呢间餐厅位于尖沙咀，连住尖沙咀地铁站D3出口好方便！装潢走文青风格，木系桌椅搭配暖色灯光，氛围轻松～ 今次我坐卡位，拉埋布帘即刻变咗个小包厢，私隐度up ! 好适合朋友或情侣小聚🥰今次我叫咗佢嘅「推介二人餐」，都几抵食～人均只喺百几蚊，我同朋友食都食到好饱呢～⭐️推介二人餐⭐️💰358👉🏻夜市小食：麻吉 Griddle（牛肉夹馍）🧇餐厅最新推出食品！外层窝夫皮好香脆，带啲牛油香同甜味，牛肉口感扎实，咬落去一次过有齐咸同甜嘅味道，几特别、个味道又几夹㖞～佢有分开两件同用纸袋装住，方便食又方便同朋友share👍🏻份量都几大，推介💗👉🏻饭面主食：盐酥鸡配麻婆豆腐盖饭🍚盐酥鸡炸得好好味！唔会好油腻，外脆内嫩，有台式胡椒香～ 而麻婆豆腐小辣微麻，豆腐滑嫩，送饭一流～👉🏻厨师推介：花莲剥皮辣椒沙蚬炖鸡汤🍲份量足够2个人share (每人啱啱好2碗）；汤底清甜，蚬的鲜味和鸡肉的油香配合得不错～汤入面都放咗香菇，所以个汤饮落都好重菇味～而剥皮辣椒带微辣，饮落个感觉好暖胃😋，好适合而家冻冻地嘅天气👉🏻手工甜品：麻吉芋圆爱玉配黑糖🍨芋圆烟烟韧韧，爱玉清爽解腻，黑糖甜度适中～配上雪糕、红豆、珍珠、菠萝，整体口感层次丰富，喺一款经典又好味嘅台式甜品～👉🏻餐饮：热鲜凤梨绿茶🍍：茶香清新，凤梨果味自然，热饮带出果酸香气冻鲜柳橙绿茶🍊：柳橙味清甜，同绿茶嘅味道好夹！（饮品如果想要少冰少甜都可以同店员提出啊～）呢间餐厅环境舒适，整体嚟讲cp值高，食品质素有保证又啱打卡👍🏻挂住台湾美食嘅你值得一试！…Read More
