cafe TOO

营业中

休息中

朋友生日選址這裏，只因港島香格里拉內的cafe TOO地點優越，食物選擇又多，水準出色，最緊要還有很多新鮮海鮮、刺身、熱葷、甜品和飲品，真是非常吸引。踏入秋天，很多餐廳也推出蟹宴，想不到連自助餐也有；最近推出的「蟹之盛宴」，餐廳以鮮蟹烹調出不同種類的菜式，最吸引當然是香港人最愛吃的「大閘蟹」，拿着這小小的蟹仔號碼牌去落單，就可拿到每隻約重四両的大閘蟹，看看那金黃甘香的蟹膏，怎會不叫人心動；之後食返碗薑茶芝麻湯圓，驅寒暖胃又滋潤。蟹的菜式還有銅盆糯米蒸花蚧、凍花蟹、麵包蟹、蟹粉炒粉皮、蟹肉魚肚羹、蟹肉扒蔬菜、咖喱炒蟹、蟹粥、蟹肉伊麵、蟹肉沙律，現場烹煮的蒜子胡椒肉蟹煲，更是立時香氣四溢，怎能忍得了口；大大碗的蟹粥，更是蟹的精華全滲入粥之中，美味綿滑；即製粉麵檔內的蟹肉伊麵，也值得多加留意；真係每樣食少少，都包保你飽到一個點。🤭凍海鮮內還放有凍花蟹、大蜆、海蝦、青口、翡翠螺、瀨尿蝦及麵包蟹，喜歡吃凍海鮮，就千萬不要錯過了；旁邊放有煙三文魚、火腿及沙律菜。熱葷有出名的一樂燒鵝，也是必吃推介之一，放在旁邊的鵝油炒飯，也不要看漏眼呀。另外還有鹽焗海螺、油鹽水蜆、清蒸海螺及大頭蝦、雞油花雕焗鱸魚、

呢日我哋一大班朋友走咗去食自助餐！今次去港島香格里拉酒店嘅cafe TOO食，主題係蟹啱晒我老婆大人食呀。究竟有咩好嘢食呢？等我同大家介紹一下啦，首先一定要介紹嘅係大閘蟹，食呢個自助餐嘅客人會有一隻四兩重嘅大閘蟹，呢一晚全部都係蟹女都幾好膏係肥妹嚟㗎。跟住焦點嘅蟹嘢食就有蒜子胡椒肉蟹、銅盆糯米蒸花蟹、蟹粥、蟹肉扒時蔬同埋咖喱炒蟹。另外仲有好多海鮮！好似有雞油花雕焗鱸魚、油鹽水大蜆粉絲、鹽焗海螺、清蒸海螺、大頭蝦、蟹粉炒粉皮同埋蟹肉魚肚羹。飽肚嘢就有整嘅蟹肉伊麵同埋喇沙，即叫即整熱辣辣唔錯㗎。呢度最正嘅係有出名嘅一樂燒鵝任食。西式嘅熱菜入面有比較特色嘅燒鵝清湯意大利雲吞，跟住仲有烤牛柳同埋烤雞都係我鍾意食嘅。中式就有蝦餃燒賣、豉油雞、蜜汁叉燒，仲有紅燒肉同埋麻婆豆腐。同埋仍然有任食嘅清蒸波士頓龍蝦係回本位嚟。冷盤區有松葉蟹、藍鰭吞拿魚、多款新鮮嘅刺身、仲有大量凍海鮮凍肉同埋沙律。自助飲品區有珍珠奶茶、橙汁同埋特飲，全部可以無限量任飲勁開心。甜品豐富到不得了！除咗幾十款精緻嘅甜品任食，另外仲有Häagen-Dazs雪糕同埋低調高手嘅雞蛋仔同格仔餅。鍾意食海鮮嘅朋友真係唔好錯過，保證可以令你

十月份，正是蟹的季節，短短頭半個月，筆者已經吃了六餐以蟹為主角的晚餐，包括是次要介紹的自助餐。都係果句，Cafe Too的食物款式實在太多，單係蟹既菜式都有排講，仲有幾樣與本地知名食府合作既項目，所以慵懶既我，只會講重點。凍海鮮除左翡翠螺、青口、凍蝦、蜆及瀨尿蝦等等，當然會貫徹蟹既主題，特別推薦三點蟹，肉質鮮甜。松葉蟹的蟹羔及蟹肉沙律，鮮甜清爽，可以拿多一點，愈食愈開胃的。大閘蟹是每人一隻，用上的都是公蟹，爆羔肉甜，屬優質靚貨。如果你只追求要任食大閘蟹食到飽，不顧質素既話，呢度唔岩你。熱食都有唔少蟹既蹤影，譬如是鮮拆蟹粉炒粉皮，同埋惹味的泰式咖喱炒蟹，甚至是蟹粥等。不過，我最喜歡既熱食，要數到胡椒炒蟹，香氣陣陣不在話下，用上的是斯里蘭卡肉蟹，啖啖肉，尤其是蟹鉗，無得彈。糯米蒸花蟹都唔輸蝕，糯米飯軟熟不硬，又吸入花蟹既精華，再飽都要吃幾口。平時食自助餐，多半會略過粉麵檔，今次唔同，因為呢度有蟹肉蟹粉伊麵，澎湃的蟹粉用來撈麵，我可以成碗清晒。為貫徹主題，就連茶碗蒸都加入了蟹鉗，又點會唔滿足呢！店方都好貼心，食完大閘蟹，糖水就煲了薑茶湯圓來俾大家驅匿寒。然而，五星級酒店的自助餐，當然就不單止

近來大閘蟹橫行無忌連自助餐也能見到它的蹤影！那我也不客氣繼續跟它渡過短暫的蟹逅情緣。這次自助晚餐選到Island Shangri-La的cafe TOO，跟一眾好友品嚐鮮氣十足的蟹之盛宴。打頭陣當然要先介紹這夜主角大閘蟹！品嚐自助餐的客人憑藉蟹仔號碼牌，可以到這個自助區領取大閘蟹一隻。吃過大閘蟹後當然要有薑茶芝麻湯圓解渴暖胃。緊接著大家會看見火光熊熊的蒜子胡椒肉蟹煲即煮區。師傅會在現場烹煮這個胡椒蟹，那份香氣即時充斥於空間之中惹人垂涎。繼續還有銅盆糯米蒸花蟹、蟹粥及佐料、避風塘炒龍蝦、蟹肉扒時蔬及咖喱炒蟹等不同風味的蟹料理。另外還有很多豐富美味海鮮可以選擇！包括有雞油花雕焗鱸魚、油鹽水大蜆粉絲、鹽焗海螺、清蒸海螺、大頭蝦、蟹粉炒粉皮及蟹肉魚肚羹。即製粉麵檔這夜供應有蟹肉伊麵和喇沙，兩款也是即叫即煮非常吸引。繼續往前走仍然有一樂燒鵝任取任吃，別忘記品嚐那邪惡又美味的鵝油炒飯喔。西湯這夜供應的是忌廉蘑菇湯，另外還有燒鵝清湯意大利雲吞、燒椰菜、愛爾蘭燉肉、煎鴨胸肉、烤牛柳及烤雞。中式美食有潮州滷水、豉油雞、蜜汁叉燒、沙參玉竹百合煲唐排、蝦餃、燒賣、黃府紅燒肉及麻婆豆腐，另外也有印度咖喱牛肉配

雖不是自助餐的狂熱份子，可是從日本回來不久後，被朋友半推半拉到了港島香格里拉酒店的 「Cafe Too」，意外地體驗了一頓很值得推介的自助晚餐！首先本人是一名一等一的蟹精，當蟹精可以吃到重四両半的時令大閘蟹 (每位客人一隻)、選用斯里蘭卡蟹製作出香濃惹味的蒜子胡椒肉蟹煲、本地鮮甜的三點蟹或藍蟹，加上味道和新鮮度也是一等一，加分是合理必然吧！  此外，咖喱炒蟹、蟹肉扒蔬菜、蟹粥、糯米蟹飯、蟹肉魚肚羮、蟹粉炒粉皮、松葉蟹沙律、蟹肉蒸蛋和蟹粉蟹肉伊麵等，帶來意想不到、同樣誘人的蟹菜式。聽聞週未及公眾假期更有北海道花咲蟹坐陣，蟹癡必定來個大滿足！除可品嚐到蟹鮮，「Cafe Too」的海鮮也極為吸引，尤其大蒸籠𥚃的龍蝦，不論原味或蒜蓉口味，一樣鮮甜彈牙，鮮美度的確超越了別的自助餐！熱海鮮有避風塘炒龍蝦、鹽焗海螺、油鹽水蜆及雞油花雕焗鱸魚等：凍海鮮則有蝦、蜆、青口、翡翠螺、麵包蟹和瀨尿蝦等，款式真的不少。另外，將自助餐注入本地品牌美食， 如「一樂燒鵝」、「泰昌餅家」和「低調高手」， 令自助餐即時添上玩味和港式美食元素，絕對是有意思的驚喜，個人十分欣賞。先來品嚐熱燙燙的燒鵝，然後再以蛋撻和港式格仔餅

香港人都知食自助餐吾會係番官網買，因為多數第三方平台先會有著數優惠，果真搵到最新推出蟹宴，做緊買二送一（3 位成人）HKD 1375 / 3 =人均458.33 一位，今次順手幫個仔慶祝生日🎂，酒店贈送高美餅店自家製蛋糕🎂完全不失禮。海鮮區：果然係五星級酒店，有鮮甜長腳蟹、實肉三點蟹、爆膏麵包蟹、嫩口啊，快靚正囉青口、粒粒飽滿沙白、實肉瀨尿蝦、同爽彈海蝦，「 海鮮控」 大愛。食幾轉都回本而且質數有保證！最重回係有雞尾酒醬同埋泰國海鮮醬，點都有一款啱你。刺身：厚切三文魚、鮮甜象拔蚌 、軟糯甜蝦、厚切吞拿魚，真係吾錯，如果有希靈魚/ 紅蝦/牡丹蝦就好。壽司擺盤幾靚，質素唔錯！熱食方面：以海鮮入饌，油鹽水蜆、粟米魚肚羹、鹽焗海螺、蟹肉粉皮、鴨掌炆螺片，蒸花蟹，帶花蟹有點瘦削，一般。仲有一樂燒鵝，不過吾算太出眾，甜品：多款精緻自家製甜品、最正有低調高手出品嘅雞蛋仔，好香脆可口，無花果伯爵茶蛋糕，老婆餅、，整體甜品吾算太甜，好啱食。最正係有哈根達斯雪糕🍦最驚艷係個黑蒜燉雞螺片湯，是日MVP，黑蒜養生補血器，螺片仲好有咬口，所有食材燉到好入味。飲品方面：大癲！好少有任添珍珠奶茶、芋頭味蜜瓜味奶茶奶

一個月前在kkxxx平台買了這間自助餐優惠，聽聞口碑不錯，於是同黃兔試下而且在此平台買會送每人一杯酒，好似著數左，哈～餐廳環境不錯，沒有壓迫感，枱與枱之間有距離。食物款式海鮮為主，適合喜歡食海鮮的我主打有清蒸原味／蒜蓉味龍蝦任食，龍蝦啖啖肉，肉質彈牙已經覺得回本冷盤有凍蝦，花蟹， 翡翠螺，長腳蟹， 瀨尿蝦， 麵包蟹等等。酒店又每人送一隻大閘蟹，質素不錯，勁多膏超邪惡熱盤有一樂燒鵝， 茅台炒蝦，鮑魚，蒸魚， 燉湯等等。又有沙津吧，飲品有各款調製果汁及自製珍珠奶茶甜品有蛋糕，哈根大雪糕，格仔餅等等。當然還有5，6款刺身選擇啦最後還包飲品每人一杯咖啡或茶，劃上完美句號。今晚食物質素不錯，海鮮控的我食得好滿足

今晚去咗食buffet，6: 15分去到要等到6:28先給人進場，其他酒店都會提早最少10分鐘先給客人內進坐下，這點需要改善，食物種類不算太多，尤其是熱葷完全唔吸引，龍蝦和刺身合格，甜品完全唔掂，仲差過三星酒店，Häagen-Dazs雪糕完全唔似，似係自家製雪糕唔好食，沙律太少，座位狹窄，七百多元一位我就冇下次啦，自己諗！

平日中午時間、位於港島香格里拉的Cafe Too相當旺場, 酒店的位置方便, 金鐘地鐵站經太古廣場步行兩分鐘便到, 建議提前預訂避免摸門釘。餐廳非常寬敞, 餐桌間的距離足夠, 餐桌也夠大, 可以容納很多餐盤, 用餐環境非常舒適。自助午餐的食物選擇甚多, 海鮮區有麵包蟹、青口、海蝦等海鮮冷盤, 也有熱食的海鮮例如煎鱸魚。刺身也有五款, 包括三文魚、希靈魚、吞拿魚、海蝦。湯品有西湯 (西蘭花忌廉湯) 和一點後才供應的原盅中式燉湯。中式燉湯值得一提, 足料、瘦肉多、不油膩、沒有味精, 非常滋補。除了沙律區外, 還有日式熱食區, 三色玉子、日式串燒任君選擇。熱食區有蟹肉西蘭花、紅酒燉牛柳、咖喱雞等等的菜式。甜品還有haagen dazs雪糕、雞蛋仔、夾餅、榴槤蛋撻等等的選擇。可以吃到2點半, 相當滿足。

港島香格里拉自助餐Cafe Too 今次好特別，將香港幾間人氣食店集合埋一齊，仲要任食！由12點食到3點～自助餐主打任食米芝蓮一樂燒鵝任食西貢海鮮任食低調高手雞蛋仔+格仔餅燒味- 1個人食左2隻一樂燒餓髀，好滿足～海鮮- 第一次係自助餐睇住海鮮由活魚池捉上嚟整，好新鮮甜品- 低調高手雞蛋仔係出面次次食都要排隊等一輪，今次可以食返夠本，特登睇住佢一整起就拎，拎左幾轉❤️ 仲可以配Haagen-Dazs 雪糕一齊食！睇返啲食評先知原來佢蛋撻係泰昌蛋撻，但係我一個都冇食到😂我今次嘅湯係個湯係胡椒豬肚雞湯，好重胡椒味，好岩我飲品區有果汁，果茶同珍珠奶茶任飲，但唔建議飲珍珠奶茶，勁淡其他熟食、刺身就正常味道可惜游水龍蝦係Dinner buffet 先有，如果你係鍾意食龍蝦記得夜晚先嚟

甜品都是偏向東南亞口味， 甚少西式甜品， 有點失望。 但海鮮量多， 而且十分新鮮。 飲品選擇算多， 而且任飲。 侍應態度良好， 環境也不錯。 食品整體質素高， 當天總算enjoy。

今年生日決定係港島香格里拉食自助餐，六點半第一場，平日星期四睇落有9成入座以上。我哋去嘅時候$808一位，去到先知仲有8折，開心！今期自助餐係賣海鮮主題。龍蝦、青口、蝦、蟹、蜆等海鮮就係基本啦，另外有避風塘蟹鉗，魷魚，烤魚等有烹調過嘅海鮮，可以換下口味。拖羅限時供應，質素唔差，值得一試。熟食方面有點心，飯，麵，湯，雞，牛，串燒，車仔麵等，我就無乜點食留返個肚。今期有一樂燒鵝嘅燒味，推介叉燒，唔肥唔瘦，岩岩好！但我鍾意食嘅燒肉就唔見有喇。記得聽到鐘聲去排老火湯，我哋拎左兩盅，胡椒豬肚雞湯，胡椒味唔算重，清清地，加上岩岩滾起，鍾意飲熱湯可以去拎返盅試下。甜食方面有少見嘅雞蛋仔、格仔餅、泰昌餅家嘅蛋撻(八點左右先出)等，個人覺得好食過好多雞蛋仔店，師傅剪開每一份4至5粒，唔會食飽個肚，夠細心！另外有榴槤蛋撻，我就無食喇。飲品方面選擇唔算多，除左果汁，仲有三款口味嘅珍珠奶茶: 原味、芋頭、蜜瓜，無得揀甜度。另外每位有一杯飲品，不過差唔多食完有職員黎落單先知，叫左一杯凍檸水就算喇。因為生日，枱面嘅餐枱紙都有寫happy birthday，仲送左個約6寸嘅生日蛋糕，好有心但真係食唔落，最後成個打包

上次去Cafe Too 食buffet已經係幾年前嘅事。因為知道餐廳最近攪咗個海鮮街嘅主題，所以吸引我再一次訂枱試試。網上訂咗6月尾平日dinner buffet, 當晚個場都算Full晒， 証明呢個海鮮街主題都幾有吸引力。入座後我第一時間行一轉睇吓有乜嘢食， 除咗冷熟海鮮 ，吞拿魚拖羅外， 其他冷盤，熱葷，燒烤，甜品對我其實不算十分吸引。凍海鮮方面，可能人多關係，好多凍海鮮俾客人攞哂後，補充速度會比較慢。 呢個級數酒店來講，要客人等食物，應該需要改善。凍海鮮中，我較喜歡係有多款唔同種類嘅蟹。 懶碌蟹殼嘅會有一個蟹肉沙律，蟹拆咗肉， 啖啖肉食得更方便。 凍蝦甜但蝦肉唔爽。青口，蜆唔錯。魚生方面， 吞拿魚大，中拖羅當然會係最受歡迎。自助餐來講拖羅質素相當唔錯， 但好可惜八點半後已再攞唔到。 其他魚生如三文魚，油甘魚等都肥美。清蒸/蒜蓉蒸開邊即劏龍蝦， 我每款各食咗兩隻， 個人會比較喜歡清蒸。當晚燉湯好似叫五指毛桃燉瘦肉， 湯清但不太甜。 相反熱葷中嘅大㷛湯比較更好飲 。熱葷方面款式選擇算多，各式其式。當然不會全部都啱囗味，我估我試咗當中大概六，七成左右。但大部分受歡迎嘅熱葷食物其實過咗8

-Cafe TOO最近身邊朋友不約而同介紹我食港島香格里拉酒店自助餐推出全新主題「海鮮街：香港滋味的自助餐盛宴」概念係將餐廳化成海鮮市場 呈現最上乘的本地海鮮將海洋既鮮味直接帶到面前 確保每啖都係最新鮮🥰另外重點係有同一眾本地老字號食店攜手合作限定推出一系列馳名地道美食 可以一次過試匀一樂燒鵝 + 低調高手大街小食雞蛋仔 + 泰昌餅家🥳🥳🌟Dinner buffet ($808/mon-thu; $868/fri-sun, ph)🌟重點推介 - 馳名地道美食 🌟+一樂燒鵝估唔到可以唔洗排隊都食到米芝蓮一樂燒鵝既招牌脆皮燒鵝 皮脆肉嫩 油香滿滿 配一樂秘製酸梅醬同區仲有鵝油炒飯 可惜當日太飽食唔到🥹🥹+ 茅台炒醉蝦用上茅台王子去快炒大蝦 呢個堅係好好味 大大隻 新鮮爽口彈牙仲炒得非常入味 茅台香味濃郁+ 泰昌餅家曲奇蛋撻蛋漿香濃軟滑 曲奇皮底香脆+ 低調高手大街小食雞蛋仔聯乘推出多款特色口味 仲可以配Haagen-Dazs 雪糕一齊 ✨海鮮區+ 凍海鮮區包括雪場蟹腳 / 花蟹 / 麵包蟹 / 瀨尿蝦 / 凍蝦 / 翡翠螺 /蜆 / 青口 每次一有蟹腳就好快比人拎哂 好彩餐廳都密密手Ref