BluHouse

营业中

休息中

五星級酒店餐廳的環境優雅舒適，職員安排了窗口位置，可以望着維港景色食午餐十分寫意☺️☺️這間意大利餐廳的食物質素都唔錯，Set lunch已有頭盤、主菜和甜品🍽️而且分量都唔少，餐廳知道我哋生日、還送多一件插上蠟燭的甜品同我哋慶祝🥳🎂好惬意的一頓生日午餐啊🫠➰Antipasti➰🐙Octopus salad 八爪魚粒好軟腍，配橄欖油吃簡單好味😋🥬Slow-cooked chicken, Roman lettuce羅馬生菜好新鮮爽脆➰Secondi➰🍝Mezzi Paccheri Funghi Parmigiano超寬意粉圈夠爽彈掛汁，菇菌都好吃🧆Pork and beef meatballs肉丸有濃郁肉味、配蕃茄芝士醬唔錯➰Dolci➰🥧🧁每人可以揀2件mimi pastries，其實個size都唔細，加埋餐廳送的一件🥳結果都食唔晒要打包😜

上個月趁着友人生日慶生～終於試咗呢一間book mark咗好耐嘅BLU HOUSE🍴平時西餐類嘅價位都會普遍略高一點點～但呢一間仲要係Rosewood酒店嘅意大利西餐反而價錢定位好親民❤️仲要食物質素算高質👍🏻 -🐙Octopus Salad / $268-🍕Tonno Pizza / $110-🍕Diavola Pizza / $110-🍝Rigatoni Carbonara / $238-🐔Roasted Chicken Half / $408-🍸ELDERFLOWER DROP / $100-🍉WATERMELON FIZZ / $100-🥃Bluhouse Negroni / $130呢度嘅Pizza份量啱啱好，唔太大一份分好咗4小塊總共試咗兩款鮪魚同埋辣肉腸，但整體比較似食緊麵包多d,不是脆底Pizza。Carbonara係必點item❤️醬汁超級Creamy意粉好似通粉嘅形狀;另一個必點item係八爪魚沙律😋超級多份量呀～而燒雞都OK,肉質都非常Juice唔乾！餐前上嘅麵包都好好食🥖🍞Drinks方面就一般般…💵最後埋單連加一$1610～四人人均約$403

一直都諗住黎食呢間餐廳熱潮過左就決定黎食😋當日book左戶外位置 有得望住個夜景食飯😍維港夜景實在太美了🌌浪漫氣氛滿滿推介指數⭐️⭐️⭐️⭐️⭐️Rigatoni Alla Carbonara $238一直都喜歡卡邦尼長通粉濃濃既芝士撈埋通粉一齊食 非常好味蛋黃再加埋風乾豬肉 超匹配👍🏻RAGU $110呢個pizza雖然細細份 不過有芝士拉絲😍肉丸好juicy好好味 搭配pizza一流Earl Gary $58

推介指數 Recommendation Level : 🔥🔥🔥🔥🔥非常正宗的意大利餐廳，不論是頭盤、主菜，還是甜品都非常出色。之前是於晚餐的時候用膳，今次得意在中午前來，餐廳的氣氛非常不同，但仍然有極高的水準。An exceptionally authentic Italian restaurant, excelling in appetizers, main courses, and desserts. Previously dined here for dinner, this time visited during lunch. The ambiance at midday is notably different but maintains a high standard.餐前麵包 (免費 - Free)Bread餐前的麵包當然是不可或缺的，送上來的時候麵包還是暖的，有少許的香脆，但不會過分堅硬The pre-meal bread is a must-have, served warm with a slight crispiness, yet not overly hard.

氣氛唔錯係幾輕鬆 但係有d嘈，傾計需要大聲講先聽到。服務都算還好，但上菜真係好慢，叫左個set lunch，食完個pizza等左30分鐘都仲未上 pasta 要吹先至上🥲pizza黎講真係唔係好掂，直頭我覺得係快餐pizza嘅水平。。。pasta 個汁係唔錯，但個通心粉真係好硬，佢唔係有口感al dente個種硬，而係似未煮熟個種粉感😵‍💫係酒店入面食到咁嘅水準都真係好失望。。成餐飯唯一覺得好食就係甜品gelato。但係gelato黎講，又一啲都唔似gelato，似普通軟雪糕多d。但係已經係成餐飯黎講算最好（雖然雪糕都幾難會唔好食）一個set lunch around300零hkd，呢個價錢系rosewood入面可以話係幾划算，但其實呢個價錢係出面其他餐廳一定可以食d更加好味嘅野。overall 餐飯個人黎講真係可以話幾難食，亦唔會再食🥴

適逢老公生日，午餐黎左Rosewood既Bluhouse慶祝由於今日係平日，所以餐廳有Set Lunch Menu提供，我同老公每人叫左一個Set LunchSet Lunch價錢$388每位，另收加一，包左一個前菜，一個主菜同一份甜品前菜方面，我同老公都揀左Pizza，分別係巴馬火腿芝士同意式肉丸味，2個都好食，食完已經飽左一半，冇諗過佢一片係咁大塊🙈然後主菜方面，我地叫左紅酒燴牛面頰同卡邦尼長通粉，牛面頰好食，好夠淋👍🏻而卡邦尼係傳統既卡邦尼，唔同出面食嗰啲，佢好重蛋黃味，我個人唔太食得慣，但老公就好鐘意食最後甜品方面，每人可以自己出去甜品櫃到揀2件，佢甜品好好食，我老公話佢係俾意大利菜耽誤左既甜品店🤣🤣🤣

位於Rosewood 酒店地舖既意大利餐廳「Bluhouse」一值都好受歡迎，由意大利主廚主理，今日終於有機會試到POLPO E OLIVE橄欖八爪魚沙律，用上來自意大利既"Bella di Cerignola" 巨峰青橄欖，大大粒多肉又飽滿，八爪魚腍身得黎有咬口，再淋上橄欖油”Tenuta Mastromattei”，唔錯MOCKTAILecoSalty Citrus-Cooler整杯唔太甜，蘋果醋味突出，酸酸地幾好飲MARGHERITA Margherita pizza用上意大利迷你水牛芝士，番茄，basil 等等既食材，個pizza餅底偏脆身，經典又好味SAUTE' DI VONGOLE用上本地蜆配以白酒、蒜頭同烘麵包，蜆新鮮無沙，酒味香濃，個汁帶點辣，麵包蘸埋個汁一齊食真係好正RIGATONI ALLA CARBONARA粗管通粉入面裝滿左芝士，仲有豬頰肉、黑椒，但個芝士都幾膩，味道不錯的，但食左幾條粗管通粉已經覺得好膩POLLO ALLO SPIEDO叫了半隻用旋轉烤肉架烤製既雞，雞皮香脆，肉質嫩滑，配菜有薯仔同蘑菇，但就偏咸左d整體食物都不錯，不過款式唔算好多，服務員都好有

位於尖沙咀Rosewood酒店裡的意大利餐廳，設有半露天、室內和吧枱座位，裝修走歐陸風，開揚有格調， 每個角落都很細緻，部分位置更可飽覽維港景色，坐在這裡用餐可謂休閒寫意。羊肉味香濃，再加上一些入口即化的油脂，配上醬汁及紅酒汁，混了甘筍、蔥花和馬鈴薯，口感複雜多元，美味有新意。千層麵的麵條煮得很彈牙，有咬口，本身稍微硬身的質感，加上濃滑的醬汁，睇落簡單，但全部都掛滿醬，超入味。醬汁剛好佈滿在每一條千層麵上,，配上鹹香味剛好的豬肉一齊食，食完好滿足。這裡還有各式各樣的甜點，在甜品櫃裡揀選了八款糕點, 有雜果撻、檸檬撻、拿破崙、栗子卷和朱古力等，全部都非常精緻，味道很好。

才剛剛15 分鐘 前 在openrice訂了明天的位， 發現預訂錯誤想更改或取消， 完全不能更改或取消， 不知道是否系統出現故障還是餐廳的特別政策， 很不方便希望可以改善。 最少應該在剛剛預訂的一小時內可以更改或取消 。結果要 深夜 打電話去酒店想取消。 酒店回覆他不能直接取消， 只可以remark給餐廳。

Bookmark 左呢間喺Rosewood樓下嘅意大利🇮🇹餐廳好耐，雲石佈置幾靚，晚餐好好氣氛，適合慶祝生日/紀念日🍾️ 🌟🍝 Rigatoni Alla Carbonara $238呢個係signature嘅粗管意粉食落煙韌而且外面裏面都包滿醬汁，carbonara 嘅cheese味香濃，風乾嘅豬肉嘅好香油脂味口感香脆😋🍕Pizza Margherita $98Pizza 方形細細份，餅底有厚度麵粉香突出而且食落脆底又有啲煙韌，topping 嘅番茄🍅同mozzarella 🧀 羅勒🌿香就比較普通😛🥩Braised Beef Cheek, Root Vegetable Mushroom, Red Wine $398紅酒🍷炆牛面頰肉好冧身，草菇味濃咗啲我就覺得唔太夾，會想配薯蓉多啲😗🐖Porkchetta $320烤乳豬外皮香脆肉好冧，不過味道上啖左啲一般🙉🌟🍞Bread Basket 餐前麪包好有驚喜，暖暖地帶啲煙韌同麥香☺️ 配埋橄欖油同黑醋is good~🌟Tiramisu $98好rich好濕潤軟滑，朱古力🍫粉同咖啡☕️嘅香味都好啱啱好😍🌟Chocolate cake (生日附送)

Rosewood嘅餐廳相當有名氣，BluHouse絕對係其中之一。裝修好靚，黑白磁磚地板、雲石枱、藤椅，感覺真係好似喺意大利。空間感好足但好應聲，傾計要好大聲。Pizza al “testo” $268比起Pizza，更加似麵包上面鋪滿配料。麵包皮薄香脆，入面係大大個氣泡，濕潤且輕盈，充滿麥香。表面係火箭菜，滿滿嘅24個月巴馬火腿，加埋整個布拉塔芝士。配搭經典之餘，火腿鹹香簡直係昇華麵包麥香。麵包控必叫，但pizza控可能要失望了。Rigatoni alla Carbonara $238風乾豬面頰肉煎到極脆，單食超級鹹。卡邦尼汁係蛋黃、Pecorino羊奶芝士，加黑胡椒，羊奶味濃郁而恰到好處，但肉嘅油香未夠濃，而且Rigatoni本身唔夠索汁。Pistachio white chocolate Eclair $40閃電泡芙外殼偏軟但唔濕，餡料係白朱古力開心果，味道夠濃又好滑。我本身唔鍾意唔脆嘅泡芙，所以我唔推薦。*Vanilla cream Maritozzi $48包身雪凍而且偏乾，餡料係雲呢拿忌廉。朋友食完，表示係嘉頓忌廉包😂

BluHouse is a great Italian restaurant in the Rosewood hotel! The whole restaurant is very big and spacious and I love how you can see them variety of dishes and walk around while choosing what you want from the menu. They have so many different things to choose from and everything we ordered was very good. The portions are also the perfect size. It is also classy yet still casual at the same time which is a great vibe for either a nice dinner or a casual dinner.

慶祝朋友升職,揀咗喺rosewood一間出名嘅意大利餐廳。本身以為同一般意大利菜一樣冇咩特別。但入到去感覺好舒服好chill,旁邊仲有專賣甜品嘅corner，好多人都外賣甜品。呢間意大利餐廳價錢適中，我哋叫咗兩個main course一個前菜。估唔到好有驚喜，個碟八爪魚好好食好有𡁻口推薦一定要叫，燒雞配薯仔好大份兩個女仔都食唔晒，個長通粉加炸左煙肉成個配搭好match,唯一遺憾係無係甜品corner。超級推薦！

因為朋友推薦 前日同家姐姐夫來這餐廳用餐 同時感到非常期待 入座後，我便離座想先觀看一下甜品櫃 然後再看看放有pizza同沙律的櫃 過程中兩次遇到同一服務員 第一次我已禮貌地表示想先觀察看看 叫她不用理會我 到第二次 她的態度讓我感受到她不希望我在店內到處行走（過程中我沒有阻礙到任何人哦）我就算了先返回座位 之後我同家姐都想食雪糕 便行出去買 但負責雪糕位的員工面向店外的位置 我同家姐便行出店外 打算她會看到我們 但我們行去店外後 她同樣只顧著忙著整理自己的位置 而沒有理會站著外面的我們 當時只有我們 沒有其他客人 由於店外是隔著玻璃 我地難以叫到她 家姐就放棄了 正當我想回座位時 剛巧聽到有客人都表示想食雪糕 我便跟在這位客人身後買雪糕 一開始我先表示想試一試一款雪糕先 但該位員工臉上完全沒有笑容的問我我要咩size 雪糕 我再表示想先試味再決定 她再重覆問我要咩size 雪糕 我再三跟她說我想先試味道再決定要咩size 她立刻黑臉加相當不情願般的給我試食 當下我的感受是我真心係想買雪糕 但她的態度讓我失去想食雪糕的興致 食完這餐飯後 感受是食物沒有預期般好 熱門八爪魚沙律味道沒有評

#港女覓食到尖沙咀今次晚餐就揀左去瑰麗酒店地下嘅Blu House用餐🤤之前食過Bayfare Social西班牙菜。✨Octopus Salad $268屬於冷盤，八爪魚🐙份量都多，香草味同橄欖油混合在一起。✨Guanciale Pizza $110切成4小件的Pizza，熱辣辣上枱。香軟的Pizza餅皮上面有脆口的豬頸肉，另外亦都有洋蔥和蘑菇在面頭。✨Rigatoni Alla Carbonara $238芝士味香濃嘅長通粉，醬汁creamy可以令長通粉掛汁，另外通粉麵上有義式風乾豬面頰肉，食落咸香，配合長通粉一齊食可以令味道再提升。食完主食，點可以唔叫甜品呢~✨Tiramisu $118香滑咖啡味濃的Tiramisu，會令人一口接一口地食🤤✨ Assorted Mini Pastries 4 pc $158可以出玻璃櫃自己點小蛋糕🧁出面都有超過20款可供選擇。細細件放係玻璃櫃睇落好靚，每一件都想試😍最後揀咗👇🏻PISTACHIO GANNOLI:開心果味道香濃，值得一試ORANGE MILK-CHOCOLATE ECLAR:橙香味朱古力唔會太甜，食落好香滑。Eclar的皮連GAN