麻吉灶咖

营业中

休息中

一班女友很久没有相聚，所以相約尖沙咀地鐵站，K11就方便大家👍一班女仕當然要試地道台式小食：流心芋泥球大甲芋泥芝士肉鬆蛋餅特製鹵肉酸菜刈包寧夏爆汁魷魚特製墨汁鹽酥雞刈包軟殼蟹芝辣醬刈包砂鍋三杯雞滷水大腸麵線麻吉蚵仔煎配海山醬麻糬豆乳芒果雪糕麻吉芋圓愛玉配自製黑糖汁紫米珍珠芋圓配自製椰汁總括台式甜品較出色👍

去到尖沙咀K11，見到新開有間台灣菜， 於是去試試。 一入到去，環境光猛闊落，職員帶位原來入面仲有一個corner 係另一款裝潢。望落都舒服，但就唔知點解有幾枱係特別逼，枱與枱之間根本行唔到人入去坐，要自己拉開坐入去再拉番埋張枱。本身裝潢得好好地既地方，但枱既安排令成個高品味格調破壞左。 終於安頓好就落單叫左： 麻吉蚵仔煎配海山醬 千層蘿白絲拉餅 台灣紅燒風味牛肉麵(半筋半肉 )麻吉蚵仔煎配海山醬味道不過不失，蛋包著蚵仔，同埋唔係平時用既葱，而係生菜係入面。醬汁好一般 千層蘿白絲拉餅性價比唔高。粉多蘿白絲少，當一個普通煎餅既質素 台灣紅燒風味牛肉麵(半筋半肉 ) 三個菜之中最好係呢個。牛肉淋身有咬口，比較欣賞麵質煙韌，湯都可以。 整體餐廳裝潢舒適，但枱既處理安排有待改善，食物一般。

又到咗Happy Friday嘅時候啦，放工同朋友仔去食飯啦，今次我地就揀左尖沙咀麻吉灶咖，位置真係超方便，尖沙咀站D3出口，K11 Art 門口就係啦。今次我哋3個女仔，叫左一個2人餐同一個主食已經好飽啦。麻辣鴨血超推薦！ 又香又麻，鴨血完全無腥味肉鬆芋泥蛋餅麻吉臭臭鍋裏面有真係，臭豆腐，豬大腸，豬肉片，娃娃菜等，味道就食平平無奇，不過不失。麻吉三小碗分別係鹽酥雞，蚵仔麵線同埋滷肉飯，但係蚵仔麵線就大失所望啦，蚵仔係有腥味，見面味道同感覺都完全同台灣唔同。

見到旁邊間牧羊少年人多先第一次過黎食點左大腸麵線同芝士多餅都還可以但最黎飲水個水杯見到佢水杯底原來無洗過基本上係癡住啡色嘅油漬比去其他枱嘅水杯明顯無洗過 超離譜無下次！！

位於尖沙咀K11嘅台灣菜🍴餐廳環境算闊落,裝潢行簡單休閒風食物味道ok不過又唔算好出色🙊但同朋友一齊依飯傾下計都係唔錯選擇~ 麻吉臭臭鍋🥘令人最期待嘅係臭臭鍋~睇落細細鍋,但原來都幾足料,有臭豆腐、肥牛、鴨血、豬大腸、丸類、鵪鶉蛋、菜同菇等等~我地叫左”小辣”🔥一上菜就聞到好香,麻麻地幾入味! 豆腐同鴨血都👍🏻👍🏻三文魚明太子蛋餅🫔蛋餅皮好薄身仲整到少少香脆,入面包住滿滿嘅三文魚,加埋蛋餅上嘅明太子醬~口感味道都幾豐富 麻吉蚵仔煎配海山醬🦪台灣菜又點少得蚵仔煎!! 味道質感都好有台式風味爆汁魷魚🦑大大條嘅燒魷魚,略嫌有d韌比較難咬

在同一個商場裏, 有三家風格和菜色類似食肆, 對食客和商場本身是不是一件好事? 特別是台灣菜的餐廳, 在風格變化不大的情況下, 如何去吸引也是一個問題, 對我和太太意見光顧這裏主要是因為不用等, 而且地點比較就腳. 吃的就是臭臭鍋, 台式粉麵及甜品, 但很明顯見到有些混合的風格. 例如是我吃的麻婆豆腐炸軟殼蟹撈麵, 將雜物直接放在濕醬上面, 很容易會令其軟化和減低酥脆度, 當然味道吃起來也是沒有什麼特別.太太點的臭臭鍋是有肥牛版本的, 接近$200的定價, 便宜與否見仁見智, 料多但份量不多, 而且食材也沒有什麼太大的特色, 臭豆腐符合香港人口味, 不會太臭, 湯頭有點麻辣, 就是這樣很普通的情情況, 沒有什麼好吸引的地方, 說是功能性的一餐, 也有點貴.

之前喺開心果關注組見到佢做開心果主題，滿心歡喜，終於抽到機會一試，最後大失所望。開心果鮮奶（$48加一）正路，有奶香，開心果醬份量都夠，偏貴少少但可接受。不過佢上菜好慢，我成杯飲哂都未有食物上枱。開心果醬芋泥肉鬆芝士蛋餅 （$88加一）真係大失所望。公道講句，個蛋餅本身都入到口（雖則唔算好食），但個開心果醬真係難以形容地差，除咗個色係開心果外諗唔到同開心果有任何關係。我可以接受開心果醬係甜，係nutty，甚至係咸，但我真係唔明點解佢係酸！！！最後我啲開心果醬撥開咗，淨係食蛋餅算。墨汁鹽酥雞刈包 （$58加一）包冇包味，建議跟「兩口小吃」攞貨。墨汁雞外面香脆內裡嫩滑，不過其實冇墨汁味，似M記脆辣雞腿包但唔辣嘅感覺。塊雞偏細舊，我最尾都冇食哂個包。其實錢我唔介意比，但你都要俾返相應質素我，連做主題嘅餐品都咁冇誠意，你叫我點樣回頭再食？總括而言，一定冇下次。

今日我造訪了位於K11的麻吉灶咖,一嚐他們家的拿手好菜🤭首先是令人垂涎三尺的麻婆豆腐牛肉拌面。豆腐滑嫩,帶著濃郁的麻辣調味,與肉絲完美融合,口感層次豐富。麵條彈牙有嚼勁,醬汁入味,讓人忍不住一口接一口。這道菜不僅滿足了對麻辣的渴望,連帶的肉香與麵條韌性也讓人意猶未盡😆接著是令人驚艷的蚵仔煎。外表金黃酥脆,內裡軟嫩彈牙,料理手法堪稱精湛。蚵仔個頭飽滿,新鮮多汁,搭配蒜末和酸甜醬汁更是增添了層次感。這道菜可謂是正宗台灣小吃的代表作,既保留了古老的烹飪工藝,又融合了現代美食的特色,實在是一道既傳統又創新的好滋味😎最後,必須提到的是這家餐廳的用心服務。服務人員態度和善,對菜品介紹詳盡,即使餐廳人氣旺盛也能維持優質的用餐體驗。用餐環境雖不奢華,但卻充滿了溫馨與舒適感,讓人忍不住多停留一會兒😘總的來說,麻吉灶咖的這頓午餐堪稱完美,從菜餚本身到用餐體驗都讓我留下了深刻印象。期待下次再來品嘗其他絕妙佳餚😋

見呢間台灣野都開左一段時間，睇落又幾靚，就同朋友試試佢！1. 麻婆豆腐軟殼蟹拌麵 $112好新鮮嘅配搭！麻婆豆腐勁滑，麻婆豆腐個汁撈麵勁好味！不過啲豆腐因為好滑，所以好容易散晒。軟殼蟹炸得好鬆，不過就有少少油膩感，但整體係好好味嘅。2. 麻辣牛肉鍋 $188呢個鍋睇落好細，一人份量咁，但裏面有好多唔同既料，貢丸、花枝丸、娃娃菜、金菇、炸枝竹、肥牛、台灣香腸、炸豆腐、鵪鶉蛋…兩個人食啱啱好！3. 蜜桃沙冰芝士奶蓋 $46蜜桃味幾突出，唔會太甜，奶蓋有芝士既鹹香👍🏻4. 大甲芋頭鮮奶 $52呢個有啲驚喜！芋泥超綿！唔會太甜，配埋鮮奶啱啱好👍🏻(以上價錢未計加一服務費)每樣嘢食嘅份量唔算多，適合幾個人食，如果一大班人就要同一款食物叫幾份先夠啦！利申：並冇任何試食活動/優惠！全部正價！(按餐廳MENU上價格付款)

蕃茄烤魚得個咸字，仲要咁咸都腥，飲品叫少冰都係成杯冰，飲開心果鮮奶多冰到唔知飲緊咩，啖啖都有碎冰，仲要啲野未食完就趕住收，差啲無得食，我食左一陣就想趕人走咁，食到好有壓力卜左枱都要等差唔多30分鐘

喺香港食過好多唔同嘅台灣菜，好多口味都唔太啱，早幾日放假去尖沙咀k11一出就見到呢間，裝修同餐牌都幾吸引決定入去試下食，結果意外地好食，叫左個鹽酥雞芝士蛋餅同半筋半肉牛肉麵，蛋餅好有蛋味裡面嘅鹽酥雞調味都好一流好有台灣嘅風味，而牛肉麵嘅牛肋同牛筋都好淋好入味同我喺台灣食嘅都差唔多，麵嘅湯底都有三款選擇，今次試左紅燒，我下黎我諗會試下藤椒因為好少見到香港嘅牛肉麵有呢個選擇，食緊嘅時候隔離檯有叫到一個麻婆豆腐嘅拌面，賣相都相當吸引應該係值得一試，加上呢間鋪頭嘅同事都好有禮貌由帶位到用餐嘅時候都好照顧客人嘅係要，同埋佢地都注重食物嘅要求會問客人對食物嘅意見睇得出佢地想再做好啲，而價錢黎講須然我覺得有小小偏貴但係食物係對得起個價錢，十分建議經過去試下

間鋪頭d野都比較唔錯，非常岩我口味，最紧要係佢得做嘢好繁忙但是上菜上嘢飲都好快手，見佢得經理件衫背後都濕曬都幾搞笑😂，其他同事都好繁忙，總結評價下都係比較有禮貌，係我買完單之後由我哋起身到門口都有佢得既同事同我哋say拜拜，都算一個好開心既事件，期待下次香港遊在來食過！真心推介！大家衝衝衝！

生日朋友請食飯，好想食台式鴨血，咁岩又有野要係K11 Art Mall 整，所以試下這間餐廳。服務可以，環境可以，可能因為有訂枱所以有卡位坐，仲可以有兩條布扮門，但紫色我唔鐘意。想了很久點二人餐還是散叫，最後想試不同食物，所以散點。我們點了鴨血，蚵仔煎，牛肋面，蚵仔肉燥飯，爆汁魷魚，蘿蔔糕，檸檬愛玉冬瓜茶，手打檸檬愛玉茶。每件都令人失望。鴨血似係水烚加無麻辣味的湯而成，失望。牛肋麵，麵質一般，好粉味，牛肋肉算林，但味道一般，湯好普通，失望。蚵仔煎，嘩真係粉多，味道普通，蚵仔數量一般，個汁似茄汁但又少少咸，唔係我口味，失望。蚵仔肉燥飯，好古怪的配搭，個人唔太喜歡，肉燥味道一般，惟飯是好食，失望。蘿蔔糕，粉太多蘿蔔太少，蘿蔔味唔夠，似食舊粉，不喜歡。爆汁魷魚，沒有汁仲乾乾咁，中間夾青瓜新頴，但不太夾，炸了魷魚無了魷魚鮮味，失望。檸檬愛玉冬瓜茶，檸檬味唔夠，太甜，以為係糖水，好失望。手打檸檬愛玉茶，有檸檬味，沒有糖，不太酸但好淡味，好大杯，唔吸引。整體一般，唔係我想食的台灣菜，好在K11 member 做緊折扣，減100，但都仲五百幾埋單，有點貴。

脆皮蘿街糕配辣味蒜香蛋-煎得好香，六面都煎好！三文魚明太子蛋餅-三文魚醬同蛋非常配合麻吉臭臭鍋-非常好食，入面有牛肉、丸子、菜、鵪鶉蛋等等（小辣）碗糬豆乳芒果雪糕-甜品都好有誠意、豆腐同煙靭嘅糯米好夾，仲有芒果，係我食過最好食嘅甜品！鳳梨綠茶 一般香橙綠茶 一般環境衛生、裝修好抌本、仲有人帶寵物入來食嘢，呢一餐食得好開心。如果有下一次我都會嚟呢度食，因為佢哋除咗二人餐之外，單點都好出色。下次我想試吓坐埋邊嘅卡位

呢次係我第二次黎食，第一次黎果陣印象其實都幾好，食物價錢味道都合理，侍應都講野溫溫柔柔，服務都正正常常，所以今次決定帶好少出去呢類型餐廳的兩老黎試下，一開始order野食就開始有d唔對路，是咁的，係一位頭髮捲毛、帶上半黑框下半金燦燦框、耳朵帶黑色圓形耳釘、一隻手帶金色手環、著黑色運動鞋、今日制服内裏著灰色打底的的男侍應，佢一過到黎，兩老就好興奮不停點餐，而佢就開始佢的“表演”....話説呢期佢地期間限定開心果系列的食物，佢好盡責地將開心果餐牌上的都推薦一次，内容會按時序由最早落單的食物到最後落單的食物重上而下去排列：- 雙色香腸(有墨魚)：食後感 - 正常台灣香腸，只要識煎野，又有原材料，你我都可以煮到- 爆汁魷魚：一條原隻炸魷魚，裏面塞左好多青瓜，可能我手殘，一夾就爆曬d沒有任何調味的青瓜出黎- 蚵仔煎：5錯，係醬汁多左少少，不過都好過沒味- 秋葵：微辣的肉碎舖係可能有調味的秋葵的上面，係食落算係呢餐我最滿意的的餐點，不過要68蚊，我只可以話呢個係K11 or TST的價格(?)- 開心果醬芋泥肉鬆芝士蛋餅 - 男侍應的努力推薦：“呢個好食架，其他餐牌上的係我地平時都有架lor,呢個