麻辣香鍋

营业中

休息中

朋友介紹喺朗豪坊對面砵蘭街位置有一間專食鑊氣川菜的「麻辣香鍋」，紅色霓虹燈招牌非常易認，店面廣闊，枱之間有足夠嘅空間不會太密！坐得舒服，同朋友聚會一流🎈。主打招牌香鍋，口味可以選擇麻辣香辣或者醬香。辣到更加可以選擇不辣微辣中辣小辣大辣。所有人士都啱食。材料方面可以選擇肉類或者蔬菜類。識食當然選擇麻辣香鍋（小辣）：魷魚鬚好爽彈新鮮！萵筍爽脆感覺健康，蓮藕脆片蘸上適量乾辣椒好花味！海蝦爽口彈牙，外殼經過醬油香煎封口，外脆內軟殼都食埋。豬大腸有肥有瘦，瘦的香脆可口，肥的有適量油脂肥膏，口腔充滿啖啖肥膏香。蓮藕仔炒牛肉：口感上係最嫩最唔硬嘅藕。 蓮藕仔爽脆又帶啲稔身，口感確實好得意味道清甜。因為食材本身味道比較淡所以用嚟配牛肉同埋醬汁一起炒。 牛肉都好軟焾，有大量洋蔥🧅黑木耳、增加口感，調味又不會太辣。好下飯！香辣魚皮：買少見少嘅功夫菜，魚皮好爽口，充滿花椒油獨特麻香，新鮮Q彈魚皮，濃郁香辣，嚼勁十足，帶來衝擊味蕾的鮮爽口感，越吃越過癮。酸梅湯：食咗咁多辣嘢，當然要飲酸梅湯，消滯解油膩、酸度合宜。金桔檸檬茶：配合青檸金橘透過擠壓釋出檸檬酸味，加入蜂蜜糖漿，潤喉。總結：必點麻辣香鍋 香辣上癮特色

今日又想食辣嘢 同老公放工去朗豪坊對面嘅麻辣香鍋度食川菜香辣魚皮 $68 呢度既香辣魚皮麻麻香香 魚皮非常爽脆 食落咔咔聲 當小食食真係好容易一口接一口川香鮑魚雞煲 $168呢個鮑魚雞煲有驚喜 首先啲鮑魚係超級大隻 有大半隻手指咁長 食落非常爽口彈牙唔會韌 而且都幾厚肉 雞肉份量可以揀半隻或者一隻 最重點係佢個汁真係超惹味同埋好味 送飯一流大盤花菜 $78花菜都幾大碟 花菜除咗爆香咗之外仲有五花肉伴炒 食落好香口金沙蝦球 $138蝦頭都幾大隻 炸漿非常脆而且鹹蛋味十足 食得金沙蝦球就係想要呢種味道 另外呢度by default就冇跟茶水 不過都有唔少嘢飲選擇 十幾蚊一罐汽水或者一樽鴻福堂嘢飲 或者仲有啤酒加多寶等等

香港🇭🇰變化萬千⋯⋯而家嘅朗豪坊係旺角嘅地標！商店林立！基本上想買乜嘢都喺嗰度可以搵到！又係聖誕節，老婆又要準備聖誕禮物🎁⋯⋯買完嘢梗係要去醫肚啦！行到腳仔軟，原來附近有一間川菜館！見到佢雖然weekday但係都爆滿😏⋯⋯所以梗係去試吓啦😬⋯⋯黃金蝦球詢問店員如果黃金蝦球可唔可以加辣？😏⋯⋯竟然可以超正👏⋯⋯蝦球肉質彈牙！超大隻，可以媲美大蝦的扒😎😋⋯⋯真係好少見咁大隻嘅⋯⋯超正⋯⋯外皮非常酥脆⋯⋯每一口都充滿鹹蛋嘅香氣😋⋯⋯色澤誘人 ！金湯酸菜魚金湯酸菜魚，都可加辣😬😏⋯⋯酸辣可口湯汁濃郁⋯⋯魚肉滑溜又鮮味⋯⋯湯底色澤金黃誘人😋⋯⋯酸菜上爽脆可口！薯粉吸收晒湯底嘅鮮味好好味⋯⋯有大量嘅萵筍和鮮冬菇吸收了不少鮮味😋招牌香鍋招牌香鍋我哋選咗麻辣中辣！麻辣充滿層次豐富嘅味道又麻又辣又香！秘製醬汁香濃美味😋⋯⋯份量仲超大添⋯⋯超抵食⋯⋯小蘇肉外層香脆肉質柔嫩 ⋯⋯雞件吸收晒麻辣嘅香氣，非常美味⋯⋯香鍋不能小的花菜和鮮冬菇😋⋯⋯呢間小店仲有炸豆腐添😋😋⋯⋯所有嘅材料吸收晒秘製嘅麻辣醬汁真係好好味😋⋯⋯食川菜使乜返國內啊？咁辛苦長途跋涉😏⋯⋯香港都有好好質素嘅餐廳😎😏⋯⋯

這間餐廳位於旺角的市中心十分之方便，加上環境十分舒適，適合朋友的聚會.酸菜魚作為經典川菜，以其酸辣開胃、魚肉鮮嫩而聞名。這道酸菜魚選用的是新鮮的魚片，搭配酸爽可口的酸菜，經過烹煮後，魚片滑嫩無比，酸菜的味道也充分融入湯中，酸辣適中，令人食慾大增。鮑魚雞煲則是一道集海鮮與家禽美味於一體的佳餚。鮑魚鮮美彈牙，與嫩滑的雞肉相互映襯，使得整道菜口感層次豐富。煲中的湯汁濃郁，帶有鮑魚與雞肉的精華，每一口都充滿了海洋與陸地的雙重滋味。清炒土豆絲則是一道看似簡單卻極考究廚藝的家常菜。土豆絲切得粗細均勻，炒制時火候掌握得恰到好處，使得土豆絲既保持了脆嫩的口感，又充分吸收了調料的味道。整道菜色澤金黃，口感清爽，是一道不可多得的美味。　這三道菜各有千秋，無論是從食材的選擇、烹飪的技巧還是口味的搭配上都展現出了極高的水準。如果你也熱愛美食，那麼這三道菜絕對值得一試。

天氣轉涼，最佳節目當然是劇熱騰騰的食物，想起很久沒有到這裏，連專程來到了。大盤花菜$78，鑊氣十足，椰菜花吸收了肉片和花椒的香氣，惹味十足。鮮椒田雞$138，花椒香味十足，香辣味道濃郁，田雞肉經過走油之後，容易吸收花椒的香味，肉質鮮嫩，不會過硬。香辣烤加州鱸魚$298，鱸魚經過走油之後，差不多全熟，香辣味道十足，鱸魚的肉質比較結實，魚肉味道不算太濃。配菜還有薯粉、芽菜、木耳和青瓜。百香果檸檬茶$36，有桔仔、檸檬和百香果的酸味混合在一起，酸的味道層次豐富，吃四川食物，配上這個酸酸甜甜的飲品，非常開胃又解渴。

逛完旺角朗豪坊，有点饿了，立马和深哥决定二刷这家麻辣香锅，糯唧唧的大红薯粉条子配上超绝香辣味道，给冬天的香港带来了重庆的色彩，还点了脆笋，这道菜我发现只要到不论什么餐厅有我就会点的，香香脆脆而且很鲜爽、巨match辣香锅、我们在配菜中选了这个大虾仁🍤，质地很新鲜！藤椒鸡味道也相当好，深哥说他有一种藤椒鸡比香锅好吃的错觉、总之冬天❄️降温后的香港来个🌶️麻辣香锅陪伴是相当好，锅气十足，逛完街的宝宝真的可以来试下～

麻辣香鍋（旺角）旺角最好味的川菜，一定要試酸菜魚和鮑魚雞煲。川香鮑魚雞煲鮑魚滑嫩雞肉鮮美滑溜，啖啖肉都裹滿醬汁，最重要是香辣濃郁。每一口都散發著花椒的麻香，鮮味一流。金湯酸菜魚湯色金黃湯頭順口，酸菜的清香與魚肉的鮮嫩交融，層次豐富，湯底微辣酸味適中，煮熟後的魚片滑嫩，一丁點刺都沒有，出色出色，加上粉條滑溜，愈吃愈滋味。泡椒炒牛肉牛肉嫩滑，泡椒的香辣慢慢透出。每一口都帶著微微的酸辣，搭配脆嫩的蔬菜，令人胃口大開，下飯的最佳選擇，整碗飯都吃光光。價錢親民服務貼心。下次想試試他的麻辣香鍋。

呢啲麻辣鍋其實都係好穩陣嘅菜式～好難整得唔好食既，不過佢好就好在唔太油，都係同一般乾鍋一樣一堆乾辣椒咁款，都係配返啲彈牙爽口嘢就最夾，鮑魚，蓮藕片，魷魚鬚，牛百葉呀 ok啦

同老公睇戲前我地去咗朗豪坊附近一間店食麻辣香鍋! 呢間店我同老公都幫襯咗好幾多次, 本身我都好鍾意食香鍋, 而且兩個都比較鍾意食辣, 而呢間味道同服務都一流, 每次入到嚟嘅服務態度都係唔錯嘅體驗, 呢度又有好多菜式, 基本上川菜叫得出名既菜式都有架！佢嘅自選招牌香鍋, 可自行自選配料, 想食乜就加乜, 價錢由你話事。招牌香鍋香辣嘅味道真係令人食極都唔厭, 鍋底濃郁香辣, 不會過於麻辣, 因加入大量乾椒及其他配菜, 令成個鍋係香辣。我地揀左4隻鮑魚, 都幾大隻同新鮮多汁, 蓮藕片, 夠爽脆, 魷魚鬚, 墨魚餅, 夠彈牙, 牛百葉, 脆嫩可口, 揀咗麻辣小辣, 口味係香辣既微辣, 每樣餸都好好食, 好惹味呀! 而且一啲都唔油膩添! 泡椒炒牛肉味道很足, 牛肉好嫩, 一啲都唔會柴, 加埋萵苣, 雲耳等配菜炒, 雖然係 BB辣微辣, 但好香, 十分好伴飯。籐香雞選用三黃雞髀, 籐香帶辣好過癮, 雞肉嫩滑, 冷盤嚟講, 真心好食呀!

今日好想食川菜，晚上約朋友一齊去旺角麻辣香鍋食餐飽，地點就腳，好近朗豪坊，行完街再去食，一舉兩得。招牌香鍋，可自選不同的菜和肉，辣度都可自選，我好想食小麻辣，一眼看到超多辣椒，以為好辣，但入口辣度剛好，十分惹味，毛肚、鴨血好好味，蓮藕片好爽脆，香味濃郁。黃金蝦球，見到就覺得好食，外皮香脆，有濃厚的蛋黃香味，蝦球超大隻，爽口彈牙，還帶有淡淡奶香。金湯酸菜魚，湯底金黃，酸酸辣辣夠惹味，魚片超嫩滑，而且份量都幾多，薯粉夠入味，又煙韌彈牙。泡椒魷魚鬚，不是很辣，泡椒幾好味，魷魚鬚好爽口，感覺幾有鮮味，我幾鍾意食。大盤花菜，小小辣，炒得幾香，花菜幾新鮮，好爽脆，味道調的幾好。川辣鮑魚雞煲，我選了小香辣，鮑魚有四大隻，爽中有軟，口感一流。半隻雞都有幾多件，雞肉嫩滑惹味，很適合伴飯食。

食辣野係會令人醒神同興奮嘅，行過旺角朗豪坊附近俾一陣麻辣嘅香氣吸引，就入左去呢間叫麻辣香鍋嘅餐廳。真係要大力推薦哩嗰黃金蝦球，粒粒都超巨大，咸蛋黃醬濃郁的香氣，蓋住薄薄的炸漿脆皮，內裡係鮮嫩無比嘅大蝦球。真係要張到個口好大先食得到，呢種美食帶黎啲療愉，強烈到忘記哂身邊一切嘅煩惱。呢一味菜真係必點架！跟住唔少得就係招牌菜麻辣香鍋，朋友唔喺太食得辣所以點左醬香，首先點一個鍋同口味，然後再小點五種配料炒埋一齊。我就點左新鮮鮑魚，田雞，鯛魚，青瓜，同埋窩筍。雖然黎唔辣嘅，但個醬香都非常之惹味，不過咁，我之前食過呢間鋪嘅麻辣香鍋黎我就覺得香辣味真係好食啲嘅。入邊嘅鮑魚喺新鮮鮑魚，一份有四只，兩個人每人兩只都好滿足，其他配料個份量都好足，我地點左五個餸炒埋都好大兜。另外點左酸辣土豆絲，炒得恰到好處，剛剛熟帶點爽口，酸酸辣辣好開胃。前菜點左香辣魚皮，魚皮夠哂爽口彈牙，有啲偏辣，但係味道頂呱呱，喺有啲辣嘅，打一路傾計一路食就真係好正，調味非常之好味。

上星期去旺角買東西，晚上和家人一齊食飯，突然好想食川菜，我們就決定去麻辣香鍋開餐，餐館就在朗豪坊附近，非常就腳。金湯酸菜魚，十分大盤，份量十足，湯底金金黃黃，好吸引，我們選了小辣，酸中帶辣很開胃，魚片超滑嫩，入口即化，薯粉煙韌彈牙。招牌香鍋，可自選餸菜、辣度，我們選了小麻辣，一眼看見好多辣椒，以為好辣，原來都不是很辣，炒得好香，鴨血夠滑，好好食。大盤花菜，份量足，花菜炒得夠爽脆，很惹味，辣度適中。川香鮑魚雞煲，辣度自選，色澤吸引，聞到都香，鮑魚幾大隻，我們點了半隻雞，原來都唔少，相當惹味，雞肉入味嫩滑，口感幾好。黃金蝦球，蝦球真的很大隻，超爽口，外皮金黃香脆，帶有濃郁的蛋黃香味，見到都流口水，這個值得推介。

約左細妹睇戲，朗豪坊附近就想起麻辣香鍋🫰🏻秘制拍青瓜🌟🌟🌟青瓜爽脆，清甜，秘制汁帶酸小甜，開胃。籐香雞⭐️⭐️選用三黃雞髀，籐香帶辣好過引，雞肉嫩滑，真心好吃水煮沙白🌟🌟🌟沙蜆大大隻，無沙，份量多，底部有紅薯粉，青瓜，豆芽，材料豐富，好似食多碗酸辣粉感覺，好鬼正鮮椒田雞⭐️⭐️⭐️乾辣椒，青招，大蒜及多種香料爆炒，田雞細件，田雞肉先油泡再炒香，食不停紅糖糍粑🌟🌟🌟糍粑非常煙韌，用花生黃豆粉灑面加埋紅糖醬，甜而不膩加多2罐加多寶解辣又解渴。泥到旺角必選地方

麻辣香鍋 (旺角)旺角砵蘭街198號地舖招牌香鍋香辣嘅味道真係令人垂涎，呢道鍋絕對係辣味愛好者嘅天堂。牛筋丸口感Q彈，每一口都係濃郁嘅牛味，絕對係一個美味嘅搭配。鴨血嫩滑嘅鴨血，加上香鍋嘅辣味，每一口都係極致嘅享受。羊卷肉片羊肉片嘅鮮美，加上香鍋嘅香辣味道，令人食過返尋味。腐竹香脆嘅腐竹，加上香鍋嘅濃郁味道，絕對係一個無法抗拒嘅搭配。土豆片軟糯嘅土豆片吸滿咗香鍋嘅醬汁，每一口都係香辣嘅享受。黃金白玉菇爽脆嘅白玉菇，加上香鍋嘅辣味，每一口都係極致嘅口感。炸饅頭6個香脆嘅炸饅頭，外脆內軟，配上香鍋嘅濃郁味道，令人一試難忘。涷檸樂清涼嘅涷檸樂，為整個麻辣盛宴添上清新嘅感覺，令人心曠神怡。

任何時候 都有個食辣胃🌶️🤤超鍾意食川菜既我 今日就帶埋朋友一齊去試旺角既麻辣香鍋😍本身我以為只係得香鍋個啲點知都有好多菜式😍基本上川菜叫得出名既菜式都有架！👍🏻揀左好耐 終於決定食金湯酸菜魚🐟同埋招牌香鍋招牌香鍋喇🤤 我地揀左4隻鮑魚 + 肥牛 + 五花肉片 + 豬大腸 + 鴨血 + 娃娃菜口味係香辣既微辣🔥每樣餸都好好食 好惹味呀！而且一啲都唔油膩添！抵讚👍🏻酸菜魚一上枱已經聞到好香🤤好大碟 😳而且非常足料！魚質好香滑 1d都唔老！底部仲有香菇 薯粉 🤩超正呀！ 叫左小辣已經夠曬惹味💯