影片
更多
2018-09-09
795 浏览
老實講，喺樓下見到佢個poster話自己係 - 韓國最好食既炸雞之一，真係非常期待，究竟呢間新開既炸雞店有幾好食呢？一入到去，真係不得了，唔講以為入左哈爾濱冰雕展。成個場起碼有十部冷氣全部開到最大風，枱面棟喺度啲menu被吹到「發發聲」，係咁擺黎擺去。於是我地禮貌地請店員將冷氣溫度調教一下，或者請求找一個無咁大風既位坐下。點知換來既係黑面，兼且極hea既回應，求其㩒兩下個遙控做個樣話搞掂就算，但啲風依舊吹到「發發聲」，真係吹到個頭好痛。無辦法之下我地唯有搵個經理請教一下，睇下可唔可以再幫忙校細少少個冷氣，因為真係太凍喇，坐到個人好辛苦。點知個經理塊面仲黑過個店員，完全連serve都唔想serve我地，佢俾左個眼神叫店員「招呼」我地就算，老實講，我真係無諗過好聲好氣既請求，會換來冷眼看待....就係咁，個冷氣唔知因為咩原因而一定要set到最凍，我地硬住頭皮繼續點餐....心諗，算啦，快啲食完就走喇...當我諗住嗌既時候，黑面店員先話，「今日無呢個、呢個、呢個，同呢個」，嗰刻我喺度諗，成個餐牌係得呢幾款咋喎，你乜都無，都夠膽打開門口做生意？好啦，我唯有揀一款佢有架啦，橫掂都無乜其他選擇淨，
一入到去，真係不得了，唔講以為入左哈爾濱冰雕展。成個場起碼有十部冷氣全部開到最大風，枱面棟喺度啲menu被吹到「發發聲」，係咁擺黎擺去。
於是我地禮貌地請店員將冷氣溫度調教一下，或者請求找一個無咁大風既位坐下。點知換來既係黑面，兼且極hea既回應，求其㩒兩下個遙控做個樣話搞掂就算，但啲風依舊吹到「發發聲」，真係吹到個頭好痛。
無辦法之下我地唯有搵個經理請教一下，睇下可唔可以再幫忙校細少少個冷氣，因為真係太凍喇，坐到個人好辛苦。點知個經理塊面仲黑過個店員，完全連serve都唔想serve我地，佢俾左個眼神叫店員「招呼」我地就算，老實講，我真係無諗過好聲好氣既請求，會換來冷眼看待....
就係咁，個冷氣唔知因為咩原因而一定要set到最凍，我地硬住頭皮繼續點餐....心諗，算啦，快啲食完就走喇...
當我諗住嗌既時候，黑面店員先話，「今日無呢個、呢個、呢個，同呢個」，嗰刻我喺度諗，成個餐牌係得呢幾款咋喎，你乜都無，都夠膽打開門口做生意？
好啦，我唯有揀一款佢有架啦，橫掂都無乜其他選擇淨，唉，算啦都係嗰句，快啲食完就走喇....
食物我唔多講喇，根本被吹到個頭好痛兼無哂胃口。坦白講啲雞一上枱係熱既，但擺左幾分鐘已經淋哂凍哂，可想而知個風有幾大.....
總而言之，大家想黎食既話真係要著多幾件外套，小弟自問唔怕凍都真係頂唔順。仲有，要預左無服務兼被人黑面。頂得順先好黎啊。
张贴