18樓雞煲火鍋專門店

营业中

休息中

We go to an all-you-can-eat restaurant for chicken hotpot and hotpot. The restaurant is big, each table has its own private corner. Customers can take vegetables, drinks, and ice cream on their own. Other food can be ordered through QR code and the waiter serves by the table. The chicken hotpot is not too spicy and yummy. For hotpot, there are many choices of food, pork, beef, chicken, lamb, shrimp, fish, and shells. Also, there are many choices of balls and dumplings, all of them are yummy. All

朋友生日，揀咗18樓雞煲慶生，任食2個鐘，食完雞煲再打邊爐。外面已經有唔少人等位，所以一定要記得訂好位先。餐廳環境夠大夠空曠，而且抽氣做得唔錯，唔會有一陣陣打邊爐味。我地叫咗A餐，係雪花肥牛同特級肥牛，B同C餐就會貴啲啲，但係可以食到更加高級嘅牛肉同海鮮。雞煲亦都可以揀辣度。埋位後好快就上咗雞煲，已經熟得七七八八，所以煮番熱啲就食得，落咗唔少配料同醬料黎醃製烹調，非常入味，而且雞肉嫩滑。附近仲設有湯料區，食完雞煲自己倒湯打邊爐。配料係掃QR code落單，一般打邊爐嘅料都有，而蔬菜就可以自己出去拎。上菜非常快，真係嚇咗一跳，俾大家睇下我地有點到嘅配料～肉類好新鮮，紋路清晰，煮完後都非常鮮嫩，特別推薦雪花肥牛！飲品同雪糕都係自己出去拎，有特製嘅綠茶同冬瓜茶。

一入到餐廳等入座見到全部都係卡位，已經覺得好闊落，唔洗好似食一般放題咁同隔離坐得更近，出出入入都驚撞同人。可能我地早去到，兩個人俾咗四人位我地。雞煲分咗套餐A、B、C，內容係肉嘅種類有分別同多啲海鮮，價錢最平同最貴相差一百蚊左右，不過因為第一次試，所以試下套餐A。.套餐A $178(1900-2129) /1位雞煲可以揀大中小辣，因為未食過穩陣啲揀咗小辣，雞煲份量應該有半隻雞，肉質夠鮮嫩，佢嘅小辣應該同譚仔嘅三小辣差唔多，所以唔係好食得辣嘅朋友都可以食到小辣。食完雞煲就可以自己加湯開始打邊爐，因為小辣覺得唔夠辣，可以叫店員加辣。我地叫最平個套餐，但肉類都有5-6款，火鍋配料都有唔少選擇，魚、蝦、各類丸等等，相當豐富，另外可以拎蔬菜盤、好多種類嘅飲品、軟雪糕等等，選擇相當多。

以前去過荃灣間18樓雞煲，基本上係街知巷聞，估唔到旺角都有一間~旺角呢間行港式風格，有好多懷舊嘅裝修，又幾盞鬼！我哋揀咗套餐A $178加一，可點雪花肥牛同特級肥牛。落完order雞煲好快就送上嚟~見到濃濃的醬汁，經典嘅辣椒同紫洋蔥調味，迫不及待要夾返件！入口好似有陣南乳味，但anyway雞件嫰滑，味道濃郁，極之惹味！！真心有啲嫌唔夠，想狂食雞煲！！食完開始打邊爐，隔住個mon都feel到煙霧瀰漫，熱騰騰的感覺~嗌咗好多餸，乜都嗌啲，正！雪花肥牛好好味，入口即融，我可以狂隊肥牛，超抵食！呢到嘅嘢飲好正，有冬瓜茶、冷泡綠茶，好清新，唔洗飲埋啲汽水咁唔健康！仲有雪糕供應，有雲呢嗱同乳酪味，仲可以加好多配料，我就加咗彩虹條同杏仁片，另外仲有椰果之類嘅選擇~

名符其實嘅《18樓雞煲火鍋專門店》選地址都咁岩又係十八樓 真係想唔識去都幾難～🔖地表最強雞煲自家調製嘅雞煲醬汁惹味 微微麻辣嘅麻痺感卻不會掩蓋了雞肉的鮮味雞肉嫩滑 份量適中 加埋辣椒、洋蔥更加香濃食到七七八八後 便可加湯轉火鍋今次揀咗嘅套餐算中價 牛方面多小小選擇 有雪花肥牛、特級肥牛、美國安格斯牛肩脊海鮮則有廣島蠔、手打蝦滑同扇貝仲有其他任食嘅火鍋配料 同埋雪糕添ପ(◍˘ ꒳˘)/

雞煲揀左小辣，味道夠野味，我個人覺得吾太辣，可以叫中辣。之後，我地scan QR code，揀打邊爐材料，每張枱都有一支雞湯，加入鍋內。我會推薦飲佢地既冬瓜茶，味道唔錯，不會太甜。

雞煲連火鍋兩食一次過滿足哂。 今日跟朋友到旺角18樓了。職員服務態度不錯 如帶位、上菜速度、收拾這裡環境寬大，座位寬闊，食物都是手機落單，飲品自取。 先上主角雞煲，點選微辣，滿滿香濃醬汁但味道沒有過於嗆口，雞肉嘅多汁也嫩口完成前段段便可食火鍋了！ 食物中有雪花、特級肥牛、西班牙黑豚腩片而朋友也點了多次豬紅、脆鯇片也贊好 而各式各樣的蔬菜、韓式及自家製如桂花烏龍、冬瓜茶 飲品類、Yogurt等等就在視線範圍內。 地點就在鬧市中的旺角創興廣場，甚為方便。

疫情受控 又可以出動搵食啦今日就黎到旺角打邊爐唔想打邊爐烚下烚下咁寡於是就揀左食雞煲 呢間18樓雞煲場地夠大等位都無咁耐自從疫情 好多任食類型嘅餐廳都係用QR code落單值得一讚係Menu圖文並茂 除左較衛生亦較方便 唔駛再不停除罩帶罩食物方面選擇多除咗豬牛雞 丸餃類 更加有海鮮 飲品，菜，醬料，雪糕就要出去自己拎 大部份都係罐裝飲品同埋支裝茶 手沖茶菜都有6-7款俾大家揀入座後大概5分鐘 雞煲就到喇 好快呢雞件切得大件 唔會有碎骨雞肉非常之滑同埋啖啖肉食完雞煲之後每一張枱都有一壺湯給客人自己加湯打邊爐雖然睇相都覺得特級肥牛俾雪花肥牛肥但係都試一試呢碟係特級肥牛食落牛味冇咁重而呢一碟係雪花肥牛明顯地肥嘅比例爭好遠雪花肥牛肉味濃郁而且冇咁肥雪花紋平均 非常之高質另外呢度嘅份量都係以件數落單多就算份數計嘅 一碟都唔會太大份啱晒眼闊肚窄嘅客人食完肉就食咗啲海鮮包括水魷同魷魚鬚另外今日嘅是日海鮮係聖子仔水魷淥大概一兩分鐘食起上嚟爽口魷魚鬚口感比水魷軟糯聖子仔煮到開殼就食得勝在冇沙 而且鮮甜最後唔少得我最鍾意嘅花膠花膠都算洗得乾淨 只係得見到嗰一粒沙啫放入雞煲索晒湯汁 煮到淋透就食得另外呢間雞

前一晚book咗呢間雞煲 之前都有食過一兩次印象中佢係OK所以再嚟海蝦好味👍🏻特級肥牛好味👍🏻乳酪雪糕好味👍🏻雞煲偏鹹 其他食材就味道唔差 無乜特別響鈴卷超大個 味道麻麻娃娃菜 金菇同啲豬都唔好食🙁但下次想食雞煲會再嚟😬😬

呢間雞煲都幾出名，而且價錢好似都唔貴，平平地想過雞煲癮，揀佢真係最好不過！入座時店員會先問你雞煲既辣度，雞煲份量適中，唔驚食完會飽左食唔到火鍋料。雞煲好惹味，配菜更加係精華，吸晒雞汁超好味，當然如果有配菜唔食就記得同店員講啦。  雞肉嫩滑，雞肉一定係雪藏雞，但好在無雪味。食完雞煲就打邊爐啦！款式非常多，基本既牛肉、豬肉、雞肉、丸類一定有，而且選擇多，完全唔洗驚諗唔到食乜。海鮮類都有好多款，海蝦、魚肉等，最好係可以按數量上，就算朋友唔食蝦，都唔驚叫太多食晒。炸蝦片幾有趣，味道都唔錯。 炸魚皮一樣脆。呢粒炸芋丸好食，必叫！飲品選擇多，想健康少少，可以揀佢地既自茶飲，味道唔錯。仲有雪糕可以食。整體味道不錯，呢個價錢直頭係超值！

聽人講18樓雞煲cp值高，平得來又幾好食，於是就同朋友去試下。去到餐廳，裝潢都幾港式，以neon light做signage, 又有香港風格的塗鴉墻，環境幾舒服。我地揀左A餐，一開始就係食雞煲先，要左小辣，調味比較重口味，所以雞都好入味下。 KO左一半雞之後，我地就即刻落湯轉邊爐，火鍋配菜選擇都唔少，而且每一份都細細份，咁就可以試多幾樣，試到中意嘅先嗌多啲，咁就唔驚會浪費啦，最驚就喺嗌左唔中意嘅配料要硬食。真心要讚賞肉類！豬牛雞羊都有，食得出係新鮮嘅，牛肉同豬肉放落邊爐煮完後，唔會被湯底搶味，依然好重肉香，肥瘦啱啱好，肉類素質幾唔錯，所以呢個價錢任食認真抵！海鮮嘅選擇雖然唔多，但啲蝦都算大隻，淥完都無大縮水，食落亦無冰鮮味；雖然其他配菜嘅選擇唔算好多，但佢真係正在食材新鮮，試左炸魚皮、淮山、蓮藕、豆腐、豬紅等等配料，水準都唔錯！不過呢間都喺主攻食肉類。野飲方面，都幾多選擇，酒都可以order，不過見到有我最喜歡嘅冬瓜茶，梗係要試啦！果然無令我失望，因爲我真係好驚冬瓜茶會好甜，好似落左糖漿咁，但呢個嘅甜度我覺得係ok！食辣辣地嘅野，有冬瓜茶中和下，啱啱好！飯後甜品有軟雪糕，我就試左綠茶味

始創呢邊勁多好嘢食，之前試過同一座嘅雞煲，今日又要試吓第二間先🤣一入到去好懷舊嘅香港風味，啱晒打卡！嗰個位都好特別，啲霓虹燈好懷舊喔！！！有啲卡位喺窗邊，仲可以睇到風景添啊👍🏼👍🏼佢係QR code點菜，飲品雪糕醬油就自助嘅！！上菜速度快，而且齊👍🏼staff友善，執碟都快㗎唔會推哂啲野係枱！我哋都怕辣，所以叫咗bb辣🤣好濃味，而且少少辣啱哂我地！雞數目都多㗎，2個人估計有半隻雞，好嫩好食！飲品方面，我地由於鍾情於桂花烏龍，同怕熱氣，所以拎咗2種返黎試！桂花烏龍相對茶味唔算濃，清清地！反而冬瓜茶就飲完再飲！！甜味十足！好飲👍🏼👍🏼👍🏼😍食物方面，我個人覺得響鈴，同肉類都係滿意！！好新鮮！！唔會好梅，無騷味👍🏼而且肥瘦均勻，好正！！到甜品，記得留肚食！！！佢嘅雪糕係世界級🤩又夠凍！抹茶味夠哂，而frozen yogurt 亦都酸酸地，啱哂消肥膩！真係放題界少有嘅高質👍🏼👍🏼👍🏼👍🏼真係記得要食！！！！

18樓雞煲真係好受歡迎，平日晚上人頭湧湧，還好可以遙距取票。今日選咗少辣嘅雞煲，雖然對我嚟講係辣咗啲啲，有任飲嘅汽水所以無問題啦。食完雞煲自助加湯呢個安排我覺得真係超讚，你想幾時加都得，加幾多又得。大量湯壺係自助區大家唔洗愁。自助點餐真係好方便，可以點自己嘅份量又係好好，一粒兩粒丸咁落單，絕不浪費。仲可以食好多款餸。推介雪花肥牛，花膠，海中蝦，芝士魚蛋，爽脆墨魚鬚。飲品方面除咗汽水仲有冷泡茶，桂花烏龍茶係最搶手，苿莉綠茶都唔錯。呢個雞煲火鍋放題仲有埋軟雪糕做甜品，真係非常超值。

假期最後一天，要食個🐔煲儲備工作能量先！黎到旺角18樓雞煲，見到都幾多人，幸好訂左位。入到感覺好特別，仿佛走進大街，見到不同餐廳名，甚至戲院名。尼度有三套餐選擇，同友人選了套餐安格斯牛，兩小時任食雞煲火鍋。坐低後，不消2分鐘雞煲到，開火🔥煮，香噴噴的，好快就食得，雞肉嫩香，微辣，見落左唔少調味料，好香。食左一半雞煲，用手機點餐先，種類多，各樣海鮮，各類肉類，蔬菜類。點左響鈴，炸魚皮，牛肉，豬肉，蝦。食完滑雞，加翻雞湯先。炸魚皮夠脆，牛肉肉香嫩。蝦肉鮮甜，肉質爽口彈牙。蔬菜和飲品方面，以自助形式自取，放係凍櫃裡面，好整齊。飲品選擇可多了，啤酒，桂花泡茶和冬瓜茶都有。冬瓜茶味道不錯，桂花淡香。甜品方面，🈶扭紋軟雪糕🍦，朱古力同雲呢拿。食客自己可以自製自己鐘意既口味。炸香芋，軟軟的，芋香四溢。整體而言，性價比高的雞煲火鍋之選。

#confidante_foodblog旺角覓食極上澳洲和牛套餐C $238味道：🌟🌟🌟🌟回頭：🌟🌟🌟🌟雞煲嘅份量好多，我地嗌咗小辣，雞煲嘅醬汁好惹味同花椒味好香！調味啱啱好，唔會太鹹～同埋越食越辣真係好過癮，令人會有一口接一口嘅衝動，完全停唔到落嚟。🥵食完雞煲就可以自己加湯開始打邊爐，火鍋配料需要掃QR code落order。一嚟我地就食咗今餐嘅主角澳洲M5和牛同美國安格斯牛小排，好重牛味同好新鮮，質素的確係幾好！不過海鮮嘅質素就麻麻啦，唔太新鮮。🥲同埋我地第一次落order嗌咗六條台腸，點知送到上嚟得個一條⋯第二次再嗌咗六條台腸，送上嚟先有四條⋯明明個段時間都唔太多人，呢個漏單問題的確改善下喇。☹️店內仲有提供自家製響鈴、多款自家製茶、自助雪糕機比客人選擇㗎～個人認為自家製茶嘅茶味比較淡，好啱啲鍾意茶味比較淡嘅朋友仔。今日雪糕口味就有雲呢拿、朱古力同鴛鴦（雲呢拿+朱古力）比客人選擇。總括而言，呢個價錢可以食到靚牛，真係好抵食！🤩服務態度 ：🌟🌟🌟有啲店員服務態度真係一般般，店員有時不時主動問，幫手收碟同嘢飲罐，不過整體上服務態度都幾好嘅～👍🏻環境：🌟🌟🌟🌟室內座位我地就坐咗卡位，唔會