Bhc chicken

营业中

休息中

老實講，喺樓下見到佢個poster話自己係 - 韓國最好食既炸雞之一，真係非常期待，究竟呢間新開既炸雞店有幾好食呢？一入到去，真係不得了，唔講以為入左哈爾濱冰雕展。成個場起碼有十部冷氣全部開到最大風，枱面棟喺度啲menu被吹到「發發聲」，係咁擺黎擺去。於是我地禮貌地請店員將冷氣溫度調教一下，或者請求找一個無咁大風既位坐下。點知換來既係黑面，兼且極hea既回應，求其㩒兩下個遙控做個樣話搞掂就算，但啲風依舊吹到「發發聲」，真係吹到個頭好痛。無辦法之下我地唯有搵個經理請教一下，睇下可唔可以再幫忙校細少少個冷氣，因為真係太凍喇，坐到個人好辛苦。點知個經理塊面仲黑過個店員，完全連serve都唔想serve我地，佢俾左個眼神叫店員「招呼」我地就算，老實講，我真係無諗過好聲好氣既請求，會換來冷眼看待....就係咁，個冷氣唔知因為咩原因而一定要set到最凍，我地硬住頭皮繼續點餐....心諗，算啦，快啲食完就走喇...當我諗住嗌既時候，黑面店員先話，「今日無呢個、呢個、呢個，同呢個」，嗰刻我喺度諗，成個餐牌係得呢幾款咋喎，你乜都無，都夠膽打開門口做生意？好啦，我唯有揀一款佢有架啦，橫掂都無乜其他選擇淨，

香港最難食炸雞，雞肉本身唔靚點都難食，出事嘅唔係個味道，宜係佢用好下等嘅雞肉炸到過哂時間，真係同韓國果間差天共地，不知所謂，我真係嬲到要第一次寫呢D食評，真係好L難食。

今日兩小口特登去食.....晚上10點左右去到門口，見到有兩pair 人係度等位，以為好多人....個餐牌冇中文，都算之後等左半個鐘，就叫我地，入到去，見左有兩張4人臺吉既，三張2人臺吉既🤬已經嬲啦，有甘多位，仲要人地等甘耐，製造人龍都唔係夜晚10點阿🤬🤬🤬🤬🤬🤬算，我打算照食坐左5分鐘，個侍應拎左兩杯水來，點知有好多白色粒粒，又有d 積痴住個杯入面，兩杯都係甘硬係叫佢換水啦，我誰住佢行去水巴，倒左d 水，再斟水，又係同一對杯🤬🤬🤬🤬🤬佢再拎埋來，d 積仲係度，粒粒少左，但都仲有🤬🤬🤬🤬🤬痴痴地，叫人點食落去忍唔住即刻起身走🤬🤬🤬🤬🤬🤬🤬🤬

今晚同朋友兩人食晚飯，諗住試下新嘢。網上介紹話韓國人氣炸雞。18:45上到去攞位，見到裡面好多吉枱，門口都係得6~7枱客等緊，諗住唔洗等好耐。點知都要等到20:00，餐廳有3分1嘅枱放咗Reserve 牌，但又唔見有客入座。奇怪。講返食物先，本身諗住叫炸雞，泡菜鍋。Order時，服務員話泡菜鍋賣哂，咁要蛋卷，Sorry，蛋卷都賣哂，最終叫咗炸雞同拉麵。諗住唔多先再叫。首先出場嘅係拉麵，說好的拉麵呢？點解係辛辣麵嘅？呢刻覺得，伏，同餐牌嗰碗差太遠喇掛。味道，同超市賣到嘅，無乜分別，叫有啲烤豬肉囉，香口囉。到炸雞喇，我地叫咗咖喱炸雞，賣相算正常，外層好脆，雞肉唔乾，上面有啲甜甜地嘅咖喱粉，都幾香，仲有個咖喱醬點，好食，炸雞係有水準。因為Menu本身食物種類唔算超多，但因為要乜無乜嘅關係，我地都無再叫其他嘢，埋單，$236。總結：炸雞好食，完。諗極都唔明，啲枱留比邊個，keep住有人等位，但啲留枱keep住無人坐。另外，八點你就無泡菜鍋無蛋卷？會唔會早咗啲？仲話收零晨兩點。唔通真係齋賣炸雞？

衛生差，D碟有蟲爬，地下好滑，大量油積未清潔，行路要真係好小心行。到食物啦！叫左五樣嘢，有四樣話無供應，之後炸雞D雞肉炸到乾曬，完全無肉汁，而且成盤炸雞D雞骨佔6成，個芝士炸雞完全無芝士味，食落口成口味粉，有D完全無肉嘅雞骨又攞埋去炸。咖喱雞飯，D雞應該係炸剩嘅雞拆肉去整，舊炸粉就dum埋入個飯撈埋入去。張枱又細擺左兩碟炸雞已經擺唔落其他嘅嘢。只能說失望。D羹叉清潔唔夠乾淨，上手食客嘅食物還痴係個羹到。

韓國著名炸雞之一BHC登陸旺角！由來自星星的你就瘋傳一陣炸雞薯條熱潮😀環境似快餐店，上菜效率都幾快😏岩哂速食一族😇炸雞今次一炮過試左4款😇芝士炸雞🍗灑上芝士粉，口味都幾重sour & cream嘅口味，至like!雙拼炸雞🍗只可揀原味同甜酸醬味，原味做得幾脆😀咬落去就卜卜聲！甜酸醬醬汁都幾濃，食落都算系開胃中式醬炸雞🍗感覺比較迎合港人口味，加左中式醬汁，紅青椒落去，食到香港大牌檔炒餸嘅感覺韓式醬料烤雞🍗就岩吾想食得咁熱氣嘅朋友，烤雞雞肉外表雖有小乾身，但內面嘅肉尚算嫩同入味佢地嘅芝士波口感幾特別，帶啲煙軔，而入面就系芝士，又甜又鹹咁🤣芝士薯條🍟亦系加左蜜糖同芝士，芝士味吾算強，反而甜味比例就偏重～

係韓國都有食過依間炸雞唔錯，黎到香港滿心期待可以試下，但真係超級失望。主要原因係服務超級差: 21:30黎到，42分落完order，然後通知我地23:30 close 。我地諗住有個半鐘時間食都夠！佢炸雞只需15mins，但22:05時，staff黎左碟唔係我地嗌既炸雞（BBU-Linkle)，我地原來係叫Macho-King Platter (套餐），後來staff解釋話係可能佢聽錯，之後搞完一輪又話套餐入面既沙津賣哂，所以而家只可以散嗌🤷‍♀️點解唔係係我地嗌餐時同我地講聲呢？而係我地等完又等，最後黎錯左先發現套餐無哂，到我地重新落order，22:35先到，等多左30分鐘，食物質素是可以的，但不值得用一個小時去等待⌛️。最後，經理為表歉意，有送我們一碟芝士波，但無補於事！員工有時間係到圍堆嘻嘻哈哈，係到食玩，不如打醒十二分精神番工，避免落錯單，出單慢！另外，飲品menu亦全部無，得個睇字，只有汽水🤷‍♀️但可自帶飲品上去！

同係韓國留學試既朋友們重聚，梗係要簡返d韓式既野食啦。適逢bhc來港，一於去一探究竟啦～大約6點3去到攞飛，登打士廣場𨋢位個入面變左做純出口，收銀&排隊位係對頭。個個位好窄，好多人出出入入，我地等左半個鐘到就入得座，以排隊人數黎睇應該係算快既，不過店內有一兩張枱成晚都係reserved既一入去女待應就同我地解釋個menu邊d有邊d冇，最頂頭個款芝士粉得返全隻雞，冇全翼或全槌。想嗌既芝士蛋捲又冇。另外仲有幾款都有限制，店員草草講完就走，明一半唔明一半咁。D雞等左無幾耐就到，雙拼甜酸雞同原味雞熱辣辣，呢點抵贊，但係芝士雞粉太重，一食落去成咀都係粉。佢地d雞胸砍得太散，食一件好唔滿足，下下食到骨，炸粉又太多。店員既態度一般，好幾次好似都唔太想理我地，menu雖然有英文但說明不足，我地搞清楚有咩好食都要一段時間。鋪頭應該冇領酒牌，本身想食炸雞啤酒都要放棄了。下次食炸雞會去其他地方～

我由6：30開始等9：40先有位一開始店員同我哋講估計時間係大約2個鐘叫我哋去行下先，當我地行左一個鐘番去已經過左由於我地唔想Miss左張枱所以我地特登早左半個鐘去等結果都係Miss 左 之後補張飛等咗2個鐘入到去見到既係有一半嘅枱都係吉嘅，但又唔放人。堂食都做唔切，只係顧著出外賣!!!!而且乜嘢都無小食又無套餐又無特飲都冇!!!!!最後。。。。環境望落唔錯但。。。。冷氣機係咁滴水。。。真心係失望囉。。。。一定唔會有下次。。。。入面既服務OK，但前台派飛真係差啲（PS.樓面哥哥好靚仔XD）

離譜 明明話開到兩點 點知我10點03分入去佢話試業開到10點趕發我出黎 你唔係開到兩點就咪係門口整個牌話開到兩點啦 離譜 我山長水又遠出黎 ...............

BHC旺角店，說很好但是😞。6點到要等2個鐘才會等到位。有好多坐位未能 😤供應，但見到幾枱食客離開，問經理為何，經理說因為㕑房太忙未能 做得切。但外賣就可以供應😤，人客堂食等2個鐘然後坐又等半個鐘才有得食。😤😤。下次來叫外賣好。食物普通😞😳

睇左「飲食男女」食評黎潮聖首先要比個like 佢一人一隻手套🧤餐具有心思入正題！香港新開張都預左要排隊，舖頭落場到17:30，我17:50到，要拎飛，無得Book檯，無得留檯，我張飛就30號，唔緊要，等下啦！等到19:50左右啦，入座！滿心歡喜打算叫唔好意思，賣晒唔好意思，賣晒唔好意思，芝士條都賣晒🤬咁⋯⋯其實你地仲有咩有呢？唔好意思，推介既都賣晒其實你開舖無耐⋯咩都無，仲做咩生意呢？好唔容易咁叫左啲野食喇！打算叫野飲啦唔好意思，賣晒咩話？3款都賣晒？係呀！ 嘩～～呢間餐廳點做生意架？沙律～都唔錯既芝士薯條～～麻麻地原味炸雞～～係幾好食既芝士波～～極失望😞芝士完全唔會流出黎⋯仲要‘鞋'口⋯無芝士味⋯⋯圖片與實物完全不符完全無下次估唔到我既第一個食評會係咁⋯⋯⋯平時真係點差都未令我寫食評⋯⋯今舖真係忍唔住

下午唸著來吃炸雞，點知有個男人話下午無炸雞，之後叫我下午五點半開始有，好啦夜晚黎左，竟然等位要成兩個鐘，明明見店面好多空位都吾比人入，算，照等兩個鐘，入到去侍應話好多野都賣哂，有無搞錯1.仲有一碟炸雞都等成45分鐘，2.冷氣好凍3.地下好跣見到好多個人都是差啲跣低！真系無下次！

比吹虛到咁誇所以黎一黎潮聖食後感誠意推薦愛食鞋’雞’人士我跟友人們都無下次我地亦足足半行半食下等咗兩個鐘🤦🏻‍♀️🤦🏻‍♀️🙅🏻‍♀️🙅🏻‍♀️🙅🏻‍♀️🙅🏻‍♀️🙅🏻‍♀️👎🏼👎🏼👎🏼👎🏼👎🏼第一樣黎既係薯條完全係凍😖連個暖字都無不能不換好難食凍薯條🤮🤢我地仲叫咗兩款佢地既best chickenMACHO-KING個味似鼓椒炒蜆味BBU-LINKLE似老麥shake shake芝士粉佈滿啲雞度個侍應話因新開只得全隻雞無得只揀雞膇最後黎既雞一半以上都係鞋既覺得自己食緊煲完湯既鞋豬肉如果佢啲醬料好味啲都好佢係乾爭爭既鞋我地只能為填飽肚而食最後佢個碟薯條係比佢地遺忘咗🤦🏻‍♀️我地差唔多食哂啲雞都未黎可能佢見我地食到面到wear埋所以送咗3杯野飲比我地可惜3杯有兩杯都係伏bubble pop即係珍珠奶茶佢啲珍珠同食緊一粒膠既硬麵粉無分別不能吞grand mother’s secret latte杯野飲都無乜問題係奶啲，但上面串野出事好似未熟咁似韓式年糕未解凍哂就比人食Marry me全晚最正常因係柚子梳打真心分享，不是打手😣😔

見FB有講，過來試新嘢，有點中伏叫左個套餐，發現同單點差唔多價錢沙拉普通薯條唔熱，唔脆得個雞好食，但唔會想再食，可能人少食濟左餐廳留左好多座位比booking人士，搞到出面好多人排隊，但7點同7點半後都未滿座感覺安排麻麻地可能新開張，之後可能會有改善餐廳環境可以，不過冷氣凍左d