麻辣串串香

荃灣麻辣串串香係一間融合中日式風格的小店，環境簡單企理，餐牌選擇多元。除咗雲南米線，仲有串燒、炸物； 唔食米線都有其他選擇’﹕石頭鍋飯、酥皮 pizza 同手打烏冬等。我揀咗雲南米線轉紅薯粉，基礎配料有酸菜、韭菜、芽菜、芫荽、蔥花同肉醉，另再加鮮魚腩、鮮冬菇、豬腩片、枝竹同響鈴卷。枝竹常見，但響鈴卷喺米線舖真係少見，食落有驚喜。涼拌小食滕椒魚皮晶瑩剔透，冰涼爽脆，入口 Q 彈，配上滕椒香氣更惹味。涼拌墨魚頭雖然走辣 ，但仍帶少少酸酸辣辣，清新開胃；墨魚頭滑嫩有鮮味， 切成細粒容易食 。蒜香焗生蠔 蒜香濃郁，火候剛好，生蠔鮮味突出。 串燒選擇亦多：白鱔：皮脆肉彈，鮮甜味濃。秋刀魚：魚皮脆卜卜，加檸檬汁更添清香。骨附腸：帶日式風味，肉味濃郁。鵪鶉蛋：細小惹味。一口番薯：簡單但有口感。雞泡魚乾：鹹香好味。價錢合理，份量足夠。成班 friend 食串燒飲啤酒都好開心。 特別係下午茶2:30-5:30時段，凡惠顧雲南米線系列，加兩個餸仲送凍飲品一杯，經濟實惠。 …查看更多

筆者有好幾位朋友都住荃灣區，所以經常到此區飯聚。今晚就來到河背街的「麻辣串串香」，除了招牌串燒，還有米線、烏冬、石鍋飯等選擇，中日韓元素齊備。本身就喜歡吃墨魚頭！墨魚頭口感爽脆，撈上特製的涼拌醬汁，微辣香口，食不停口。花甲份量挺多的，肥美大隻，味道鮮甜。米線圓滑，帶著微微的Q彈口感。配上秘製酒香味湯底，麻辣香令米線變得更惹味！雞中翼串必食燒雞翼！雞翼開骨，進食方便。外皮灑上香辣味粉，入口香脆。但肉質就偏乾身。煙肉蕃茄仔煙肉鹹香中帶煙燻味，包裹著一粒蕃茄仔。蕃茄仔的juicy香甜，意外地和煙肉匹配。燒好的雞泡魚乾剪成條狀上碟。先是香甜味道，再滲透出微微的魚油脂香。附上蛋黃醬蘸點，是一道絕佳的佐酒小食！娃娃菜配合蒜蓉、辣粉，放在錫紙兜內燒香。娃娃菜口感清爽，帶少許奶油香氣，微辣鹹香，非常可口。配上飲品解渴。…查看更多

【🌶️麻辣串串香｜🥸荃灣隱世酸辣粉】.今日跟荃灣地膽搵食，去到河背街嘅「麻辣串串香」，舖頭係老字號，係荃灣經營咗好多年深受行坊歡迎，最近重新裝修，帶俾食客更舒適嘅坐位，食物亦更有新鮮感！.🍜 大大碗雲南多餸米線餐廳以米線起家，我就試試佢哋嘅「大大碗雲南多餸米線」，配菜陣容頂盛：肉醉、酸菜、韭菜、芽菜、芫荽、蔥花，潮州魚蛋、魚皮餃、豬紅、豆卜、牛腩、墨魚丸、枝竹、時菜。好有一人火鍋嘅感覺，非常之充實！我有自知之明，揀咗「扣底」即少米線，扣底後其實份量都唔細，好啱大胃王食！.🥣吉列豬扒石頭鍋飯日韓混合風格，石頭鍋最重要係夠熱，熱力令到鍋邊鍋底嘅飯變成飯焦，卜卜香脆。吉列豬扒好巨大，要首先移走豬扒，再動手在石鍋中撈飯。鍾意食飯焦嘅朋友要注意，飯焦秘訣係要慢，慢慢俾時間飯熱成焦，咁就可以做出香脆飯焦啦！.🦑涼拌墨魚頭墨魚頭切成丁方，混合秘製醬汁酸酸辣辣，新鮮有咬口，好惹味！.🥟日式餃子一客六隻，煎得金黃，配汽水或凍飲非常之開胃。.🍡下午茶串燒套餐$100/10串串燒🍡，好吸引🤩，下次再嚟食過！支持小店！.🌶️麻辣串串香📍荃灣河背街84號地下A1號舖🚇荃灣站/荃灣西站.…查看更多

近年不同派別的米線店越開越多，米線已經成為香港嘅代表食物之一，荃灣向來是米線集中地。今日我哋嚟呢間麻辣串串香本身係做串燒同石鍋飯為主，開業已經差不多10年，近年佢哋都加入米線呢個戰場。大大碗雲南米線🍜😋😋😋😋😋如果你有選擇困難症，呢個大大碗多餸系列就啱晒你。米線超大碗，配菜更是超級豐富，肉碎，酸菜，韭菜，芽菜，魚蛋，魚皮餃，豬紅，豆卜，牛腩，枝竹，墨魚丸。小朋友先要做選擇，大人食依碗大大碗雲南米線，全部餸都有齊唔使揀。我哋揀咗BB辣，湯底好濃郁，辣味同酸味配合得啱啱好，米線彈牙唔會煮得太腍。每樣配料都好入味，牛腩份量超級多而且煮到好腍。鰻魚石頭鍋飯😋😋😋😋😋照燒鰻魚好肥美，石頭鍋飯的配料也很豐富，有芽菜，泡菜等等。米飯粒粒分明，吸收了鰻魚汁，想要飯焦你就要有耐性，要等一陣才可以攪拌。飯焦果然出現了，脆卜卜。涼拌墨魚頭🐙😋😋😋😋😋涼拌墨魚頭，配上秘製醬汁，辣辣地，清爽開胃。墨魚頭口感彈牙，果然冇揀錯。尖椒皮蛋😋😋😋😋皮蛋係黃金糖心雪花皮蛋，好黏口，配埋尖椒同辣汁好惹味，辣到好刺激。鐵板牛油帶子😋😋😋😋😋鐵板上枱發出吱吱聲，香氣撲鼻，牛油帶子上面灑滿了金黃色的炸蒜，帶子好大粒，外脆內嫩，記得要趁熱食。串燒系列😋😋😋😋串燒鵪鶉蛋，鵪鶉蛋燒完都仲好彈牙。燒雞全翼，雞翼燒到好香，皮脆肉嫩。雞翼釀餃子, 去骨雞翼入面釀滿咗餃子肉餡，啖啖肉外皮脆卜卜。網民形容「荃灣米線已進入了戰國時代」，區內超過20間米線店，你又會支持邊一間呢？…查看更多

今天來到位於荃灣河背街《麻辣串串香》首先，我品嚐了涼拌墨魚頭，酸酸麻辣的味道立刻刺激味蕾，清爽可口的搭配讓我胃口大開。接著，燒烤系列上場：雞翼、羊架、牛舌、鵪鶉蛋和雞軟骨。每一串烤得恰到好處，表面微焦，肉質鮮嫩，我最鍾意就係個羊架，麻辣的滋味加上孜然粉，讓肉香與香料完美融合。接下來，我試了蒜蓉焗沙白蜆，蒜香味濃郁，配合奶白蜆，吃下去的瞬間充滿了鮮味，令人陶醉。同樣的，蒜蓉焗娃娃菜也不遑多讓，清甜的菜心與蒜香交織，讓人回味無窮。隨後，我嘗試了鐵板安格斯牛柳粒，肉汁豐滿，啱晒鍾意食牛肉嘅我。而當然，最讓我期待的要數雲南米線了。這碗米線搭配魚皮餃和枝竹，湯底辣辣地又暖胃，讓人感到格外滿足。如果係下午茶類嘅朋友，惠顧雲南米線系列，仲會加兩個餸,送凍飲品一杯!…查看更多

咩嘢食都有，仲要全部都好惹味，價錢喺香港嚟講係超抵！可以話係中日式餐廳，中國、日本美食，應有盡有超推介佢嘅大大碗雲南米線，$60勁多餸，真係超大碗！其他小食都勁好味，每一款都有記憶點，秘製豬頸肉一定係 number 1，燒到個邊好脆，個肉都好嫩，配上秘製辣汁真係好正。蒜香脆皮豬手粒完全係下酒菜，真係超級 impress ，豬手炸到外脆內軟，充滿骨膠原，外面嘅避風塘脆脆超香，食到舔舔脷串燒都好正，佢有個好特別嘅豬肉年糕串 ，薄薄嘅豬肉片包住一嚿年糕，燒到煙韌，好正！以下是圖中菜式及參考價錢💵・　雞軟骨串 ($13)・　雞中翼串 ($19)・　鵪鶉蛋串 ($18)・　牛肉丸串 ($11)・　豬肉年糕串 ($17)・　秋葵串 ($18)・　秋刀魚 ($30)・　大大碗雲南米線 ($60)・　自選麻辣燙 ($42)・　涼拌墨魚頭 ($49)・　蒜香脆皮豬手粒 ($58)・　秘製豬頸肉 ($38)・　凍檸樂 (套餐價+$9)…查看更多

門口見到呢間小店有日式嘅鍋燒烏冬、炸物、和風pizza，另外仲有雲南米線、重慶酸辣粉、重慶串燒系列、涼拌小食等，啱哂又想食中又想食日式美食嘅朋友。🥢大大碗雲南薯粉 $60叫一碗已經大滿足，超過10幾款餸菜超豐富，有潮州魚蛋、魚皮餃、豬紅、豆卜、牛腩、墨魚丸、支竹、娃娃菜、肉碎、酸菜、韭菜、芽菜、芫茜及蔥花，款款都合哂口味，當中最鍾意係牛腩，居然用上牛坑腩，口感軟嫩牛味濃郁，仲有Q彈煙靭嘅薯粉可選擇，最緊要係唔使額外加錢，好抵，整體酸酸辣辣好惹味。🥢酒香花甲米線 $58花甲新鮮juicy，份量超多，多到你想像唔到，配菜有金菇、芫茜及青蔥，加埋帶酒香嘅湯底，食到不能停口。🍢鵪鶉蛋$18細細粒，一粒一口Q彈滋味。🍢牛舌 $44爽彈不失鮮嫩，入口富肉汁。🍢白鱔 $44皮脆肉質細緻爽彈，鮮甜味濃。🍢菠蘿$36微微燒焦嘅菠蘿味道更顯濃郁，多汁甜香。🍢秋葵$18鮮嫩爽口。🥢涼拌墨魚頭$49墨魚頭口感新鮮爽脆，涼拌醬汁帶點麻辣香，佐酒一流。有串燒又有涼拌小食，當然要嗒番杯喇🍻。🍺藍妹$35🍺朝日$35🕝下午茶時段14：30 - 17：30，凡惠顧雲南米線系列，加配兩個餸，就免費送凍飲一杯。🕝 另外串燒狂歡時段14：30 - 17：00，只係$100就有10串，當中仲可揀焗生蠔或燒白鱔，超抵。…查看更多

這間串燒店菜式多樣，風味豐富，令人回味。蔬菜串燒如韭菜、秋葵、翠玉瓜火候恰到好處，保留鮮甜與爽脆口感。花虎蝦串燒鮮嫩彈牙，蝦味濃郁。雞神串燒香脆有嚼勁，雞中翼外皮焦香、肉質嫩滑，鹹香誘人。蒜香焗娃娃菜清甜入味，蒜香濃郁而不嗆，口感層次分明。蒜香焗生蠔則鮮美滑嫩，蒜香與海味交融，令人一試難忘。鐵板牛肉粒，用大量洋蔥炒，香氣十足。整體串燒油而不膩，調味恰到好處，配酒更添風味，是一場香氣四溢、口感多變的美食之旅。…查看更多

❣️荃灣串燒神店麻辣串串香驚喜爆燈❣️今次同朋友去荃灣「麻辣串串香」開餐😝發現佢哋唔食辣都有超多選擇！本來諗住陪食麻辣，點知全場最Hit竟然係秋刀魚走辣！燒到魚皮脆卜卜，滴埋檸檬汁鮮到彈起🐟仲有蜜糖芥末煙鴨胸酥皮Pizza，拉絲芝士配脆邊酥皮，個蜜糖芥末醬真係無得頂😍雞軟骨串走辣超香口，鯖魚燒到啱啱好唔會乾爭爭。必食蒜香焗生蠔🦪蠔肉肥嘟嘟仲保留到肉汁，蒜蓉香到隔離枱都望過黎😋鰻魚石頭鍋飯即叫即製，飯焦脆脆地夾住鰻魚油香，正到呢！鐵板牛油帶子一上枱滋滋聲，牛油味攻鼻，帶子大粒又彈牙😛…查看更多

呢日剪完頭髮又喺荃灣搵食💇‍♀️,嚟到呢間食麻辣同酸辣米線嘅小店😋~不過唔好以為佢哋只有粉麵同串燒食🍢~佢哋係間中日式餐廳🍱,連pizza都有㗎🍕~唔想諗嘢就可以叫呢碗大大碗雲南米線~有豬紅,有魚蛋,墨魚🍡,好多款材料~我覺得佢呢個湯底比較甜,少少bb辣幾惹味👍~雖然我怕辣,但又鍾意食麻辣燙,所以唯有叫bb辣🙈~自己選餸都係38蚊起,勁多款餸可以選擇~我就揀咗豬紅同埋雞翼尖🐔,仲有墨魚丸~呢個蒜香焗生蠔有好多蒜蓉🧄,非常惹味~而且粒蠔都幾好大粒🦪,食落啖啖肉~呢個串燒白鱔非常推薦🔥~因為佢燒到層皮卜卜脆,肉質幾彈牙~我點咗少少辣味🌶,有孜然香味又有少少辣,味道好出~最尾仲叫咗一個涼拌墨魚頭🦑~食落有少少麻辣,但因為係涼拌,所以又好清爽💯~而且墨魚好彈牙~呢間餐廳啲嘢食價錢實惠🤑,份量充足,而且款式仲好多~職員親切服務好,所以好多街坊回頭客~…查看更多

荃灣一向多好嘢食，今次介紹一間平民美食天堂，用低價錢都食到高質素嘅米線同串燒‼️【大大碗雲南米線】💰60【大大碗麻辣燙】💰50多餸系列勁豐富‼️包括：潮州魚蛋、魚皮餃、豬紅、豆卜、牛腩、墨魚丸、支竹、時菜~ 食完一定可以飽住個肚走🤤🤤⭐️喺下午茶時段2:30-5:30光顧雲南米線系列，加兩個餸，即送凍飲品一杯‼️【涼拌青瓜】💰28重蒜重辣🌶️ 青瓜爽口，醃得入味，食完好開胃👍🏻【七味雞軟骨粒】💰58雞暫骨炸得乾身脆口，食落唔會太油膩~【韭菜串】💰16咬落去仲有汁，唔會覺得乾👍🏻 韭菜香味好濃，啱晒鍾意重口味嘅人🤤【牛舌】💰44厚薄適中，燒到邊位微脆，中間仲保持嫩滑，爽口唔靭🤓【蒜香焗沙白】💰48沙白夠新鮮，冇腥味，蒜蓉落得重手，焗到勁香噴‼️真係食到連汁都唔想放過🥹…查看更多

鐵板牛舌，有成10塊咁多，而且口感唔會太韌，香口又夠惹味。羊架亦都係必試，肉質嫩滑，啲香料滲入得好入味！蒜蓉焗金菇，蒜香味濃郁，金菇爽脆。芝士蘑菇拉絲效果一流，配埋蘑菇嘅香氣，好滿足。至於蒜蓉焗生蠔，份量幾足，蒜香味濃郁但唔會搶走蠔嘅鮮味，值得一試。翠玉瓜串燒清新解膩，食完重口味嘅串燒後嚟一串，啱啱好中和返。主食方面，特上虎蝦鍋燒手打烏冬真係好出色，虎蝦又大又鮮，烏冬彈牙，湯底係餐廳自己熬製嘅，濃郁但唔會太膩。麻辣燙亦係亮點之一，真係料足到爆，大大碗，價錢平，啲配料新鮮又多選擇，辣度可以調節，鍾意辣嘅朋友絕對唔可以錯過！最後仲想讚下佢哋下午茶時段嘅優惠，凡惠顧雲南米線系列，加兩個餸仲送凍飲品，性價比極高！總括嚟講，呢間餐廳無論係味道、份量定價錢都好值！…查看更多

新裝修後多左米線石鍋飯，串燒小食加辣米線足料夠過癮，空間開闊，座位舒適，主打串燒小食，仲有米線、石鍋飯和手打烏冬，選擇豐富咗中日fusion。環境乾淨，適合小聚或一個人食宵夜。價錢親民性價比高。涼拌青瓜青瓜脆卜卜，拌咗蒜蓉辣椒。份量大，作為小食微辣開胃。雲南米線潮州魚蛋和牛腩米線彈牙，店家現場以豬骨和雞肉熬製鮮湯底，牛腩軟腍入味，潮州魚蛋Q彈，大大碗夠飽足。啖啖香辣辣度適中，冬天食正。原條茄子茄子整條燒香，表面脆皮，內裡軟綿，吸咗蒜蓉油香，香氣撲鼻。茄子本來就易吸味，呢款重慶燒做得唔錯，食落唔油膩。秘製豬頸肉豬頸肉片厚實，醃製得入味，煎得外脆肉質鮮嫩，配搭秘製醬汁甜甜哋麻油香一起食更香。串燒：雞中翼串、白鱔雞中翼烤得金黃微焦，雞皮外脆肉嫩汁多，灑咗椒鹽，簡單但過癮。白鱔肥美油香，串燒火候控制得好調味精準，突出鮮味，必點。香芒酥皮蟹柳pizza薄底係酥皮，酥脆批底，芝士拉絲搭配蟹柳芒果粒，酸酸甜甜意外地夾。有驚喜的邪惡芝士Pizza飲品方面，香濃即磨咖啡苦中帶香，熱飲暖胃；檸檬茶 清新解辣，跟餐加$7一杯好抵。整體嚟講，呢間店串燒係強項肉類到蔬菜都新鮮好有水準，新加嘅米線、日式石鍋飯、同小食都做得穩陣，辣度可調，價錢又合理荃灣街坊有新選擇。…查看更多

這間中日式餐廳提供多樣的美食選擇，包括米線、石頭飯、披薩和串燒 🍕，讓同行的朋友們即使想嘗試不同的菜式也能找到合適的選擇。這裡乾淨整潔，環境舒適 🎶，還播放著流行音樂，讓用餐氣氛更加輕鬆。餐廳的性價比極高，特別適合平日的家常便飯。如果想要更豐富的選擇，可以加點串燒，消費也不會太高。🍜 大大碗雲南米線 ($60.0)這道雲南米線真是超值，配菜十分多，包括肉碎、酸菜、韭菜、芽菜、芜茜、蔥花、潮州魚蛋、魚皮餃、豬紅、豆卜、牛腩、墨魚丸、支竹、時菜。🍚 石鍋鰻魚炒飯 ($80.0)碗大得驚人，熱騰騰的炒飯在冬天特別受歡迎，還能品嚐到香脆的飯焦，讓人忍不住多吃幾口。 🍢 串燒🍄 芝士蘑菇濃郁的芝士包裹著香菇，香氣撲鼻，口感 Creamy。🐄 牛舌烤得恰到好處，肉質鮮嫩，讓人回味無窮。🐚 蒜香焗生蠔鮮味十足，蒜香味道透過蠔肉散發，令人食指大動。🍗 雞中翼串外脆內嫩，搭配特製醬汁，讓人一口接一口。🥬 秋葵串新鮮的秋葵經過烤製，口感爽脆，健康美味。每一道串燒都精心烤製，風味獨特，是與米線完美搭配的選擇！總的來說，這間餐廳是一個非常不錯的選擇，不論是與朋友聚餐還是家人共進晚餐，都是理想的地方。…查看更多

星期日行過見到這間麻辣串串香有$100/10串任搭，所以入去試吓，餐牌有多款選擇，其中包括蒜香焗生蠔及燒白鱔（二選一），我們點了雞腎串、墨魚丸、秋葵、豆卜、翠玉瓜、粟米及焗生蠔！還加碼點了燒白鱔、金菇肥牛、鐵板安格斯牛柳粒及大大碗麻辣燙米線！今餐好有驚喜，邊吃串燒、邊喝啤酒🍺，店舖寛躺整潔，真係好適合朋友聚餐！串燒任你搭供應時間：14:30-17:00翠肉瓜好juice、鐵板安格斯牛柳粒熱辣辣好入味焗生蠔好大隻，鮮甜夠味大大碗麻辣燙好多餸、好抵食燒白鱔香口，味濃、豆卜脆口，不會乾…查看更多