Casa do Vasco public

呢度真係隱世 如果唔係朋友帶我嚟一定搵唔到老闆勁好客 見到幾台都似係熟客不過對我哋都一樣Nice 仲話好多城中名人都係座上客不過佢哋就通常包場 隱私度十足雖然環境唔係佢哋主要賣點但係我都幾鍾意 有種歐洲小屋的感覺感覺都幾溫馨 而且仲有好多葡萄牙🇵🇹的靚酒食前菜之前 飲杯port wine一直以為只在甜品嘅時候飲原來也好適合在吃沙律 的時候pairing 甜甜地好容易入口 呢一款沙律Menu係沒有的因為朋友話想試吓新嘢Chef 介紹我哋食呢款所有食材都是organic 調味用上橄欖油 黑醋 食得出食材的鮮橄欖油沙甸魚意粉 係葡萄牙傳統的菜式沙甸魚係非常大條的葡萄牙沙甸魚用咗傳統方式製作 真係好香 同意大利的風格不同 這裏的意粉口感比較清爽絕對唔會覺得滯 葡萄牙海鮮燉飯 幾細心，可以揀唔同嘅size湯汁好香濃 海鮮好足料香港好少食到咁傳統的葡國菜呢一款蟹肉Toast就要事先預約下次一定要試吓最重要係好多靚酒酒品選擇方面都係性價比高但係又幾出色價錢又唔算好mark up 最尾強烈建議 留肚食葡撻真係我食過最好食的葡撻外邊睇落去冇乜特別但係佢嘅奶香真係一流 絲滑的口感見到呢個門口就啱啦…查看更多

呢間隱世葡國菜，真係朋友唔帶我黎我應該一世都唔知呢個地方歐陸風情味超重，餐具都好靚，忍唔住影影影前菜叫左house tuna salad，有生菜，小蕃茄，洋蔥做底，調味偏清爽，油醋比例唔算重，整體乾淨係一款輕功既沙律，非常開胃沙甸魚味偏濃，但唔腥，油香同鹹度比較突出意粉硬度偏硬，係我鍾意既質地，呢個意粉係屬於乾香版本呢個係我最期待既飯！黎食葡國菜當然要試佢既招牌湯汁濃度非常好，足夠掛到飯之餘，可以令到粒粒飯都有佢既濃湯味每一口飯都有海鮮香，有蝦，青口等等，如圖所見，舊蝦真係好大…飯粒偏軟身，係葡式典型既「燉飯感」既做法整體味道好溫暖，你會覺得似係媽媽煮俾你既一餐愛心飯呢個葡撻勁野，係流心的仲要係極度熱辣辣上枱，小心辣到嘴，因為我就辣親左因為好好吃，酥皮層次豐富，內餡蛋香濃又唔會太膩順帶一提，老闆非常熱情好客，會同你傾計，熱情地介紹食物佢話呢度每一度菜都除左味道都著重健康，唔會添加任何不好的成份…查看更多

今日同同事收工喺上環搵食，撞正呢間Casa do Vasco葡國餐廳，試完即刻要同大家分享！首先個大蝦青口意大利粉真係有驚喜！兩隻大蝦爽口彈牙，仲要開咗邊好貼心～青口又大隻又鮮甜，完全冇沙。個醬汁係精髓！用咗白酒、蒜香同少少辣椒炒起，掛滿每條意粉，食落好開胃又唔會膩。意粉軟硬啱啱好，仲索晒海鮮嘅精華，忍唔住一口氣清晒！至於個葡撻呢，絕對係我喺香港食過數一數二嘅水準！撻皮超酥脆，一咬就散開，仲有層層分明嘅口感。蛋漿部分香甜滑溜，面頭微微烤焦，帶少少焦糖香，但又唔會太甜。熱辣辣出爐，食完成個幸福感滿滿～餐廳環境幾有異國風情，價錢都合理。兩個菜加埋都係二百幾蚊，喺上環來講算係幾抵食！如果你都想試下正宗葡國菜，呢間絕對值得試下～…查看更多

今日同同事放工搵食，喺上環掘到呢間Casa do Vasco，門面唔算好起眼，但入到去裝修幾有葡國風情，坐得幾舒服㗎！首先必嗌嘅係炸雞翼 ，一上枱就聞到超香蒜味！雞翼炸到金黃色，外皮脆卜卜，咬落去肉汁嘭出嚟！最正係佢個秘製蒜蓉醃料，成隻翼由外到內都入味到震，食完真係連手指都啜埋！伴碟嘅薯條仲有驚喜，幼身脆口，灑咗少少辣粉，好快就清晒成碟！跟住個海鮮意大利飯都係重頭戲！一上枱見到兩隻大蝦、青口、蜆舖滿成個飯，超足料！個飯用咗葡式香料同番茄底去煮，每粒飯都吸盡海鮮精華，creamy得嚟又唔會太膩。飯粒煮到啱啱好，保持到少少咬口，同平時食開嘅意大利飯有啲唔同，幾有特色！呢度價錢合理，食物有水準，個炸雞翼真係會令人念念不忘！如果想試下唔同款嘅葡國菜，呢間絕對值得試下，保證唔會失望～…查看更多

今日行經上環，終於試咗朋友狂推嘅「Casa do Vasco」葡撻！一試難忘，即刻同大家分享下～首先講緊嘅係佢哋嘅招牌葡撻！一咬落去——嘩！個撻皮真係不得了，超～級～酥～脆！層次分明到呢，每啖都聽到「咔嚓」聲，但又唔會碎到成枱都係，功夫真好！內餡更加係精髓所在！口感滑溜到好似食緊燉蛋咁，蛋香超級濃郁，仲帶住微微焦糖嘅香氣。甜度調得啱啱好，唔會死甜，食完成個都唔會膩！最正係面頭嗰層烤到微微燶邊，焦香點綴得恰到好處，真係忍唔住要閉埋眼享受呢個moment～同平時連鎖店食到嘅真係兩回事！佢哋嘅葡撻明顯係新鮮出爐，熱辣辣咁上枱。外層酥化、內裡軟嫩，凍咗少少之後食又另一種風味，但點都咁正！經過上環真係要買返個試下，保證你會愛上～我已經諗緊幾時再去！順帶一提，佢哋其他葡式小食都好吸引，下次試完再同大家報告！…查看更多

上環附迎一向有多間隱世餐廳, 今次黎左呢間主打食葡國菜~葡式臘肉腸沙律沙律菜新鮮, 配上鹹鹹的臘肉腸, 尤其開胃葡國海鮮飯超大隻海蝦, 挺新鮮彈牙的, 蝦頭還帶點甘甜的蝦膏~配上新鮮青口 及 葡式自家製醬汁將米飯撈在一起, 好吃易入口~青口炒意粉青口新鮮帶微微的甜味, 並放上蒜頭炒得很惹味香口~每條意粉都掛上醬汁, 滿滿的幸福感~原味葡撻 店員溫馨提示我們享用時要非常小心, 因為內裡很流心, 所以非常燙口的~並用上18層酥皮包裹著, 吃下去很酥脆白酒wine喝下去很易入口, 絕對要配海鮮一起吃, 海鮮的鮮味尤其突出~紅酒dessert wine甜甜的紅酒, 當然要配上葡撻一起吃, 且非常適合女士享用!…查看更多

Casa do Vasco public (21/11/2025)今日約咗朋友去上環食隱世高級葡萄牙私房菜，餐廳位於普慶坊18號地下G2號鋪！ 門面和室內的裝潢都以葡萄牙傳統的設計的為主調，採用了復古的仿水晶吊燈；氛圍很有格調！ 餐牌食物款式都不少，都是傳統葡式地道的家庭菜；酒類有紅、白酒和他們著名的Port Wine!🍸 White Wine （白酒 ）這款白酒果味重，酸度唔會高！ 香味回甘，口感清爽！配搭海鮮一齊食係絕配，今次配沙丁魚更能突出海鮮的鮮甜的美味！🍷Port Wine（砵酒）它的產地主要來自葡萄牙北部的杜羅（Douro Valley），只有該地生產的才能叫Port Wine！這常為餐后酒，餐酒較甜但順喉； 適合配搭甜品！🥗 伊比利亞火腿蔬菜沙律火腿鹹香軟鮮嫩有口感，沙律菜、切片蕃茄、洋蔥爽脆清新！ 只加上橄欖油已足夠了，好清爽開胃！ 火腿濃郁的果香氣和鹹鮮味和沙律菜同吃即刻升級，味道豐富！🦪 白酒燴蜆意粉新鮮的大蜆配合大量白酒烹煮，鮮甜的滋味十足！ 蜆汁掛滿每條意粉，令味道充滿濃濃的海洋鮮蜆甜味！ 意粉爽口彈牙，口感一流！🐟炭燒沙丁魚沙丁魚是葡國菜的美食！ 魚好大條和肥美， 魚的獨特鮮味是最愛！ 沙丁魚烤得外皮微焦脆口， 魚肉嫰滑多汁！ 尤其是魚腩部份， 甘香濃烈的魚味真是一絕！🥧 葡撻即焗的葡撻熱辣辣的！ 外皮是酥皮，內餡有好濃嘅奶香味和蛋香！面頭嘅焦糖烤得有焦香味，整體味道香甜濃郁；甜香不會太油膩！ 超正！…查看更多

今次同朋友喺上環行街，誤打誤撞發現咗呢間Casa do Vasco，一試即刻愛上！餐廳裝修有種復古葡國風情，坐得舒服，最啱收工過嚟chill下～葡撻絕對係必點！同平時食開嘅港式蛋撻完全唔同，佢個酥皮超有層次，一咬落去「咔嚓」聲，碎到滿天星！餡料係超濃郁嘅焦糖雞蛋味，面頭烤到微微燶邊，食落香甜軟滑，但又唔會太膩。熱辣辣出爐，真係忍唔住一口氣食咗兩個！青口大蝦意大利飯都係驚喜之作！用咗葡式香料同番茄底煮嘅risotto，飯粒煮到剛好al dente，吸盡海鮮精華。青口大大隻，肉質飽滿；大蝦爽口彈牙，仲要開咗邊好貼心～最正係個汁，帶少少辣勁，非常開胃，我同朋友爭住刮清個碟！呢度食物有水準，價錢合理，服務都幾友善。如果你都想喺香港試吓正宗葡國風味，呢間絕對值得專程過嚟試下！…查看更多

呢間隱藏喺小巷嘅葡國餐廳Casa do Vasco，一試佢哋嘅沙甸魚蕃茄炒意粉，即刻想同大家分享！呢碟意粉真係誠意十足～一上枱就聞到香噴噴嘅蒜片同橄欖油香，仲見到滿滿嘅沙甸魚肉舖滿成個碟！意粉煮得剛剛好，彈牙有咬口，絕對唔係淋滋滋嗰種。最驚喜係佢哋處理沙甸魚嘅手法，完全冇腥味之餘，魚肉保持到嫩滑口感，同新鮮炒製嘅蕃茄醬超級夾！醬汁酸甜開胃，仲加入咗葡式香料同黑橄欖，帶出獨特嘅異國風味，同一般意大利餐廳食到嘅完全唔同！每啖都食到豐富嘅配料，魚肉份量多得嚟又唔會太鹹，真係令人食唔停口！雖然價錢中等，但份量足夠兩個女仔分享，性價比唔錯。餐廳環境幾有葡式家庭小店feel，牆身貼滿葡萄牙瓷磚，播住輕快嘅葡國音樂，氣氛輕鬆。侍應哥哥仲好熱情介紹其他招牌菜，已經mark低咗下次要試佢哋嘅葡式烤乳豬同海鮮飯！如果你都想試啲特別嘅異國風味，呢度絕對值得一試！…查看更多

行過上環呢間葡國餐廳，俾佢個海鮮飯吸引住。一上枱已經聞到好香嘅番茄同蒜香味，個鍋仲熱辣辣咁冒緊煙，睇見都流口水。個飯嘅賣相真係無得頂，面頭鋪滿各式海鮮 - 有大蝦、青口、蜆同魷魚，仲有幾塊葡國臘腸點綴。最正係個湯飯底，煮到半濕半乾嘅狀態，啲飯粒吸盡晒海鮮精華，每一啖都係濃濃嘅海洋味道。試真啲個飯底，原來用咗番茄、洋蔥同蒜蓉一齊煮，味道酸酸甜甜好開胃。啲飯粒煮得啱啱好，唔會太淋亦唔會太硬，仲保持到咬口。海鮮方面，大蝦爽口彈牙，青口同蜆肉都好鮮甜，完全冇沙。個葡國臘腸更加係神來之筆，鹹香得嚟帶點油潤，令成個飯更加香口。雖然個飯望落唔係好大鍋，但其實份量十足，兩個人食剛剛好。最正係個鍋底有少少飯焦，脆脆地更加好味。食完成個飯，個口仲留返陣陣蒜香同番茄嘅餘韻，真係好滿足！…查看更多

Casa do Vasco public (8/11/2025)今日同朋友去上環食葡萄牙私房菜，餐廳裝修得好似去咗葡萄牙，仲有葡萄牙歌聽，餐牌食物款式都不少，有頭盤、小食、沙律、湯、海鮮、傳統葡式家庭菜、霹靂汁燒雞、意粉、甜品，仲有好多葡式酒可以叫來飲，最佳預早訂同多啲朋友來食，店員服務態度都好，令人食得開心，好值得向大家推介。🥗 House Green Salad 招牌蔬菜沙拉蔬菜非常新鮮爽脆，沙律菜、番茄、洋蔥咬落去「索索聲」，火腿鹹香柔軟，微微哋韌，入口又慢慢融化，同爽脆蔬菜形成強烈對比，蔬菜本身嘅清甜，加上橄欖油嘅果香同醋嘅微酸，好開胃，最大嘅亮點係火腿，帶住濃郁嘅榛果香氣同鹹鮮味，令到成個沙律即刻升級，味道層次豐富咗好多。🥪 Bifana 白酒煮豬肉配麵包豬肉片煮到淋滑多汁，完全入味，差唔多入口即化，個脆皮麵包外層香脆，內裡軟熟，點埋啲豬肉汁嚟食，正到爆！一啖咬落去，脆皮麵包嘅酥脆同軟嫩豬肉形成完美配合，口感一流，豬肉用咗大量白葡萄酒一齊煮，所以味極之突出，帶住白酒嘅清香味道，令人食唔停口。🍝 Sardine Spaghetti 沙丁魚義大利麵沙丁魚魚肉煮到鬆散細膩，幾乎融化喺個汁裡面，有時會食到細細嘅魚骨，增加咗唔同嘅口感，意粉煮得啱啱好，口感煙韌彈牙，整體個汁主同魚肉形成，口感順滑，掛滿每條意粉，味道充滿住濃濃嘅海洋鮮味，沙丁魚嘅味道好突出，配合芫荽、洋蔥同番茄粒，成個感覺係鹹香鮮美，好有地中海風情。🥧 Portuguese Egg Tart 葡萄牙式蛋塔同港式蛋撻唔同，葡撻個皮係千層酥皮，極之鬆化脆口，一掂就散，用咗大量蛋黃同奶油，內餡超級香滑軟嫩，食落係好濃稠嘅燉蛋，蛋塔面頭嗰層烤得焦香嘅焦糖係葡撻嘅靈魂，帶嚟微微嘅焦苦味，同入面香甜濃郁嘅蛋奶味形成絕妙平衡，食落甜而不膩，蛋香同奶香都非常突出。🍸🍷 White Wine & Red Wine 白酒 & 紅酒葡萄牙白酒：酒體比較輕身，酸度清爽，飲落好醒神，味道帶有柑橘、青蘋果同礦物嘅香氣，同海鮮及沙律一齊食係絕配，可以帶出食物嘅鮮味。葡萄牙紅酒：口感風格多樣，餐酒酒體幾豐滿，單寧有力得嚟又順滑，味道充滿黑莓、車厘子等紅色同黑色生果嘅香味，有時會飲到少少香料同泥土嘅複雜氣息，最啱就係配搭濃味嘅肉類及甜品。…查看更多

跟朋友黎到一間私房菜格局嘅葡國菜小店，氣氛好溫馨岩慢慢坐下傾下計，味道都好正宗。馬介休口感順滑，外脆內軟，鹹香味恰到好處。焗鱈魚忌廉薯蓉焗到金黃酥脆，鱈魚幼嫩，忌廉薯蓉香濃幼滑，薯香味好濃。 成個組合感覺好heavy但一啲都唔膩，味道豐富得黎好溫和。鱈魚炒菠菜 & 粟米麵包粒睇落好前一道好相似，但風味完全唔同。 麵包粒焗到好似批咁脆，同柔軟嘅食材好夾，菠菜加左一絲清新感，同樣焗鱈魚呢款更有傳統葡國菜風味。橄欖油沙丁魚意粉簡單美味，沙丁魚嘅鮮味同橄欖油嘅香氣結合得好好，意粉吸收咗所有味道，好香口。…查看更多

🍖 馬介休球 鹹魚薯蓉炸球外脆內軟，馬介休鹹香混薯仔綿密，咬落爆汁層次豐富，葡國街頭小食經典🫶🐟鮮魚湯飲落無味精勁清甜，正宗葡國家常菜既味道，飲完一啖忍唔住要繼續飲落去🍛呢個飯不得了勁有特色同驚喜，肉緊軟稔一啲都唔硬，食落少少酸甜多汁，飯亦偏向軟身索晒啲肉汁，入口勁濃味好特別，真係得呢到先有！完全食到停唔到口葡國菜當然唔少得經典葡撻，即焗即出爐熱辣辣，真係要小心唔好淥親嘴🤪中間奶香味好重，外皮酥脆勁有層次呢到亦有多款紅白酒選擇，勁適合同朋友過黎吹水chill整體嚟講，呢間Casa do Vasco將正宗葡國菜做到私房級數，味道層次豐富選擇多，環境同服務都貼心！下次要試埋佢其他唔同既特色菜，葡菜首選推介！…查看更多

Casa do Vasco public，是一家位於上環普慶坊的葡餐，主打正宗葡國美食，例如海鮮、葡式海鮮飯、葡式黑毛豬肉炒蜆以、慢焗深海原隻八爪魚、各款葡國小食、甜品與葡撻等等…..✨Codfish Cakes 炸馬介休球，外層香脆內裏軟熟Juicy，薯仔充滿馬介休的鹹香✨Pork Ear Salad 豬耳沙律，傳統葡國美食，豬耳爽口彈牙配上新鮮沙律菜或酸汁，好開胃 ✨Mussel Spaghetti in White Wine Sause 白酒青口炒意粉，整個意粉充滿蒜香，仲帶少少香辣，意粉炒得乾身而且彈牙，青口細細隻但好清甜✨Grill Sardines 烤沙丁魚，鮮香帶有海鮮的鹹鮮味和橄欖油的香氣，配上烤薯仔和沙律菜，傳統葡式風味✨Portuguese Egg Tart 葡撻超酥脆，餡料充滿奶香，而且即叫即焗熱辣辣非常好食…查看更多

好少係香港食到葡國菜,呢間葡國餐廳感覺好家庭氛圍,好舒服,座位唔多！店主好熱情,間唔時會過黎幾句,亦會介紹下菜式,佢話啲菜都係organic同佢餐廳係用own recipe,所以味道同出面唔同！頭盤係鱈魚子番茄沙律, 配以葡萄牙白酒！沙律偏酸,因為有啲似醃菜的蔬菜,但佢加左番茄仔同洋蔥,令道菜味道變得層次豐富。白酒唔甜,唔dry,就岩岩介乎2者之間取得平衡！好正！主菜係叫左味青口意粉,佢蒜味好香,意粉係不硬不軟的,亦唔見佢有芝士,但就係有種甘香既感覺！最後係葡撻,唔好睇佢個樣好似細細個咁,店主話無落糖架,但佢有custard既香滑,同埋焗到焦香既外皮,佢酥皮係食得出薄脆,一層一層架,店主話因為佢地係即整,唔係個皮又經運輸,又落左啲其他東西防腐，所以做到咁香脆！唔係飽我可以食多2個！另外都試左其餘2款葡萄牙酒,一款係2年左右既Brandy, 個人一直覺得Brandy好辣,難入口,我係無咩飲過,但佢呢款真心易入口，有少少香甜,但燒感都係有少少,但好快無左！另一款係Ruby砵酒,都係2年酒,佢偏甜既,有啲似果汁,但係天然果汁既甜,香提子味,唔dry, 但都有發酵酒既感覺！個人覺得值得一試,佢啲食材係靚,例如佢沙甸魚勁肥美,係野生沙甸,多肉又香,唔係平時個啲又細條又少肉既魚！我初初見到都認唔到沙甸魚黎！…查看更多