CHICKEN FACTORY (啟鑽苑)

走入 Chicken Factory，那陣烤雞香混住輕微果甜味，即刻勾起食慾。「原隻百香果蜂蜜火烤雞」一上枱，金黃色外皮閃閃發亮，嗅落係蜂蜜焦香同烤肉香交織。切開一瞬，汁液由雞皮縫隙滲出，雞肉嫩得幾乎唔使力撕。 入口時，先係果酸嘅清香洗走油膩，之後蜂蜜甜味慢慢滲出，黏附喺雞皮上，甜中帶鹹、層次好立體。雞髀位最出色，肉汁充足，啖啖都香。即使用到果味調味，雞本身嘅香氣冇被蓋過，反而更突出咗燒烤嘅炭香。 配埋「百香果蜂蜜醬」一齊食，酸甜更鮮明，好似俾舌頭嚟咗個小驚喜——唔重手、唔膩口，反而越食越開胃。 呢隻火烤雞唔止係一餐飯，而係一場味道對話：果香講柔，雞香講實，最後變成一種好自然嘅平衡感。食完有滿足感，仲多添幾分愉快精氣神。…Read More

今次同大家分享一間食過返尋味嘅烤雞，真係要大力推介俾各位食肉獸同健身朋友！隻烤雞一上枱已經嚇親我，成隻雞脹卜卜，皮脆肉厚，揸上手沉甸甸，份量絕對係重量級！同某啲連鎖快餐店骨瘦如柴嘅雞真係冇得比，呢度係原隻雞髀撕落嚟啖啖肉，咬落去肉汁四濺，雞胸位置都唔會「鞋烚烚」，醃得夠入味之餘，烤得岩岩好，外皮香脆到「咔咔」聲。最正係跟餐嘅炒雜菜同焗薯仔，雜菜爽脆清甜，焗薯仔外皮香口，裡面綿密，加少少黑椒已經好惹味。成個套餐蛋白質爆棚，蔬菜同碳水搭得均衡，食完成個人都充滿能量，又唔會太油膩，絕對係健身前後補給首選！雖然價錢貴過快餐店少少，但係份量同質素絕對值回票價。鍾意食雞同做gym嘅朋友，呢個烤雞套餐真係不容錯過！…Read More

Chicken Factory的藤椒無骨雞飯點了Chicken Factory的藤椒無骨雞飯外賣, 去Chicken Factory當然要點雞來吃。上次吃了燒雞, 這次試了新口味, 挺欣賞這個套餐的設計, 就是不浪費的全雞宴, 有無雞, 又有雞湯和雞油飯, 我還點了粟米, 相當豐盛, 外賣都能點到這樣豐富的菜式, 真是今日的小確幸。無骨雞食用很方便, 不用手套, 很適合我這種飯來張口的懶人。飯本身很無聊, 但加了雞油生色不少, 香味我很喜歡, 因為不羶, 但有其獨特的風味。紫菜豆腐雞湯健康得來不會淡如開水, 清湯, 好喝, 紫菜和豆腐增加咬口和嚼感。粟米烤得很香, 雞也是他們的招牌, 果然名不虛傳, 相當juicy, 我喜歡藤椒風味, 香而不辣, 非常開胃惹味。…Read More

午市戰鬥力MAX 💪🏼！今次喺Chicken Factory試咗佢哋人氣烤雞餐，$58真心抵食。烤雞皮脆肉嫩，百里香香氣撲鼻，調味啱啱好～一咬落去即刻感受到雞肉鮮嫩多汁，完全冇鞋口感，加分！配料方面可以自選2款，今次揀咗烤薯仔+烤雜菜，薯仔燒得金黃微脆，雜菜仲有椰菜花、甘筍、四季豆，色彩繽紛又健康🌈。整體感覺營養又均衡，蛋白質滿滿，非常適合想食得clean又唔失口感嘅人～做gym嘅朋友必食推介🔥！仲有冰茶一支，食完夠晒解膩～🥤平價、足料又有質素，CP值爆燈💥！…Read More

聽朋友介紹，這家店的烤雞很好吃，叫我快去試。皇牌烤雞餐，有烤雞+配菜+飲品，醬汁可以3選1，配菜可以4選2，性價比很高。百里香烤春雞，我認為百里香烤雞是最好吃的，他的肉比較嫩滑，味道比較香，配了雞油飯和烤雜菜，真心好吃。重量級大烤雞，這個肉會比較柴，但是分量會比較多，配了焗薯和烤雜菜，也是不錯的配搭。醬汁的話，我個人推薦牛肝菌汁、咖喱汁，都很美味。確實如朋友所說，他們的烤雞真的很出色，吃完的話會想再去吃，而且價錢優惠性價比很高。…Read More

近近地成日叫chicken factory外賣自取，叫咗雞髀+飯（下午茶），貪佢平平地。飯個味道OK，但食個雞髀就覺得冇咩味。又覺得啲雞皮好似好肥，㨴開一睇，先發現原來入邊啲肉係壞死左咁紅，真係非常之恐怖。雞髀嘅其他好多位置都係紅色嘅，有少少血水流出。我真係質疑呢個雞髀係非常之唔新鮮，冇味都算，問題係呢塊肉究竟其實係咪擺咗好耐，擺到壞埋，仲整出嚟俾人食呢？我知呢間可能都會用預製菜，但估唔到入邊食材咁差。如果唔係我搣走啲雞皮、打開隻雞髀嚟睇，都唔知入邊啲肉原來已經壞晒，下次建議大家食都唔好揀雞髀食。。。平時啲烤雞飯好似好啲…Read More

真金白銀畀錢試🤣🤣成日都叫 chicken factory 原雞外賣，今次第一次堂食，叫咗咖喱汁，估唔到又幾香幾辣！燒雞就一貫高水準！真係食幾多次都會想再叫雞🤣但我覺得有驚喜係個泡菜，自從去完韓國就好想食泡菜，呢個辣味夠又香，十幾蚊份量好足夠，加埋油飯食一流！鍾意辣泡菜嘅不妨試試！一…Read More

今晚同跳舞同學去新蒲崗上跳舞堂,  放左工諗住食啲野先跳又唔想太飽, 跳舞同學提意試呢間燒雞,  呢間小店係自助落單, 可以堂食或外賣~我地各自叫左半隻燒雞套餐 - $56, 配烤雜菜及焗薯 (自選), 我揀左牛肝菌汗, 飲品就洛神花茶~半隻燒雞有驚喜, 雞脾位食落好滑 juicy, 雞胸位都唔會好'鞋', 點埋個牛肝菌汗就會濃味啲, 多層味道, 配菜好似食到小小微辣, 有胡椒粉味, 幾好~洛神花茶小小微酸, 好大樽~原來飲品係自取,  店員可以提點一下就更好啦, 因為第一次堂食,  坐底左先發現無俾飲品, 詢問了才知道需要係旁邊雪櫃自取的~不過整體用餐愉快, 食物真係抵食又好味既,  性價比高既滑燒雞, 會再黎試下其他雞套餐~…Read More

經外賣app order咗個原隻烤雞二人餐 HK$135。900g嘅烤雞份量十足，未打開個袋果陣烤雞香味已經撲鼻而來，令人不禁食指大動。烤雞好有質素，外皮薄而脆，雞肉好嫩滑多汁，就算雞胸都唔會鞋。跟餐有四款dish, 蘑菇飯有蘑菇味，不過汁略嫌少，唔夠撈飯。焗薯好大舊，外皮有咬口。烤雜菜都唔錯，幾入味。個牛油粟米就比較淡味，無乜牛油味。 加HK$1.6 既紅菜頭西柚汁酸酸甜甜，好適合解膩。以平民價食到呢個質素嘅烤雞好有驚喜，值得再幫襯。…Read More

超水準皮脆肉嫩烤春雞，主菜side dish樣樣都掂🤤！本波與肚波家人一個月已怒啪兩次🤘！・・・・・・・・・・・・・・・・・・・・🛵經外賣app 九折優惠購買外賣～🐔原隻烤雞二人餐 HK$144 (原價HK$160)包括：烤雞900g、蘑菇飯x2、焗薯、烤雜菜、牛油粟米粒、飲品x2🐔烤雞好入味，雞皮重黑椒味。皮微脆少肥膏，雞肉juicy滴哂汁。仲跟咗盒黑椒醬，唔咸OK。🍄蘑菇飯creamy，食得出蘑菇味，唔係KFC死咸。略嫌份量偏少，迷你飯size，餸汁都唔夠。🥔焗薯好出色，一盒有5-6舊。黑椒薯皮有咬口，入面薯仔粉而不老。🥦有椰菜、本菇同蘿蔔片。用雞油嚟烤雜菜好出色，唔係烚菜有誠意！仲有孜然粉吊味～🌽粟米甜。食得出有牛油味但唔夠，似係放咗陣啲粟米吸哂牛油所以食唔出嘅輕牛油味咁～🥤+HK$1.8有低糖檸檬水，真係微甜唔酸喎，清清地好快啪哂成支～仲有烏龍茶同洛神花茶揀(都係0甜)！🍗百里香烤雞餐(半隻)450g HK$58.5 (原價HK$65)包括：烤雞450g、主食四選二(烤雜菜、焗薯、白飯、雞油飯)・味道：同上！好好食！(食過波妹個餐嘅雞油飯，見到個黃甘甘令立立嘅油香，食落真係好香雞油味！）．口感：同上！皮脆肉嫩！・・・・・・・・・・・・・・・・・・・・🤰性價比：高～🤰9衝度：9衝～🤰結論：無論係主菜同side dish每一樣都超水準好有誠意，仲要咁抵食，真係糧尾恩物！…Read More

叫外賣小心，佢俾漏野你都會當你呃佢？買完外賣，到食嗰時先發現俾少咗野。打電話去，個店主喺電話面前問另一個店員，話:你係咪俾咗兩碗野佢架，我叫咗你放兩碗架啦！店員: 我俾咗喇！店主: 佢話佢俾咗喎小姐！但實際上，我係總共應該有3碗野，其中同款嘅就俾少咗一碗。之後終於我去返間鋪拎。去到之後，店員咁啱放飯，其中一個話: 嘩，即刻黎拎喇？🤣離晒大譜！態度好差，有懷疑嘅，我唔介意店主可以去check閉路電視！想同哩間店嘅店嘅HR講，可唔可以俾多啲training俾員工？…Read More

抵食燒雞！鑽石山新屋苑落成以後，有幾間屋苑餐廳進駐，我先第一次試Chicken Factory! 一食就愛上咗呢度嘅燒雞，成日會encore!原隻烤雞$58- 點完單店員會將隻雞再焗多一陣，務求有熱辣辣嘅烤雞食。烤雞俾香料醃到非常入味，唔使額外點黑椒汁都已經好好味。外皮香脆非常邪惡，裏面有好多肉汁，肉質通常都嫩滑，有時烤雞烤得啱啱好連雞胸都好爽好彈牙，不過都會有時鞋少少。- 另外加$12有烤雜菜或者焗薯，調味偏鹹。餐廳有套餐$50包半隻雞、兩份配料連飲品，一個人食都唔錯。兩個人食一隻烤雞加個雜菜都已經好飽好滿足，抵食！…Read More

鑽石山返工嘅朋友，如果諗唔到食晏食咩，而你又同我一樣鍾意食雞嘅話，我會推介你哋去chicken factory ，食過就知佢嘅好😍😍｛麻辣無骨雞飯配紫菜蘿蔔雞湯｝喺我嘅至愛💛最鍾意啲雞夠哂嫩滑，連雞皮都好彈牙，拆哂骨啱哂唔鍾意啜骨嘅我～飯都好有誠意，用咗啲雞汁雞油香茅嚟煲🍚碗紫菜蘿蔔雞湯都絕不欺場，飲落好鮮味🥣蘿蔔無根好甘甜，紫菜吸哂雞湯味，撈撈吓仲搵到啲雞絲肉，原汁原味無味精，飲完唔口渴好難得🤫除咗外賣，鋪頭仲有少量座位可以堂食，環境好乾淨企理，快快食完就走得，推介指數10粒星🤩🤩…Read More

Chicken factory 喺好多地方都有分店，我對佢哋嘅雞都好滿意👍🏽今日咁啱過開鑽石山做嘢，見到有Chicken factory，立即帶埋同事去食😚🌟原隻烤雞🌟係必食推介，每次我都會自已清哂成隻😝雞肉用咗唔同嘅香料醃製過，所以食落唔會無味口寡寡，特別係塊烤雞皮，超好食！食唔哂一整雞，咁就可以食🌟半隻皇牌烤雞餐🌟，配菜有烤雜菜、焗薯加牛肝菌汁，有菜有澱粉又有肉，營養豐富嘅一餐💪🏼餐廳提供堂食位置，食完自助回收餐具就可以，乾手淨腳就完成一餐，同事都話真係掂👍🏽👍🏽…Read More

放工好累，無咩精力買餸煮嘢食，又唔多想食油冧冧嘅雙餸飯，好厭倦😩突然醒起屋企附近有間賣烤雞嘅餐廳，買嚟食吓都可以喎😎📍半隻皇牌烤雞餐 配牛肝菌汁 烤雜菜及焗薯呢個set幾平，$50有交易👍🏽半隻雞都唔少，全部都食得啖啖肉，唔會俾啲奇怪無肉嘅部位你，非常有良心👍🏽覺得唔夠味可以沾牛肝菌汁，醬汁好稠杰好濃味，沾雞/焗薯都適合😋餐盒仲有一大格豆角&烤菇，有簡單用胡椒鹽調調味，啲菜都keep到爽脆度🥗真心不錯嘅烤雞餐盒，咩都有啲又唔貴，味道更加無可挑剔，好過自己煮🙈…Read More