1986地道越南餐廳 (東寶大樓)

营业中

休息中

今日同太太行過1 986餐廳唔需要排隊即時入去有得食，餐廳裏面面積唔係好大，枱與枱之間都非常之近，但地方好清潔，洗手間保持非常乾淨。今日叫咗兩樣嘢和一杯嘢飲，有越式家鄉粉卷味道可以，越式香茅雞翼伴檬粉，雞翼熱辣辣檬粉好食，最後叫咗一杯薄荷青靈梳打，味道比較淡，整體可以份量足夠飽，侍應服務殷勤，冇加一性價比嚟講中規中矩。

🇻🇳🇻🇳🇻🇳由舊鋪開始食到佢搬左新鋪，是區內少有的高質越南菜，餐廳內有小告示提及歡迎撰寫食評提供意見，睇得出良心小店用心製作👍🏻👍🏻👍🏻招牌牛肉三拼湯河粉($68)有牛肉、牛扎肉同牛丸，而湯底係牛骨湯，牛肉肉質鮮嫩，牛扎肉唔係常有，牛丸彈牙，再配有蔥絲蔥花及青檸，令河粉食落更清新，唔會只有單單濃郁既肉味，提昇味道既層次感海防蟹膏湯檬粉($70)👍🏻👍🏻👍🏻👍🏻蟹膏、蝦，扎肉、香菜肉丸，再加蟹湯，香噴噴，賣相吸引，蟹膏熟左夾得起，蟹湯好足料所以好竭，稀竭有少少似醬汁既程度，相當掛麵，但味道唔咸，加埋檬粉岩岩好，但香菜肉丸個人黎講偏咸，相信依個檬粉主要係品嚐蟹膏蟹湯既鮮味

亞女介紹我來，沒有太大期望，午餐一頓，填肚子罷了！蟹飯濃濃的湯底，味道剛剛好👍👍 真的少有的驚喜！我很少寫食評，感動推動：我在這裡感受到久違的親切，一個滿面笑容的店員關心和體貼語。勝過任何5星級的招呼！

已經係一星期內第二次光顧！試過 佢哋嘅 木瓜絲沙律、雞翼檬粉、米紙卷、越式豬扒、牛肉三拼湯河，咖啡沙冰 同 越式咖啡，各樣嘅味道都恰到剛剛好！感覺食材非常新鮮😋😋😋😋用餐環境乾淨，每當客人用膳完畢離枱，服務員都會用消毒噴霧清潔枱面。提供給客人食具前（如要一個碗），服務員都會再檢查一下（如有沒有積水等）才送上客人枱面，感覺佢哋嘅服務好細心！提供的飲用水加有檸檬青瓜香橙片，有種清新的味道！雖然店舖內的位置不算太鬆動，在非凡忙時段，服務員仍非常樂意招待客人坐得舒服些 （讓二人坐四人位）！基本上每一位服務員的態度都非常友善；食材的質素、份量及價錢都是合理的，算有性價比！還有其他招牌菜式未食，我個人一定會再光顧！

想食越南嘢，失驚無神撞咗入去食Lunch意外地搵到呢間相當好味嘅小舖而且服務非常貼心以後會多啲嚟食嘢最後仲買埋外賣晚餐用三併越南湯河- 湯底味濃唔油膩，溫度十足越式脆春卷- 皮薄而且十分脆越式扎肉法包- 法包非常脆口，可怕酸菜略少鮮椰子炆豬腩肉香芧豬扒- 要返屋企先知道味道如何了

同事極為推薦，知我所好，就來試試，點了生牛肉金邊粉，另要求多芽菜。金邊粉並不是一般常見的白色幼條形，而是黃色的，形象似河粉般寬，口感沒有一般金邊粉的爽口，但是也較河粉爽口。牛肉份量沒太多，芽菜也沒有覺得多了點。湯底十分鮮甜，是曾吃過了美國，澳洲，越南等地的越南粉中，可算是上佳的表現。只是配套方面，沒有甜醬，生芽菜也沒有另上，就欠了吃越南湯粉的應有特色和誠意了。雖然覺得有遺憾，但為了湯底，仍有回頭的原因。

呢間地道越南嘢，又經濟，又地道、又多選擇，所以就約3, 5成群人黎試下,整間鋪頭乾淨企理，店員態度友善親切，會好主動推介一啲地道菜式，食物份量足夠享用；老闆都好細心本人最鐘意是碗蟹膏肉丸扎肉湯檬, 蟹膏海防湯濛非常足料，材料有：蟹膏、蝦🦐、番茄 、扎肉、香菜肉丸、香菜等湯底濃郁，夠熱鮮甜，必試之選 ,又無味精, 已經贏了成條街真心推介香茅豬扒飯è未食已被個樣吸引…..豬扒係厚切，食落去真係啖啖肉，而且整得好香脆，超級多肉汁叫多左個越色烤豬肉法包，配上辣醬，帶出豬肉既味道,仲有暖食,不是凍越式炸春卷啱啱炸起，餡料又多 配埋啲薄荷葉食真係啖啖滿足

今日放假，又好少黎土瓜灣行，都係覺得搭巴士入黎搵嘢食方便過搭地鐵見好多人推介呢間地道越南嘢，又經濟，又地道、又多選擇，所以就黎試下整間鋪頭乾淨企理，店員態度友善親切，會好主動推介一啲地道菜式，又會懂得就住人頭去溫馨提醒客人所點既食物份量都足夠享用；老闆都好細心，見到有剛入座食客只係抬頭望住頭頂冷氣風口位，無講出聲，老闆就主動同食客講已經熄咗佢頭頂部冷氣，未食嘢已經覺得呢間餐廳係有心做好既餐廳希望呢間餐廳可以繼續以經濟實惠價錢經營，保持到咁好既服務+食物水準👍🏽👍🏽PS: 朋友碗蟹膏肉丸扎肉湯檬唔記得影相，份量同招牌牛河一樣咁大碗，佢嗰碗材料都好豐富，湯味夠濃，唔怪得係推介菜式

😚 依日小編喺土瓜灣放工，事先搵定夜晚食咩，見到有越南餐廳，又好耐冇食過，所以就鐵定去幫襯！☺️［ 亂闖試飲試食 ］🍽 越式烤豬肉拌檬粉 😋😋😋😋😋豬頸肉切成條，每條都烤得好惹味，有啲黑胡椒同香料味，唔會太濃或好鹹。👍🏻 露蘸醬汁內有兩粒豬肉丸，好有豬肉味，而醬汁內有魚露，唔算酸，反而帶甜，夾檬粉點嚟食冇乜負擔感。👏🏻🍹 越式鹹檸檬梳打 😋😋😋😋😋依款梳打加咗少量蝶豆花，會呈現紫藍色，好靚同好打卡之餘，飲落清爽，冇乜甜味，但有鹹檸檬🍋嘅鹹酸同梳打嘅爽喉！晚餐 💵💵 約港幣$80/人💁🏻‍♀️ 小店仲有越南湯飯、麵食提供，位於土瓜灣最多食肆嘅北帝街，大家可以喺由宋皇臺站出行過去。🙆🏻‍♀️ 最後，喜歡嘅話，歡迎follow @foodirectory.hk！

喺工聯會上完堂就黎左食，行2分鐘就到。 香茅豬扒飯❤️❤️❤️❤️❤️呢個真係超級推介👍🏻件豬扒係厚切，食落去真係啖啖肉，而且炸得好香脆，超級多肉汁，就算冇醬汁都一啲都唔乾。入邊仲有隻炸蛋😂 蟹膏湯檬 ❤️❤️❤️反而呢個我覺得冇乜特別，係好食嘅，都好多湯料， 蝦都好彈牙，蟹膏都好多，只係味道唔太重，吃完豬扒之後差唔多吃唔出。可能適合淡口味嘅朋友。 朋友食咗香茅雞翼，呢個我反而冇試過，評價唔到。但係睇樣都真係好靚仔，雞亦都好香脆。 雞蛋咖啡 ❤️❤️❤️❤️❤️鍾意飲咖啡嘅人必試，雞蛋味真係好重，上邊都好甜，咖啡低飲唔出邊隻豆，都好甜，本身就加咗糖，超正。 佢嘅水仲係青瓜水，飲晒啲職員會主動同你加👍🏻 小店咁嘅服務真係一流。而且環境好乾淨，坐得都好舒適，肯定會再來。

終於去咗呢間to eat list嘅越南人開嘅越南餐廳🇻🇳一見到有奧巴馬粉就😍仲有雞蛋咖啡☕️樣樣都好吸引我又想試生牛肉河，蕃茄蟹膏湯檬，叫哂3樣試😍😍仲叫埋春卷 雖然唔係網紙春卷，不過都好足料，同行2個都覺得好食，我就鍾情網紙春卷😂奧巴馬粉個bbq烤肉同越南嘅無得比…下次想食都係食住越發先啦…呢間豬頸肉都幾好食嘅，但個汁唔夠惹味同偏甜。檬粉係正宗越南檬粉，似幼身米線。生牛肉河，一上枱就比友人一野撩熟啲牛肉，才驚覺我未映相即刻執返比我映😂😂另跟一碗雞蛋牛湯，不過我冇試啦⋯⋯牛骨湯同牛肉都唔錯，唔油，但係又係最好食嘅牛湯都係食錦麗啦😂最後個蟹湯期待已久，個湯真係超濃，不過就冇蕃茄味，好似飲緊濃蝦湯咁呀😂😂下次都係食返河內啦😂雞蛋咖啡就我歎凍左先飲變咗一堆泡，同我飲過嘅雞蛋咖啡真係差好遠喎⋯⋯唉 下次想飲去南越南飲啦係香港諗住有一間餐廳可以一次過滿足晒三個願望睇怕有啲難朋友飲果杯牛油果沙冰仲平過我杯咖啡又凍又大杯，但係自己又唔心息死都要試🥲總結係 真係要自己試過先知咩料😂

1986 地道越南餐廳平時好少去土瓜灣，感覺好似冇咩特別野睇；前排經過土瓜灣就順便搵下附近有咩野食，見到呢間都幾多人推介，係由越南人主理嘅越南菜~招牌生牛肉湯河粉 HK$68呢個牛肉湯河用咗牛骨高湯做湯底，湯底有好濃郁嘅牛精華，好鮮甜；生牛肉有三四塊，每一塊牛都有好重牛味，無論係份量定質素都對得住價錢；旁邊仲附上高湯生雞蛋，將牛肉撈埋落去一齊食，好食~海防蟹膏濃湯飯 HK$78呢個海防蟹膏濃湯飯幾乎每一枱都有叫，好似好吸引咁，我地忍唔住叫咗一份黎試下；白飯放咗係蟹膏湯中間，蟹膏味係有嘅但唔太香濃，食落都幾惹味；附近蜆同蝦嘅海鮮，配埋肉碎撈埋飯一齊食，唔錯~越式沙嗲雞肉串燒 HK$58食越南野當然唔少得嗌串燒食啦，佢呢到嘅串燒唔算平，但好值得試一次；雞肉串燒得非常之香，外層微微地脆，配埋沙嗲醬一齊食，好好味~整體感覺呢間越南菜幾高質，每道菜都好滿意，特別推薦一定要試串燒~ 經過土瓜灣可以試下佢~

海防蟹膏湯粉絲🦀湯頭濃味 少咸 可能因為系蟹膏粉絲有驚喜 吾似一般粉絲食落會軟身有少少咬口 配料足夠 越式沙嗲牛柳串🐄冇諗過串串咁大食落肉味重 易咬開肉內有少少粉紅燒得啱啱好 好有燒味醬可以唔落 食岀原汁原味河內特色炸腍肉炸漿薄 咬落脆口 唔會糊味道有少少似豬肉腸咁店員態度好好 識講笑🤭

自從8月7日在此店食過碗超高水準越南生牛肉河後，一直念念不忘個種美味，終於在10月29日揾食肥華和靚媽再到此店，尋找此碗越南生牛肉河美味，而今次又係要避開人潮所以在早於此店嘅開門營業時間上午11：3O便到達此店門前等佢開門入内進食，今次除咗安哥超好味越南生牛肉湯河及牛丸，和越式炸春卷外亦點了兩款另類越南食品，分別係越式青桔仔鷄翼及檳榔葉炒鮮竹荀合共五款食物，安哥番啅嘅三款食品固然保持高水準，而新試嘅菜式亦係同一水準之作，绝無令尊誠到此店嘅擁失望💯👍💯👍💯👍

土瓜灣特色越南餐廳見到有少有嘅蟹膏湯底既麵食，即刻叫左碗蟹膏海防湯濛黎試下。客人可以自行選擇河粉、檬粉、金邊粉、粉絲。蟹膏海防湯濛非常足料，材料有：蟹膏、蝦🦐、番茄 、扎肉、香菜肉丸、香菜等湯味濃郁，必試之選。而越色烤豬肉拌撈檬亦唔會油膩，真心推介。另外，叫多左個越色烤豬肉法包，配上辣醬，帶出豬肉既味道，不嗜辣嘅都可以試一試。飲品方面：紫米乳酪沙冰，唔會太甜，恰到好處。而薄荷芫荽可樂都出色，陣陣薄荷香味😋。