點心到 MIX·大排檔

营业中

休息中

呢間野好短時間內去左兩次！之前係晏晝去果陣係食點心，一到夜晚就變左大排檔形式🤓—————————————————讚👍：環境好光猛，座位都舒服乾淨既菜式多元化、兼具創意（吾記得左影菜單，會再去再影！）彈👎：可能因為太多元化，有啲野未兼備好食同創意eg.呢排都好興黃金類既小菜、我地點左黃金九肚魚，味道認真比較淡，得啲稍嫌膩既咸蛋黃，除左咸蛋黃味就冇喇，咸味都冇！蒜蓉粉絲蒸蟶子粉絲同蒜蓉味非常好！金蒜味道夠濃！不過可惜果日食既蟶子最大果舊肉有啲未熟（好強烈既未熟海產味明明最期待冰鎖咕嚕肉味道有水準，不過大家食開都知道其實冰鎮咕嚕肉，係比平常咕嚕肉多左層冰，同埋口感會有少少唔同，不過呢間既冰鎮咕嚕肉係好食既，份量就偏少！蒜蓉炒芥蘭黎左三次都有嗌既野，看似好簡單，炒得好食，其實都幾難通常去食大排檔，要食到好食既芥蘭吾容易，呢間叫蒜蓉炒芥蘭都有嗌！不過有個好搞笑既現象，第一次叫同第二次叫既份量，相差咗1.5倍第二次明顯多好多！-呢間野既評價係值得再去試多啲吾同既小菜，缺點可能係品質有啲參差，但普遍都可以接受如果Walk in有位可以試下

1. 乾炒牛河 $78炒得好夠乾身，河粉炒到條條分明，唔會炒到太淋，食落好有鑊氣，加埋辣椒醬更加惹味，牛肉好鬆軟，而且都幾多牛肉。🌟 評分: 8.5/102. 黑松露炒帶子 (XO醬 油泡) $118 上菜嘅時候已經聞到好香黑松露味，帶子份量有好多，每一粒都好大粒，食落有鑊氣同埋好香黑松露味，口感爽口，帶子仲有少少水份完全唔乾，好鮮甜。🌟 評分: 8/103. 黑金流沙包蒸包質地鬆軟，入面好多奶黃餡，有少少流心，唔會太甜味道啱啱好。🌟 評分: 8/10🎖️整體評分🎖️❤️ 味道: 8/10🧡 環境: 8/10💛 服務: 7/10💙 性價比: 8/10 📍 點心到 MIX·大排檔 (旺角)旺角洗衣街39-55號金雞廣場地下1A,1B,1C號舖#hkoverfood_旺角

訂了檯，未夠鐘已經可以入坐👍，安排了坐卡位👍一路食一路見有人等位。今次三個人，每人點了一柸咸檸七，味道唔錯，幾好飲。菜式方面，點了炒鮮魷🦑 配上西芹，有家常菜的感覺，份量都正常的。大肚婆炒飯，好特別，其實用了羌，加了啲蝦炒埋，幾好食。蒜蓉炒豆苗，都係家常便菜，少油會更好。排骨，一般蒸扇貝，有蒜蓉，豉椒，羌蔥，我地揀了羌蔥蒸扇貝，味道ok,不過熟過頭。我地無浪費食物，食晒😆。服務方面，幾好，覺得真係有服務水準的。

「點心到」喺油尖旺區算係相當有名氣！不能午市晚市，經常都大排長龍～而旺角「點心到 MIX·大排檔」晚市主打小菜，供應各式各樣大排檔小食、煲仔菜、炒粉麵、海鮮等。🔸紅燒乳鴿（$55/隻）‼️推薦‼見到唔少食客都叫紅燒乳鴿，梗係要叫返隻試吓啦～乳鴿都幾大件，外脆內嫩，肥美多汁～☺️🔹啫啫豬潤雞煲（$96）原個煲仔上陣，炸炸聲，襯熱食最正！😏雞件夠滑，豬潤爽脆，下飯一流！🔸蒜香骨（$82）‼️推薦‼炸得金黃香脆，皮脆肉嫩，仲好入味。👍🏻🔹乾炒牛河（$78）‼️推薦‼炒得好有鑊氣！牛肉嫩滑，河粉層次分明，不帶多餘的油份，一定要配辣椒醬食，夠晒惹味！😋食大排檔點少得啤酒🍻，竟然仲有Guinness 黑啤酒！😎

📍大肚婆炒飯食得多瑤柱蛋白炒飯，比呢個名吸引左，一黎到已經聞到好香👍🏼有蝦、帶子、叉燒等等，幾好食～📍XO醬爆豬頸肉豬頸肉入味，但食到蔥爆炒味多過XO醬，不過好好食，如果係配白飯就真係一啖接一啖咁食，我地配炒飯食就分開兩啖個味唔會撈埋一齊😆😆📍黃金桂花蝦球外層滿滿嘅鹹蛋黃味，咬落去真係食得桂花味好特別🤩 桂花茶就飲過，桂花糕都食過，都試過桂花加入餸度食🤩無論係我地食前定後，門口都keep住有人排隊，真係好好生意！！

呢晚約左男朋友去旺角麥花臣場館睇concert❣️開show前搵下附近地方有咩好食～最後喺洗衣街留意到呢間【點心到 MIX·大排檔】，環境幾闊落，乾淨企理！睇到Menu價錢亦幾親民！所以就決定入去試下喇🤩❥ 金沙海鮮蛋白炒飯 $86好大碟既炒飯🥘當中有唔少蝦同魷魚，好足料！炒飯好夠穫氣，炒得香，又夠乾爽，食落粒粒分明！❥ 黑金流沙包 $10/1pc作為流沙包既忠實粉絲😂每次見到流沙包都必點！好開心係真•流沙包🤩做到流心效果🤪奶黃味好濃郁，趁機食一流！❥ 紅燒乳鴿 $55乳鴿大大隻，外皮香脆，一咬落去超多肉汁💥好惹味😋❥ 沙拉骨 $88份量好充足，超抵食👍🏻👍🏻有滿滿既沙律醬，味道酸酸甜甜好開胃！沙拉骨外皮有炸過，內裡肉質嫩滑，非常易咬，食落好juicy🤩撈埋飯食超正🍚

紅雨原因仔唔洗返學，我地就去歎下茶！今次揀咗係金雞廣場地下 嘅點心到mix大排檔 ，大概1:50 到就開始排隊，心諗無下午茶優惠都咁多人排隊嘅？等咗10分鐘就可以入坐，都可以接受👍🏻我地好多點心都想食，因為佢又有創新點心，又有懷舊點心，最後我地揀咗炭燒山楂鴨絲包：外脆內軟，食哂3個都唔會有好膩嘅感覺鮮蝦腐皮卷：外皮很脆，入面好多蝦，非常足料欖仁馬拉糕：甜咗少少，如果可以再鬆軟啲就更蜜汁叉燒包：仔的最愛，包包鬆軟，味道適中蝦餃（2粒）：我同仔仔一人一粒，皮薄蝦夠大粒😋燒賣（2粒）：有隻蝦係面，真材實料鵪鶉蛋燒賣：唔多酒樓有呢款點心，3粒大大粒，真係好正🤭全部點心到枱都熱辣辣，真係即叫即蒸👍🏻 仲有只收$5/茶位，非常實惠！

👌🏻放工 OT 完超級肚餓，拉埋同事去附近呢間餐廳食晚飯，試過佢地既午市飲茶，晚市小菜真係第一次，試一試無妨 😇🔹 椒鹽鮮魷風味小炒～炒至淺黃近米色既鮮魷，外皮薄脆，炸粉並不厚，魷魚新鮮彈牙，點汁食會更好味 👍🏻🔸菜脯肉碎煎蛋家常菜系列～金黃泛油光既煎蛋，食既時候不時會咬到爽脆好嚼既菜脯，肉碎則平均分散係煎蛋中，整碟菜香口好送飯 👍🏻🔹楊枝甘露粒粒西米、柚子同芒果粒粒俱全，甜度適中，甘甜美味❗️🔹🔸🔹🔸🔹🔸🔹🔸🔹🔸🔹🔸 點心到 MIX·大排檔 (旺角)📍旺角洗衣街39-55號金雞廣場地下1A,1B,1C號舖⏰ 星期一至日：07:00-00:00💸 全單 $ 238 / 2人

想飲茶吃獲氣中菜，這家不錯👍🏻 環境像酒樓熱鬧嘈吵，裝修新㯋，價格適中，店員服務態度好。我們點了三個菜: 麻辣雞煲濃郁的醬汁帶來了豐富的辣度，刺激味蕾。雞肉的鮮嫩和滋味與辣椒的火辣相互融合，十分惹味。煲內的湯汁豐富濃郁，用來送飯一絕😙麻婆豆腐豐富口感的經典川菜。口腐質地軟滑，入口即化。而醬汁為菜餚增添了一種麻辣的刺激感。豆腐與肉末的結合帶來了豐富的口感層次，加上豆瓣醬的鮮香和香蔥的清新，令口感更加豐富多樣😋龍門鴛鴦炒米粉配有一辣椒醬，给米粉带来独特的辣味和深厚的鲜味。米粉搭配猪肉丝、鲜虾和蔬菜，使得菜肴口感丰富多样。口感乾身，有咸鲜味道😍

Book mark左呢間餐廳好耐，因為見到唔少食評話好味，加上價錢唔算貴，食物選擇多，當中更有Fusion野，啱哂中意試新野嘅我。老實講，平時GOOGLE評分無4，我係唔會食，但今次見呢間小店Openrice一面倒讚好，就比個機會佢，原來係個錯誤嘅決定😭。食左減肥餐3個星期，終於可以放縱一日，食番正常野，點知中哂伏!!! 😤嘥左我個咁難得嘅放縱機會😞一行四人，點左五樣野，本身仲諗住叫多個炒飯，好彩當時打算食到一半睇有幾飽再決定，如果唔係，又要夾硬食多一碟難食嘅野落肚😖。第一碟上枱----椒鹽鮮魷 $86呢個價錢嚟講，份量幾多😃，本身仲諗住好抵食，點知原來份量多先難頂…😅首先呢碟野溫度只係暖，唔係即炸出嚟；第二根本就唔係鮮魷，口感同味道都似水魷，得個爽字，完全無魷魚味!!!😢 第三好厚粉；第四炸蒜係淋喺面，無一齊炒過，所以無椒鹽、無蒜香、一定要點個淮鹽，因為成舊野都無味!!😤 呢個係我食過最難食嘅椒鹽鮮魷!!第二碟------黃金桂花蝦球 $108呢碟係人氣推介，在場有唔少人食緊，所以溫度係辣口嘅程度!!份量好多，有十幾粒大大嘅蝦球，而且賣相幾靚，又有少少桂花瓣，感覺有番D希望。😏食完之

🔖乾炒牛肉腸粉 HKD78一上菜就聞到好香炒牛河味，同乾炒牛河冇咩不同，特別之處係用豬腸粉嚟炒，每條腸粉都炒到有d燶邊，食落少少脆及有焦香，而且夠鑊氣，色香味俱全。🥰🔖冰鎮咕嚕肉 HKD88咕嚕肉炸得好香脆，份量好多，但每粒size唔算大，醬汁又甜甜酸酸，味道濃郁，好容易一粒接一粒咁食 食唔停。我仲要係配菜控 佢有勁多菠蘿 同 青椒 好加分😂👍🔖椒鹽九肚魚 HKD98 啲魚都好大舊，可以一舊慢慢食，炸得幾香，炸出黎嘅色澤唔錯，雖然有好多炸蒜粒粒，不過都係差左少少椒鹽味，食落味道則偏淡。

位於旺角洗衣街金雞廣場旁邊的《點心到MIX 大排檔》，上下午食點心，晚上食小菜，提供多元化的菜式。餐廳坐位頗多，光猛整潔，坐得舒適，服務員有禮，Order 了食物很快就送到，效率高。「紅燒乳鴿」$55乳鴿燒得皮脆肉嫩，而且不油膩，鴿肉味道恰到好處，也可因應自己的喜好蘸上豉油汁或椒鹽。「中式牛柳」$77大大片軟腍的牛柳配搭抗氧成分豐富的洋蔥，酸酸甜甜好下飯。「星洲炒米」$118咖喱粉和黃薑粉的香氣撲鼻，米粉爽口，配搭叉燒，再混合蝦仁、滑蛋、洋蔥、韭黃……美味的星洲炒米就呈現在眼前。

夜晚想食下大排檔野🤪但夏天太熱唔想去傳統街邊果啲🥵見呢間好多人食於是就去試試😁不過始終都係街邊大排檔先夠入味都同鑊氣野食賣相吸引，但食落冇其他食評講到咁好味📍風沙雞（半隻）$138風沙雞🐔的確炸得啲皮非常脆，而且仲有大量炸蒜🧄但可惜佢唔夠入味，啲雞一定要夾住啲炸蒜先有咸香味，好彩肉質都叫鮮嫩📍椒盬鮮魷 $86椒盬鮮魷🦑炸得夠脆，但魷魚有啲韌，唔容易咬，而且一樣椒鹽味唔夠濃，食落好淡，要靠炸蒜一齊食先有味📍黑蒜螺片燉肉排湯 $45燉湯尚算濃味，而且都足料不過可能加左黑蒜，所以傳統燉湯啲味唔係好出。睇黎大排檔炒菜都係去返酒樓或者大排檔比較好🤣

都話過食點心唔洗一定去茶樓嘅。宜家有好多點心店，淨係食點心，一個人去食又得，四個人食又得。今次嚟到呢間點心到嘅分店，叫咗另一部分精選，基本上茶樓有嘅佢都有，而且仲有奶茶咖啡紅豆冰飲添。肚餓先叫個蒸飯，籠子金銀蒜海蝦飯，蒜香味十足，蝦味已經滲晒落去啲飯入邊，非常惹味。鍾意飲湯嘅朋友呢度啲燉湯其實都唔錯，飲咗個杏汁燉白肺，燉到出曬味，必飲。再叫咗幾個點心，黑松露菜苗餃，比較新派，清爽鮮甜。鵪鶉蛋燒賣，唔係度度有得食。鮮竹卷用咗豆漿去煮，清新唔油膩。如果喺屋企樓下有間咁嘅餐廳就好啦。

今日同女朋友出開旺角，行街行到咁上下有啲肚餓，心血來潮想食點心，就入咗去呢間餐廳試下啲點心，下午茶嘅時間，我地喺排左5分鐘就入得去食喇🤩比起傳統酒樓，呢間點心到環境乾淨，而且空間闊落，餐廳俾咗卡位我哋，好好坐。每張檯有一壺茶，俾有個大碗俾我地清潔完餐具可以倒啲水落去，茶錢每位$5。我哋試咗蒸飯同點心，包括籠仔金銀蒜海蝦飯、原隻蝦燒賣（2粒）、黑松露菜苗餃、黑金流沙包、蜆蚧鯪魚球、濃湯鮮竹卷。籠仔金銀蒜海蝦飯$46開邊海蝦非常鮮甜，落左好多蒜，非常足料，粒粒飯都好入味，配埋豉油一流。原隻蝦燒賣（2粒）$17面頭有原隻鮮蝦，蝦肉都好彈牙，味道新鮮，仲可以揀要兩件定係四件，啱晒我哋，唔會太飽，可以試多幾樣點心。黑松露菜苗餃$30賣相吸引，點心非常精緻，鮮蝦配上黑松露，估唔到個味道咁夾。蜆蚧鯪魚球$28鯪魚肉新鮮，非常彈牙，配上蜆蚧，更能帶出鯪魚肉嘅鮮味。濃湯鮮竹卷$23個湯清甜，鮮竹卷爽口黑金流沙包$26黑金流沙包入面啲餡非常滑，甜度適中，放咗一陣先食都仲係好熱。呢間係一間非常有質素嘅點心餐廳，過嚟旺角又想食點心一定要試吓😍📍點心到 MIX·大排檔旺角洗衣街39-55號金雞廣場地下1A,1B