麻吉灶咖

見呢間台灣野都開左一段時間，睇落又幾靚，就同朋友試試佢！1. 麻婆豆腐軟殼蟹拌麵 $112好新鮮嘅配搭！麻婆豆腐勁滑，麻婆豆腐個汁撈麵勁好味！不過啲豆腐因為好滑，所以好容易散晒。軟殼蟹炸得好鬆，不過就有少少油膩感，但整體係好好味嘅。2. 麻辣牛肉鍋 $188呢個鍋睇落好細，一人份量咁，但裏面有好多唔同既料，貢丸、花枝丸、娃娃菜、金菇、炸枝竹、肥牛、台灣香腸、炸豆腐、鵪鶉蛋…兩個人食啱啱好！3. 蜜桃沙冰芝士奶蓋 $46蜜桃味幾突出，唔會太甜，奶蓋有芝士既鹹香👍🏻4. 大甲芋頭鮮奶 $52呢個有啲驚喜！芋泥超綿！唔會太甜，配埋鮮奶啱啱好👍🏻(以上價錢未計加一服務費)每樣嘢食嘅份量唔算多，適合幾個人食，如果一大班人就要同一款食物叫幾份先夠啦！利申：並冇任何試食活動/優惠！全部正價！(按餐廳MENU上價格付款)…查看更多

上網見到K11呢間新開既台灣菜裝修好靚 有好多打卡位 於是就同朋友去試下😆🍴麻婆豆腐軟殼蟹拌麵 ($108)軟殼蟹size都ok 而且唔會炸到好乾👍🏻 拌麵既麵條係類似刀削麵 帶咬勁 幾掛汁😌 麻婆豆腐味道中規中矩 微辣易入口 肉碎少左d 不過豆腐既份量就唔少 而且幾滑🍴三文魚明太子蛋餅 ($88)蛋餅既餡料好足 有三文魚、粟米、肉鬆😋 餡料配上淋係面頭既明太子醬都幾好食 不過就略嫌蛋餅既皮有少少厚🍴黃金茄子 ($62)呢個有驚喜！無諗過實際既size竟然比相仲要大 而且鹹蛋黃同茄子好夾 茄子亦炸得岩岩好 唔會太乾 仲有少少咬口👍🏻🍴麻吉三小碗 ($148)可以一次過試哂麻吉滷肉飯、墨汁鹽酥雞、蚵仔麵線😆麻吉滷肉飯同蚵仔麵線味道就中規中矩 鹽酥雞炸得有少少乾 不過真係食得出有墨汁味 幾特別🤣🍴草莓沙冰芝士奶蓋 ($46)芝士奶蓋好厚 而且芝士味都幾濃👍🏻草莓沙冰味道都唔錯 夏天飲真係透心涼🤣值得一讚係侍應服務好好 十分親切🫶🏻…查看更多

🔥不設限時但入座後45分鐘(上菜後30分鐘都冇)就叫你埋單明催你走🔥難得今日準時收工，夜少少喺附近做treatment，雖然一個人食，但都想食餐靚靚地又好味嘅晚餐relax吓，之前同朋友食完飯行過見到呢間餐廳裝修咁靚而又係我最鍾意嘅台式菜，都好期待下次黎試，咁啱今日順路又見佢大把位，於是就入去試吓啦！可惜發生極不愉快簡直係忿怒嘅經歷‼️6:13pm - 入座6:16pm - 完成落單6:22pm - 飲品黎到6:32pm -1. 主菜拌麵黎到，打緊咭拍緊片嘅時候，突然放樽牙籤埋黎，攪到條片要NG，問題係野食剛到就比牙籤？一般餐廳都係見客就食完先拎黎2. 因為覺得食物好靚想post IG story，正當我撳緊電話嘅時候，突然有職員走埋黎好快咁一手收晒我枱上用過嘅紙巾同飲管袋，仲想收埋我用緊果張自己帶黎嘅濕紙，當時我好狼狽即刻話「唔係呀，我要㗎」，佢仲話「唔係呀，我比一陣比過張你呀」，問題係咁你收人野之前係咪應該講一聲？同埋我張濕紙巾係摺到好整齊放喺度，你地餐廳邊有濕紙巾供應？6:58pm -拎張單黎放喺枱叫你埋單，當時我真係好㷫🔥唔想埋單住，但算！飲多兩啖埋左先，之後再慢慢飲埋佢，點知埋完單就即收我杯野飲！我又叫住話「吓！我未飲完㗎喎」，跟住真忍唔住叫返職員埋黎問佢係咪有限時，但佢答「arr…冇嘅，唔好意思」，入座時又冇講有限時，問實你又話冇限時，但就不停做小動作打擾客人好好享用晚餐，仲要45分鐘都冇就趕人還枱，真係人生第一次遇到咁垃圾嘅餐廳！呢度係一間裝修好靚cafe咁樣嘅餐廳，又唔係茶餐廳/澳牛，但竟然就係cafe價錢同cafe上菜速度，澳牛催人還枱嘅服務態度！野食係唔錯，麻婆豆腐軟殼蟹拌麵其實幾好味！軟殼蟹好有蟹味仲炸得好鬆脆，可惜服務態度不知所謂！仲要唔係一個員工問題，而係至少兩個都係咁！原本仲諗住下次帶老公黎食因為佢鍾意食軟殼蟹，最後咁樣迫個客走真係冇可能接受！上菜起計只食左30分鐘都冇…乜我去左快餐店咩？？出面係人多等位但唔代表可以咁樣，一係你設限時！但我相信冇餐廳會設45分鐘用餐時間囉！！四季春芝士奶蓋茶 $42麻婆豆腐軟殼蟹拌麵 $1086:13pm入座，6:30到齊野食，6:58pm叫你埋單，澳牛2.0餐廳…查看更多

Tried out the newest Match2 located at K11 Art Mall for some authentic Taiwanese cuisine! The restaurant is also pet-friendly so you can bring along your furry friends to enjoy your meal with you! 🇹🇼🐶🐱 Pic 1️⃣: 麻吉芋圓愛玉 / Match2 Q Taro Ball and Aiyu Jelly - $68 hkd 🍨— Loved this dessert and was the perfect way to end the meal! The dessert was fresh, and not overly sweet. The taro balls were chewy with a strong taro taste as well. I really enjoyed the addition of pineapple to give the dessert a nice acidic element to it and balance out the sweetness from the red beans. The aiya had a good gel-like, chewy texture to it. In general, all the components worked really well together! Pic 2️⃣: 麻婆豆腐軟殼蟹拌麵 / Mapo Tofu Mixed Noodle with Soft Shell Crab - $108 hkd 🦀 — This definitely tasted as good as it looks and sounds. The dish was bursting with flavour and every bite was a real flavour explosion. The mapo tofu was really well seasoned and had a good level of spice to it, the thick, squiggly noodle texture held onto the sauce so well too. The soft shell crab was perfectly deep fried, with a crispy exterior and soft interior. The sauce is quite oily though so this is definitely a sharing plate for sure!Pic 3️⃣: 特製墨汁鹽酥雞刈包 / Deep-fried Squid Ink Salt & Pepper Chicken Gua Bao - $52 hkd 🦑🐔 — Slightly disappointed with this as I was so excited to see gua bao on the menu! The fried chicken was really under seasoned and lacked flavour of any sort. The sauce was also a bit bizarre to me, it was paired with a sweet, eggy custard which didn’t really go with with the meat. Pic 4️⃣: 滷水大腸麵線 / Lo Shui Pork Intestine Vermicelli - $58 hkd 🍜 — This was sooo good as well and well worth it for the price! The broth was thick and rich in flavour, which meant the thin vermicelli noodles really soaked up all of that goodness. The fried pork intestines were chewy with a crispy exterior and an undeniable aroma to it. Pic 5️⃣: 香菇肉醬秋葵 / Okra with Minced Pork and Mushroom - $68 hkd 🥗 — Great vegetable side dish to go with the meal! The minced pork and mushroom was fragrant and savoury, which went so well with the crunchy okra. …查看更多

經過K11見到呢間新開嘅台式餐廳，入邊裝修都幾靚，同埋都有唔少人等緊位，就決定試下好唔好食。▫️麻吉臭臭鍋 - 小辣 ($188) 4/5見到門口有牌介紹麻吉鍋，應該係呢到嘅招牌菜，我地簡咗最特別嘅麻吉臭臭鍋。餐牌有介紹臭臭鍋會加入臭豆腐同豬大腸，再配上用沙茶醬及豆瓣醬調製嘅高湯整成。所有食材都充滿住湯底嘅酸臭味，特別係蔬菜類同臭豆腐，索曬湯汁之後夠曬重口味，別有一番風味。可惜鍋入面見唔到有豬大腸，身為內臟愛好者有啲失望，以呢個size嚟講呢個價錢亦有啲進取。▫️蚵仔煎配海山醬 ($78) 3.5/5蚵仔幾大隻同埋有鮮味，不過略嫌粉漿太多，唔太值呢個價錢。▫️麻婆豆腐軟殼蟹拌麵 ($108) 4/5麵條煙韌有咬口，配埋辣辣地嘅麻婆豆腐幾惹味。軟殼蟹大大隻，炸到脆卜卜之餘炸粉又唔會太厚。▫️檸檬愛玉冬瓜茶 ($38) 3.5/5飲第一啖覺得有啲甜，篤多啲塊檸檬之後酸味中和咗冬瓜茶嘅甜味，配埋愛玉幾fresh。店員服務態度好好又親切，雖然價錢唔算平，但係喺尖沙咀商場入面都預咗有一半價錢係比租，綜合食物質素，位置同服務嚟講個人覺得可以一戰。Overall rating (5粒⭐️為滿分)味道：⭐️⭐️⭐️服務：⭐️⭐️⭐️⭐️環境：⭐️⭐️⭐️⭐️性價比：⭐️⭐️⭐️…查看更多