Cobber Noodle and Waffle

今日同朋友嚟到觀塘呢間人氣窩夫 Cobber Noodle and waffle!!! 想食好耐架啦😍 好彩一早book咗位 入到去全場都係滿人！ 一坐低枱面有餐牌可以睇住先 好快就有QR code自助落單好方便👍🏻 QR code入面有更加多嘅款式😍 好多嘢都想食 都揀咗一陣終於決定好！ 炸魷魚配芥末籽蛋黃醬即叫即炸熱辣辣上枱勁香😍 魷魚彈牙 食落唔會覺得油膩😌 配埋靈魂醬汁 芥末籽蛋黃醬係絕配 如果芥末味再濃啲就更好🤭 帶子海鮮喇沙意粉睇餐牌見到喇沙配意粉就即刻想試吓😋 一嚟到三粒帶子勁大粒 煎得岩岩好 食落彈牙無雪味👍🏻 意粉軟硬度適中 喇沙掛汁甜甜哋唔會好辣 推👍🏻 自家製千島醬慢煮雞肉香草Pizza千島醬一啲都唔吝嗇🤩 大大舊雞 食落啖啖肉仲好滑 滿滿蛋白質😛 熱辣辣芝士仲會拉絲 一定要趁熱食！ Honeycomb Latte脆脆焦糖賣相非常適合打卡😬 等佢慢慢溶咗加埋落latte一齊飲就唔會好甜😌 新鮮蜜瓜配焙茶糯米窩夫主角出場😍 焙茶愛好者必食甜品！先講新鮮蜜瓜🍈超甜勁多汁 雪糕揀咗椰子味 糯米窩夫真係第一次食 有種煙靭嘅口感 配上脆脆嘅窩夫 外脆內軟配上雪糕真係好好食😋 每一啖嘅中後段 焙茶味散發出嚟 真係大推🫶🏻 整體嚟講 呢間Cobber noodle & waffle 環境舒適 食物質素真的不錯 食物款式多樣化 下次一定要再嚟試佢其他窩夫😋…查看更多

已經為這間ᴄᴀꜰᴇ的糯米窩夫多次回訪，是個人排行榜的第一位！為了預留ǫᴜᴏᴛᴀ吃兩份窩夫，今次沒有點主食！雖然位於工廈內，但室內裝修得挺簡約舒適，而且有提供訂位服務！⤫ ⤫ ⤫ ⤫ ⤫ ⤫ ⤫ ⤫ ⤫ ⤫<芒果斑蘭糯米窩夫> $98<焦糖香蕉朱古力竹炭糯米窩夫> $108糯米窩夫是必點，每份都有兩件正方形窩夫，無論當作正餐或甜品也很滿足！不定期有當季口味，亦可以選擇雪糕味道！窩夫一定要趁熱食，才吃到最佳口感，真的是外脆內煙韌！推薦斑蘭口味，配搭芒果果肉及椰子雪糕很夾🥭🥥⤫ ⤫ ⤫ ⤫ ⤫ ⤫ ⤫ ⤫ ⤫ ⤫<馬蘇里拉芝士焗薯蓉帶子> $78<炸魷魚配芥末籽蛋黃醬> $78焗薯蓉帶子超香芝士味，薯蓉混合了不少帶子肉！炸魷魚即叫即炸份量挺多，而且每一顆都很大粒，是ᴅᴇᴇᴘ ꜰʀɪᴇᴅ的口感🦑⤫ ⤫ ⤫ ⤫ ⤫ ⤫ ⤫ ⤫ ⤫ ⤫<ʟʏᴄʜᴇᴇ ʀᴏꜱᴇ ᴀʟᴇ> $46<ᴘᴀꜱꜱɪᴏɴ ꜰʀᴜɪᴛ ꜱᴏᴅᴀ> $46飲品選擇都算多，有咖啡、茶、梳打、沙冰等等，荔枝玫瑰和百香果梳打都是較解渴的選擇，飲品都挺大杯的，不過冰塊有點多！…查看更多

# 【食評】觀塘工廈驚喜樓上Cafe —— Cobber Noodle and Waffle 今日專登同媽咪去咗觀塘一間隱世樓上Cafe，藏身喺工廠大廈入面，雖然地址唔算容易搵，但環境非常舒服，裝修簡約文青，多書籍擺設同牆畫裝飾，有種慢活氣氛。服務員態度好親切，令人到訪有種賓至如歸嘅感覺，難怪會吸引唔少人專登上嚟。 ---## 🍗 蜜糖芥末雞翼（$68/6隻） - 一上枱見到雞翼好大隻，色澤金黃； - 外皮炸到香脆，內裏仲保持肉汁，juicy唔乾； - 醬汁酸酸甜甜，蜜糖同芥末比例啱啱好，唔會太膩； - 份量足，CP值高。 ---## 🦞 帶子海鮮喇沙意粉（$148） - 上檯一陣喇沙香氣已經好吸引； - 醬汁酸辣度適中，椰香同辣度平衡得好； - 三粒大帶子煎得恰到好處，帶子鮮甜彈牙； - 意粉掛滿喇沙汁，再加埋細帶子同蕃茄，更加豐富。 ➡ 係當晚最驚喜嘅主食之一！ ---## 🍕 大阪燒八爪魚Pizza（$118） - 賣相好吸睛，上枱時熱辣辣，香氣四溢； - 薄批口感脆身，餅邊烤到香脆唔硬； - 上層舖滿八爪魚粒、木魚絲，仲有大阪燒醬汁同沙律醬； - 每口都食到日式風味同Pizza嘅結合，好特別。 ---## 🧇 芒果糯米斑斕窩夫（$98） - 必試招牌！窩夫外脆內軟，裏面有斑斕嘅獨特香氣； - 上面有雪白嘅椰子雪糕同椰汁，再加新鮮芒果肉同熱情果，酸酸甜甜一流； - 成個組合清新又足料，既有南洋風味，又有西式質感。 ---## ☕ 飲品 - **Smoked Pineapple Coffee（$48 → 今日推廣半價 $24）** - 特製煙熏菠蘿果香同咖啡嘅微苦好夾，入口層次豐富； - 菠蘿乾裝飾幾有心思。 - **玄米茶椰子奶（$44 + 椰子奶$5）** - 茶香帶微微炭焙味，混入椰奶更香滑； - 飲落溫和，好適合Chill住慢慢嘆。 ---## 💰 價錢 - 合共 **$483**（兩個人） - 食咗頭盤 + 主食 + Pizza + 甜品 + 兩杯飲品 👉 CP值高，以觀塘工廠區樓上Cafe嚟講價錢好合理。 ---## ⭐ 總結 **Cobber Noodle and Waffle** 真係一間會令人想再返去嘅Cafe： - 食物高質，多元化，有創意； - 環境舒服，好適合同朋友／家人傾偈、休閒； - 雞翼、喇沙意粉、斑斕窩夫都非常推介； - 雖然喺工廈，要花少少心機搵路，但絕對值得！ 👉 **推介指數：★★★★☆（4.5/5）** 📌 必試：帶子海鮮喇沙意粉、芒果斑斕窩夫、Smoked Pineapple Coffee ---…查看更多

是日觀塘上完training 就同同事附近搵個dinner，店面分左兩個區域 一邊以2-4人小枱為主 另一邊空間大D 仲有8人大枱 好彩早左少少6:30到埗 當時都仲有好多位 不過大部分都被BOOK了，下次再黎都係BOOK定位穩陣D🍝帶子海鮮喇沙意粉 $148海鮮部分放了一堆小貝柱同3隻大大帶子，喇沙汁底有微微辣感而唔會太大辣度 對我來說岩岩好 唔搶味又令成個意粉更惹味，用嫩蘆筍+橙色車厘茄做配菜，所有用料火喉控制都一流，呢個價錢竟然比到呢個質素 欣賞~🧀炸芝士拼盤 $58兩款芝士外層都炸得酥脆鬆化，一款是熱辣辣上枱可以玩拉絲的，第2款更軟滑 少少薯蓉感覺，點唔點蛋黃醬都夠好味 (如果係啤酒小食就無敵)🦑炸魷魚配芥末籽蛋黃醬 $78店員姐姐未放低已經聞到香味，魷魚炸得透徹岩岩好，輕薄炸衣已經帶有調味，本身惹味又香脆 沾少少芥末籽蛋黃醬更正，食晒小碟醬🧇藍莓香印伯爵茶糯米窩夫 配椰子雪糕 $96溫溫的窩夫 外脆內煙韌，伯爵茶醬濃郁creamy，加上少少半融化椰子雪糕 個味又幾夾，藍莓同香印提子都係juicy又酸甜酸甜的，成個配搭好好層次 新鮮之餘又唔會甜膩，雪糕除左椰子 仲有幾個味道揀🍑蜜桃乳酪碎冰 $54佢地都幾多特色飲品 仲有得看圖識食  抹茶/咖啡全部造型都超美的，不過是日想要fruity，Slush打得細滑 入口蓬鬆夠味又唔會太甜，上層仲加左少少真果肉碎*全程QR code落單*收+1服務費*用餐時間100分鐘*店面勁多店員哥哥姐姐 招待同上菜都超有效率*真！所有實物都比menu圖片更吸引，食物做得好有誠意 值得再訪(OpenRice建議提供單據)…查看更多

隱藏在工廈區的人氣餐廳，開業以來人氣一直高企，區外人好似我咁覺得位置有點難找，晚上就像了無人煙的工廠，但係一打開餐廳門，全場爆滿與外面世界簡直係兩極，我想言之呢度有多好食，這裏主打主打多款口味雪糕糯米窩夫，意粉、燉飯、各式小食和飲品一樣出色👍▪️馬蘇里拉芝士焗薯蓉帶子個人超鍾意Mozzarella，尤其是焗完之後面層嘅焦香口感，芝士控完全難以抵擋，芝士包住超級香滑嘅薯蓉和帶子，味道絕配▪️蜜糖芥末雞翼（6隻）每一隻都超大隻，外層佈滿滿的蜂蜜芥末醬，而且炸得外層酥脆肉質嫩滑，味道甜香好惹味▪️炸芝士拼盤芝士控實在大愛，外層超級酥脆，內裏就是香滑溶化流心的芝士，就咁食或者沾上沙律醬，一樣黐線咁好食▪️蟹膏甲羅燒燉飯燉飯一樣做得好出色，每一粒飯粒都被Creamy的忌廉汁包圍着，而且軟硬適中，再加上蟹膏甲羅燒和蟹籽，鮮味無窮▪️新鮮蓮霧竹炭糯米窩夫招牌窩夫每台必點，我挑選咗這款台灣最時令嘅水果蓮霧，爽口清甜，竹炭糯米窩夫，外脆內裏煙靭又鬆軟，真係超高水準，配上椰子雪糕和楓糖漿，真係無法抵擋甜品▪️Honeycomb Latte (iced)Honeycomb大大粒超級酥脆，就咁食已經超好食，配上香滑Latte 讓蜂蜜脆脆慢慢溶化，帶出天然嘅甜味，好飲…查看更多

Cobber Noodle and Waffle真係隱身喺觀塘工業區，但入到去成間Cafe氣氛好warm，岩晒攞嚟朋友聚會。今次我哋成班8個人，加埋有兩位小朋友慶祝4歲生日，全場都好歡樂。餐廳主打意粉同窩夫，今次必試佢哋嘅明太子意粉，海鮮味夠突出又creamy，啱晒大人小朋友一齊分。其他小食同主菜都唔錯，份量十足。甜品方面都好有驚喜，招牌焙茶雪糕窩夫香脆煙韌，食完感覺超滿足。​​​​成晚8人大枱好舒服，店內木系工業風設計令人好relax，大家傾偈影相都唔怕嘈住人。呢間Cobber真係屬於健康輕鬆、甜品餐點都好味，值得推介畀有小朋友或朋友生日聚會嘅人，搵個唔同氣氛同特別回憶。​​​​…查看更多

Cobber Noodle and Waffle，真係要大大聲推介俾大家！佢哋啲嘢食超有驚喜，絕對係值回票價，五粒星無得輸！🍝 主食拍爛手掌：個山葵柚子八爪魚意粉真係好掂！個忌廉汁明明好creamy，但係佢加咗山葵同柚子之後，即刻變得好清新，食晒成碟都唔會膩！八爪魚又爽口，啲魚子「卜卜」聲，口感超正！仲有嚿焗帶子芝士薯蓉，芝士焗到金黃色，薯蓉滑到好似忌廉咁，加埋帶子嘅鮮味，勁窩心！薯條都炸得夠脆，合格有餘！🧇 甜品係招牌，必嗌！甜品係佢哋個招牌，個黑芝麻糯米窩夫真心要試！個窩夫唔係普通嗰種鬆軟，係有糯米喺入面，咬落去係煙韌彈牙㗎！黑芝麻味勁香，配埋雪糕同朱古力醬，正到暈！🥤 飲品有誠意：飲品方面都唔馬虎，百香果特飲好Fresh好解渴，酸酸甜甜有果肉。鍾意甜嘅就嗌埋朱古力雪冰，夠晒凍，上面又有忌廉，好滿足。埋單計數：無論係食物嘅創意、味道定係賣相，都做到足！好耐無食過咁有心機嘅嘢喇，真心推介大家去試！…查看更多

位於觀塘既「Cobber Noodles and Waffle 🧇 」係我非常喜愛嘅餐廳之一，雖然餐廳嘅位置有少許隱蔽，但係餐廳環境及食物質素非常有質素，每一款菜式都好味😋，無論意粉🍝、燉飯、小食、甜品，都10分有質素。🍝 Cobber忌廉茄粒醬肉丸意粉意粉一上枱就聞到香噴噴嘅茄醬味，肉丸夠晒Juicy又入味，用新鮮蕃茄做嘅茄粒醬，酸酸甜甜，開胃又好味。🐙 山葵柚子八爪魚忌廉意粉自家創新意粉，山葵同柚子嘅味道好清新，八爪魚爽口彈牙，配埋忌廉意粉，口感層次好豐富，絕對有驚喜！🍕 自家製千島醬慢煮雞肉香草PizzaPizza底薄脆，雞肉嫩滑，香草味好突出，千島醬令整體味道更加惹味，創新又好味。🥭 芒果斑斕糯米窩夫配椰子雪糕甜品方面真係要讚！窩夫外脆內軟，斑斕味好香，芒果甜而不膩，配埋椰子雪糕，清新又解膩，食完想encore!👍Cobber真係一間值得欣賞嘅餐廳，每次去都有新驚喜✨，無論係主食定甜品都好有水準。…查看更多

.‼️❤️ 記得CLICK我PROFILE關注我呀 ❤️‼️.🥞 呢度嘅糯米WAFFLE世一 @ 🌟 Cobber Noodle and Waffle 🌟.💁‍♀️ 圖片展示美食為：馬蘇里拉芝士焗薯蓉帶子 HKD 78炸魷魚配芥末籽蛋黃醬 HKD 78鹹蛋黃雞翼 HKD 78帶子海鮮喇沙意粉 HKD 148芒果斑蘭糯米窩夫配椰子雪糕 HKD 98.👽 呢間絕對係同區內值得一試嘅西餐廳，不過一定要記得訂位，因為長期都係爆棚，人氣好旺架！.🤩 開餐先一勺舀落「馬蘇里拉芝士焗薯蓉帶子」度，拉出超長芝士絲！綿密薯蓉包住彈牙帶子，焦香芝士混和超級邪惡，連焗盤邊嘅脆脆都刮清光。🦑 咬落「炸魷魚配芥末籽蛋黃醬」好彈牙，脆漿夠薄，芥末籽醬微酸解膩，一流嘅開胃小食，仲好大兜超抵食！.🐔 「鹹蛋黃雞翼」炸到金黃脆皮，鹹蛋黃醬鹹香帶沙感，撕開時肉汁滴落，忍唔住連骨頭都啜埋～.🍝 新出品「帶子海鮮喇沙意粉」玩FUSION，濃郁醬料掛滿每條意粉，大粒帶子煎到焦糖邊，參巴醬嘅辣勁後發制人，東南亞惹味瞬間爆發！.🥭 壓軸「芒果斑蘭糯米窩夫」視覺滿分！窩夫夾住軟糯椰香糯米，烤到外脆內Q，配冰涼椰子雪糕同新鮮芒果，為成餐飯畫上完美句號。.😌 呢間餐廳開業到依家咁多年都好多人幫襯，尤其個WAFFLE絕對係高汁對得住個價錢，大家有興趣可以去試下。.📍 觀塘興業街16-18號美興工業大廈A座1樓A4室.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

今日去到觀塘呢間分店食佢最出名嘅窩夫，短短一兩年已經開咗咁多非常勁！嗰日1:00去到已經好多人滿座了，建議大家嚟之前一定要訂位等一輪都要一個半鐘。呢度嘅地方唔算好大，可以裝到30人度，如果搞party都幾好！同埋呢度嘅入口位比較偏僻，鋪租比較平，就將預算放左係食物度！每一道菜都非常之足料，性價比高！我同朋友食咗一個窩夫加兩個意粉，再加2杯嘢飲飲都唔使$500 ，中午有特價，$20 幾蚊已經可以配野飲！首先一定要推介佢嘅窩夫有唔同嘅口味，主要分咗竹炭麻糬窩夫同埋伯爵茶味！配埋有唔同口味嘅雪糕仲要超級大球，真係食完心情都好好🤩我哋點咗焦糖朱古力配豆腐雪糕加窩夫，唔會好甜，而且非常之夾！推介大家試試！佢仲有個海膽意粉，海膽勁多鋪滿晒，不過兩個人食有啲漏都食唔晒！加埋佢明太子燉飯非常之出色，極度濃味！但係一定要飲杯咖啡中和返！佢啲咖啡選擇亦非常之多，我叫咗個菠蘿味！真係好特別！依家我已經食咗好多次，下次都會再黎！…查看更多

食物一直都保持水準，非常美味！今日同同事lunch for 生日飯，我地例牌有叫窩夫做飯後甜品，當窩夫送上嘅時候竟然上面插住happy birthday 嘅牌！職員仲同我講生日快樂！初時以為係同事訂座嘅時候提及，後來同事話無提過！之後諗應該係我地坐低嘅時候同事同我cheers 祝我生日快樂嘅時候店員佢地聽到！非常驚喜同窩心！🫶🏻🫶🏻🫶🏻…查看更多

約了同朋友一齊食飯傾偈，朋友話呢間嘢的意粉幾好食，我不嬲都鍾意食肉醬意粉，所以自問對意粉嘅要求都幾高。舖頭嘅裝修走一個歐洲木質田園風格，差唔多三點先去到食，可能過咗高峰期人數唔算多。環境舒適，二人/多人聚會都冇問題。我哋叫咗一個主菜，兩個小食，兩杯嘢飲同一個甜品。作為招牌的Cobber Noodle果然冇令我失望，意粉相當入味，蕃茄肉醬酸甜適中，口感濃郁但唔算十分濃稠，醬汁在味道同黏度上都攞到一個很好嘅平衡。馬蘇里拉芝士焗薯蓉帶子，芝士味道濃厚，帶子很滑，薯蓉奶油味重，口感亦都很順滑。蜜糖芥末雞翼都好食，外皮有啲脆脆，裏面雞肉嫩滑，調味適中，好味～甜品叫咗蜜瓜配竹炭糯米窩夫。本人除咗係個意粉控之外，都係個蜜瓜控😂 之前特登去日本就係為咗食蜜瓜，但我估唔到係香港餐廳都可以食到差唔多甜度嘅蜜瓜，有點意外。窩夫裏面有糯米，咬落又脆又軟，配埋上面嘅雲呢拿雪糕同焙茶醬一齊食，認真好夾好好味🥹簡單總結：Conner Noodles 必叫竹炭糯米窩夫+雪糕+焙茶醬 必叫…查看更多

星期日放假，嚟觀塘行街，當然都想搵啲好嘢食，原來依家嘅工廈餐廳星期日都會開。喺觀塘地鐵站行去幾分鐘時間，地點非常方便，我哋兩個人叫咗帶子海鮮喇沙意粉、自家製千島醬慢煮雞肉香草pizza、蜜糖芥末雞翼、芒果斑斕糯米窩夫、朱古力咖啡。我發覺每一台都幾乎叫雞翼呢個小食，所以我哋都覺得應該要試吓，果然雞翼真係冇令到我哋失望，黎到嘅賣相已經非常之靚，咬落去唔單止有雞翼嘅脆身仲有蜜糖芥辣嘅香甜味夾埋一齊真係非常好食，帶子喇沙海鮮意粉當你慢慢品嚐嘅時候你食得出嗰種喇沙香味仲有花生碎帶出成個醬汁配合埋個意粉相當出眾，個慢煮雞肉pizza即叫即焗，大大塊雞肉喺Pizza面配合埋千島醬係好好味，至於斑腩糯米窩夫真係我發覺喺第二度應該食唔到。嚟呢度食嘢真係可以好好咁樣享受假期享受美食。…查看更多

非常难以下咽，只有纯天然未加工的食物才好吃，比如提子，蓝莓，白开水。其余通通难以下咽，甚至很呛鼻。招牌窝夫的酱都是香精做的，非常不美妙。吃得十分窝囊地就出来了。我讨厌你们。…查看更多

蜜瓜配竹炭窩夫蜜瓜果肉水嫩多汁，甜香撲鼻，配上竹嵗糯米高夫嘅煙韌彈牙，外脆內軟，焙茶醬淋上微苦回甘，入口冰涼滑順，蜜瓜汁水滲入高夫格子，每咬一口都清爽解暑💙💙檸檬蜜糖醋配鮮果沙律鮮果切塊新鮮脆口，淋上檸檬蜜糖醋汁，酸甜交織，果香四溢，沙律葉子脆生生混入，輕盈不膩，每一口都像果園散步，提神醒腦～馬蘇里拉芝士焗薯薯蓉綿密細滑，芝士拉絲融化包裹住彈牙帶子，海鮮鮮甜與奶香完美融合，烤香氣撲鼻，內裡汁水豐沛，外層微脆😝😝Cobber忌廉茄粒醬肉丸意粉意粉彈牙吸滿忌廉茄粒醬，茄粒微甜脆口，肉丸鬆軟多汁，蒜香同番茄酸甜層層疊加，溫和順口，每叉一口都濃郁滑順💕💕Honeycomb Latte (iced) Fruity冰涼順喉，蜂巢脆脆蜂蜜香混入果味清新，全脂奶添奶滑，解膩一流Lotus焦糖餅乾奶更有層次，焦糖甜蜜配餅乾碎脆，奶濃郁綿密，喝落去像童年甜點，滑順不膩…查看更多