Bistro Hoi An

近來發現圓方Element進駐了一間越南餐廳 室內設計以五彩繽紛的燈籠營造古色古香的恬靜氛圍 夜幕低垂時宛如一座漂浮的燈影宮殿 散發浪漫而濃郁的越式情調.越南菜講究酸甜鹹辣的風味平衡 多種特色香料和醬料令每道菜都展現豐富的東南亞風韻 小食中頗喜愛炭燒豬頸肉 豬頸肉以炭火慢烤至油脂微滲 入口外焦內嫩 配以青木瓜沙律 紅蔥頭及羅望子醬 酸甜開胃 巧妙中和油香.主菜推介會安烤乳豬 金黃色的脆皮下包裹嫩滑多汁的肉質 搭配自家製酸菜與新鮮香草 再以拉差海鮮醬點綴 辛香與甘香交織 極具越式魅力 .另一道薑黃烤原條鱸魚則以炭火燒至外層微焦 魚肉保持細嫩鮮甜 配合烤花生 生菜 蜜柚與檬粉 清香與果香相輔相成 香氣層層遞進 .甜品方面 越式濃縮咖啡雪糕融合比利時焦糖餅雪糕的甜美與咖啡的苦香 入口綿滑濃郁 為晚餐畫上完美的句點.飲品試了Mocktail系列 Hoi An Cong Chua混合荔枝 青檸汁 接骨木花糖漿及玫瑰花氣泡茶 入口芳香清爽 Phu Quoc Sunset 則混搭西柚蓉 青檸及梳打水 再灑上輕煙燻海鹽 層次獨特 份外醒神 兩款各有特色 皆展現熱帶風情與創意的巧思.總括來說 餐廳的菜式帶有地道的越南滋味 主打酸甜鹹辣的風味平衡 室內裝潢配合古色古香的燈籠與壁畫設計 讓賓客恍如穿越到遙遠的會安古城 是適合慶祝或與朋友足膝詳談的好地方💆🏻‍♀️…Read More

🇻🇳🏮【 Bistro Hoi An 】 🏮🇻🇳⋄ —————⧫♟⧫————— ⋄今晚朋友帶我去圓方食越南菜，very impressive！用餐環境無可挑剔，位於露天廣場，但一進入餐廳內部即覺得別有洞天，樓高兩層，佈置咗好多粵式燈籠，勁有會安古城風情，散發濃濃歷史文化氣息❤️「越式生蝦刺身」越南虎蝦口感爽口彈牙，以柑桔魚露汁提升鮮味，味道鮮辣酸香，好食🦐😋「越式生牛肉他他」 採用法國生牛肉，配香脆油炸鬼及檳榔葉，並灑上炒米碎☺️ 加入魚露、辣椒及香菜等調味，勁滋味✨「會安烤乳豬」呢度菜係全晚嘅MVP，烤乳豬外脆內嫩，配上自家製酸菜、新鮮香草、熱辣是拉差海鮮醬，香口非常，簡直世一🏆「越式雞肉三文治」「越式三文治」系列都非常值得推介，以越式法包、鵝肝醬、酸菜、香草及蛋黃醬炮製三文治，我哋揀咗雞肉口味，非常豐富有層次🥰「香芒蜜柚椰子雪葩」甜品都係誠意之作，雪葩以花生、青檸及蜂巢脆糖點綴，具有濃濃東南亞色彩🥭飲品方面，朋友點咗杯招牌雞尾酒BUI VIEN ESPRESSO MARTINI ，選用「舢舨冧酒」設計，加入越南咖啡，口感特別又打卡able 🍶⋄ ┄ ┄ ┄ ┄ ❖ ┄ ┄ ┄ ┄ ⋄🦐越式生蝦刺身（ $138 ）越南虎蝦、乾蔥、柑桔魚露汁🥗越南蜜柚燒蝦沙律（ $138 ）脆椰絲、薄荷葉、椰糖魚露汁🐷會安烤乳豬（ $288 ）自家製酸菜、香草、是拉差海鮮醬🐂粵式生牛肉他他（ $148 ）油條、檳椰葉、炒米碎🥪越式雞肉三文治（ $128 ）越式法包、香茅燒雞肉、鵝肝醬、酸菜、香草🍧香芒蜜柚椰子雪葩 （$72）花生、青檸、蜂巢脆糖🍸Mocktails :HOI AN CÔNG CHÚA (HOI AN PRINCESS) ($78)荔枝、青檸汁、接骨木花糖漿、玫瑰花氣泡茶🍶Cocktails : BUI VIEN ESPRESSO MARTINI ($108)舢舨冧酒、越南咖啡、黑醋栗酒⋄ ┄ ┄ ┄ ┄ ❖ ┄ ┄ ┄ ┄ ⋄⋄📍地址：Bistro Hoi An (尖沙咀)尖沙咀柯士甸道西1號ELEMENTS圓方金區演薈廣場3樓&頂樓R002-003號舖⋄…Read More

色彩繽紛的燈籠高掛, 你就知道這是會安了~  Bistro Hoi An 於屯門黃金海岸有店, 現在於九龍圓方也有啦, 無論是吃飯抑或happy hour, 晚上到訪更加有氣氛.每天3PM-8PM 是happy hour, 8折優惠就能享用cocktail, mocktail. 朋友點了Hoi An Cong Chua, 以荔枝、青檸汁、接骨木花糖漿及玫瑰花氣泡茶調製, 賣相優雅, 味道香甜之中帶活潑. 我則點了Caphe MUOI 海鹽咖啡, 厚厚的奶蓋幾香滑, 與濃厚的咖啡頗夾, 甜度微高; 朋友的Caphe DUA 冰椰咖啡, 看圖以為可以走冰, 原來椰汁打成沙冰, 這杯要慢慢喝, 待椰汁冰溶入咖啡中, 其實也不錯~越菜其實好適合我們, 所以好快就點好美食~   食越菜, 我必點越南蜜柚燒蝦沙律 $138, 伴著香脆椰絲乾、薄荷葉, 以椰糖魚露汁做調味, 鹹甜有度. 超推介!另一款越菜必吃的是越式生蝦刺身 $138,  大大隻虎蝦刺身, 用了柑桔魚露汁佐之, 咸之中帶清酸開胃, 一上枱已被搶空! 越式雞肉三文治 $128 是被低估的,  一咬下, 那鵝肝醬與既有香茅雞肉碰起來, 認真不得了, 好好味!! 記得我小時候, 媽媽經常弄飯煲蒸田雞飯給我們幾姐妹吃, 因為田雞夠滋補.  久違了的田雞, 今日在Bistro Hoi An 吃到~  越式炒田雞腿 $138 以香茅及辣椒調味, 少少辣, 但好配合這菜式, 田雞腿肉質彈牙, 非常推介! 提到會安, 怎少得烤乳豬 $288呢~  皮脆肉嫩, 沒有多餘脂肪, 吃時伴自家製酸菜及少少是拉差海鮮醬, 我又會加入少少薄荷葉, 整體好夾. 但與之相比, 我更愛香茅椰糖烤三黃雞（半隻） $186, 因為同時有香茅又有椰糖, 最重要是雞肉好滑, 椰糖給菜式增添一份香甜. 特色蛋咖哩炒軟殼蟹 $198, 好惹味!!! 麵包沾香而不辣的黃咖喱, 不會浪費. 而主角軟殼蟹是有肉咬的, 不會太乾, 處理得非常好~ 就算飽, 都建議吃招牌蟹肉炒飯 $158, 蟹肉份量適中, 不會太吝嗇.  花生, 櫻花蝦作點綴, 飯粒夠乾身, 不錯不錯~ 有兩款甜點我們一致讚好, 第一是焦糖爆谷香蕉 $72,  在黃金海岸店吃過, 念念不忘.  有比利時焦糖餅雪糕、爆谷、香蕉及紅桑子, 口感好豐富, 甜度適中.第二是越式濃縮咖啡雪糕 $72.  比利時焦糖餅雪糕與其他食材分開上, 吃時才倒入濃縮咖啡及灑上餅碎、紅桑子乾等,  雪糕的甜與咖啡的甘澀完美調和. 餐廳有兩層, 座位也多, 裝潢也有會安的感覺, 是一間同時具備打卡及美食價值的餐廳, 值得一去再去! …Read More

位於圓方的越南菜餐廳。最近在不同社交平台上看到這間餐廳五彩繽紛的燈籠照，古色古香又別具特色，非常適合拍照打卡。於是便決定和朋友一起來這裡拍燈籠吃美食，彌補一下中秋影唔到燈籠而落空的心情。.餐廳分兩層，並設有露天雅座，環境寬敞舒適。以棕色和灰色為主色調，搭配色彩奪目的繽紛燈籠，再加上一幅描繪會安古城的巨型壁畫，彷彿身處越南，氣氛濃厚，難怪單看照片已讓人印象深刻。此外，餐廳每日下午3點至晚上8點有歡樂時光優惠，推出當地特色雞尾酒，指定酒精飲品更享8折優惠呢。⋆_____ᴛᴏᴛᴀʟ ᴏʀᴅᴇʀ______⋆✿ 越式生蝦刺身 $138鮮辣酸香的柑桔魚露汁搭配爽彈越南虎蝦，入口清甜帶酸辣，十分開胃。.✿ 鑊仔安格斯牛柳粒配烤牛骨髓 $228鑊仔安格斯牛柳粒配烤牛骨髓這組合又豈會不愛呢~牛柳粒鮮嫩多汁，肉味濃郁；配上香濃及油脂豐腴的烤牛骨髓，層次更加豐富。入口脂香四溢，配上特制醬汁更是惹味。.✿ 會安烤乳豬 $288一看到乳豬就雙眼發光了！會安烤乳豬配自家製酸菜和新鮮香草，加上是拉差海鮮醬，口味豐富又惹味。乳豬份量十足，整隻上桌讓我們先拍照，之後店員才在桌邊幫忙剪切，方便我們食用。剪切時發出的清脆聲響，未吃先興奮就是這種感覺了！乳豬外脆內軟，肉質嫩滑不乾柴，值得encore!.✿ 香茅燒雞臘腸飯 $158香茅燒雞其實是嫩滑雞扒，配上混入臘腸的煲仔飯後，鹹香誘人，尤其每口有飯焦的部分更是滋味。.✿ 越式濃縮咖啡雪糕 $72把濃郁的咖啡倒入冰涼的雪糕杯後，奶香與咖啡的醇厚完美融合，口感細膩滑順，不會太甜，完美。.✿ ᴅʀɪɴᴋꜱ: Bui Vien Espresso Martini $86 ┆ Lush $62選用「舢舨冧酒」設計的Bui Vien Espresso Martini，加入越南咖啡及黑醋栗酒，並用咖啡滴漏方式呈上，精緻且好喝，打卡必點。Lush則是用西西里開心果醬搭配椰奶和紅桑子蓉調製，開心果香氣突出，口感綿密甜美，宛如奶昔。(雖絕對是開心果迷的首選，但放入Mocktail類別又似乎有點格格不入~…Read More

Element圓方演薈廣場新開越南餐廳Bistro Hoi An.店名以越南語Hoi An命名向古城致敬, 同時蘊含當地文化中「和平之聚」嘅意思.店內設計充滿越南風格,餐廳亦有多款越南經典菜式,一定有一款啱食.越式生蝦刺身相當醒胃嘅前菜 調味係我食過咁多生蝦中最好味以口感爽彈嘅生越南虎蝦 拌以鮮辣酸香嘅柑桔魚露汁整個味道酸辣又充滿柑桔清香 完全無腥味 炸軟殼蟹芒果米紙卷食越南菜必點之一!簿簿嘅米子卷內包住爽脆蔬菜。香甜芒果。酥脆軟殼蟹口感充滿層次 味道又清新河內生牛肉湯河湯底以牛骨熬製充滿濃厚牛香 濃而不膩用上美國生牛肉 浸到熱湯後令牛香更濃郁配上辣椒。九層塔。青檸 令牛骨湯底更鮮味之餘亦平衡返牛肉油膩感鑊仔安格斯牛柳粒。烤牛骨髓牛仔粒燒得好惹味!肉質香嫩多汁再配上豐腴油香嘅烤牛骨髓配上黑胡椒汁 令味道更惹味參巴醬炒通菜通菜嫩又無渣 配上參巴醬帶點微辣香芒蜜柚椰子雪葩消暑冰涼甜品 以花生 青檸。蜂巢脆糖點綴冰涼又香甜 酸酸甜甜相當解膩凍椰子咖啡椰子同咖啡和同樣突出 咖啡充滿烘焙香 咖啡上仲有椰子碎…Read More

今天來到Elements的Bistro Hoi An，享受一個超Chill的戶外午餐！陽光、微風，配上杯紅酒，這個午餐接近完美先來這個『西貢牙車快』沙律，手撕雞混搭椰絲、蘋果和酸菜，口感清爽又豐富，超級開胃！接著是邪惡度爆燈的『鑊仔安格斯牛柳粒』！牛柳粒嫩滑多汁，但精華是旁邊那條香氣撲鼻的『烤牛骨髓』，用酥脆的蝦片挖一勺，濃郁的油脂香在嘴裡化開，幸福感滿分！主食來一碗暖心的『河內手撕三黃雞絲湯河』，湯頭清甜，雞肉鮮嫩，瞬間穿越到河內。最後用一杯冰涼的『凍椰子咖啡』作結，椰香和咖啡醇厚完美融合，為這頓飯畫上完美句點。…Read More

Bistro Hoi An的環境很美，店內充滿着越南的特色，食物高質令人印象深刻。餐廳內掛滿色彩斑斕的燈籠，營造出悠閒又浪漫的氛圍。生蠔是必點的前菜，鮮味非常，肉質肥美！另一推介炭燒豬頸肉 – 炭燒香氣突出，豬肉嫩滑，份量滿足！越南蜜柚燒蝦沙律 – 蜜柚清甜多汁，燒蝦彈牙，沙律汁酸甜平衡，非常開胃。越式炒田雞腿的田雞腿肉質飽滿，帶有香茅香，少辣，味道濃郁且鑊氣十足。軟殼蟹炒越南粉絲 – 軟殼蟹炸得酥脆不油膩，粉絲乾身入味，整體層次豐富。整體而言，Bistro Hoi An無論視覺環境，食物出品都表現十分優秀，是尖沙咀區值得推薦的越南菜選擇。…Read More

今晚來到尖沙咀圓方Bistro Hoi An，一入門口就被掛滿七彩燈籠的環境吸引！餐廳很有情調，很適合約會!越式炒田雞腿 ，田雞肉嫩滑入味，美味非常!軟殼蟹炒越南粉絲，軟殼蟹炸得酥脆，粉絲吸收精華，十分濃香，口感滿分!炭燒豬頸肉，炭香濃郁，肉質外脆內鮮嫩，配上魚露更出味！越南蜜柚燒蝦沙律，清新開胃，柚子的酸甜同燒蝦的鮮味超夾!飲品同樣有驚喜！DALAT GARDEN – Gin跟接骨木花很配，花香味優雅，十分refreshing！HOI AN PRINCESS – 荔枝跟玫瑰氣泡茶的配搭夢幻，味道甜美，適合配搭各樣主食！環境、食物、服務皆高質，必定會再到訪試試其他菜式！…Read More

餐廳有兩層樓，座短寬敞，充滿濃厚的越南氛圍！餐廳內設有一整面繽紛的燈籠牆，彷如在會安古鎮的街頭,好浪漫呀❤️。炭燒澳洲頂級M9和牛後腰脊$338 焦糖牛肉汁搭配自家製酸菜與乾蔥，肉味較出，口感紮實！鵝肝醬炒大蝦$288 鵝肝醬與大蝦的完美結合，大蝦好新鮮，好惹味和風味十足！炭燒豬頸肉$105 外脆內嫩，炭燒香味令人垂涎欲滴，非常推薦。肉碎炒椰菜花$98 加入特製香料的肉碎與肉鬆，口感豐富，美味可口！必試甜品affogato…Read More

走入尖沙咀圓方最新越南餐廳 Bistro Hoi An ，佛如置身於會安古鎮。色彩繽紛既燈籠高掛，木質傢俬配上復古瓷磚，懷舊中滲出現代感。樓高兩層，空間寬敞，無論係傍晚小酌定浪漫約會都適合🤎記得要去燈籠位打卡！當日點餐:越式生蝦刺身爽口虎蝦配上乾蔥與柑桔魚露汁，酸香醒胃，魚露味道恰到好處，突顯蝦肉鮮味。蛋咖喱炒軟殼蟹配法包咖喱蛋香濃滑順，炒至微焦，包裹住蟹肉與九層塔，香氣撲鼻。法包外脆內軟，蘸汁一流，層次豐富，令人回味。炭燒澳洲M9和牛後腰脊油花分佈均勻，炭香撲鼻，焦糖牛肉汁微甜不膩。配上酸菜同乾蔥，肉質嫩滑，肉味香濃，推薦！😋河內蕃茄蟹肉大蝦湯幪海鮮濃湯鮮味十足，蟹肉同肉碎融合得宜，湯底酸甜適中，配上滑溜湯檬，充滿越南街頭風味！香芒蜜柚椰子雪葩果香清新，配上花生碎、青檸皮同蜂巢脆糖，口感層次豐富，甜而不膩，芒果好甜！Cocktails:GO WITH THE PHO以碗盛裝，儀式感滿滿♪( ´▽｀)。氈酒同橙酒混合牛肉高湯，加入八角、黑豆蔻、香菜等越式香料，鹹香中帶果香，創意💯BUI VIEN ESPRESSO MARTINI越南滴漏咖啡同舢舨冧酒帶濃郁酒香，黑醋栗酒添果香層次，醒神又有越南風情。…Read More

上次去過圓方演薈廣場上面有好多幾Chill嘅餐廳，今次就再約咗朋友到這間今年8月新開的越南餐廳食晚餐，餐廳分兩層，裝潢設計以棕色及灰色為主，一入餐廳就看到掛了很多色彩繽的會安燈籠，再加上描繪會安古城的巨型壁畫，彷彿置身越南一樣。餐廳設有戶外及室外的用餐位置，餐廳環境寬敞，樓底都幾高，食物方面亦都十分高質，食完仲可以出西九行下，非常寫意！☺️ 而且呢度仲有好多打卡位，大家記得book 2/F雅座，牆壁掛滿海量的燈籠🤩🤩 超級澎湃，真係勁靚！😍🥰餐廳每日下午15:00-20:00都有有Happy Hour優惠， 特色雞尾酒、指定酒精飲品更享8折優惠呢！🥳1. 🐷炭燒豬腩串燒 ($78/2pcs)外層微脆帶炭香，肉香濃郁，肉質軟腍，配上焦糖魚露汁與花生碎，口感層次豐富！😎👍🏻2. 越式生牛肉他他🥩 ($148)以法國生牛肉入饌，混合魚露、辣椒及香菜等調味，佐以油條及檳榔葉，並灑上炒米碎，辣辣地，口感豐富，非常滋味！😋3. 🦀 軟殼蟹炒越南粉絲 ($178)上枱時超級香，將炸至酥脆的軟殼蟹，與越南粉絲、蟹肉、蛋、青檸汁、蔬菜、乾蔥、九層塔等一起快炒，很有鑊氣！越南粉絲的Q彈的口感，用上自家製醬汁炒至入味，增添風味和層次！一口接一口！🤤4. 🐥香茅椰糖烤三黃雞 ($186/半隻)雞皮烤得香脆，三黃雞用上香茅、椰糖、魚露等調味料醃製，雞肉非常嫩滑juicy，配上伴碟青瓜一起吃，爽脆清新，又可以解膩，大家一定要試吓！🤩5. 🐷會安烤乳豬 ($268)來到這裏一定要試吓他們的招牌菜-會安烤乳豬🐷，上枱時熱辣辣，店員會即場剪開一件件，令顧客方便進食，乳豬皮烤到很薄，超級香脆，肉質嫩滑，搭配上秘製的是拉差海鮮醬、手工醃菜、青瓜，口感豐富，還可以用生菜包住烤乳豬肉一齊食，一解油膩感，更加滋味！大家一定要試下！😍😎👍🏻6. 🍨香芒蜜柚椰子雪葩 ($72)椰子雪葩配上芒果肉、柚子、椰子肉及蜂巢脆糖，口感豐富，帶有清新果香！7. 🍨焦糖爆谷香蕉 ($72)烤過的香蕉及焦糖爆谷，再加上比利時焦糖餅雪糕，再放上紅莓及紅莓脆脆，甜中帶酸，可以中和焦糖的甜膩感，是個不錯的配搭！👍🏻8. 🍹 Hoi An Cong Chua (Happy Hour: $60)這款mocktail 混合荔枝、青檸汁、接骨木花糖漿及玫瑰花氣泡茶，味道酸酸甜甜，入口清爽宜人！☺️9. Lush ($78)這款mocktail用上西西里開心果醬搭配椰奶和紅桑子蓉調製， 帶點開心果香氣，口感綿密甜美，椰奶及紅桑子的味道比較突出，口感有點像奶昔～…Read More

Bistro Hoi An 係8月先至新開嘅時尚越南食府，一向喜歡去ELEMENTS搵食嘅我，今次就帶同朋友嚟食越南嘢，我覺得真係揀啱咗餐廳，原來呢度真係超級靚，打卡位多到癲，一入門口已經俾滿佈色彩繽紛嘅燈籠🏮吸引住😍 樓高有兩層，亦有露天雅座，餐廳裝潢充滿會安古城歷史文化氣息💟每逢下午3:00-晚上8:00更設有Happy Hour優惠，惠顧期間可以8折享用指定雞尾酒、啤酒、葡萄酒、無酒精雞尾酒或烈酒🤩🌀會安烤乳豬 $288份量都唔少喎！店員會響你面前即席剪切令顧客方便進食，剪嘅時候聽到薄薄嘅豬皮脆到咔咔聲，剪完都仲係排到靚靚咁，好有儀式感🥰即使放咗一陣先食，個皮都仲係脆到癲，乳豬脾肉嫩多汁，一啲都唔會乾嚡，配有自家製酸菜及新鮮香草，更可以用生菜包住嚟食減少油膩感👍再配辣辣地嘅是拉差海鮮醬同吃So Perfect😋必吃🌀越式生牛肉他他 $148用上法國生牛肉口感柔嫩，而且份量都幾多下🤩再混合魚露、炸蒜、辣椒和香菜調味，面頭灑上炒米碎，再伴以香脆嘅油條、檳榔葉包住一齊食，口感滋味無窮🌀炭燒豬腩串燒（2pc)$78估唔到呢個豬腩串燒都幾有驚喜，好厚身又帶炭香味，難得呢個厚度個肉質都燒得啱啱好，又嫩口唔會乾，而且仲保持到好有肉汁，配個焦糖魚露汁真係好好食😋🌀香茅椰糖烤三黃雞（半隻）$186呢個都係必點🤗上枱香噴噴，新鮮三黃雞以香茅、椰糖及青檸葉醃製，即叫即烤，雞皮脆肉嫩又Juicy，外皮因為椰糖散發出陣陣嘅香氣🥰蘸埋主廚秘製嘅會安三風味汁享用，味道更加升級！！🌀軟殼蟹炒越南粉絲 $178軟殼蟹炸得好香脆可口，配料有蛋、乾蔥，粉絲爽口唔會太腍吸收晒特色自家製醬汁好惹味😋再加青檸同九層塔撈勻嚟食，味道更加夾🌀Hoi An Cong Chua呢杯Mocktail顏色好靚🥰佈滿玫瑰花瓣嘅大冰粒，奪目搶眼，混合荔枝、青檸汁、接骨木花糖漿及玫瑰花氣泡茶🌀Lush呢杯白雪雪中帶綠嘅，就係以人氣西西里開心果醬，配上椰奶及紅桑子蓉，絕對係開心果迷嘅最佳選擇💕…Read More

neon lights twinkle like the streets of hội an, colourful lanterns creating a warm glow - can u believe this is actually in hk??? VIBES in bistro hội an WERE IMMACULATE - we enjoyed the vibrant vn dishes sooo much w heartfelt flavors!𖦹 fresh oysters w spicy herb sauce $192𖦹 sauteed chinese bullfrog leg $138𖦹 grilled beef banh mi $138𖦹 soft shell crab rice paper rolls $118𖦹 chargrilled m9 wagyu bavette $338𖦹 caramelised popcorn banana $72𖦹 coconut sherbet $72phoebe TRYING FROG FOR THE FIRST TIME????? ys we got the tin gai thts so garlicky - meat was basically like chicken thigh u can imagine. she tried the branch in tuenmun several times & she said must order the banh mi !!!! its bite sized, crunchy bread LOADED w ingredients. paper rolls were huge compared to the usual ones w extraordinary textures. bavette was a bit fell short!!! tooo hard to chew & its the most exp dish….𖦹 go with the pho $118𖦹 hoi an cong chua $78CANT SKIP DRINKS!!!!! the punny name caught my eye so heres my savoury cocktail w actual BEEF BROTH in it. so fun ikr???? its peppery & quite strong tht cant be seen else where. phoebe got a herbal tea like mocktail cuz she isnt an alcoholic like me thts fruity & refreshing w rose & lychee flavours!…Read More

兩年前食過Bistro Hoi An嘅屯門黃金海岸店印象深刻，知道佢哋最近喺圓方開設分店後立馬到訪！新店樓高兩層，五彩繽紛嘅燈籠位真係超打卡🏮✨ 菜單選擇非常豐富！前菜沙律推介比較少見嘅【西貢牙車快】，手撕雞椰菜沙律撈埋蘋果、酸菜、花生等等一齊食，味道口感有層次之餘清爽又開胃🥗 另外特別一提員工話韓國客人好鍾意嘅【炭燒豬腩串燒】，爽口嘅豬腩點上焦糖魚露汁真心有驚喜🐷🌟之前食過佢哋嘅魚同麵食，所以今次主菜試新嘢【香茅燒雞臘腸飯】！佢有種煲仔飯嘅感覺，雞肉非常嫩滑，混合蝦米肉碎汁同臘肉別有一番風味🍗 餐廳亦有多款充滿越南風情嘅cocktails，例如加咗牛肉高湯嘅【GO WITH THE PHO】，好有特色🍸😆…Read More

回帶追月夜同老婆大人約埋班friend去咗一個好靚嘅地方食晚餐，大吃大喝一晚好開心咁迎接中秋。揀咗喺圓方入面嘅BistroHoi An！呢間餐廳睇個名就知係食越南菜，但係入面嘅裝修真係靚到不得了，我哋淨係影相都影咗成半個鐘呀。 由地下去到樓梯位至二樓都掛滿好有氣氛嘅越南燈籠，喺中秋節嚟食飯簡直應節到不得了。我哋約咗六點食飯仲有啲日光去到夜晚就更加有feel。咁好氣氛梗係要飲杯靚酒先襯托得起啦！呢杯Cocktail叫HANOI NIGHTS，用咗可可酒、意大利柑橘苦酒、金桔糖漿加埋湯力水調成，飲落去有金柑嘅香味好清新喎。越式生蝦刺身食落去好新鮮爽口，同泰式唔同佢係用柑桔魚露嚟調味，鹹鹹香香唔會好辣啱晒怕辣嘅我食。呢個肉碎炒椰菜花幾有驚喜喎！香口嘅椰菜花加埋啲蝦乾、豬肉鬆同埋九層塔真係惹味到不得了，唔鍾意食菜嘅都應該會愛上它。我同老婆大人都係田雞迷見到有梗係要叫嚟食啦！呢個越炒田雞腿煮得好出色，田雞腿唔會過熟仲食到嫩滑嘅肉質，用香茅、辣椒同埋焦糖魚露汁嚟調味食落去好有化學作用。越南蜜柚燒蝦沙律入面嘅大蝦鮮甜又爽口！酸甜多汁嘅蜜柚加埋啲脆卜卜嘅椰絲同薄荷葉味道變得好豐富。自從上次喺中環食過米芝蓮級嘅越南法包之後鍾意咗！呢度嘅越式雞肉三文治都係有異曲同工之妙，焗得香脆嘅法包唔會咬到牙甩，入面就夾咗啲香茅雞肉仲搽滿咗鵝肝醬酸菜同香草，一啖咬落去真係好鬼滿足。呢個鵝肝醬炒大蝦聽個名都覺得邪惡，入面加咗胭脂樹料有一種好特別嘅香味，加埋鵝肝醬啱晒啲鍾意重口味嘅人食。特色蛋咖喱炒軟殼蟹個汁好好食！最正係佢配埋法包可以點啲汁嚟食，其實炸軟殼蟹都做得好食香脆又冇腥味，不過個咖喱汁風頭實在太勁冚過咗佢啫哈哈。會安烤乳豬個樣就好吸引喇！除咗乳豬仲會跟埋自家製嘅酸菜一啲香草同埋生菜，可以夾埋一齊食咁樣就冇咁漏，乳豬做到皮脆肉香嘅不過唔同嘅位入味程度都唔同，所以每個人都食到唔同嘅滋味，如果鍾意食辣記得點埋佢哋嘅是拉差海鮮醬香好多㗎。我同老婆大人都好鍾意呢隻香茅椰糖烤三黃雞！隻雞醃得好入味啲肉仲好滑溜，伴碟嘅青瓜唔好睇小佢鬆化清甜配埋雞肉一齊食超正。大家怕我唔夠飽點多份招牌蟹肉炒飯我嘆！炒飯入面有臘腸、椰菜、辣椒同埋啲香草，食落去味道好有層次仲勁惹味添呢個飯得喎。嚟到食甜品嘅時候呢個係焦糖爆谷香蕉！一個甜品入面竟然有咁多嘢口感真係好震撼，香蕉嘅甜爆谷嘅脆加埋凍冰冰嘅比利時焦糖餅雪糕真係好味嘅。雪糕得一球大家又點會夠皮吖！叫多份自家製雪糕嚟開心share，入面有兩球係椰子雪葩同埋比利時焦糖雪糕，兩款味道都好好味最緊要嘅係雪糕好幼滑食得過啊。最後仲有咖啡友鍾意嘅越式濃縮咖啡雪糕！嗰球雪糕都係用咗比利時焦糖味，食嘅時候淋啲Espresso同埋脆口嘅配料，呢個甜品我就唔係幾啱口味喇留返比鍾意咖啡嘅佢哋食啦。…Read More