龍鳳店

营业中

休息中

聞名而去嘅超大份蛋治賣相真係好靚 試咗鰻魚蛋治同埋鵝肝蛋治整體上有七分可以再encore但係如果一個人食一份就會太漏如果係tea 兩個人share一份就啱啱好小食多滋味另外奶茶有驚喜，試左佢少甜馬騮搣奶茶小甜對我嚟講啱啱好，茶味夠👍👍👍👍

十年都唔入一次元朗難得今次入到嚟一個「新世界」當然要去覓下食先返翻城市😂🧈🧀🍳🥪｜鮮油芝士肉鬆蛋治｜$40｜呢份蛋治真係顛覆我對蛋治嘅認知用一大片嫩蛋cover住肉鬆同方包面頭有少少牛油同燒過嘅芝士個蛋炒得好嫩滑好creamy好好食(˶‾᷄ ⁻̫ ‾᷅˵)加埋香口嘅肉鬆食落好香口又有咬口不過方包因為被蛋蓋住所以會變得淋身而帶點煙韌我諗個方包如果烘得好脆身，會唔會成件事更好食呢-🍼☕️｜雀舌奶茶（少甜）｜$32｜嘩呢個奶茶好濃好濃店員話雀舌奶茶即係會帶有少少茉莉花味（飲真少少先覺但因為我本身鍾意茶味濃啲嘅奶茶再加上少少嘅花香清新感 勁岩我口味(⁎⁍̴̛ᴗ⁍̴̛⁎)-店面較細，食完都好快就走廢事要人哋等但除咗環境一般外，真係一間值得推介嘅黃店！

好貼心嘅一間食店！雖然地方細細，但佢哋仲提供埋紙袋畀食客裝好口罩🥰 我哋試兩個最熱門嘅：鰻魚蛋治同鵝肝蛋治一開始仲驚唔夠食 諗住嗌多啲原來嚟到好大份 食到好飽好好味🙈面頭嘅蛋抄得好鬆 濕度好夠好滑 一啲都唔鞋口 熱辣辣食好有蛋香🥰入面層包都好新鮮～下面呢面係鰻魚蛋治⬇️⬇️鰻魚蛋治係配紫菜粉，好香口有面嘅鰻魚係咸味嘅 而唔係甜嗰種醬 夾埋個蛋一齊食就啱啱好💛再嚟鵝肝蛋治⬇️⬇️呢個係配類似燒汁嘅醬，同樣好好味 同蛋好夾鵝肝份量一啲都唔孤寒，而且都厚，啖啖都食到鵝肝！！鵝肝好滑，雖然唔係超級香嘅鵝肝但絕對對得住呢個價💕💕見到餐牌仲有好吸引嘅特色奶茶同啡，但今次只係飲咗豆漿🙈下次一定要試埋！蛋治即叫即整 好新鮮🥰🥰🥰另外佢哋仲有其他腸粉呀 豬皮魚蛋等等嘅小食，呢間係我一定會encore 嘅好味黃店🥰

這麼難得來到元朗，一定要試試這裡的地道小食，這間小店就值得推薦： 巴馬火腿蛋治雖然話係蛋治， 但其實係滿滿的流心滑蛋蓋住麵包😋， 加上充滿鹹香的巴馬臣火腿，非常惹味💯 三重芝士蛋治每口都係濃濃芝士的滑蛋， 芝士迷必食推介 馬騮搣奶茶（少甜）味道似港式奶茶的味道，建議飲少甜的即可P.S: 店主非常細心， 每枱都會準備紙袋俾客人用餐時放入口罩， 值得一讚😆

💛好滑嘅特色蛋治❗️🔸龍鳳鰻魚蛋治+煙燻芝士 $45炒蛋好滑好滑！滑蛋半生熟，好多蛋汁，好似瀑布咁蓋住成個三文治，好澎湃😍，炒蛋上面鋪滿芝士碎同海苔，顏色配搭亦好吸引📸滑蛋下面嘅三文治夾住一大塊鰻魚，食落去，鰻魚、鰻魚汁同蛋汁好夾，喺口入面融化，三文治完全唔乾身，好正👍🏻下次去想試下蟹膏蛋治。▫️🔹少甜伯爵奶茶 跟餐$20見呢款最受歡迎，朋友就試下。奶茶幾滑，伯爵茶味都幾香，茶味再出啲就好。坐對面嘅食客叫晒少甜同正常，佢哋話正常版嘅茶味出啲，但就會甜，要取捨下🙈

📍龍鳳店~元朗📍一路都好想試佢哋嘅鰻魚蛋治，冇理由住元朗都未食過呢間隱世小店😂舖頭好細間，入到去得一張方枱，主要售賣唔同種類嘅蛋治😋老闆超級nice，又係有紙袋俾人裝口罩，好細心👍🏻店內都有唔少文宣💛亦都好多人排隊買蛋治，生意唔錯！1️⃣ 鰻魚蛋治 $40有別於一般嘅蛋治，今次炒蛋係喺麵包上面🤣賣相幾唔錯，即叫即製！上有紫菜粉，外層嘅炒蛋非常之嫩滑，勁有蛋汁😋入面都好足料，鰻魚份量都幾多👍🏻鰻魚煎到好香夾係兩塊麵包同沙律醬中間，加埋滑蛋係超級好味🤤非常值得推介！💡總括而言，咁好味嘅蛋治嚟講40蚊算係好抵食😋因為鰻魚份量都幾多👍🏻支持黃色小店！#hkhungryfoodie元朗#hkhungryfoodie港式#hkhungryfoodie三文治

豬師奶同朋友行完山尼到元朗，非常肚餓既情況下尼左衣間堂食只有兩張枱既小店。衣度有好多款蛋治可以揀，唔係一般既蛋治，係瀑布蛋治，炒蛋色住d面包我地揀左蟹膏蛋治同二人饅魚飯。個蛋治好大份，一個人食會好多，感覺好日式，上面有蟹籽芝麻紫菜，味道好特別，好juicy,岩兩個人share食完個蛋治條鰻魚岩岩烤好，果然係二人份量，條鰻魚係超級大條，個飯我連半個都食唔到，兩個女仔既話淨係叫一個飯都夠鰻魚超香，同沙律醬好夾，個飯仲要係炒飯，配埋太陽蛋好正，食完非常滿足

星期六同家姐12點前見店內無人，就入左去試下！聽就聽過好多市區既人入黎食，自己住左元朗咁耐都係第一次試！我地兩條友叫左一份鰻魚蛋治、吞拿魚蛋治、少甜伯爵樽仔奶茶同埋少甜玫瑰花樽仔奶茶！去相先，一送上黎個賣相就知好好食！個蛋真係超滑！我諗可以講係我暫時係香港食過最滑既滑蛋！蛋控既一定要山長水遠入元朗國試下！兩枝樽仔奶茶都好出色，飲落好香茶味！少甜剛剛好！伯爵茶味好出另外一提，老闆都好細心，放左D紙袋比客人裝口罩，仲有文宣睇！

龍鳳店 主打被滑蛋包住嘅三文治 係元朗相當出名🤪 鋪頭有搓手液提供 仲有信封俾你放口罩 相當窩心🥰 大家要懲罰下佢啦🥳 ==============================蟹膏蛋治（$58）8/10滑蛋表面充滿蟹籽同滑蛋勁夾😋 切開之後裡面塞滿蟹棒 🦀 蟹膏滲透於三文治之中 相當邪惡🤪老闆相當重手 真係物超所值🤩🥰 ❤️-伯爵奶茶（跟餐$20/單叫$25）8/10伯爵茶茶味濃香 一打開樽蓋就聞到🤤奶茶口感絲滑 😝而且唔係好甜 飲完真係返唔到轉頭🤪

是日與朋友到元朗一遊，無意中看見這間隱世的小店，主打供應不同類型的蛋治，最適合還沒有吃早餐的我們。店舖面積細小，只有一張方枱給顧客堂食，幸好當時店內並沒有顧客，我和朋友便能坐下享用蛋治。我們分別點了龍豐鰻魚蛋治，鵝肝蛋治，和玫瑰奶茶。蛋治外型十分特別，外層的炒蛋嫩滑可口，裏面的鰻魚和鵝肝分量亦十分足夠， 值得一讚。唯一不足的是玫瑰奶茶欠缺玫瑰味，頗為可惜。下次若有機會再光顧，我亦想嘗試他家的蟹膏蛋治。🥪

經朋友介紹先發現呢一間黃色小店, 佢地嘅蛋治真心好食, 有別於一般做法, 係炒蛋入面包住三文治今次揀左兩款蛋治, 分別係鰻魚蛋治同埋皮蛋肉鬆蛋治, 兩款都好好食, 而且入面嘅料都算係豐富值得一讚係炒蛋, 整得好嫩滑, 而且有半生熟質感, 易入口, 值得一試！

完全冇諗過蛋治可以咁樣食法友人試咗鰻魚蛋治咁我就試一試蟹膏蛋治啦除咗面頭充滿蟹子 切開入面仲有大量蟹膏同蟹肉 完全係蟹味十足而且啲蛋好滑 材料多到我食唔到有麵包咁滯特別一提嘅係 鋪頭有樽裝奶茶及咖啡 茶底香濃 而且質感細滑絕對值得一試

冇諗過蛋治可以整成呢個樣，佢仲有好多唔同口味，但我每次都會揀蟹膏蛋治🤤🤤🤤因為真係好好食個炒蛋已經又香又滑，加上蟹膏，令個口感冇咁單調，多左另一份香，又足料又大份🤤🤤🤤🤤好啱黎下午茶

#🍳蛋治都可以有唔同款！元朗呢間蛋治有唔同嘅口味！隻隻都好吸引！今次試嘅係鰻魚蛋治！鰻魚較薄身！但仍然夠香！相反蛋味較淡，但紫菜就好出色！加咗唔少分！👍🏼另外佢嘅鵝肝果啲都好吸引，可以再試！呢間店舖位勁細！坐得好少人！所以長期都要排隊！希望下次可以喺舖頭試，相信味道會更好！☺️佢嘅奶茶都有好多唔同嘅味道，出面都比較少有！未試過嘅可以一試！☺️不過夏天食應該會好辛苦！因為舖位真係好細同好迫！🙈

成日見到上有人post呢間鋪頭既蛋治既相已經覺得好吸引，今個星期日就特登黎食個brunch全間鋪只有六個座位，好彩黎得早等左一陣就入得，一路食既時候都不斷有人黎買外買一早諗好左叫鰻魚蛋治，但估唔到樽仔奶茶都有咁多種味揀，最後就要左少甜馬騮摵奶茶好快個鰻魚蛋治就到左，同之前係網上見到既相一樣，滿滿既炒蛋完全覆蓋住份三文治，廚師仲好有心機咁係蛋治同個碟上面鋪左紫菜碎做出和風既style。一切開就見到啲炒蛋有成兩吋厚，而且好輕身一切就開。食落雖然好多蛋，但一啲都唔heavy，加埋麵包同鰻魚配合得啱啱好。食之前有擔心啲包會冧哂口感唔好，但實際上就冇呢個問題。啲鰻魚一啲都冇欺場，成件蛋治都食到。呢件蛋治食得好滿意，見佢仲有好多唔同口味既蛋治，下次要叫埋朋友黎叫多幾款一齊share