龍鳳店

营业中

休息中

一直話想試呢間貴價材料滑蛋治既小店，平時既芝腿治唔賣，賣既都係貴價野，鰻魚、巴馬火腿、鵝肝🤤🤤今次終於黎到附近可以完到心願😍名副其實佢的確係小店，入面得一張枱比大家坐低食野，同埋長期都係店主一個一腳踢，所以真係要預d時間比店主，趕時間就要考慮下啦😉😉講番野食，今次叫左個巴馬火腿滑蛋治，其實睇得出製作唔複雜，兩塊白面包夾住兩塊巴馬火腿，外面就係大大份靚靚滑蛋鋪上三文治，再灑上椒鹽同埋刨左芝士裝飾。味道上食落就唔太有驚喜，係個滑蛋真係好多好滑，蛋本身調味都冇乜，食落都係一陣椒鹽味，巴馬火腿陣味反而比佢覆蓋左，突出唔到火腿香，老實講其實有d失望同埋性價比黎講完全唔值呢個價🤨所以真係靚靚地用下高質食材吸下睛影下相only（可能鰻魚會好食d啦始終濃味d仲要平d抵食d）

屈隻手指算一算，小弟已有多年未入過大西北地區了....想當年，平均每一個星期都會入元朗跑一趟的。經常很羨慕元朗人，因為元朗著實是一個不折不扣的美食集中地來。從前常入去，為了的都是那遍地價亷物美的小店。一間一間去試，確是爽....久違了的美食之地如今重臨，發現開多了許多從前沒有的小舖。好像這所得到不少元朗人好評的小店便是了....說它是小舖真的沒有錯，基本上它主力是做外賣的，若您要堂食的話，就要像我坐於店外馬路旁的摺椅上....店中最多人點，亦是店的主打，便是那舖上滑蛋的三文治....三文治的饀料千奇百怪，又加蟹籽蟹羔及皮蛋肉鬆的。今夭我點的，是店的其一名物鰻魚蛋....蛋，的確是頗滑溜的，而且也存蛋香。鰻魚用的是來貨，味道也穩穩陣陣。不過將那一大堆濕潤的炒蛋放置於麵包三文治上這一點小弟倒是不敢恭維的 ---- 試問又有誰人會喜歡吃濕漉漉，偏爛的包 ?不過這三文治的gimmick就是這個，但於我而言，這就犧牲了三文治包的口感了....再者，後加灑上去那大量的海苔粉，味實在是大得蓋過了其他所有東西的味道....故嚴格上，這創意極高的鰻魚蛋治是不好吃的....相形之下，後加點的這一小樽樽仔伯

這間小店的三文治很有驚喜，以滑蛋包住麵包再包住縵魚，無論在味道和口感方面也很夾，瀑布滑蛋滑一滑，好澎湃，整體配搭得好出色。下次要試下店內其他蛋治例如鵝肝或蟹膏蛋治。

係附近做完瑜珈，經過呢間小店望到貼出黎嘅蛋治相，相當吸引！又唔想再行去第到食就坐低左啦～Menu雖然好細，但口味選擇已經令我有選擇困難，每樣都好想試下。海膽醬燒牛肉蛋治 $68 |最後叫左呢個。賣相非常靚，望落完全唔覺係蛋治，而係似雙份炒蛋/ 蛋包飯，望落蛋滑之外，橙色的海膽醬都加左好多分！切開估唔到係用薄身白麵包做三文治底，所以唔會太濟太飽，女仔份量剛好，而且索曬個醬燒牛肉個肉汁～肉汁不會太淍又不會太鹹，加埋海膽醬唔知點解會好想繼續食。但我覺得個海膽醬好夠味，加埋牛肉，兩個濃味好似令兩邊味互搶咁。但整體味道、口感、賣相都好好～馬騮搣奶茶 M $25 |成間舖都係不同口味的茶葉罐，決定試一枝奶茶。雖然佢25蚊枝，但茶香好濃，而且就咁雪凍冇用冰，奶茶味不會變淡。但建議選少甜，茶香會更出～呢間元朗小店，主要做外賣，但舖內都有一張細枱，都可以坐低食㗎～對面情侶叫左個鮮油芝士肉鬆蛋治，個男仔係咁話好好食，我聞到都好香～下次再黎試埋先～

失眠的日子黎個美好的早上，嚴重選擇決難症+奶茶控嘅我遇上多款特別嘅奶茶，好想試哂佢（最鍾意試新野）！ 滑蛋包住豐富嘅三文治，幾有gimmick 同好好味，但食完超級飽！兩款奶茶都調配得好好，奶同茶平衡得唔錯，係我鍾意嘅balance, 下次行過要再試其他味！🥰 見到佢仲有鰻魚飯，好吸引的樣子，下次一條友又想食鰻魚的時後可以黎呢間小店試下！龍鳳鰻魚蛋治⭐️⭐️⭐️⭐️⭐️巴馬火腿蛋治⭐️⭐️⭐️⭐️⭐️仲有喜咁多款奶茶，試左伯爵奶茶+少甜雀舌奶茶⭐️⭐️⭐️⭐️⭐️

鰻魚蛋治40元 跟餐加20元有MS少甜馬騮搣奶茶鰻魚三文治加左沙律醬，上面鋪上滑蛋，再加上紫菜碎，味道不錯，鰻魚的甜，沙律醬的酸，配上滑蛋，吃時聞到香香的紫菜味，唔怪得咁多人都喜歡💕我也愛上了MS少甜馬騮搣奶茶，預先造好放在雪櫃，奶茶是滑的，味道不錯👌🏼

之前打算嚟食但次次黎到都冇開門，每次都失望而回。今次終於可以試吓啦！點左個龍鳳鰻魚蛋治 $40切開入面有滿滿嘅蛋漿同埋好多鰻魚，好特別～果然係獨創嘅味道。上面撒滿嘅紫菜粉都好出味，同個蛋嘅味道冇違和感！個蛋唔熟但又唔會太腥，入口嗰個好juicy he 感覺令人齒頰留香~希望下次都有機會食啦！

元朗嘅一間小店 店舖坐位唔多出名特色蛋治 佢同平時食嘅三文治好唔同 面包係被炒蛋蓋住 睇落有D似蛋包飯😌落單後即叫即整~食落好有驚喜😃推介鰻魚蛋治👍🏻鰻魚稍微煎過，加埋沙律醬同滑蛋成件事好夾🤤佢嘅樽裝奶茶都好出名 大家可以一試😀

好鍾意食雞蛋既我，呢間蛋治一路都on list, weekend終於可以黎試一試! 屬於小店，所以只得一張檯，有無得坐就好睇彩數。下午去到既時候都有數個客人，有部份係等外賣，當時店面都有檯客等緊食物上檯。由於只得一個店員，所以都要花少少時間等。等左大約20分鐘，可以坐底落單，叫左鰻魚蛋治，伯爵奶茶小甜，加多份豬皮魚旦。店員會即時整個鰻魚蛋治，一煎個鰻魚既時候係香到流晒口水豬皮魚旦正常，魚旦係陳皮魚旦。伯爵奶茶茶底夠濃，飲落亦都夠厚滑，只係唔太識分伯爵茶個味，跟蛋治餐叫可以減$5。蛋炒得夠滑，面有紫菜粉，鰻魚亦都好大塊泊車有難度，店舖對外係紅van小巴站，而且錶位有限，再加埋有貨車落貨，揸車去既要留意

.📍龍鳳店🐷bookmark左呢間好耐，終於有機會試下🤤🤤果然冇失望，好正！要打尖打左食評先😂🐷係蛋控，乜蛋都鐘意，呢間仲要咁特別，啱曬打卡，開頭以為會唔夠飽，食完超飽—————————————————————❣️鰻魚蛋治($40)🐷鐘意佢嘅滑蛋，入口即融嘅感覺，同鰻魚超夾，鰻魚汁好好食，覺得好幸福~不過食嗰陣要小心d，始終魚有小小骨.❣️鵝肝蛋治（$68）🐷唔好鵝肝的，就覺得好好口感，唔會話太heavy.❣️玫瑰奶茶-小甜 （$25）玫瑰味好濃，🐷見有好多TWININGS罐，應該係用左TW茶葉，所以偏貴。不過下次未必加錢試喇~—————————————————————不專業評分👅好味指數:5/5💰性價比:4/5👍🏻推薦:5/5—————————————————————🏡地址:龍鳳店 (元朗)元朗水車館街66號錦榮大廈地下3B號舖—————————————————————#chuchu食在元朗#chuchu食蛋#香港美食 #hkfood #852food #香港好去處 #hkfoodie #hkfoodinstagram #食好西 #美食推薦 #好食 #tasty #chinesedish

鰻魚雞蛋三文治——好豐富既三文治，鰻魚香口，啲蛋又鮮嫩！不過略嫌鰻魚有少少幼骨，食嘅時候要小心啲，慢慢咬碎啲再食。一切開，有好足料既鰻魚，啖啖肉～～配埋甜甜地既醬汁，好好味～～賣相好得，食落又好味，所以都有好多人黎食～～另一份order左 Parma ham雞蛋三文治，巴拿馬火腿鹹鹹地，同嫩滑既蛋更加夾～～成份三文治好有真材實料，每樣材料都配合得好好～～雖然店鋪好細，得兩張枱，但等幾個字都ok既～～～仲有好多款樽仔奶茶～～

經過普門寺轉右就會見到間細細嘅小店門面唔大，要堂食嘅話都係得兩三張枱好彩星期六中午去唔係好多人老闆直接係門口開左張摺枱比我地坐我地兩個人叫左鵝肝蛋治同蟹膏蛋治鵝肝蛋治 HKD68啲蛋好滑，鵝肝都算大塊，好味！蟹膏蛋治 HKD58蟹籽同上面嘅調味粉同啲蛋一齊食，味道配搭得好好，欣賞老闆會唔根據唔同嘅三文治配搭唔同嘅醬汁/配料入面有蟹膏醬同蟹柳，都幾豐富！飲品方面，飲左豆漿同金銀菊花茶豆漿正正常常，冇乜驚喜，+4蚊就有一杯老闆會提供飲管，環保人士可以提早同老闆講走飲管佢地用即棄膠杯，但唔肯定可唔可以用自攜杯金銀菊花茶偏貴23蚊一支，無甚特別整體質素不錯👍🏻但覺得價錢偏貴可以一試但未必再試

好抵食 $38一大份😋d蛋好嫩好多 不過就唔夠咸囉 但係好彩有條鰻魚救返🍳鰻魚d汁加埋沙律醬真係世界級而且鰻魚既份量係毫無吝嗇 真心好好食💕💕💕💕💕另外再嗌咗Parma ham with cheese蛋治😆 芝士味濃 Parma ham亦有好多好多d蛋既味同嫩滑度就同鰻魚治一樣真係好好食呀 下次去元朗一定會再食！

新正頭拜左幾日年，終於可以自己出黎行下搵食。突然醒起有間bookmark左好耐既小店，一於去睇下開巿未😂係水車館街人流較少，但都算易搵。堂食座位只有數個，想坐低食就要講下運氣喇，另外都有外帶服務。🔸蟹膏蛋治 $58炒滑蛋蓋過整份三文治，上面仲有蟹籽、和式木魚碎同紫菜，未食都聞到好香。滑蛋好嫩好滑，切開後餡料都好豐富！有勁多帝皇蟹柳，仲好香蟹膏味👍🏻三文治講真夾埋一齊就唔多食到，不過啖啖滑蛋加蟹柳口感都好正！可Encore😋＊另有多款樽裝奶茶，下次可以一試😎

今日到元朗無聊逛，想起之前朋友提起的蛋治，便立刻過去看看。小店沒有太多位置，我們一行4人剛坐到鋪內唯一的四人枱，太好了，不用到對面公園食。我們叫了4個蛋治：鵝肝、鰻魚、蟹膏及新出的皮蛋肉鬆，一到便被一大去蛋漿吸引了，很嫩滑，跟入面的味道也配合，但中間的方包被蛋漿吸水過多，變得太淋，我們都覺得口感不太好，可能用厚身的會比較好，不過可能未必做到同樣效果。味道上，鵝肝竟然很合襯，油膩感剛好與炒蛋互相配合，吃起來完全不油，滿意！反而鰻魚則沒太大驚喜，新出的皮蛋肉鬆也很滿意，跟炒蛋相當夾，可能因為我們4個也喜歡吃肉鬆，所以特別鍾情，沒有半點不久違感，大讚。另外，他們的飲品也很特別，我們試了有伯爵奶茶、馬騮搣奶茶及玫瑰奶茶，還有nutella奶茶都很想試，茶葉是很濃，喝出來是自己煲，不是用茶包，味道比例也調教得很適中，不錯。不過要另加$20就有點貴，可能下次未必會再加錢試。整體來說，味道及賣相也很不錯，值得一試，而且價錢由$40起，不算太貴，但份量未必夠男仔食，可能要另加一碟腸粉才夠飽。