1986地道越南餐廳 (東寶大樓)

营业中

休息中

能堂吃也點外賣因為在下很懶把這個重任交給”外賣小哥”😜送上海防蟹膏湯檬粉一份價值$68濃濃的蟹湯一球圓圓的蟹膏特別制造的香菜肉丸加入青檸和辣椒一碗湯粉就這樣合體完成微酸又帶清晰的青檸檬香味已經染到食物上進口感覺額外開胃2隻大大的肥蝦爽口又彈牙 蕃茄件有3，4件 不算是清甜但在濃湯之中也能嚐到蕃茄的味道薄切的扎肉 口感能與厚切比美把湯麵攪拌一下讓味道更加均勻濃郁份量不多不少有飽肚感又不會讓人感到太飽如是跟朋友一起用餐大可加點一款小食連外賣都能做得好的店深信堂食會更出色👍

叫咗個海防蟹膏濃湯飯，一黎到圖文不符，外觀唔好都算，一食落肚，又淡又腥又難食，話有肉丸，點知原來得啲肉碎仔，又難食又唔係平，真是一個非常差的經歷，不會再幫襯！！

招牌生牛肉河粉$68 湯：清甜, 唔油膩 生牛肉：生熟程度ok, 口感好好,份量足夠高湯半熟蛋 ：店員話可以攪拌後直接飲或點牛肉用, 但個人認為隻蛋可有可無🤣海防肝醬小法包$363條小法包 要襯熱食 第一次食肝醬 原來好夾法包 海蜇扎肉沙律$48酸酸甜甜 好開胃 成碟清哂 上次試過牛油果沙冰 唔錯！😍不過有啲碎冰可以再攪勻啲總括Menu 唔多選擇但勝在食物質素唔錯, 係一間性價比幾高嘅pho味道：8/10服務：9/10 服務態度好好！環境：8/10 新淨 整潔性價比： 8.5/10 （無加一）

今天晚上在1986越南餐廳買了一盒什錦飯和一盒撈檬粉，折扣後大概一百蚊。完全係好難食！仲衰嗰啲38蚊兩餸飯！ 以後一定唔會再幫襯！ 飯裏只係得一隻小雞蛋，一隻三分一雞翼及些少肉絲！ 撈檬粉只有蛋絲和花生，完全冇感覺到有任何肉類放在裏面！嗰兜撈檬湯咸到飛起！ 都唔知自己食咗啲乜嘢！

是次來到土瓜灣區，想吃一點有湯的食物，於是無意中發現這一間越式小店👍🏻當天點了三樣食物。海防蟹膏濃湯飯 $78用蟹炮製嘅濃郁湯底，相當可口，湯底飲落去之後唔會口渴，而且蟹膏味很香。湯飯入面配有肉碎、蝦、白飯上面亦有少量蟹膏，平時不太吃澱粉的我們也破戒了，伴着香濃的蟹湯，實在美味。店員更問我們會否加一點濃湯配飯，服務很細心☺️招牌生牛肉湯河 $68湯河配以流心蛋，流心蛋伴以濃郁嘅牛骨湯呈上，湯底是濃郁嘅牛骨湯，同樣飲完後不會口渴，可以飲得出係熬出來的牛骨湯。生肉嘅份量亦都好多，肉質和份量都非常有誠意。湯海入面有洋蔥絲等等嘅配菜，口感配搭得非常之好。越式沙嗲雞肉串 $58相當推薦雞肉串燒，燒出嚟肉質仍能保持肉汁，內裏肉質嫩滑。而且沙嗲醬汁味道調配得好好，不會過稀或過稠，能吃到花生醬味。整體相當推薦這三項食物，遲點一定再訪👍🏻

📍 1986地道越南餐廳 🌟 土瓜環食物超好味😋staff又nice 大家一定要去試呀😆👅8/10家鄉肉丸豬骨湯檬粉清甜既湯底配上豐富配料既檬粉 !鮮味十足👍🏻彈牙又勁香肉味既豬肉丸👍🏻鮮鹹排骨令成個湯麵更添層次👍🏻大量嘅脹卜卜芽菜仔、蔥絲、洋蔥絲簡簡單單既一碗熱湯麵🍜超滿足👅8.5/10越式烤豬肉拌檬粉色香味俱全！惹味烤豬肉非常鬆軟配上滑嘟嘟嘅檬粉+ 自家製既撈檬汁，酸酸甜甜，仲有2粒肉丸仔浸住，好過癮！#jengfoodguide_土瓜灣美食

今日唔夠時間堂食，買了豬肉撈檬粉同串燒雞外賣，外賣Keep住全日8折，真係良心價。打開外賣，色香味全部滿分！撈檬個汁對比其他越式餐廳真係好唔同，汁裏面既伴菜都食晒….串燒大串之餘爆汁唔乾~仲諗起拎外賣時服務窩心有禮，真係少數餐廳能做到，抵讚👍🏼👍🏼👍🏼等外賣時見到有張告示，Anyway我食都會返黎呢度💪🏼💪🏼

停左晚市堂食, 唯有用外賣形式支持良心小店🤩小編同屋企人今次試呢間土瓜灣餐廳, 推介俾大家😊1. 鷄絲扎肉湯河粉 ($58, 外賣加$2)呢到既河粉特色係配料會有油炸鬼, 加埋個汁好好味鷄絲扎肉份量適中, 男仔可能未必夠不過只要飲埋杯飲品就真係好飽😛😛2. 三拼牛湯河粉 ($58, 外賣加$2)牛丸都幾彈牙, 牛味好濃鐘意食牛既朋友可試下🤗3. 脆春卷 ($32)入面好足料, 好多肉碎, 一人一舊淺嚐下🤗呢間餐廳小編最推介係飲品😝😝第一位係牛油果沙冰 ($32)味道非常清新, 同個河粉異常地夾🤣飲完會令你好飽肚, 感覺好健康😝不過略嫌有D冰比較大粒第二位推介鹹檸檬梳打 ($22)呢杯好解渴, 飲完好爽第三就係紫米乳酪沙冰 ($32)呢杯又係飽肚之選, 紫米乳酪口感幾得意味道: 3.5/5環境: 4/5 (裝修不錯)服務: 4/5 (老闆又係好好客)性價比: 3.5/5

呢間餐廳由細舖搬大舖，的確坐得舒服左好多。我其實食過好多次，疫情關係所以今次選擇外賣，外賣自取有八折。呢間餐廳員工服務態度好，而且親切，會留意你有咩需要。外賣自取速度一般都好快，呢間餐廳推介係蟹膏湯飯，不過我最愛午餐係越式烤豬肉拌檬粉，酸辣汁拌檬粉好滋味，亦非常開胃，豬肉亦烤得唔錯，好入味，整體都係好食。但飲品要額外收費，而且都幾貴，一般有青檸梳打，咸柑桔等東南亞飲品，堂食有水。不過我外賣便沒有加上任何飲品。

之前喺細舖食過一次有啲逼但真係樣樣都出色知道佢12月會開間大舖特登返嚟大舖再食😆大舖環境比細舖寬闊得多尤其帶住小朋友真係好坐d首先一定要叫嘅肝醬小法包除咗呢樣係忍唔住要再食之外其他都係第一次叫如果唔係想試食多d款，真係應該一人一碟粉包配上暖嘅酸汁，感覺好似配湯好特別比起普通紥肉，我更喜歡蟹湯飯配嘅紥肉好似係檳榔葉唔係芫茜😂而蟹湯飯個樣雖然𠸝唔及餐牌個靚樣但係都好足料！撈勻仲越食越好味！喜出望外嘅感覺另外必須要加好味的牛丸上面嗰碗係雞肉青木瓜沙律好欣賞呢度嘅青木瓜沙律切得幼細而且唔會係辣到好痛苦係清爽但係會飽🙃就係咁我哋太飽無加到蝦片飲品方面中規中矩臨走埋單發現有mee大家可以上mee睇吓有咩優惠因為我哋嗰日趕時間無睇就走了以上就係去新舖再食的感想😆

📍土瓜灣🥢1986地道越南餐廳呢間想食好耐，因為係土瓜灣社交平台 Group都好多人講過佢！係土瓜灣嘅有名黃店🍜之前佢隔離街開咗第一間，果間細啲，宜實開多間大啲，又靚啲！多位左好多！1. 招牌生牛肉湯河我相信佢呢個湯底有特別研製同傳統嘅湯河係有小小分別湯底有濃濃嘅香葉味，再加幾片油炸鬼，非常香郁！好得意😎佢另外有隻生雞蛋🥚佢話攪勻隻雞蛋可以攞嚟點牛肉或者就咁當湯飲唔好倒落個湯麵度🍜啲牛肉更加滑啲牛肉又好多塊，有6-7塊一個女仔未必食得哂😅2. 三拼牛湯河 非常足料，牛丸，扎肉，牛腩好淋3. 越式脆春卷 炸到好脆又乾身！4. 熱情果特飲5. 紫米乳酪沙冰PS. 特別要講！呢度嘅店員非常細心，見我哋未飲完杯嘢飲，特登話幫我哋換個外賣杯拎走，好好！走嘅時候！見我有啲論盡，又幫我拉開張凳！我覺得呢個係鋪頭既重點！咁有心嘅員工！嘢食好味不特止！仲有咁真心嘅招呼！真係不得了！👍🏻👍🏻👍🏻👍🏻

呢間越南店近嚟搬咗去大舖，堂食位多咗好多，但依然保留外賣自取8折，真係超值之選🤩之前已經食過外賣烤豬肉法包、三拼牛湯檬，全部都好足料、味道豐富😋今次堂食就試下新出嘅海防蟹膏濃湯飯($78)同招牌生牛肉湯檬($68)，雖然冇包嘢飲，但覺得佢嘅湯係真材實料，所以堂食價錢都係可接受範圍👌🏻生牛肉湯檬會配高湯半熟蛋，鍾意食生蛋黃嘅朋友就可以享受佢滑捋捋嘅口感，但此終街外鋪頭都係熟食隱陣啲，所以朋友都依照老闆俾嘅選項倒入熱辣辣嘅湯，為呢碗檬粉加多種口感👍🏻最鍾意佢哋會提供幾舊油炸鬼，浸完湯之後會吸收咗湯嘅味道，又保留少少脆嘅口感，真係好滿足😛生牛肉嘅份量比起連鎖越南店多，唔會太肥，配埋額外提供嘅青檸同辣椒，吊起左湯頭嘅味道😝湯飯一嚟到已經聞到好大浸蟹膏味，表面亦見到好多材料嘅「痕跡」，但絕對唔會油膩，飲完亦唔覺得口渴🥰入面有5隻蝦左右，都幾爽口，另外仲有原隻蜆、一條條嘅魷魚同豬肉碎，紫洋蔥就提供爽脆清甜嘅口感，將佢哋全部撈埋飯食真係超級豐富🤯食過返尋味，第二日已經好想再食，但應該會配檬粉，因為太多飯真係好滯🤣佢嘅飯量至少有一碗半，而且吸收曬湯嘅日月精華，細食嘅女士可能就要叫少飯🙈總括而言，198

今日約左去釣蝦，見早早地，就求其係附近揾左間越南野試下。🐒青木瓜雞絲沙律💰$42除左有雞絲之外，入面原來仲有啲札肉青瓜個啲，但又唔會話搶左雞絲啲味。醬汁係偏甜，帶少少酸，對我黎講完全唔辣，都幾開胃。有好多花生粒😍😍。🐒三拼牛湯河粉（牛丸、扎肉，牛腩）💰$58男朋友話個湯底感覺好天然，唔會話好咸好重味精味，但啲辣椒可以俾多啲。牛腩係有驚喜，好淋。牛丸同札肉都不過不失，無乜特別。如果想過下越南口癮都可以食，但特登過嚟就免啦😂

睇住🔸1986🔸短時間內由小店做起, 而家搬咗去大舖喇, 所以就想去試吓有無分別。環境比舊舖舒適嘅, 不過枱與枱之間嘅距離實在太少, 所以會有d 壓迫。🍜 海防蟹膏湯檬粉有2 片扎肉, 2 隻大蝦同2 粒豬肉丸, 扎肉係普通嘅越式扎肉, 大蝦新鮮彈牙, 豬肉丸有驚喜, 我平時好怕食豬肉丸, 覺得有怪味, 不過呢個豬肉丸混合咗冬菇, 唔知係咪手打, 不過好似手打肉丸咁爽口。湯底有濃濃嘅蟹膏味, 好鮮甜, 就咁飲都唔會覺得口乾。美中不足係個檬粉份量好少同好碎濕濕…🥖 越式烤豬肉法包包嘅外皮好脆, 夾住嘅烤豬肉好鬆化, 亦都好入味。份量好充足。🍹 北越椰汁冰咖啡 & 越式奶咖啡比一般咖啡甜, 不過咖啡味香濃, 有越南風味。💭 整體嚟講, 食物同飲品都好好, 不過如果個檬粉唔好咁碎就再好d, 係值得再食嘅。