BRICK LANE (利園六期) (已結業)

競爭大的銅鑼灣區要站得住腳，品質一定要有番咁上下。今晚來嚟間餐廳，位置靜中帶旺，環境氣氛不錯，服務貼心，當然食物質素深得人心。最近喜歡簡單菜色，少肉多菜。烤帶子沙律最啱我。造型美得心心眼，那色彩繽紛另人雀躍，好治癒。藜麥，各樣蔬菜，南瓜，食用花，還有烤帶子，健康指數一百分。烤帶子熟度剛好，嫰滑滋味。跟著來是套餐，以二百多至三百多元，銅鑼灣區算是抵食。餐湯是亞枝竹薯茸湯。亞枝竹做沙律就食得多，用來煮湯都是第一次品嚐。口感起沙綿綿，薯味香濃，又散發出亞枝竹的蔬菜甜味。頭盤巴馬火腿配芒果莎莎。鹹香的火腿配鮮甜芒果簡直絕配。主菜揀選了香烤野生鱈魚柳，魚柳好嫩滑，不油膩，還有大量蔬菜瓜類配搭，滿意。咖啡品質也一絲不拘，要了杯cappuccino, 奶泡綿滑，香濃回甘。奶泡上還有店舖logo單車造型，拍照扼like一流。

經某優惠app訂早上時段，點知experience 差到忍唔住寫食評。一入去某短髮戴眼鏡女侍應應已經態度不佳，只係扔低兩句十一點前剩係有餐牌頭兩頁就走左去。因為本來想試pancake ，就想問清楚朝早無pancake，但該佢女侍應完全唔想理會我地，再重覆唔該佢，態度超惡劣地話「等等先啦好唔好」, 我從未見過有waitress 會咁同客講野！問完佢佢再重複十一點前只有呢兩頁食，ok咁我同朋友分別點左一份$168 full English breakfast 同$98唧avocado egg Benedict，唔包飲品，睇食評知道可以揀蛋嘅煮法，但該waitress 從來無問，同佢講要炒蛋，佢都只係態度惡劣地話「你唔講就default 係sunny side up」，去茶餐廳都會問你要熟蛋定太陽蛋啦！公平講，食物味道係可以嘅，但服務真係想比負分。重點係臨走先見到有breakfast menu, 雖然用app 嘅折扣apply 唔到落去，但該waitress 完全無提過有呢個menu ,其實早餐menu $118已經有full breakfast 仲包野飲，根本仲便過用app discoun

開始放暑假，唔使下晝趕住返工，所以同朋友去銅鑼灣食過 late lunch, hea 個下午。我們去了利園附近的Brick Lane 食午餐。 餐廳格局頗有英倫feel，簡單得來又有格調，可能因為午飯人潮已過，座位又在靠窗的梳化座，所以感覺好休閒。餐廳有set lunch供應，最平＄88已經可以食到。套餐內包含餐湯、麵包、沙律和主菜，另有咖啡或茶一杯，如果加錢，可有迷你size蛋糕一客添！湯底稠度適中，又滑又creamy， 薯蓉的份量剛好不會搶去粟米的清香味，餐湯感覺輕盈，飲落舒服。沙律除了有沙律菜外，還有兩大嚿紅肉西柚，西柚非常多汁又清甜，使整個沙律非常清新可口。我和朋友都好鍾意食牛肉，所以我哋都叫了兩個有牛的主菜。基本上兩個主菜的配菜都是一樣有青、黃瓜片、車厘茄和烤薯仔。青、黃瓜片非常爽脆新鮮，車厘茄清甜好多汁，薯仔亦烤得好好味。濃蝦肉質彈牙，味道鮮甜。至於牛肉，本人則比較喜歡肉眼扒，因為牛柳比較厚身，一D肥都沒有，啖啖都係肉，食多幾啖就有D漏嘅感覺，而肉眼扒則較薄身而且有丁點肥肉，容易入口，肉質軟淋，但兩塊牛肉煎得外層少許焦醲，能鎖住D肉汁。剛食完主菜已經好飽，好彩甜品是迷你s

之前中午嚟過利園第六期BRICK LANE食all day breakfast，假日好多人，食物有特色又多選擇，環境有情調。今次來食dinner, 試下單點。每張枱嘅長度比較寬，平日夜晚來比較少人，2人可以坐四人枱。蘑菇湯比較大分，creamy，飲咗有少少飽， 附上嘅麵包比較厚身。水牛芝士菠菜西柚沙律，西柚+芝士=Juicy+口感，味覺享受。Tiramisu Latte好香滑，杯有線條，高雅大方，難怪外國人這麼喜歡。焦糖香蕉脆煙肉鐵鍋班戟，很好食，煮熟咗既香蕉+香蕉是甜的，同個班戟加埋齊很好食，加上煙肉嘅粗鞋，配合得很好。同朋友食飯傾計, 浪漫又愉快, 人間享受。

原來都有好幾個review都話佢地服務質素非常之差, 係真嘅!!! 我同我男朋友book左枱，去到個waiter搵唔到我地個booking. 但係因為成間餐廳都係得一張枱有人就帶左我地坐低. 但係唔知點解成間餐廳冇人都要我地坐喺餐廳正中間，都唔緊要. 坐低之後冇人比餐牌我哋，啲侍應企喺廚房前面同啲廚房佬傾計. 我地咪自己拎，反正就係我哋坐嘅後面. 之後就開始聽到廚房啲人講嘢超大聲自己喺度傾計同埋講粗口！唔知嘅話真係以為自己去咗大排檔！叫左嘢後我男朋友個餐10分鐘唔洗就到，我等到佢食完我個餐都未上. 因為成個過程令到我好嬲我已經完全冇咗食慾，我男朋友食完我就叫埋單，我好樂意去比兩個餐嘅錢 因為我有叫佢有整所以我覺得我要俾錢都係理所當然. 可能個經理見到我好嬲個樣超級不滿所以就同我講話幫我cancel左個餐. 呢樣係唯一我覺得佢做得最好嘅地方. 講真如果一間餐廳服務質素係好嘅話 佢係應該將兩個餐同時上枱 同埋如果一個餐係需要超過20分鐘先上到枱嘅話佢應該係你落order嘅時候同你講聲但係佢冇. 佢啲嘢唔係唔好食 但係佢啲服務質素係差到呢....

星期一晚，舊同事同森仔慶祝上個sem 成績不俗。原本上網bk左一間銅鑼灣既西餐廳。但係去到見到一黎人好少，二黎價錢都幾貴。所以，森仔想慳住朋友的荷包，就去左食另一間佢推薦既餐廳，就係Brick lane.間餐廳係連鎖品牌，所以都幾出名同貴😂😂不過，環境同人流都多過原本果間🙈環境係滿有格調，場有一點暗，方便談天。同時，其會方排2人也是坐4人枱，談天不會受其他人影響。講到食物質素，我地叫左黑松露松菌天使面，巴馬火腿pizza,藍苺沙冰，芒果沙冰同甜品草莓鐵鍋班戟。黑松露松菌天使面味道滿滿黑松露既香味，白汁食落好食而不膩。而松菌更有很多，喜歡茹同素食既人，必點之選！而份量方面亦算剛剛好，不會太多和太少。巴馬火腿pizza個批底十分脆身同簿，味道配得天衣無縫。而巴馬火腿亦十分惹味，亦不會太咸！藍苺沙冰藍莓味道好出，亦不會太甜或太淡。沙冰來說，算係做得好好。芒果沙冰芒果比藍莓的略甜，但個味道亦不算太假。不過份量不多，很快飲完。甜品草莓鐵鍋班戟。e個甜品，真係好好食，亦好特別。森仔我係出面亦都甚少見到鐵鍋既班戟。佢最好的地方的味道不會太甜，同時濃濃的蛋味，再配上新鮮的士多啤梨和草莓醬，好味道！

難得請左半日假咁朝早當然就食Brunch啦今次呢間Bricklane 其實食左好多次而每次通常都會叫Eggs Benedict 或者 Eggs Royale咁其實呢我覺得香港黎講佢個Eggs Benedict都算係咁起碼夠野唔會容易散先不過佢d料真係越來越差我記得以前食個時個ham係好厚的但唔知點解今次食好薄真心覺得bricklane的Eggs Benedict冇以前咁好食咖啡就同以前差不多都算唔錯環境方面就因為平日其實冇乜人又唔洗等位 建議大家還是平日黎食個Brunch吧

有時想去試某一間餐廳，但礙於時間和機緣只好留有以待。這晚適逢其會，在這區蹓躂，而家人都有節目，自己臨時又找不到伴，便獨自來這間很想來吃的餐廳。忙了一整天，沒有好好吃午餐，也許在晚餐填補，點了沙律和主菜。Caesar Salad with Smoked Salmon，凱撒沙律似乎是所有餐廳必備的沙律。無他！廣為人接受，材料亦簡單，只是在配料上有些少變動，加煙三文魚或烤雞肉，我今晚選吃魚，所以選了配煙三文魚。沙律份量是頗大的，三朵玫瑰花似的煙三文，鹹香油潤，不太腥，煙燻味迷人，切些煙三文魚伴些沙律吃，味道非常夾，尤其沙律的醬汁調得很好，以芝士，鯷魚，油醋等混合而成，濃郁夠味，令本是淡味的羅馬生菜增添了生氣，煙肉碎，芝士碎是紅袖添香的玩意。主菜同樣是選吃魚，Grilled Atlantic Cod，首先很喜歡魚皮煎得很香脆，家人有些是不吃魚皮的，但我最愛吃，欣賞魚皮香脆之餘還欣賞皮下的油脂，相當好味，其次喜歡充滿地中海風情的伴碟，有番茄乾，切條的西班牙辣肉腸，車厘茄，黑水欖等，很惹味，魚肉雪白軟滑，肉質不錯，也很喜歡插在魚上的芝士脆片，有濃濃芝士香，惟一是希望薯蓉的質素可有所改善。平日很少吃

今日係開心星期三 所以晏晝就同銅鑼灣上班族朋友走去食好西 呢間利園附近既Brick Lane 之前都已經見過佢 佢裝飾好靚 係週末hea 坐既好地方～ 我地食飯時間都彈性 所以我哋大概兩點鐘先去到～人就已經唔算好多所以坐得好舒服睇睇今日個menu ~有意粉牛扒漢堡包選擇都幾多最後我地揀左西蘭扒 $168 燒大蝦配北海道帶子$268 係主菜黎之前我哋就飲個湯同埋食咗個沙律先 份量都幾多! 等左一陣主菜都黎喇!!  我既燒大蝦set 大蝦有兩大隻 肉身彈牙味道鮮美仲有粒大帶子! 外層經火燒過 口感一流 再加埋特制牛油醬汁 更能提鮮!!  另外 朋友既西冷扒亦同樣有水準 肉身軟稔 牛味香濃 仲有陣陣炭烤味 正正~~ 值得一提 配菜係甜蕃薯 外面甜甜 而且外面經烤脆 配住主菜食一流～享用完午餐 餐飲其實普通正路 但值得一讚既係佢地走塑 棄用膠管專用循環飲管 十分環保!!!!

係銅鑼湾想食好西，又不想去shopping mall 或hotel, 今日仲有search items: vegetarian food! 冇乜choices, 見到呢度menu 乜都有得食贰就試下啦!我係meat lover, of cos ordered my lovely steak ! 我朋友vegetarian then she has so many choices surprisingly ! Tofu steak, vegi burger, salad...etc!the end the manager introduce us the lovely brand coffee, no milk, no sugar, smell and taste really good!

重點除了大大份外，食物也很美味😋時想經過這間餐廳，但遲遲沒有到此試一下。今晚，突然想吃all day breakfast及Benedict🤔我大約7時到達，已很多食客。（但我沒有拍人😉）Happy Hour時段，男友點了Cheese Board$152及啤酒$48等著我😊而我到達後點了一杯Prosecco$68他點了Everything 的全日早餐$128大大份也很美味😋他不太愛吃炒蛋也全部吃掉，笑說做得很滑、美味。而我點了最愛的California Eggs Benedict with avocado & tomatoes $88我十分滿意！蛋沒有醋味，醬汁也恰到好處😋另外，很值得一讚時所有職員有善親切，服務很好！

餐廳位於銅鑼灣鬧市嘅邊緣，因此方便又不失悠閒嘅感覺。喺呢間咁chic又英倫風嘅餐廳入面，坐係大玻璃窗旁嘅深啡皮製沙發上，最啱就落雨或者夜晚時黎chill下享受下人生。Dinner Menu ($268)包括大蒜薯仔湯，巴馬火腿配芒果莎莎同帶子蟹肉天使麵 。巴馬火腿配芒果莎莎一口咬落去，伴隨著巴馬火腿嘅鹹甘，隨即而來嘅係芒果嘅鮮甜味。肉質柔軟嘅巴馬火腿除咗包住軟淋淋嘅芒果，仲有爽口嘅火箭菜，口感豐富。帶子蟹肉天使麵 帶子煎得外面金黃帶脆，裏面仍然嫩滑，證明火候啱啱好。可以係一個pasta入面同時食到菇同海鮮真係有啲意外！烤亞拉斯加鱈魚 （$265）厚身嘅鱈魚連皮煎煮，煎得表面香脆。雖然又鱈魚又薯蓉，但唔使擔心味道會太淡，因為有大大塊嘅鹹芝士片同酸溜溜嘅蕃茄乾，令到整體味道一啲都唔單調。整碟主菜份量頗大，不過有蕃茄乾幫你解膩開胃。鮮莓鐵鍋班戟（$88）用熱鐵鍋盛載，班戟邊位烘至剛好嘅深啡色，脹卜卜，鋪上色彩鮮艷嘅雜莓同糖霜，俾人一種好幸福溫暖嘅聖誕feel！紅絲絨蛋糕 （$48) Red velvet cake 用玫瑰做點綴，甜度同份量適中，輕盈細膩。Peach Ocean ($68)賣相

有時要食得好，就是要懂得找街頭巷尾裝修好吸引，有室內及戶外位方便外國客人感受街道情懷入門就見開揚長台與4人用台方便小型與家庭聚會，設計有心思點了杯無酒的藍莓特飲酸香清新，為夏天帶來醒神的飲品水牛芝士番茄沙律我喜歡這裡的水牛芝士香滑有奶味，沙律菜又FRESH令人愈食愈放鬆雜菜湯香濃的菜香混有大量番茄味道好吸引開胃德國燒豬手份量很大，其中有德國的酸菜，好正宗！由店員分切，手起刀落食落香脆，佈滿骨膠源的口感肉都脆得起，味道好，份量足夠3人食CAKE只加HKD30朱古力CAKE配上香濃咖啡淋出香濃的滋味我對呢間餐廳的味道畀90分！

之前喺銅鑼灣經過呢間裝潢感覺好悠閒嘅英式Cafe，妹妹話好想試，今日我地終於有時間黎食個晚餐！晚餐定價係$200至$300左右，包左湯、前菜、主菜同埋餐飲。我哋叫咗一個套餐同埋散點左其他食物。今日嘅餐湯係大蒜薯仔湯，配搭幾特別。飲落仲食到少少蒜絲同埋薯仔碎，好足料啊！套餐包埋嘅係巴馬火腿配芒果莎莎，甜甜酸酸促進食慾，又可以中和返火腿嘅鹹。帶子蟹肉天使麵最啱鍾意忌廉汁嘅人，個汁好rich但係又唔會太膩，仲有絲絲蟹肉！帶子雖然得一粒，不過好厚肉，生熟程度剛好唔會太硬！單點嘅烤卡拉斯卡鱈魚果然無失望，魚皮香脆，其他三面煎得金黃，魚肉嫩口滑順！伴碟嘅番茄乾、鮮蕃茄同埋菌類正好為味道比較清淡嘅鱈魚增添滋味！鍾情甜品嘅我地叫左兩款甜品：鮮莓鐵鍋班戟同埋紅絲絨蛋糕。班戟鬆軟得黎有餘溫，配雜莓同蜜糖真係好夾！紅絲絨蛋糕中間夾左cream cheese 慕斯，口感豐富！Peach Ocean、BlackBerry Earl Grey同埋 Hong Kong Bouquet三杯飲品當中我最鍾意後者。淡淡嘅Rum味同清新嘅青瓜味幾夾幾特別。總括來講，食物質素唔錯，侍應友善服務態度佳，讚！

好友好久没見面，今晚我們相約在銅鑼的禮頓道111號利園第六期，來這里好方便，很多車可以到。我一進入，熱情又禮的待應，還安排靠近窗邊，朋友還没到，我打開了它的精緻的餐牌，這家英國餐廳有提供白酒、啤酒及紅酒。這里的特色應該是它的ALL Day Breakfast, 48 Hours slow-cooked prime RLB and skillet pancaKe.朋友終於到了，於是我們想了點了一個晚餐，額外另外叫自己想食的食物, 於是叫了一個晚餐,其餐湯是羅宋湯，由於我不喜歡喝，所以另外加錢改為前菜,PARMA HAM拼芒果沙沙，最後另加錢升級為龍蝦湯和加10元升級特色飲品,於是叫了玫瑰花茶LATTE, 最期待是吃它的招牌甜品red velvet cake,才算是完美的一餐。龍蝦湯: 龍蝦湯味道好鮮味，若嫌它龍蝦肉太少了。PARMA HAM拼芒果沙沙ARMA HAM 也可以配芒果的，加上了新鮮生菜和火箭菜，在盤子上加上了沙律醋，好像一幅畫，PARMA HAM 配芒果一齊食，中和了火腿和咸味呀，令人醒胃。香烤野生鱈魚柳:到了主菜香烤野生鱈魚柳，賣相不錯，色彩好丰富，而且鱈魚燒得剛剛好，煎香