1986地道越南餐廳 (東寶大樓)

睇完MM認識左呢間餐廳一直都想黎試 平日夜晚勁旺不過都好快有位 平日唔收加一員工服務好好 醒目快手👍🏻越式烤豬肉法包 ($55)好大個 脆卜卜 超好食😋入面豬肉半肥瘦 係腩肉位有青瓜芫荽醃蘿蔔同豬肝醬全部野好夾 抵食又好食😎海防蟹膏濃湯飯 （$86）呢個係我期待咗好耐嘅湯飯不過黎到冇想像中咁濃郁蟹膏味唔算好重飯嘅份量都唔係好多不過入面都好足料有好多海鮮又有豆腐、豬肉丸 食食吓就開始濃d可能d飯吸咗啲湯 都好食嘅不過冇想像中咁驚艷😂牛油果沙冰 ($39)好重牛油果味 甜甜地又唔會太甜好thick 一杯share就啱晒😎整體都係一間真係幾唔錯嘅越南餐廳有回頭嘅機會😁…查看更多

1986 @ 土瓜灣撐小店系列…另一間個人心儀既越南小店就係佢啦…雖然地方唔隱世…但土瓜灣都真係有小小隔涉🤣🤣🤣。不過好味最緊要…1986絕對算係人龍店…任何時間黎都要等下位…不過整體位置算多…加上醒do客人…所以都幾快就有位黎左好多次都係點豬爬飯啦…蟹膏湯飯啦…Pho啦…小食就墨魚餅啦…春卷啦…桔仔雞翼啦黎呢度食粉…推介你要試下呢度既金邊粉…平時食到既金邊粉類似好幼既河粉…呢度既金邊粉係黃甘甘既河粉。好特別…唔食都點黎睇下海防蟹膏湯飯 入面有青口…肉碎…豆腐…蝦…魷魚…兩粒肉丸。餸款色幾多之餘份量都非常慷慨…蟹湯好濃郁鮮甜…絕對真材實料…當然要讚既就係個湯好夠熱…撈完飯都仲熱辣辣…就肯定湯夠熱…飯都熱招牌牛肉三拼Pho 有牛丸…有扎肉同牛肉…牛肉質素幾高…無乸過…有質感但又唔會韌…河粉夠滑…湯好香醇牛骨湯…當然都係好夠熱👍🏻👍🏻香茅豬扒撈檬 當然有豬扒啦…大大塊…豬扒好juicy…香茅調味夠惹味…魚露甜度啱啱好呢度既小食都好正…春卷熱辣辣…個皮好鬆化。墨魚餅都係必點 (暫時係心目中第三位置游走)…配個越色辣椒醬好正。不過越色辣椒醬最正都係越發。桔仔雞翼…似泰式鳳爪咁…不過換上桔仔帶來既酸甜味都唔錯呢度既飲品試過牛油果沙冰同百香果…兩杯都唔錯…咁like呢間餐廳係有原因。除左食物質素外…每一位工作人員都好熱心…有禮殷勤…最近呢次去…點pho時唔記得點金邊粉…醒起時問下店員改唔改到…店員即刻call咪…可惜話煮左傳統河粉…我話唔緊要…一樣好味。點知過左陣…有位女店員 (唔知係咪老闆娘)走過黎問係咪想試下佢地既金邊粉…佢話可以安排廚房煮少少俾我試下。之後又放低濕紙巾話用黎抹手食春卷呢d咪❤️❤️囉…係公式化既服務俾唔到既感覺…不過…公式化點都俾西口西面唔憂做既服務態度又好好多呢間都係個人心水小店推介#相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去處 #香港美食 #土瓜灣 #土瓜灣美食 #pho #越南菜 #撐小店 #小店…查看更多

味道同賣相感覺有差外觀上影得好靚，可能我食湯飯無想像好食，有種越食越唔想食，但米線上唔錯，可以食哩個飲品正正常常，不過不失，可能見網上太多人話好食，所以好期待。服務安排入座幾好，但店員無講過用餐時間，明明出面無人等但有種比人催既感覺，語氣係「我地有用餐時間，你地仲有無野加，如果無就走」個種感覺整體ok，不要太期待，見好多人推，期待值高左，係附近可以一試，但我今次特登行過去就覺得好似自己期待值太高。…查看更多

係炎熱的夏天，土瓜灣地膽帶左我去食1986地道越南餐廳。首先上桌的是下龍灣手工墨魚餅。這道菜一上來便散發出誘人的香氣，熱辣辣的狀態讓人忍不住想立刻品嚐。墨魚餅外脆內嫩，味道不錯～接下來，我們點了越式沙嗲牛柳串。這道菜的牛肉質地柔嫩，入口即化，與沙嗲醬的搭配更是完美。沙嗲醬香濃而不膩，恰到好處地提升了牛肉的風味。雖然兩串的價位為$92，但考慮到其口感和品質，這個價格也可以接受。最後，我們嘗試了越式香茅雞翼拌檬粉。這道菜的雞翼炸得外脆內嫩，搭配上清新的檬粉，讓整個菜品的口感變得更加豐富。雞翼的酸酸微甜的汁與檬粉的Q彈口感相得益彰，特別適合炎熱的夏天！！！…查看更多

最近剪頭髮同髮型師傾閒偈，佢竟然有餐廳推介，擁有敏銳好西雷達嘅LaHaMo一聽就知單嘢唔簡單。第二日就即刻去睇吓有咩咁好食。放工去到大概6:30，得返2張2人枱，即刻入去坐低先。叫完嘢食望返出門口已經開始要等位。我哋叫左 海防蟹膏海鮮湯檬粉、河內奧巴馬拌檬粉、越式炸蛋 、牛油果沙冰、招牌咖啡沙冰。………………………………………………海防蟹膏海鮮湯檬粉 ⭐️⭐️⭐️⭐️⭐️配料好豐富，有一pat 蟹肉蟹膏鮮蝦、扎肉、魷魚、番茄、青口、蔥 等等。湯底好有鮮味，蟹膏味突出，檬粉軟硬程度適中。整體唔錯。河內奧巴馬拌檬粉 ⭐️⭐️⭐️⭐️⭐️奧巴馬粉其實就是烤豬肉粉，因時任美國總統奧巴馬到訪越南河內時曾經食過而得名。烤好的豬肉連同肉汁、魚露汁 同 醃菜放喺碗內，旁邊就係乾檬粉。酸甜嘅魚露汁撈檬粉好開胃好好味，烤豬肉都多汁好味。越式炸蛋 ⭐️⭐️⭐️炸過嘅蛋，我覺得質感係介乎白烚蛋同煎蛋之間，加上酸酸甜甜嘅汁，都幾開胃，不過我個人就麻麻地依個口感。牛油果沙冰 ⭐️⭐️⭐️⭐️質感好厚，有清香嘅牛油果味，不過飲完會好飽。招牌咖啡沙冰⭐️⭐️⭐️⭐️咖啡味好濃，有越式咖啡嘅椰子味。………………………………………………1986嘅菜式選擇都幾多，價錢亦都好合理，$80 一碗的蟹膏海鮮湯檬粉 ，咁多餸，湯底又有蟹膏的鮮味，性價比其實已經好高啦。…查看更多

最近同朋友去咗 1986地道越南餐廳，一到附近門口已經見到排隊人龍，雖然要等位，但好彩入到去坐低後，餐點上得快海防蟹膏海鮮湯檬粉（$80），整體有驚喜，但亦有啲地方可以再進步。蟹膏湯底嘅蟹味濃郁檬粉本身亦都唔錯，掛湯能力不錯不過，餸料方面就略為失色。海鮮都係急凍貨，雖然份量唔少，但味道上稍為遜色。青口墨魚同蝦隻基本上無乜鮮味，食落有啲像「得個樣」，同濃郁嘅蟹膏湯底比起來真是有點失衡。如果海鮮可以新鮮啲，或者調味再突出啲，相信會更加完美。…查看更多

今晚剛剛食完(19/8)，食物普普通通，絕對不值得花時間排隊去食。希望餐廳留意下，職員常常巡來巡去，見到客人食完就想收走碗筷，好像趕客一樣。我明白外面有人等位，但都希望你哋能夠等客人食完，飲埋杯嘢先。…查看更多

北帝街呢間人氣越南餐廳真係好誇張 😮，我哋入去坐低食緊嘢嗰陣，門口仲有人排隊等位，場內氣氛勁旺 🔥。🦀 海防蟹膏海鮮湯飯：蟹膏一堆咁放咗上飯上面係幾特別，湯底鮮味十足，蟹膏同海鮮嘅香氣好夠，飲落有啲甘甜，唔會死鹹。飯雖然份量唔算多，但湯夠濃郁，食到飽飽哋，好滿足 😌。🥩 招牌生牛肉湯河：牛肉片軟腍滑溜，食落好易入口。牛骨湯底香濃，而且另外佢仲有個細碗加隻蛋落去，呢個係專誠俾客人用嚟攪勻佢飲啲湯，好有誠意👍。🥤 紫米乳酪沙冰：乳酪酸酸甜甜好開胃但甜咗啲，，紫米有啲硬咬得辛苦，飲落清涼解渴又有飽足感 💚。唯一係杯仔細咗啲，如果大杯啲就perfect，特別係夏天食越南菜再配返杯冰凍嘢，真係一流。✨ 總結：味道有驚喜，環境雖然人多但冷氣好足夠唔覺焗，服務都幾快手而且啲職員態度友善禮貌。夏天想食高質越南菜，呢間可以放心踩 💯。…查看更多

一早同來自外地嘅朋友周圍逛周圍食，其實已經食咗半飽，點知今晚要睇演唱會，要食餐early dinner。一般嚟講都會過嚟食呢一間越南嘢。一來呢邊食嘢冇咁多人。二來越南菜感覺上好似冇咁滯胃。今次都嗌咗雞翼，因為上次食過好好食又清新所以今次再叫。咁上次都食過生牛肉湯河，但係今次帶咗其他朋友嚟，佢哋試過反應都一律讚好。事實上佢個湯底真係有料到。另外今次真係食咗啲嘢，但係又見到隔籬枱啲豬扒好正，所以嗌咗個豬扒撈檬，佢個豬扒處理得好好，雖然厚身但係一啲都唔嚡。刀一落就知佢有料到，再放埋落口簡直不得了，估唔到炸豬扒都可以咁多肉汁，呢個豬扒下次要自私食。另外個撈檬汁裏便有兩粒肉丸。食落去都幾彈囉應該係豬肉丸。最後追加咗個木瓜沙律，清一清味蕾就剛剛好！…查看更多

1986地道越南餐廳價錢: $62/ $58/ $44/ $78/ $42好味程度: 4.5/5服務🍴: 4/5環境🗾: 3.7/5性價比🥢: 4/5回頭率😚: 4.3/5-之前睇MM介紹土瓜灣美食，見到呢間好吸引，終於去咗1986地道越南餐廳🥳星期五至八點幾去到竟然已經賣晒最出名嘅蟹膏湯粉😭 不過店員都好好，有介紹其他佢哋其他招牌菜式。個人覺得佢哋除咗平時有嘅越南菜，都幾多種類嘅小食同埋飲品。-✅✅下龍灣手工墨魚餅。係難得搵到好食嘅墨魚餅，因為佢熱辣辣，同埋佢用嘅墨魚比例好多！咬落去粉感好少，口感實在彈牙，有墨魚香🥰-✅✅越式脆春卷。好出色好飽滿嘅一條春卷！入面包住肉碎、粉絲、蘿蔔、木耳等等嘅配料，豐富得來調味適中。外面嘅春卷皮炸得唔油膩，好脆🤩沾埋個魚露酸汁食，又開胃。-✅✅越式香茅豬扒。超厚又大塊豬排😳外層半煎炸到色澤好靚，焦脆焦脆。有咁厚嘅豬扒一定唔會係好淋好軟，不過都唔係同埋唔係好硬。味道上有調過味，食到香茅味，好滿足啖啖肉🤓啦，炒菜食-✅招牌牛肉三拼湯河粉。比起小食，我覺得呢個冇咁特別。雖然牛骨湯感覺冇落味精，同埋飲到牛骨熬出來的味，再加埋啲九層塔嘅味道🥸不過生牛肉都幾嚡唔好食…牛丸彈牙有肉汁OK，同埋扎肉都係有冬菇嘅扎肉。-✅豬骨湯檬粉。豬骨湯比起牛骨湯冇咁出色，不過都OK嘅。一樣有大量蔥、芫荽同洋蔥，所以飲到骨嘅味道之餘都有惹味嘅香料。仲有難得檬粉唔係碎濕濕☺️-覺得小食出色過主食，會再去嘅因為都想試埋嗰個海皇蟹膏湯飯，另外仲有啲越式粉卷都有興趣。…查看更多

食物好味道， 有質素 ， 價錢又合理 ，工作人員又好有禮貌， 體貼招待客人， 對客人好有熱誠， 又會留意及照顧客人， 只是地點稍為第一次難搵D， 非常值得推介嘅一間食店 令人一去想再去…查看更多

作為老顧客連續點了你們快兩年的外賣，忍無可忍想給你們提下建議。首先點外賣速遞的本身就是想要解放雙手，但每次送過來湯汁總會漏出來，搞到周圍都是油膩的湯汁，又不得不清洗油污才進食。其二拜託你們的外賣包裝可以用心一點嗎？每次送過來包裝袋口都是敞開的，根本都不衛生，哪怕封一下膠袋口也好吧？其三現在甜品裡面加的另一種食材不知名珠子真的超難吃！！！！！！！！！！…查看更多

簡單嚟講好食，打卡good。由於餐廳面積不大餐卓較細，坐位不太寬敞。大部分時間要排隊。weekend兩點半，排20分鐘左右。推介豬扒，肥美juicy ，睇相都知好味😋，如果轉湯檬粉要加錢🙈⋯⋯所以食返撈檬算數驚艷嘅越南法包，熱辣辣的😱，一嚟到秒殺，連咩餡都唔記得咗了….總之好食😂冇咩突出嘅湯粉芫荽可樂打卡一流，芫荽味未夠，再濃啲會更好。夏天飲一流，真係好清新椰汁coffee, ok 啦！如果咖啡味濃啲更好…查看更多

見到好多人推薦呢間所謂好好服務出名既店，咁就過海黎朝聖。首先，入面明明有好多空位都唔明點解唔比入，應該佢知道我未人齊所以唔比入？算，入到去又比安排坐係門口位，d人出出入入d冷氣又唔夠，好似坐街食咁，唯有用自己的風扇吹住食，d侍應又麻麻，明明有幾個人只斟一杯水？但我眼望明明佢都有派水去其他客喎。。。算，咁叫野食啦，朋友叫咗咩豬扒撈檬，個豬扒焗到燶哂，咁都可以上比客人食？不過朋友話唔緊要咁我都癈事出聲，到我叫果生牛肉河，上枱望都正正常常，點知食到差不多底先發現吓？點解會有幾粒飯？頂，唔係無洗碟就放我d食物上去呀！我即刻搵個侍應想問清楚，點知一來又幾順手收走我個碗。頂，你無野呀？總結，一間價錢又唔平，侍應又無禮物，食物又差，衞生又有問題的店，奉勸各位唔好幫襯…查看更多

忽然想食法包🥖有扎肉有燒豬肉想濃味啲，所以揀咗燒豬肉我覺得好食。外脆內軟啲餡啱啱好唔會鬆鬆散散，食到周圍都係青桔仔雞翼都好特別，如果雪凍啲就喺我心中嘅味道雞翼就比較嚡。煮得太過火。鮮椰子炆豬腩肉，瘦肉太多有啲鞋，但係浸味係好食如果啲汁結番啲，咁就好好多。芫荽可樂😻咳咳，忍住叫咗個鹹柑桔熱既好夠味蟹膏海鮮湯檬粉係呢度嘅主打，如果再食我會揀湯飯咁樣應該會夾好多，太飽食唔到香茅豬扒😅千祈唔好轉煎蛋。一定要食佢嗰粒炸蛋。食過就知好味…查看更多