Boholic

营业中

休息中

🥣芝士焗澳洲薯皮🥣：💰$88選用澳洲薯仔，烤焗後外層金黃酥脆，內裡保持香滑口感，芝士奶香濃，融化拉絲，加入煙肉碎、配酸忌廉醬，係一款味道豐富既小食。🥣美式BBQ醬烤焗西班牙豬肋骨配洋蔥圈🥣：💰$198肋骨以低溫慢烤，肉質柔嫩、入口即化，充分吸收BBQ醬香甜同煙熏味，醬汁微微焦糖化，有份甜香，炸洋蔥圈外層酥脆，沾上惹味醬汁，配上兩大塊超甜烤菠蘿同新鮮沙律菜，兩人分享岩岩好。🍰 開心果奶蓋梳乎厘班戟 🍰：💰$138班戟質感柔嫩，蛋味香濃，加上大量香滑開心果奶蓋，堅果味有少少咸咸地，配上開心果粒增加口感，每一啖都充滿幸福感🥰🥤士多啤梨牛油果奶昔🥤：💰$58鮮忌廉厚實，士多啤梨味清甜，牛油果令到奶昔更綿密順滑，清新又健康，甜度剛好又不油膩。🥤精選水果茶🥤：💰$45有新鮮既蘋果同火龍果粒，整體好清新，更有水果香甜。

作為荔枝角區地膽，周圍捐窿捐罅搵嘢食😬長沙灣呢間人氣打卡Cafe，已經book mark左一段時間🤭離我公司只有10分鐘路程😉今日有Me Time 去嘆吓先😋🔹芝士焗澳洲薯皮 $88滿滿的芝士，上面配上煙肉粒🥓口感又鹹又脆！好好味😋🔹美式BBQ醬烤焗西班牙豬肋骨配洋蔥圈 $198真心推介🙌🏻平時好喜歡食豬肋骨！但好多時出面餐廳食到的豬肋骨，容易烤焗得又乾身又榎口🥲今次這份烤焗程度剛剛好，好多肉之餘，又入味又易咬🤤隨餐提供的美式辣汁超級惹味👍🏻順帶一提兩件菠蘿好好食🍍🔹泰式珍珠奶茶梳乎厘班戟 $148每一啖都充滿濃厚的泰式奶茶味，泰式奶茶控必點👍🏻🔹桂花鮮奶咖啡 $58老公飲第一口就大呼「好味」🤭淡淡桂花味嘅咖啡，出面好少見，好特別🤤🔹Grapefruit Summer $52這杯特飲賣相好靚，漸變色打卡一流📸味道都唔錯😋甜甜地📍boholic長沙灣福華街561號君凱豪庭地舖及1樓

長沙灣嘅隱世小店Boholic 平時經過呢一度已經發現有間咁靚嘅餐廳，不過長期都係多人，今次終於捉到機會食到！芝士焗澳洲薯皮外脆內軟，配上濃郁嘅芝士同煙肉，香口好食。薯皮質感煙靭，配咗清新嘅醬汁，都算幾開胃。美式BBQ醬烤焗西班牙豬肋骨配洋蔥圈豬肋骨就不得了，肋骨肉質鮮嫩，BBQ醬味道香濃。好少食到BBQ醬濃味得來唔會完全蓋過肋骨本身嘅肉味，一咬落去可以成條骨去到，烤得啱啱好。搭配洋蔥圈，口感層次分明，真係一個完美嘅組合。佢側邊仲要配多兩個大嘅烤菠蘿，平衡返口感。甜品方面，叫咗開心果奶蓋疏乎厘班戟鬆軟的班戟配上香濃嘅開心果奶蓋，食落去既香甜又唔會太膩，簡直係夢幻，佢嘅質感比較似cake，開心果味道濃郁。士多啤梨牛油果奶昔，口味非常之健康，唔會太甜，但奶味厚重。黑糖伯爵茶拿鐵，呢一個組合完全冇得輸。講真，佢嘅香氣同埋黑糖嘅甜味恰到好處，夜麻麻去食都要飲一杯咖啡😂極完美餐廳入面裝修都好靚，所有位都打到卡，隔籬枱仲有人帶埋兩隻狗仔過嚟喺外面用餐，非常之正

今次嘅餐廳係主打多國菜，而店內店外都有唔少可以打卡嘅裝飾，見到十分用心佈置非常精緻，另外招牌梳乎厘班戟亦十分出名，今次就同朋友提前預約黎試試😍♡開心果奶蓋梳乎厘班戟♡​首先當然要試試佢嘅梳乎厘班戟啦，今次就叫左開心果口味，開心果味道非常濃郁又唔會話太甜膩，賣相亦十分吸精，非常推薦😘😘👍🏻♡Boholic小食拼盤♡而小食拼盤內就有炸蝦、炸雞翼同埋炸魷魚，炸得非常鬆脆，很脆口，十分之惹味，唔會話太油膩，不錯👍🏻♡Boholic 非凡全日早餐♡非凡全日早餐份量十足，入面最吸引我係佢嘅烤菇同牛角包，都係我非常喜愛嘅食物，其他都發揮得好好，而另外佢嘅醬汁又酸又甜，十分之醒胃，都好推薦比各位😋👍🏻整體黎講呢間餐廳都十分之推薦，無論係打卡或者黎食野都係不錯的選擇👍🏻👍🏻

長沙灣嘅Cafe。見依一間好多人人都嚟拍過打個卡，所以嚟試一試。依一間其中一個特點就係寵物友善可以喺門口位度同寵物食嘢另外可以同佢哋打卡總括來說都幾chill。至於食物方面嗌咗個疏乎厘pancake同埋一杯黑芝麻熱飲。第一眼望落去係一杯賣相吸引既飲品，佢選用嘅杯設計特別，俾咗人一個家嘅感覺，但係內有蹺蹊，就係呢個杯睇落正常，但係其實入邊係好淺，容量唔大。飲落口，黑芝麻同鮮奶順滑融合，奶味唔會過重，反而係黑芝麻嘅味道唔算好濃。呢杯飲品既暖意令到人即刻放鬆。呢個pancake正常水平，蛋味唔算超級濃，口感係綿密。

第二次黎boholic, 依然係充滿田園風嘅餐廳，同上次一樣都有喺餐廳一入嘅呢個靚靚打卡位影相😬今次黎覺得menu野食多左！芝士焗澳洲薯皮。焗薯皮呢個名吸引到我，面頭紅色係一粒粒焗到脆卜卜嘅煙肉，非常惹味！芝士拉絲焗得超香濃！澳洲薯仔皮比一般薄，可以成粒連皮食，薯仔食落口特別爽脆，散發濃郁嘅薯仔香。美式BBQ醬烤焗西班牙豬肋骨配洋蔥圈。對於個豬肋骨嘅份量我地好surprise!因為真心好大份呀😍而且係炆得非常腍身入味易切嘅豬肋骨！旁邊洋蔥園夠脆口，菠蘿極多汁同埋又係勁厚切🥹好好食呀～～～開心果奶蓋梳乎厘班戟。近期每次一有開心果甜品我都唔會放過！呢個梳乎厘口感好鬆軟，開心果味都幾出到！而且面頭落左開心果粒，除左令開心果味更濃味，仲有助增加口感。呢個甜品真心值得嗌！特濃黑芝麻鮮奶，特濃果然係特濃，芝麻味好香濃！特製白桃奶酪，幾light幾清爽嘅凍飲，我揀左少甜，呢個甜度我好滿意！！

今日過嚟長沙灣做啲嘢，順便過嚟嘆個午餐先，午市lunch set都有好多選擇，揀咗個「香煎慢煮香草雞胸配黃薑扁豆意大利飯」個飯味道真係好豐富，食到濃郁嘅葡汁味，面頭有幾塊雞胸，煎到好香，食咗三分之二個飯已經飽飽地。午市套餐附送🥣是日餐湯、自家製酸種包🍞同是日水果茶或所有飲品🍸半價。個🎃南瓜湯真係好濃郁嘅南瓜味，用烘熱左嘅餐包🍞點埋嚟食就更好味。嗯嗯嗯飲品揀左🍵抹茶鮮奶，好濃郁嘅抹茶味，今日個拉花好特別，大家又睇唔睇得出係咩圖案呢😆😆

🌟 今日喺長沙灣搵食，經過呢間cafe, 門口勁靚吸引到我入去。店內有分上下兩層，亦有好多打卡位，影咗好多靚相，餐牌選擇都好多，我哋揀咗一個好舒適嘅角落坐下來。***** ***** ***** ***** ***** *****🐷秘製蘇梅蛋黃醬燒焗美國特級豬梅扒豬梅扒軟腍，同蛋黃醬好夾，仲有不少配菜伴碟，例如焗薯、車厘茄、青瓜🥒🍝欖油蒜片辣椒炒西班牙辣肉腸鮮蝦意大利麵鮮蝦彈牙新鮮，意大利麵少少微辣，每條怪有橄欖油同蒜片香，香口惹味而且開胃。☕️☕️這裡的咖啡都是重點，叫了兩杯凍啡，Latte同Cold Brew Coffee都好香濃咖啡味。

長沙灣區菜式美味適合打卡小店長沙灣做嘢嘅朋友極力推介呢一間靚靚餐廳，放咗工急急腳趕過嚟，見到店裏面嘅裝潢打卡位非常之靚，覺得一啲都冇嚟錯，見埋食物嘅水準同埋價錢，更加覺得非常值得我由香港島跑過嚟長沙灣芝士焗澳洲薯皮香脆薯皮包裹濃郁芝士，外焦內軟，口感豐富，最正佢仲有個忌廉配埋一齊食，令到香脆嘅薯皮非常香滑可口美式BBQ醬烤焗西班牙豬肋骨配洋蔥圈美式BBQ醬醇厚，烤焗西班牙豬肋骨外焦裏嫩，香氣四溢，搭配脆嫩洋葱圈，口感層次豐富，個BBQ美式燒烤醬真係非常惹味，有排骨肉汁嘅鮮味加埋少少辣味，都唔知入邊有咩材料，但係非常之好食。熱情果青檸薄荷梳打熱情青檸薄荷味道絕對平衡，非常清爽嘅飲料菠蘿火龍果沙冰菠蘿同火龍果味道非常配清甜得來有點點酸味，個沙冰非常軟滑開心果奶蓋梳乎厘班戟個疏乎厘pancake超級鬆軟，開心果奶蓋濃郁，梳乎釐班戟輕盈鬆軟，香甜交融，口感細膩。好鍾意佢哋嗰啲焗香咗嘅開心果碎，香脆味餡，同個疏乎厘班戟完美地配合

長沙灣有好多小店cafe都有特色，今次推介boholic係大家一不小心就錯過嘅cafe🤗環境：8/10雖然空間不是很大，不過室內外全是打卡位，🎃萬聖節前夕都有不少裝飾，比大家瘋狂打卡📸食物：8/10芝士焗澳洲薯皮 $88芝士控要留意啦❗️外脆內軟，一咬落去仲有拉絲效果，芝士薯蓉1:1大顛😝美式BBQ醬烤焗西班牙豬肋骨配洋蔥圈 $198豬肋骨肉質軟腍，烤焗時間啱啱好，BBQ醬調味出色，滿分💯個sid係洋蔥圈，有驚喜~🤪慢煮紅酒燴牛尾芝士粗通粉 $128慢煮方式令到牛尾🐮相當入味，軟腍腍程度接近日後即溶😌通粉口感彈牙之餘相當掛汁🤩士多啤梨牛油果沙冰 & 菠蘿火龍果沙冰 $58 &$58大推士多啤梨牛油果沙冰，似奶昔好full成件事🥰不過飲晒一杯都幾飽lol開心果奶蓋梳乎厘班戟 $138 開心果奶蓋佈滿開心果碎增加口感，疏乎厘班戟鬆軟Q彈，每一啖都係開心果衝擊味蕾🥰💰性價比：7.5/10 人均$3xx左右，生日月店家會請你食梳乎厘班戟 ，岩晒同bestie嚟慶祝 ，儀式感滿滿🥳

🔹美式BBQ醬烤焗西班牙豬肋骨配洋蔥圈 $198豬肋骨烤到好入味~肉唔痴骨 亦唔會overcook~仲有兩件菠蘿🍍面頭仲加咗肉桂粉去燒😍好香又多汁😍😍洋蔥圈炸到好鬆脆!!!點埋醬料仲好食過薯條🔹芝士焗澳洲薯皮 $88薯仔焗到好香 加埋芝士同煙肉粒又唔會好漏 反而提升咗一個層次 加埋佢俾嘅乳酪醬 食落會平衡返個油膩感✨🔹開心果梳乎厘 $138加咗好多嘅開心果醬😍😍食落去第一啖已經好濃開心果味 為咗個口感唔好咁單調 再加咗焗過嘅開心果粒💚梳乎厘質地亦都好fluffy～🔹士多啤梨牛油果沙冰 $58面頭加滿晒奶油同士多啤梨醬🍓入口第一啖就係濃濃士多啤梨味 牛油果去到中段湧返出嚟🥑.🔹菠蘿火龍果沙冰 $58依杯相對地冇咁甜 因為火龍果本身就清新啲 而佢嘅菠蘿味係尾段先慢慢咁滲出嚟～

🔹️今日與朋友仔到“Boholic” 食Lunch 🍽 餐廳裝修以波希米亞風🎪多處打卡位😍 環境舒適寫意🎶 食物美味高質😋 服務貼心滿意🧑‍💼👩🏻‍💼 價錢合宜💰🔸️Boholic All Day Breakfast 🥘假日食番個醒神開胃All day breakfast 🍽 材料豐富: 以新鮮扒茄、太陽蛋、大啡菇、香草腸、牛角包、煙三文魚、扒茄、香烤鮮菠蘿、澳洲沙律菜, 味道可口、色彩繽紛🌈🔸️Boholic 小食拼盤🦑🐔🦐小食拼盤有煙煙韌韌炸魷魚、嫩滑炸雞翼、甘香彈口炸蝦🤤配甜酸醬, 十分滋味😋🔸️Peach Blossom🍑特製白桃奶酪 ~ 清新香甜桃味, 配順滑牛奶、綿密乳酪, 味道好夾👍🔸️Grapefruit Summer 西抽汁清甜消濟, 色彩吸引😍

有一日放工午飯時間同另一半揀咗呢間返工地點附近嘅西餐廳，整個經歷糟糕到不得了。其實環境都唔算太差，不過就坐得都幾迫。嗰日我嗌咗一份蜆肉意粉，基本上係冇味道可言，我唔知道係個廚師冇落調味料定乜嘢，總之淡到根本食唔到入口。跟住叫侍應可唔可以俾啲豉油或者魚露我，佢最後俾咗啲黑椒醬我，坦白講黑椒醬同蜆肉意粉根本就係風馬牛不相及。後來我退而求次希望佢俾啲鹽我等我自己調味，最後雖然佢比到啲鹽我，但係我仔細發現啲鹽原來已經過咗期一年，非常震驚。(有圖為證)。我有就件事應反應，但係得到佢嘅一啲敷衍反應，唔知道佢係咪未瞓醒。基本上我極不推薦。

今日同阿媽行行下街， 想搵一間舒服嘅餐廳嚟食飯， 行到去長沙灣街口入面， 有一間波希米亞風格既餐廳， 裝修好特別， 而且店入面坐咗好多人， 我哋就入咗去食飯。入到去環境好舒服， 米白色嘅裝修， 店員嘅態度溫柔親切， 我地感覺好溫暖。餐牌嘅選擇都好多， 有好多西餐既菜式， 見到隔離枱嘅食物放滿咗成張枱， 賣相好吸引， 我哋又跟住叫😄1） 芝士焗澳洲薯皮： 好香口， 薯皮外脆內軟， 配上sour cream ，好夾2） 美式bbq醬烤西班牙豬肋骨： 醬汁味道濃郁， 豬肋骨啖啖肉，好入味 配上沙律洋蔥圈同菠蘿， 味道一流3） 黑芝麻latte： 芝麻味好重， 配上鮮奶好creamy， 飲落好暖身4）Grapefruit Summer： 阿媽叫咗呢杯嘢飲， 好fresh, 好解腻5） 開心果奶蓋梳乎厘班戟： 重點嚟喇！ 呢個開心果梳乎厘真係令我好驚喜， 送到上嚟香噴噴， 切開梳乎厘好輕型， 開心果漿有流心效果， 味道又唔會好甜， 仲有粒粒嘅開心果，食完好滿足！今次真係大滿足嘅一餐！！

Halloween 🎃 波希米亞風打卡cafe又係考古系列🫢依間cafe係佢新開個陣時（4年前）食過一次😆之後就無再黎過🙈見Halloween 多左d裝飾又黎食過打下卡🤡裝修過更加打卡able~多左幾個打卡位😍卡位幾靚👍🏻👍🏻芝士焗澳洲薯皮$88好肥好邪惡啊😈薯皮焗得好香，芝士加炸煙肉粒無得輸🫢美式BBQ醬烤焗西班牙豬肋骨配洋蔥圈$198豬肋骨一d都唔乾，好易切開👍🏻 燒菠蘿🍍好甜好多汁😍洋蔥圈炸得酥脆而唔油膩～開心果奶蓋梳乎厘班戟 $138梳乎厘好鬆軟，但唔係食空氣感個隻😌個人幾中意～開心果味比較淡，可以食到班戟既蛋香黑手芝麻鮮奶 $50唔會過甜，黑芝麻香濃