龍鳳店

营业中

休息中

經過元朗，試了間好有特式的蛋治本來海膽控既我，當然想試海膽醬燒牛肉蛋治，點知賣晒了。我們點了蟹膏蛋治，芝士肉鬆蛋治。淨睇價錢，都覺得點個蛋治都50-60元有點貴，但食完之後就會覺得呢個價錢係值得付。特別推介個蟹膏蛋治，切開面層厚厚的的雞蛋，下面全是蟹肉，係啖啖肉，仲好好味這種特別既整法，並唔係普通茶記既一份蛋治另外要提既係小店既特式奶茶，分別了不同口味。我們點了伯爵奶茶和玫瑰奶茶，都沒有令我們失望

It is a pretty famous shop in yuen long.Last week, I occasionally passed by this shop and I was a little bit hungry that time, I sat down and ordered some food. It was a small shop with less than 10 seats only.It was the famous egg and eel sandwich. The eggs were very smooth and well-cooked. However, there were too much mayonnaise that we cannot feel the taste of eel fully. I recommend more eel can be added and less mayonnaise can be applied to make it taste better. Overall, it was okay.

💛兩個人食，見到ig所以去食，雖然未到想像中咁好味但純粹個人喜好幾鍾意（可能因為有炒蛋同賣相），就小店而言幾好，一人一碟但都食得飽（視乎個人食量），咁啱去到就有位，叫咗鰻魚蛋治同巴馬火腿蛋治，兩塊麵包夾住啲嘢，上面係蛋同其他配料食物：- 賣相幾好（成碟幾grand，啲蛋上面嘅配料灑到好似法式菜咁，同埋啲蛋炒得好靚，雖然間餐廳出面張menu影得麻麻）- 味道都ok（啲蛋質感幾滑，但啲醬重味咗少少）👉🏻鰻魚蛋治 $40賣相幾靚，味道重左少少但都ok，上有紫菜粉，入面應該仲有啲醬，嗰配搭幾好，好似幾抵食咁👉🏻巴馬火腿蛋治 $48賣相幾靚，味道有啲咸（不過因為係parma ham)，上有芝士環境：- 有啲細間（堂食得店内一張枱四個位，如果人多可能要等）- 但冇咩衛生問題

之前openrice見到，今日終於有機會試吓。小店...真係好小，一張枱4張櫈，去到已坐滿人（其實得兩枱客）😅唔緊要等一等😋點咗鰻魚旦治加芝士。不嬲對呢啲卓頭嘢無乜寄望，但今次俾到我驚喜，外表不用多説～吸引，加芝士本以為加入入面拉絲，點知只係topping有少少預期落差，不過用上煙燻芝士，所以芝味都不錯👍🏽蛋很滑，廚師工夫到家，唯獨蛋味不夠，是用料問題，如用上靚蛋就perfect😋鰻魚是他們的招牌，來貨的鰻魚無特別可言，不過他們加咗木魚碎，增添了不少風味👍🏽期待下次試其他口味😋

呢間龍鳳店一向係元朗街坊入邊都好出名，有啲人會特登入去元朗食😍 佢最出名嘅就係佢嘅蛋治，店舖亦都自稱佢為瀑布蛋治！各款蛋治尤如其名，一座山咁嘅炒蛋鋪係多士同埋餡料上邊，真正要用刀叉食嘅蛋治！今次就揀咗最出名嘅瀑布鰻魚蛋治，首先最底層係一塊多士，鋪上香香嘅鰻魚，最後就係大量有如瀑布嘅炒蛋！真係要用刀叉先可以食到。至於味道方面就好香蛋味，鰻魚味都好突出😍飲品方面呢度有樽仔奶茶，味道方面都有幾款。有無糖少糖原味！ 仲有伯爵奶茶添！我叫咗啲伯爵奶茶，奶茶好滑，伯爵茶味同埋奶味混合得剛剛好！

今日約了朋友去剪髮，順路在元朗吃飯。元朗真是一個多元化的食區，非常多的選擇，作為蛋控的我當然要吃跟蛋有關的食物。這間龍鳳店在元朗都頗為有名，是因為其特色蛋治。我選擇了皮蛋肉鬆的蛋治，朋友則選擇鰻魚蛋治！一送到桌上，即刻被它的外形吸引，真是超多蛋覆蓋整個三文治，蛋上撒上了超多的青海台，為蛋加上一點的鹹味，個蛋好像吃滑蛋般綿滑，應該有用牛奶或忌廉，因為吃完整個蛋治後感到有點膩！皮蛋肉鬆原來是挺夾味的食材，雖然感到有點鹹，但可以接受！而朋友的鰻魚三文治則將鰻魚煎得很香，一入口就吃到一陣窿味和脆的口感，留待下次再試！

因為朋友住附近，所以就揀了這間小店來試一試，還有我最喜愛吃的鵝肝，加在蛋裏面很特別，而且這家還有自製的樽仔奶茶，有得揀甜度，10分貼心👍🏻但我認為天氣涼一點來吃會比較舒服，因為小店經營，座位都比較少，但整體來說會為了食物的質素再來

今日終於嚟到食呢間蛋包治啦，心中充滿興夰，今日終於K.O.左一間eat list 既食店啦💕💕On list左好耐既龍鳳店應該食啲咩好呢？哩度啲蛋好似山泥傾瀉咁❤️鰻魚蛋治一上枱就好吸晴呀救命，鰻魚係切左薄片煎到好香，夾左係兩塊麵包中間with沙拉醬既，再鋪上啲留心蛋，多重味覺嘅享受❤️三重芝士蛋包治係用咗三種唔同嘅芝士炒蛋，味覺衝擊都幾強勁，不過略嫌啲芝士味去到拉絲嘅狀態，如果多啲芝士就最好啦，不過淨係賣相已經贏晒既

我呢個蛋控一開始見到有人介紹呢間個時，就好想即刻去食啦！終於俾我試到～～要搵呢間都有小小難度，唔熟悉元朗既我，都搵咗一陣！係一間小小小小店～～有四五個座位到，我個日黎到係平日都唔算蛋人啊～一坐低就點咗呢個鰻魚味既瀑布蛋治！哇！一上枱我真係心底裡哇咗一聲～啲滑蛋好滑，顏色好吸引，我呢個蛋控真係好興奮🥰即刻試咗啖，好好味啊！蛋同鰻魚仲有塊麫包好夾原來雖然好似好細舊咁，但食完都有啲飽架！真心可以值得一試

之前已經有留意過呢間"龍鳳店", 因為佢係openrice 都有好多正評，加上又睇過編報道話店主好用心經營呢間小店，d 野即叫即整，熱辣辣。今日黎元朗搵食，特登黎試試呢間小店。龍鳳店應該係做外賣居多，因為舖面細到得一張枱兩個位，好在當時無其他客，所以我同朋友可以坐低堂食。我地嗌左招牌既"饅魚蛋治"($40) 同埋"少甜伯爵奶茶"($25). 蛋治即叫即整，賣相吸引，送到上枱仲出緊煙。d 蛋炒得岩岩好，加埋d 鰻魚同包，意想不到咁夾。奶茶方面甜度適中，茶味濃，其他味道都好似好正，下次可以試下。小店店面雖小，老闆友善，招呼熱情；食物質素不錯，值得再黎！

這是一間只有幾個座位的小店，最大的賣點就是蛋治，價錢是$38-68。其次是特色的樽仔奶茶，例如有泰國手標奶茶、馬騮搣奶茶和玫瑰奶茶等等罕有的味道，價錢是$20-32。還有賣其他的小食，例如腸粉、燒賣和魚蛋等等。第一次去的小編與友人共2人在炎熱的下午來到店前，熱到全身濕透的等了10分鐘左右，終於坐下了。看看菜單，原本以為大約$40左右吃個蛋治都已經算貴，沒想到小店賣的最貴是$68(牛肉或鵝肝)。那小編就要個中位價的鰻魚蛋治($40)，看上去應該是用了大約3-4隻蛋製成，蛋是很滑，但不是很香；裡面的麵包變得很濕軟，所以存在感很低；鰻魚的份量合格，應是現成貨，所以味道都是不過不失。不知為何非常喜愛奶茶咖啡的小編當日沒有試到那麼有特色的奶茶，所以下次應該還會再來，而蛋治的話就不會了，但未試過的人可一試。

做完野肚仔餓揾食時間， 車左個客落元朗先至六點幾， 時間重早天又未黑唔想食晚餐， 我地兩個蛋精就碌左去呢度食蛋治， 之前返學經過淨係識食三重芝士同吞拿魚蛋治， 我老闆話識食一定係食鵝肝蛋治， 另外再叫多份鰻魚蛋治， 呢度個蛋唔係夾入包咁行貨， 有圖你睇瀑布式堆到成座山咁， 唔講以為係蛋包飯，其實係蛋包治， 重有出名樽裝系列，奶茶咖啡都沖得好飲， 生酮ga我唯有破戒啦！下面呢個係鵝肝蛋治再黎就係鰻魚蛋治，面頭會落小小鰻魚醬同埋紫菜粉飲左個走糖奶啡鋪面放置左一幅百爵茶盒做磚的牆以下都係餐牌同價錢 價錢方面其實唔算平，但係唔知點解總係會想走黎食，店面方面佢只係有一張摺檯坐就一定唔舒服。不過咁我地都食左好多次喇，哈哈

龍鳳鰻魚蛋治🥪 $40龍鳳店舖頭細細 堂食嘅位置得幾個但係佢食物款式嘅選擇都唔少嫁😉不過鐘意食鰻魚嘅小編就梗係揀鰻魚蛋治啦～份三文治一拎到手就超吸睛👀係金黃瀑布蛋🤩面頭仲灑左海苔添一切開 OMG 就係小編最愛嘅鰻魚❤️蛋整得夠滑 蓋住麵包令麵包都變得濕潤鰻魚質素就普通啦 都預左份量黎講 其實唔會話食得飽🤔所以覺得個價錢有點小貴但老闆好親切 係值得支持嘅小店😆

龍鳳店 is a local restaurant in Yuen Long, famous for their signature waterfall omelette sandwich, which reinvented the concepts of sandwich for me!I was very surprised when my ordered was delivered. It was nothing like what I expected, as I didn’t see the photos inside the restaurant. It was like a plate of scrambled egg instead of a sandwich!But it was so so good! The scrambled egg was so runny and delicious, together with the smoked cheese I topped up for. Thin slices of bread were wrapping eel

黎呢間食過佢既鵝肝蛋治（$68）同埋龍鳳鰻魚蛋治（$40），今次再黎翻炒🤤舖頭位置比較少，堂食只有4個室內位同2個坐路口既位，熱天既時候坐路口位就會比較熱🥵,但係都無阻我對呢間舖頭既熱情！😍價錢中規中矩，絕大部份用係食材而非舖租💸！冇諗過蛋治原來可以成層厚厚既蛋係面，炒得好滑🍳，打卡又靚📷，份量仲好大份！食完即刻想下次再黎🤤------------------------------⭐️菜色推介：龍鳳鰻魚蛋治🥪（$40）我唔算係鰻魚迷🎏，但佢鰻魚煎得好香口，有少少炭燒既味道，加埋本身舖咗係面既炒蛋，食落口感好豐富🤩，性格比極高！👍🏻👍🏻👍🏻