1968 Bistro (汝州街)

营业中

休息中

睇左好幾間到會 但冇食過唔敢叫咁啱諗起呢間回頭過好幾次嘅餐廳同男友周年紀念 約friend都係呢間膽粗粗打去問 原來真係有到會餐單而且幾適合我地 （有八人餐 可以唔需要餐湯 飲品 甜品之類）屋企人話好食 而且唔貴正！會再encore !特推美式焗肉醬薯皮白酒牛油汁炒白蜆（細佬妹直情用來撈飯)千島海鮮薄餅北京烤鴨薄餅黑松露雜菌意粉紅酒燴牛肉飯寶雲酥三文魚

喺深水埗搵食，見未試過，又見佢多左選擇，所以諗住幫襯下啦！明明見佢仲有好多4人枱（可分為2人），就因為我得一個人，就唔安排我入座，叫我等下先，當時未夠一点，食個飯半個鐘內完成啦，我食飽都未必有客到啦，咁嘅經營手法，繼續撐吧！唔食未必係我損失😝

平時去深水埗食嘢已經留意到呢間小木屋裝潢嘅西餐廳，今日同朋友行完西九龍中心就過嚟lunch ，一入去員工已經問有無book 枱🫢我哋Walkin好彩咁岩有位，但限時一個鐘，朋友話夠時間食就照入去！ 我叫咗「蒜片欖油炒蜆意粉」蜆嘅份量好多，意粉口感夠彈牙有嚼勁👍🏻👍🏻証明煮嘅時間岩岩好，再加埋有少少微辣食落去特別醒胃，好食😋反而杯凍檸茶就麻麻。而朋友叫嘅油封鴨髀配紅酒汁+黑松露薯蓉，賣相擺盤高級，但我無食過不予置評😛

深水埗平民價西餐  之前有朋友同我講過呢間1968 Bistro好食，今次我就去試下lu~鋪頭細細，但係都幾舒服，午市有套餐，平均$7x-$8x，包餐湯或者飲品，仲免加一！呢度既食物質素唔錯，湯同埋食物都好食，而且佢既餐牌好似定期會有啲唔同，可以試到唔同嘢！    1⃣️溫泉蛋卡邦尼意粉（$68） 首先是日餐湯係意大利雜菜湯，都幾多料，有洋蔥、蘿蔔、蕃茄、等等，酸酸地幾開胃😋  主角卡邦尼意粉好有驚喜🤩面頭有一粒溫泉蛋，將啲蛋汁撈落意粉到食好正～蛋汁好多好豐富，再加埋本身佢地既卡邦尼醬汁都幾creamy，食落好正🤤意粉質地係有咬口偏硬既，而且好掛到啲醬汁，每一啖都係享受黎😍  

去深水埗做完嘢好肚餓搵嘢食，無意中喺OpenRice搵到呢一間，就gogogo!睇menu見到啲圖好吸引同埋價錢都絕對唔貴所以就叫咗幾樣嘢食。對唔住由於當時太肚餓嘅關係所以冇相機食先😂叫左煙三文魚蜜糖芥茉醬pizza、自家製黑松露薯條、同埋地中海烤雞。Pizza係薄底！食落脆卜卜同埋每一塊都足料，一個都有8塊咁多。個薯條係新鮮炸起，超級好食熱辣辣脆卜卜！配埋個自家製黑松露醬冇得輸🥲好食到停唔到個烤雞就分別係有一件雞髀同埋一件雞胸，唔算好滑但係亦都唔鞋。配菜仲有芝士焗薯仔，同埋黑松露薯蓉🤤嗌咗兩個晚市套餐仲有兩杯嘢飲，最後埋單都係total $300。呢個質素如果喺旺角尖沙咀銅鑼灣呢啲地方食應該會貴幾倍😆所以一定會再返嚟食過！

📱上午經OpenRice app訂坐，預約了即日星期日中午，過程輕鬆，預約的話較大機會有寬敞的卡位😁🍴🍴🍴🍴🍴🍴🍴🍴「午市套餐」好似無分平日或週末🫢跟配是日餐湯 或 餐飲，如果想要晒餐湯及餐飲，就要加錢。🍲是日餐湯 <忌廉周打蜆湯>之前就飲過這家的南瓜忌廉湯，但這款湯都是第一次飲。首先，色彩斑斕，個容器好別緻，用個大咖啡杯盛裝。睇得見得材料，有甘筍粒、西芹粒、洋蔥粒和幾隻蜆肉，入口感覺到薯仔微粒和澱粉質。味道方面，好味的，飲緊都唔覺，飲完就覺得有點咸，要飲啖水，再食下道菜🤪🍛<油封鴨脾配紅酒汁及黑松露薯蓉 $98>我再光顧的原因！👍🏻鴨脾好淋，少少咸味，幾鮮！薯蓉中有薯仔和黑松露細細顆粒，口感幾真，不似沖粉的。味道幾香牛油和松露，不膩，但就幾咸 🥲<紅酒燴牛肉飯 $78>牛肉和胡蘿蔔口感好淋好入味，個汁拌飯又好正。牛肉量、飯量都足夠。<溫泉蛋卡邦尼意粉 $68>忌廉、洋蔥、煙肉片碎、溫泉蛋意粉係西式煮法，偏硬身味道層次可以多啲，食多兩啖會有啲膩。<青咖哩雞肉意粉 $82>因為我個人對這卡邦尼意粉有少少失望，

同朋友好耐冇吹水，就去呢一間深水埗小店試試。店舖面積唔係好大，但裝飾可愛，黃色燈光，播住light Jazz BGM。氣氛一流！我哋七點前去到，但已經有幾台食客，睇嚟生意不錯👍🏼好快，我哋就點咗兩個set dinner：1) 蟹肉慕絲意粉（$128）非常好食！落足料。無論係意粉，定係蟹肉，加上白汁，味道配搭剛剛好！即使我哋傾傾吓，已經攤凍咗，但依然冇腥味，相信蟹肉都幾新鮮！2）千島海鮮pizza（$128）最鍾意薄底pizza ！同意粉一樣， Pizza上面嘅料好足夠！試過食其他餐廳，千島汁太甜太濃太多，搞到個餅底濕粒粒。但呢間掌握得剛剛好！唔會太少唔夠味，又唔會over!我點咗一杯給Flat white，賣相滿分可打卡之餘，亦欣賞佢溫度剛剛好，不會燙口，但也不會太凍！

0係呢頭真係好少食西餐, 見食評好像寫得不錯, 咁岩又0係附近, 便前來吃個晚餐; 沒有周打蜆湯有點失望, 我們點了晚市套餐,  餐湯只有一款"蕃茄忌亷湯" 配上一塊小小烘過的小土司,  值得加分的是片牛油, 自家製加了點調味, 令麵包更好吃, 主菜來了, 友人點的是紅酒燴牛肉飯, 如果擺盤能加入少許蔬菜(如西蘭花甘筍之類), 看起來會更令人垂涎, 現在給人感到像是碟頭飯, 味道正常!  而我點的是龍蝦汁海鮮意大利燴飯, 先談賣相看來不錯, 但一看便知不像龍蝦汁, 顏色太淺, 海鮮是雪藏的沒味道, 飯硬度控制幾好, 可惜食物質素和味道出了問題~

好幾次路經小舖，都未有進入，今次與太太再次路經，就入去試試吧！餐廳唔係好大，我差不多六點進入，竟然剛好只剩返一張枱，其他的除在進餐中，就已訂了枱。真係估唔到咁旺場。場內裝修都好好，需唔算什麼時興文青feel，但都不似一段茶餐廳、冰室格局。所以環境都滿意，枱與枱距離可接受；服務態度都好好。食物質素：湯：南瓜湯 (味道唔錯，麵包就熱、但個人覺得無夠濃。因我見其後出黎嘅都有多士感覺)主菜：龍蝦汁海鮮意大利飯 (非常滿意，飯感一流，龍蝦汁都好正)                油封鴨脾配紅酒汁及黑松露薯蓉 (基本上無得輸，鴨脾好淋、黑松露薯蓉好夠味)甜品： 熱情果芝士餅 ( 啲個就一般)總括，食物質素真係非常滿意，比得上大餐廳。價錢又合理。我見好多人都叫薄餅 ，相信我一定會再黎幫襯試一試。

餐廳其實有啲唔起眼，因為位置麻麻，佢之前仲有間大茶餐廳。內部裝修真係一入黎就有種好靚嘅感覺，雖然天花好多野都比較外露，但裝飾都搶左重點，所以簡約得黎真係幾好睇午餐餐湯係南瓜湯，用咖啡杯裝好精緻嘅賣相，不過內涵差啲，南瓜味被鹹味蓋過，濃稠度就適中温泉蛋卡邦尼意大利飯温泉蛋唔錯，蛋黃部分熟左啲，冇流心。卡邦尼由蛋黃、煙肉同巴馬臣芝士做成嘅汁，而呢個Risotto相反只係一個忌廉汁，所以可以省返啲字要讚佢個飯依然係有嚼勁，唔係迎合港人口味果種爛飯鹹度剛好照燒汁三文魚薄餅上枱好香好靚，色香味俱存，不過餅底唔煙韌，似餅乾底多啲，至於味道非常唔錯，照燒汁同蛋黃醬嘅日系風好突出咖啡好香，唔係集團用嘅捷X豆，就算凍左都好飲

黎深水埗通常去電腦城，不過小仙子話今次唔係黎搵”腦”🤣係搵食！帶左小🐷去到汝州街一間西餐廳，門口係木系風格，座位寬躺，被安排到卡位位置😙見a la carte好似吸引D，就唔叫set dinner😚點左法式鵝肝多士($13x)🥪份量好足，有2大塊鵝肝！鵝肝煎得好香，夠厚👍🏻好滿足！另外點左牛油果蟹肉慕絲意粉($10x)，好多蟹肉，有牛油果嘅香味🥑食西餐梗係試試個牛扒😜叫左Angus Beef Rib Eye Steak ($22x) 🥩 賣相已經好吸引，表面煎得好香，肉質淋但仍有咬口，有驚喜👍🏻呢個價錢有咁既分量同質素算 CP值高😉食到中段已經full house，有興趣既朋友建議預先book位😗

今次喺我第2次食，帶另外兩個朋友嚟食，食物環境都唔錯！ 朋友話肉眼扒比起我哋之前食嗰間呢間好食啲！侍應生嘅服務態度都唔錯，會繼續介紹唔同嘅朋友嚟光顧，最主要喺冇時間限制，呢嗰值得一讚！

因為要在深水埗take course ,所以決定就在此區覓食！門面看以為餐廳的面積很細，但偷望後，覺得也不是很細😅門口放咗幾個廚師公仔做招牌，幾可愛😁，侍應告訴我知道，用膳時間只是一小時，所以用最快的速度落單（甜品最後才order)!可能時間尚早，好幸運地坐在舒適的沙發上😄由於我不是太肚餓，所以order 燒雞沙律🥗，對我而已，份量剛剛好，但如果多一點菜更加好！朋友喜歡食Burger 🍔，所以order 牛肉芝士菠蘿漢堡, 他特地移開cover 的漢堡包皮，看看每一層的layer,覺得這樣切來一口口的吃，真的不錯，口感很特別😂😂！最開心當然是廚師可以在甜品上寫上”Happy Birthday “😁😁

今晚係深水埗西餐廳食晚飯、食物有水準、中等價錢，試左晚市套餐，龍蝦海鮮意粉普通d、個汁都有龍蝦味、安格斯芝士菠蘿漢堡包有驚喜、牛肉Juicy、菠蘿煎過唔係就甘放落包度、薯條係手切有鋸齒嗰隻、幾有誠意。

今日請左假休息一下, 無特別安排節目, 臨時興起想EXPLORE下有無D咩新既食材店可以去逛逛, 唔使行死嗰一兩間, 尤其美孚有一間我好鍾意❤️既, 之但係美孚真係無野好食, 好多時都會因為唸唔到食咩而最後決定都係唔去喇。就係咁搵左一間位於深水埗既食材店, 最特別之處是它們有蛋糕🍰寄賣(不是急凍那種), 我呢個甜品迷當然立即心心眼😍, 二話不說就決定在深水埗晚飯。揀左呢間無中場休息同食評不錯的1968 Bistro 。大約下午5點半到達, 餐廳供應晚餐。我地都揀左晚市套餐。嗌套餐可加$28將餐飲轉mocktail, 我地叫杯香檸荔枝梳打。先來餐湯同餐包, 唔係每一間提供餐湯的餐廳都會跟埋餐包, 所以每次見到呢個組合就會有小驚喜, 覺得餐廳有誠意, 想給客人更良好更完整的用餐體驗。更加分的是1968 Bistro的餐包仲有配埋牛油🧈。最重要的是每一樣食物無論湯, 包, 牛油都是有質素的。飲品也不錯, 甜度適中, 味道唔假。牛油果🥑蟹肉意粉 - 我覺得餐廳應該要將呢個意粉加兩個字-忌廉 -落去, 忌廉先係呢個意粉既主角, Carbonara 的做法加入打成蓉的牛油果做成的醬汁, 好味既, 不