生蠔以香口的葱油來焗製，吃入口先有葱香然後便是一股海水的鮮味很吸引。最後還有我從來也傾慕的椰青蒸糕蟹，那頂角的蟹膏令人又愛又恨，而那口充斥海洋鮮味的椰青湯更是甜入心扉，這味道真的百吃不厭教我死心塌地的愛它啊！！不經不覺十時大限到了又要結束一個快樂的晚上，不知到六月份清麗村姑的生日飯聚可否能衝破那塊無情的隔板呢？…查看更多

🇭🇰DK1885·成日lunch time時候都會想食清D 食越南粉 但係黎黎去去都係食個幾間 今次終於試新野😂😈佢坐得都OK嘅 不過樓面就得1個員工 所以要等得比較耐🤔·去骨走地雞湯河$75DK香茅雞翼湯河$70我覺得佢個雞湯河幾有驚喜 個湯底係真係好濃雞味 但係唔會好油 D雞都好嫩 唔錯🐤不過佢另外個湯河就普通D 個湯底有D鹹 不過D雞翼即炸 好脆 好味既😌·#rbyeat#rby東南亞菜#rby灣仔·📍灣仔譚臣道29號樹發樓地下…查看更多

服務態度：一般，無話會特別熱情或推介你食咩。環境方面：坐位之間較近，坐得唔係好舒服感覺，所以食完都立即走，完成唔想坐多陣。食物質素：是次係食雞扒，不夠入味，食完都唔知食緊咩汁，失敗。唯一可取，食物分量夠飽。性價比：低，價錢貴，不是物有所值總結：灣仔咁多選擇，我唔會再光顧。好味指數…查看更多

系灣仔想搵間唔洗等位仲要價錢合理既地方難過登天，難得呢道有一個位就決定試下。呢幾日天氣會暖想食d凍野， 就想起越南撈檬。呢道個餐牌好多選擇，有平有貴。 據香港食越南野經驗，揀撈檬總無錯。 於是揀左越式燒豬腩肉撈檬。店舖不大，人都不少，但只有一位店員（or 店長？）所以見到佢都好大壓力。幸好食物都唔需要等好耐。 主角燒豬腩肉唔太漏， 醃料甜甜地。 講真其實係港式雞脾味多過越式。但係味道一d都唔差。個檬都幾彈牙， 生菜新鮮， 酸蘿蔔酸甜岩岩好。 其他配料都好好味。份量一開始以為會唔飽，但原來都好夠。咁既價錢真心抵！值得一提的是門口做緊疫情外賣優惠，$33 已經有一個餐仲要有野飲。超有良心！！非常值得支持！…查看更多

這家店應該是我這麼多年吃過的越南菜當中最難吃的一家。看到中午時候不用排隊 而且還有很多空位就知道今次絕對是中伏了。其實這點樣裝修還可以有一點越南的風味，但首先服務已經不知所謂。點單時跟服務員說了多次他都記不住，要不斷重複又重複。我點了一碗牛肉丸牛柏葉湯河，湯底淡而無味不用說了，牛丸完全是超市冰凍的貨色。想問服務員拿點是拉差加點味道，他們連是拉差是什麼都不知道。而且沒有牙菜也沒有薄荷葉。這間越南店居然能在香港生存實在是奇葩！…查看更多

香港好似唔多好味嘅越南餐廳，未試過食家蔡瀾先生介紹嗰啲，只食過「安南」、「河內大娘」、「BEP Vietnamese Kitchen」、「芽莊越式料理」，仲有尖沙咀某啲出名船河。於是搜索 Open Rice，見到呢間 BK1885 餐廳有66個😋好味讚，7個👌話一般，只有4個差嘅評分😓，於是揀咗呢度喺星期二平日放假嚟。為咗唔好同人爭食飯，加上而家又實行嚴謹嘅社交距離措施，6點後冇堂食，於是我哋就趕喺5點鐘食晚飯。餐廳係喺灣仔譚臣道29號，周圍店舖唔係多，對面有一間Feather and Bone，其他都差唔多閂哂門。去到餐廳，入面冇已冇客人，但未閂門，店內職員正在食飯，可能佢哋冇諗過到臨近5點仲有客人，睇到佢哋係好放鬆咁等收工。我哋見店入面一個客人都冇，都有問問係咪已 last order。有個職員示意我哋可以入去，坐低後俾個 lunch set menu我哋睇，我哋問有冇某個餐及問有冇金邊粉，佢哋話已冇。跟著我哋再問攞餐牌睇，我哋覺得侍應好似唔係好願意我哋仲嚟食，於是快快揀咗啲仲有供應嘅嘢食，一個越式燒牛肉撈檬 $98、一碗海防蟹肉湯金邊粉，但佢哋冇哂金邊粉，所以我轉咗河粉 $108，再加兩杯梳打水 (跟餐)。海防蟹肉湯金邊粉 $108，比我想像中唔同樣，中間嘅係蟹肉，應該係喺雪櫃入面拎出嚟，因為係凍嘅，浸咗湯先冇咁凍，另有兩舊魚餅，味道OK，嗰啲豆腐卜我冇食。個湯算熱及味道OK，但食完之後成晚都口渴。嗰啲蟹肉雖然係凍，但仲聞到有蟹味。個河粉係未煮開哂，碗底夾到部分河粉仲係黐埋一齊，即係廚師喺雪櫃拎啲河粉出嚟後，又冇用水沖番開，洗一洗，先再煮，而就咁煮都仲要煮得唔均勻。我覺得呢碗粉已感覺到餐廳唔珍惜及唔尊重客人。越式燒牛肉撈檬 $98 味道非常一般，感覺係餐廳收咁嘅價錢，但冇煮出同樣水準嘅食物俾你。餐廳俾咗一碟仔青檸檬及辣椒，朋友見到兩樣嘢已乾哂，叫我唔好食，但食湯河粉唔落啲辣椒又好似冇咁好食，佢呢度又冇其他醬料，呢幅相係我已落咗啲辣椒之後影，因為個青檸檬實在太乾，唔似一間值得客人嚟捧場嘅食店。而家疫情令餐廳經營艱難，但仍有好多人會叫外賣，及多咗去支持小店，試吓唔同嘅餐廳。6點後冇堂食，好難做生意，但如果你有口碑，啲客人就會專登嚟試，唔可以抹殺有客人會趕嚟幫襯，我哋係想嚟支持你食店，但呢度俾我同朋友嘅感覺係，好似係我哋嚟求你俾嘢我食咁。試過叫一間好普通又平民化嘅上海食店，不單服務好味道好，啲餸菜俾足料你，冇欺場，所以雖則係小生意，但啲客人源源不絕，不停返去幫襯。中環有一間拉麵，只賣三款麵及幾款小食，每碗過$120蚊，但真係好好食及店內衛生，感覺良好，貴得嚟都有好多人幫襯，食個麵嘅時間係好快，有啲人一個人嚟食完好快就走，睇得出係熟客。而呢間 BK1885，即使唔講服務質素，食物水準亦唔值得收咁嘅價錢。…查看更多

本身諗住喺附近食西餐，點知人太多，唔等喇因為好肚餓，最後走入一條街就搵到呢間食 PHO 嘅越南餐廳。每人各點左一個撈檬同河粉，有豬腩撈檬、燒牛柳撈檬、生熟牛肉湯河，再叫左2杯飲品清檸梳打同咸檸吉仔水，但係呢2杯無咩特別嘅飲品都唔平（$38）。豬腩撈檬 $98呢個撈起上嚟都幾開胃，不過有d似比較幼身啲嘅米線，但食落都可以嘅。燒牛柳撈檬 $98個牛柳都ok，比較淋。生熟牛肉湯河 $78牛可以接受，但個湯底真係無咩味，比較清淡。總括嚟講，食物有d一般有d正常，價錢就真係貴仲要加一，真心唔抵食😕，食一個撈檬加埋一要成$108，真係唔會再去食，太貴喇。。。…查看更多