Boholic

营业中

休息中

每逢星期日，都搵家附近的餐廳搵好嘢食。#長沙灣 有間波希米亞風嘅餐廳，環境好正！餐廳有兩層，主要打卡位喺地下，六點幾嚟到都坐滿，仲有幾枱慶祝生日。芝士火鍋🫕香港有芝士火鍋供應嘅餐廳唔多，見到今次有秋冬推介，就叫咗嚟試吓！火鍋內的芝士融化得恰到好處，濃郁的奶酪香氣配合海鮮和蔬菜，每一口都充滿了濃郁的芝士風味。蟹肉意粉🍝新鮮的蟹肉為主要成分，配上鮮嫩的意大利麵條和濃郁的蟹肉醬汁。每一口都充滿了海鮮的鮮甜味道，醬汁的濃稠度剛剛好，這個意粉很特別很好味。開心果疏乎厘pancake 疏乎厘pancake喺依度嘅招牌菜！這款甜點給了我一個美味的驚喜。蓬鬆的疏乎厘pancake上灑滿了香脆的開心果，每一口都帶來豐富的口感。它的外觀也非常迷人，睇見就覺得好豐富。📍Boholic長沙灣福華街561號君凱豪庭地舖及1樓

想同朋友一齊食飯打個靚卡, 揀選了位於長沙灣一間打卡able西餐廳，這間餐廳充滿了波希米亞風情, 去到覺得環境好靚, 即刻影左幾張相, 哈哈! 我地點左呢度既招牌菜之一芝士火鍋 ($188), 湯底係三重特濃芝士, 芝士味香氣四溢, 配料包括有新鮮爽口西蘭花、外酥內軟斑斕多士、鮮嫩厚牛舌、新鮮彈牙鮮蝦、薯仔和車厘茄。香濃蟹膏手捲意粉配香焗明太子手拆蟹肉 ($218)呢種意粉出面比較小有, 佢係比較長身的, 唔同長短咁捲埋, 意粉軟硬適中, 店員介紹要將蟹蓋入面既蟹肉, 混合埋意粉一齊食, 配合埋明太子和意粉掛汁, 小小微辣, 味道多層次, 幾特別~*芒果海鹽芝士奶蓋麻糬牛角窩夫配椰子雪糕 (108) ~ 製作需時十五分鐘麻糬牛角窩夫外層酥脆內裡軟綿綿的, 香甜的芒果和海鹽芝士奶蓋, 形成對比, 但食落又好夾, 搭埋椰子雪糕, 多層口感。整體用餐愉快, 餐廳的服務員態度很好, 下次再黎試下其他款式既食物先~

最近我同朋友去咗長沙灣MCL附近既打咭餐廳，餐廳行波希米亞風有好多打咭位可以影相。#手捲意大利麵配明太子手拆蟹肉 ($218) – 意粉係手製㗎未食之前以為係長通粉咁樣，但原來條條都唔同長短咁捲埋😂😂幾好食個汁係偏海鮮風味。蟹蓋成個都塞滿曬蟹肉同明太子，店員話撈埋落個意粉會更好食。 撈完之後會多咗明太子鮮味同少少既辣膩感。令到個意粉多咗層次仲好味咗，蟹肉既份量亦都係好多#三重特濃芝士火鍋 ($188) - 濃郁既芝士湯底配上蝦仁、西蘭花、薯仔、牛舌、多士。芝士好香唔會好膩。#榛子朱古力香蕉麻糬牛角窩夫 ($88) – 最尾梗係要食埋個甜品先得，牛角窩夫好香中間有加到麻糬，令個口感更加煙韌，再配埋好多既榛子朱古力同埋香蕉朱古力，即刻好滿足

平時經過Boholic 都好想試，見佢做緊梳乎厘半價優惠就同男友食完飯去左食佢既梳乎厘班戟。 我地食完飯大約九點去到，都差唔多last order，所以都冇得叫主食，好彩我地係為左食甜品而黎。 咁遲去就有好處，因為冇乜人。所以可以周圍影相。我同男友叫左開心果奶蓋梳乎厘班戟(原價138）等左大約15-20分鐘，開心果奶蓋梳乎厘班戟個蛋味好香，好鬆軟。好鐘意食！唯一麻麻就係覺得開心果味唔係好出，要食到開心果粒先有啲開心果味。不過半價都幾抵食。下次會再試佢既原味。

波希米亞風嘅打卡餐廳！而食物同樣做到水準MAYONNAISE PLUM SAUCE/ U.S. PREMIUM PORK PLUM STEAK秘製蘇梅蛋黃醬燒焗美國特級豬梅扒 $118豬油份好重，所以香得黎唔會好難咬，肉質keep到水份，個醬亦都幾夾，可以解到膩CHILI CON CARNE /CHEESE PENNE傳統美式辣肉醬配香濃芝士長通粉 $88食落唔會有特別大驚喜，長通粉會係比較硬身嘅質地MARUKYU KOYAMAEN STRAWBERRY MOCHI CROFFLE丸久小山園抹茶士多啤梨麻糬牛角窩夫 $88呢個甜品幾滿意！抹茶味重、香、濃；麻糬有咬口夠軟糯，但個人覺得有啲太甜；牛角窩夫亦都香脆

終於有機會到這間長沙灣人氣打卡cafe 。先吃邪惡三重芝士特濃火鍋，還是第一次吃芝士火鍋，配料有斑斕芝麻蛋糕、牛舌，鮮蝦，薯仔、蕃茄，拉絲芝士味道非常濃郁，不過不能吃太多。再來蘋果金寶火灸焦糖蛋卷配海鹽雪糕，蛋捲外表甜脆，但內裡鬆化，配上焦糖脆脆的海鹽雪糕，so sweet…

📍Boholic 荔枝角/長沙灣📍喺荔枝角等睇戲，搵個地方坐吓，食個靚下午茶，見到呢一間Boholic，裝修好靚，有乾花喺裏面，好啱打卡！呢度有鳥籠拼盤下午茶😍😍，睇相已經覺得好靚好吸引，即刻決定嗌返一set。下午茶鳥籠拼盤$328先有兩杯蜂蜜洋甘菊，潤一潤，滋補一下😆拼盤上層係甜品，下層係鹹點。鹹點有💕松露醬巴馬火腿芝士配竹炭多士火腿芝士配多士真係絕夾嘅配搭，好食！💕牛油果蝦仁撻💕炸蝦天婦羅甜點有💕士多啤梨藍莓抹茶忌廉撻呢度係甜品唔會太甜，味道恰度好處😆！💕士多啤梨馬卡龍💕焙茶牛奶布甸💕芝麻芝士蛋糕另外再加咗一個小食：💕意大利火腿香桃卷 $62食物好多心機，好食之餘，仲好靚。好多都會用食用花去裝飾，打卡影相一流。食完呢個下午茶，心情都好咗！環境坐得舒服，音樂唔會太大聲，但又唔會聽到隔籬枱講嘢，同朋友嚟傾偈嘆吓，好適合。

長沙灣其實都幾多精緻餐廳，係福華街將會大規模重建既兼善里既附近新舊交融嘅地方，坐落於荔枝角同長沙灣中間。餐廳用咗波希米亞風情，主要白色啡色粉色為主，仲有幾個打卡corner餐廳樓上仲有兩層，座位非常寬敞樓梯磚都有特別pattern設計午市set menu套餐仲有麵包同湯 幾抵食白松露奶油雞肉意大利粉+酸種麵包南瓜湯意份份量非常多，入口creamy，配料有雞肉同菇，每一口都可以食到滿滿既材料一絲絲既雞肉可以混和奶油忌廉掛滿意粉一啖可以食到曬所有既材料 加上佢份量都係超級多同朋友黎可以share 住食南瓜湯 清甜好飲 非常開胃舒服配埋要酸種麵包，perfect match 另外加多左個甜品榛子朱古力香蕉麻糬牛角窩夫甜品賣相一流，香蕉排得整整齊齊，焦糖係面牛角窩夫上有一層薄薄的麻糬軟綿既texture配脆脆既牛角窩夫同埋滿滿既朱古加粉 朱官加碎 非常好食餐廳仲準備左好多位置打卡波希米亞風，竹織椅子，好多毛毛花花裝飾，不可以錯過的打卡餐廳。

放假同閨蜜嚟長沙灣食晏，揀咗呢間心儀已久嘅波希米亞風 Café。餐廳樓高 2 層，店內裝潢清雅，以象牙白色為主調，配上四周嘅藤織物、淺木色家具、乾花擺設，唯美浪漫風掛飾同大量綠色植物，度假 feel 爆燈，好適合打卡！ Boholic All Day Breakfast ($138)  全日早餐用料好豐富，有香草腸、扒茄、香烤鮮菠蘿、牛角包、大啡菇、太陽蛋、煙三文魚同澳洲沙律菜。大啡菇肉厚多汁、香草腸皮脆肉嫩、牛角包酥香鬆脆、烤菠蘿微酸微甜，而沙律嘅味道亦唔錯，黑醋汁好味之餘亦落得夠重手。另外呢客小食拼盤 ($108)  份量亦不欺場，有炸魷魚、脆香雞翼同炸蝦。魷魚外脆內煙韌、雞翼大大隻，飽滿有肉汁；而炸蝦嘅粉漿亦唔會過厚，食到蝦肉原味。至於甜品就點咗客芒果海鹽芝士奶蓋麻糬牛角窩夫配椰子雪糕 ($108)  窩夫賣相很精美，面頭鋪滿了甜美嘅芒果肉；芝士奶蓋帶淡淡鹹香，好味又唔太甜，麻糬煙韌軟糯，底層係大熱嘅牛角窩夫，配埋旁邊嘅椰子雪糕吃，清香又不甜膩，味道一流！

Weekend Lunch 全日早餐 $138全日早餐有香草腸、烤過的蕃茄及大啡菇、香甜多汁的烤菠蘿、牛角包、太陽蛋、煙三文魚及沙律，種類豐富，味道不錯。小食拼盤 $108有三款不同的小食：帶有紫菜香氣的香口炸魷魚、脆香雞翼及脆身的炸蝦，惹味又熱辣辣，與朋友分享最適合。榛子朱古力香蕉麻糬牛角窩夫 $88酥脆的牛角窩夫上面有香甜的朱古力醬及焦糖香蕉，加上煙靭的麻糬及榛子碎，有不同的口感，香甜可口。餐廳以波希米亞風裝潢為主，以米色作為主調，有不少打卡位。

Boholic 是一間充滿夢幻打卡 cafe，用上波希米亞佈置， 飄逸小清新的感覺，仲係 pet-friendly 嘅 cafe ，主人與毛孩🐶又多了一個好去處。Boholic 非凡全日早餐 $138相當豐富有：🔹️牛角包🔹️ 太陽蛋🔹️ 腸仔🔹️ 鮮冬菇🔹️ 蕃茄🔹️ 燒菠蘿🔹️ 沙律菜 及🔹️ 煙燻三文魚份量十足 , 有熱呼呼的香腸、滑溜的太陽蛋、烤得香脆的牛角包、 蜜甜多汁的燒菠蘿、酸甜甜的蕃茄加上沙律菜， 簡單兒滋味。Boholic 小食拼盤 $138🔹️ 炸蝦🔹️ 炸鮮魷 🔹️ 炸雞翼 每款都新鮮炸起， 炸到金黃香脆， 大口咬下， 吃到爽彈的蝦肉， 鮮味嚼勁的鮮魷 , 外脆內軟的雞翼 ，香脆而不膩， 不消一會， 通通給我吃光了。芒果海鹽芝士奶蓋麻薯牛角窩夫配椰子雪糕$108即叫即製的牛角窩夫，上枱時， 香氣十 足，表面放滿我喜歡的新鮮熟透芒果肉， 配上芝士奶蓋及煙韌的麻薯, 還伴上一球椰子雪糕, 十分吸引， 窩夫香脆煙韌， 滿滿牛油香氣， 加上融化中的椰子雪糕，冷熱交融， 又甜又香脆，令人無法抗拒。

【長沙灣•Boholic】@boholic_rtlcππππππππππππππππππππππππππππππ長沙灣波希米亞格調西餐廳全日早餐（大啡菇、三文魚、牛角包、燒菠蘿、沙律菜、太陽蛋） 128$香辣蒜片蜆肉攬走炒意大利麵 108$竹炭夏威夷果仁咖啡 63$丸久小山園抹茶鮮奶 55$全日早餐：這是一頓豐盛的早餐，融合了歐美與亞洲元素。大啡菇（Portobello）的肉質厚實，能完美吸收旁邊料理的風味，與輕煙熏處理的三文魚相得益彰，提供了優質的蛋白質和Omega-3脂肪酸。牛角包外酥內軟，奶油香氣迷人，是早餐中的碳水化合物來源。燒菠蘿以其輕微的焦糖化和自然的甜味帶來熱帶風情，與沙律菜的清新爽口形成鮮明對比。太陽蛋則是經典的早餐元素，流心的蛋黃能和其他食材混合，增加餐點的濕潤度和風味層次。香辣蒜片蜆肉攬走炒意大利麵一道具有創意的 fusion 菜式。蜆肉的鮮美與蒜片的辣香是亞洲料理常見的搭配，而這裡被巧妙地結合到炒意大利麵中。'攬走' 這個烹飪手法通常指的是快速高溫炒食，保留了食材原有的新鮮感。蒜片的刺激與香辣調味不僅提升了蜆肉的味道，更讓整道菜的層次更加豐富。整體來說，這是一道

今次我和姊妹來到「Boholic」，波希米亞風格，高樓底令整間店很寛敞，用餐的空間感更舒適，感覺潔淨，店內佈置優雅，打卡影相多位置，充滿風情的藝術格調。鳥籠造型西式精緻二人下午茶鹹點：金文畢芝士巴馬火腿竹炭多士脆卜卜黃金吉列蝦黑魚子鮮蝦牛油果醬撻甜點：自家製Tiramisu特濃宇治抹茶芝士凍餅朱古力馬卡龍焙茶奶凍飲品：二杯洋甘菊茶 (半價轉其他飲品)鹹點方面，最愛金文畢芝士巴馬火腿竹炭多士，材料豐富，芝士，火腿及多士，配黑松露醬，芳香的味道仍在口中留戀。甜點方面，最愛是特濃宇治抹茶芝士凍餅，抹茶及芝士好夾，仲有新鮮的士多啤梨及藍莓，凍餅鬆脆，令人唾涎三尺。洋甘菊茶洋甘菊十分清香，另自行加蜜糖入茶，甜甜地更好飲。Strawberry Avocado Smoothie士多啤梨味幾濃，甜而不膩，讓人一試難忘。Boholic（長沙灣）地址：長沙灣福華街561號君凱豪庭地舖及1樓

最近我同朋友幫襯咗位於長沙灣一家打卡西餐廳，這個餐廳充滿了波希米亞風情。我地點了芝士火鍋配菜，包括西蘭花、斑斕多士、厚牛舌、鮮蝦仁、薯仔和車厘茄。此外，仲嗌咗煎銀鱈魚配炒羽衣甘藍，以及一道非常誘人甜品——芒果海鹽芝士奶蓋麻糬牛角窩夫配椰子雪糕。芝士火鍋係喱家餐廳既招牌菜之一，以濃郁既芝士湯底為特色。湯底口感滑順，芝士香氣四溢。配菜方面，西蘭花保持了清脆口感，斑斕多士外酥內軟，厚牛舌鮮嫩多汁，鮮蝦仁新鮮彈牙，薯仔和車厘茄則增添了口感既層次感。這道芝士火鍋令人回味無窮。接下來係煎銀鱈魚配炒羽衣甘藍。煎銀鱈魚既魚肉鮮嫩，外層煎得金黃酥脆，充滿香氣。搭配炒羽衣甘藍，甘藍既清爽口感與魚肉鮮味相互襯托，形成了美味既組合。最後係甜品——芒果海鹽芝士奶蓋麻糬牛角窩夫配椰子雪糕。芒果甜美同海鹽芝士既鹹香相結合，創造出獨特既口感體驗。麻糬牛角窩夫外層酥脆，內裡柔軟，搭配椰子雪糕，好清涼。除了菜品既口味，這家餐廳既服務都值得一提。服務員熱情友好，提供快速且有效既服務。菜單介紹都非常詳細。

之前經過長沙灣呢間cafe就俾佢嘅店鋪環境吸引🤩，見多人排隊就等今次專門提前booking再來打卡嘅。好啱情侶或閨蜜一齊來打卡啊，店鋪環境超靚，乾淨舒適，有室內或外嘅座位安排，好有特色。1️⃣點佐從來都未食過嘅「邪惡」芝士火鍋，好新鮮，之前未食過。以為食落去會好滯，但發現其實食材係去皮蝦仁🍤、西蘭花🥦、薯仔🥔、牛舌🐮、切塊方包🍞，食材基本係以白灼為主，保留食材原貌，蘸入去芝士火鍋🫕再食，健康營養又有特別嘅口感體驗。2️⃣滿滿蟹肉嘅手捲意粉，成個蟹蓋都塞滿曬蟹肉，可想而知個意粉含金量幾高。不過我個人覺得小小鹹，不過男朋友係覺得好食將佢食曬。3️⃣雪糕球➕芝士奶蓋麻糬窩夫🧇，真係所有鍾意嘅元素擺埋一碟。個擺盤靚到唔捨得切開來食😆