麺屋こころ (軒尼詩道)

营业中

休息中

💛 柚子鹽味撈麵 ：天氣咁熱，梗係要叫冷麵嚟降溫！上枱就聞到陣陣柚子香，忍唔住要開動啦！！ 配料超級豐富，有雞肉片、葱花、紫菜仲有爽口嘅竹筍，上面仲擺咗粒生蛋黃。拮穿蛋黃之後將全部配料撈埋一齊食，凍冰冰嘅爽滑麵條仲有柚子嘅生果香，入口清新又開胃 ！🤤特別一讚，麵條係店家自家製嘅小麥麵條，好有彈性，仲好掛汁，食落去每一啖都好入味！💛 日本產麥茶：店家用咗日本原產大麥，保留咗麥子原本嘅天然香味。啖啖茶香清新撲鼻，口感又清爽又甘甜😍整體嚟講呢間日本撈麵好高質！大讚服務員好有耐性咁講解應該點食先可以食到唔同口感同味道嘅撈麵！值得推薦！！

前幾日，我終於有機會同朋友去試咗一間朋友多次同我推薦嘅日式捞面餐廳。呢間餐廳位於灣仔軒尼詩道，鋪頭好光亮，所以好易搵到。我哋點咗兩種捞面，我點嘅係明太子忌廉捞面。忌廉醬同生蛋黃嘅完美配搭，使攪拌後嘅麵條口感更加順滑，同時依然保持咗小麥面嘅嚼勁。配料如蔥花、紫菜碎同生蒜等，為呢碗面增添咗更多嘅鮮甜同美味。我朋友點嘅係叉燒捞面。雖然睇落普通，但係佢嘅叉燒有獨特嘅味道，外皮焦脆，肉質嫩滑多汁，非常好食。其他配料攪拌埋一齊，使呢碗面嘅味道濃郁且有層次，帶嚟咗唔同嘅口感體驗。如果你都鍾意食日式捞面，呢間餐廳係一個好嘅選擇。佢唔單止選擇多樣，味道亦都好出色，而且價錢亦都唔會太高。推薦俾所有鍾意日式捞面嘅朋友！ 👍

今日經開灣仔朋友帶咗我嚟試呢間好多人排隊嘅日式小店主打撈麵但竟然係拉麵底好特別！叫左個鹽味撈麵（$89）份量唔算好大，唔係好飽不過味道調得幾好以上配料撈埋 再加埋個柚子醋一齊食幾特別有兩塊叉燒燒得好香口好淋最後仲可以免費問店員拎一碟飯仔嚟撈汁食Overall 都ok 呢個價錢嚟講有少少貴不過都值得一試

尋日同老豆二人世界帶佢試下食灣仔呢間日式撈麵店內環境唔算好大 但都坐得幾舒服👍🏻🌟叉燒撈麵 呢碗叉燒撈麵望落去好豐富唔同顏色嘅配料擺埋一齊影相夠哂靚叉燒嫩滑好味將所有配料撈埋一齊之後食更滋味加上生蛋黃所以更加口感更順滑另外仲有辣肉碎 令到更惹味 真係會想再encore 💯🌟鹽味撈麵 🍜而呢碗鹽味撈麵就無咗生蛋黃但有筍、唐辛子絲等調味口感都非常正 就係比叉燒撈麵鹹左少少味道同叉燒撈麵差唔多 都係好好味👍🏻

今日難得唔使返工，我特登約咗媽媽出街行街。媽媽話佢好想食日本餐，所以我帶咗佢去灣仔分店【麵屋】食下午茶，休息一陣再繼續行街。一入到餐廳真係令我眼前一亮，好有日式嘅感覺！服務員都十分友善，仲推薦咗幾道必點嘅拉麵畀我吔。我哋最後揀咗明太子忌廉撈麵同鹽味撈麵。《 明太子忌廉撈麵 》我本身好鍾意食明太子，所以呢道撈麵真係好啱我口味。明太子醬汁唔會太鹹，配埋拉麵嘅味道啱啱好。份量都好足，紫菜鋪滿滿。豬腩肉香甜多汁，再配埋蛋液嘅黏度，提升咗成碗撈麵嘅口感。《 鹽味撈麵 》真係冇諗過呢個撈麵真係好食到停唔落嚟！拉麵嘅口感有嚼勁，加上生蛋黃有種好creamy嘅口感，再配埋滿滿嘅海苔，一口落肚真係超滿足！推薦～

嗰日啱啱好我同我個妹一齊放假，然後我哋就約一齊去灣仔行街，然後行到肚餓😆我哋就喺OpenRice search到呢間麺屋こころ好似好唔錯。啱啱好我同我個細妹又係撈麵愛好者！我哋就同聲確定去麺屋こころ解決我哋嘅下午茶🌸-我同我個妹揀咗柚子鹽味撈麵因為我哋冇試過食冷嘅撈麵，仲係柚子鹽味嘅😂 試咗一啖我哋就俾佢驚艷到🤩，雞肉片唔會好柴，同埋其他配料一齊食落去，👍👍👍同我哋平時食嘅撈麵真係好唔同，好清爽-另一碗撈麵，我哋就揀咗原味東京撈麵，呢一碗真係好入我哋心，💕嗰個生蛋黃🥚同埋辣肉碎🌶️真係好加分，我本身又係好鍾意食蔥花嘅，呢碗麵真係好啱我胃口，我可以自己食完一碗😅我哋仲揀咗🍵兩杯嘢飲，我妹揀咗抹茶拿鐵，然後我就揀咗抹茶玄米茶，我平時都好鍾意飲玄米茶，冇諗到同抹茶會咁配，😳飲落去真係好解膩。我妹嘅抹茶拿鐵甜度就啱啱好，抹茶味道配牛奶一流。😉👍呢間麵屋我一定會再光臨，我同我妹已經約定咗🤙🏻下次再有一齊放假就過來試試其他味的撈麵😋

呢一日喺灣仔去完會展，睇吓附近有咩食，最後揀咗呢間日本拉麵/撈麵！#柚子鹽味撈麵 （冷） $89其實我係睇中咗呢碗先想食，天氣太熱，好想食啲開胃嘢，一見到柚子就覺得好啱夏天食😌雞肉嫩滑，個麵係粗身小麥麵，麵質煙靭，味道幾好，而且食食吓真係食到有柚子皮，夠晒清新～不過份量唔多，男士可能要加大😂#正宗全料東京撈麵 $109呢碗多料啲，有豬腩、生蛋黃、辣肉碎、溏心蛋、紫菜、蔥花、韭菜、竹筍、紫菜碎、生蒜、魚粉個豬腩係厚切，都淋，個麵一樣彈牙👍兩款撈麵都有跟建議食法，1️⃣先戳破日本蛋黃，完全攪拌享用撈麵原味2️⃣享用三份一後，加入即磨黑胡椒提升香氣3️⃣享用三份二後，添加KOKORO秘製香醋增加醒胃感4️⃣享用撈麵後，可向店員要求一份免費迷你白飯，加入碗內並與汁醬攪拌享用#炸雞迷你當 $36另外叫咗個飯俾小朋友食，因為連咗隻生蛋，所以叫咗佢另上，呢個雞飯唔錯～我幾鍾意個柚子撈麵，仲有麵質夠彈牙，唔錯～可以encore～

一早已經聽過呢度有間超好食嘅拉麵店主打唔同款式嘅特色撈麵都好出色今次一於走過嚟試吓果然聞名不如見面，超高質!!今日特登嚟呢度食晚餐，真係冇失望!首選一碗香濃嘅咖喱炸雞撈麵🫶🏻💜💜呢碗撈麵真係不得了，日式咖哩濃郁香滑炸雞外脆內嫩，生蛋黃同辣肉碎配埋一齊口感豐富，蔥花、韭菜、紫菜碎、天婦羅碎、生蒜、魚粉及小麥麵嘅組合真係齒頰留香每一啖都充滿驚喜!接著嚟一杯清新嘅焙茶拿鐵😽💜💜焙茶拿鐵香氣四溢，茶味濃郁，奶泡綿滑入口即化，真係一杯好飲到不得了嘅飲品!⭐️⭐️⭐️⭐️再嚟一碗清新嘅柚子鹽味撈麵(冷)👶🏻💜💜呢碗冷撈麵真係夏天嘅最佳選擇柚子鹽味清新怡人，雞肉片鮮嫩，生蛋黃、蔥花、紫菜碎、水菜、竹筍及小麥麵嘅組合食落去口感豐富，清爽解膩，真係超正!喺灣仔區內「麺屋こころ」無論菜式多樣定係服務態度都係極佳再加上食物味道出色，絕對值得一試!!😍

之前晚餐時段想嚟食，但出面排咗好長嘅隊。今次特登避開咗午飯時段，揀咗非繁忙時間嚟食，今 次終於可以好好享受喇。其實沙田嗰間好近我屋企，但因為呢邊嘅service ，每次嚟灣仔都一定嚟捧場。👍 之前發現到身邊嘅朋友都唔知，Kokoro嘅麵條都係用佢哋特製嘅麥粉做，好低脂又好食 今日叫咗【原味東京撈麵】，呢個我覺得係必食之一，一定要撈勻再加免費提供嘅醬料一齊食。我 個人特別鍾意加黑胡椒，會微辣少少。豬肉碎好入味，也唔會蓋咗豬肉嘅味。之前叫過一道溏心 蛋嘅，但會更加鍾意蛋黃同醬汁撈埋一齊，食落有淡淡嘅蛋味。男朋友唔鍾意食蛋，都唔鍾意蛋味，每次嚟都一定叫【鹽味撈麵】。如果擔心鹽味撈麵淨係得鹹味 ，其實都唔會嘅，可以好似我男朋友咁，平時都鍾意加香醋，會增加麵條嘅味道同口感。叉燒畀嘅 size都啱啱好，畀咗兩片，唔使擔心食得太多會滯。 焙茶拿鐵 + 抹茶拿鐵 次次嚟都會有爭議嘅部分。男朋友鍾意抹茶，我鍾意焙茶;每次食我哋都會share一杯，所以都係 輪流叫住飲。今次都嚟到灣仔喇，所以就叫咗兩杯 焙茶烤得啱啱好，唔會太苦，加埋奶味都唔 會好重，飲落好順口。男朋友嘅抹茶都唔會飲到茶渣，抹茶味都啱啱

同媽媽慶祝媽媽生日，知佢中意食麵,我特登帶佢嚟灣仔《麺屋こころ》享受日式撈麵，呢度主打嘅特色撈麵都係very very good，我哋仲不約而同甘揀咗同一款主打菜式。我哋嚐到嘅係柚子鹽味撈麵(冷)🍜。麵條Q彈，一試就知道佢地嘅麵條係新鮮自家製作，再嚐到柚子鹽味嘅清新味道，即刻就逗醒咗我哋嘅食慾！雞肉片嫩滑，加上生蛋黃、蔥花、紫菜碎、水菜同竹筍，每一口都清爽怡人，真係夏天嘅好選擇。我跟住店員介紹加了醋食，不但讓這碗麵充滿了均衡的調味，更加深了整體的風味👍。我們這頓生日午餐食到好滿足同幸福。嚟呢度慶祝阿媽生日實在是太對了！

琴日係老公生日，所以我決定帶佢去灣仔嘅麵屋食個生日晚餐。聽講呢間餐廳係從日本紅到香港嘅，梗係要試吓啦！餐廳有日本特色，坐喺度好似已經穿越到日本咁，嚟食晚餐。一坐低，服務員就攞Menu畀我哋。我哋兩個都有選擇困難症，個個拉麵睇落去都好好食，都想試吓呀！【正宗全料東京拉麵】呢個係呢間餐廳嘅招牌拉麵，拉麵係用全麥手製嘅kokoro撈麵，麵條好Q彈，配埋獨門醬汁，真係令人食唔停口。食之前先撩穿蛋黃，再攪勻埋入面嘅配料食，麵條滑溜溜同有嚼勁，老公大讚仲可以再點多一份！【叉燒拉麵】我本身就係一個叉燒控，所以點咗呢份拉麵試吓。份量好大，真係好抵食！豬腩肉香味撲鼻，食落去一啲都唔油膩。推薦大家有空可以嚟試吓，價格合理，服務周到，最緊要係可以食到好好味嘅拉麵！

冒住酷暑排隊打卡嘅日式撈麵，真係值得一試！之前就聽朋友講過呢間日本拉麵幾特別，係主打乾撈麵嘅，完全冇湯底，令我好有興趣😻😻今日經過灣仔呢間拉麵店，條隊唔算好長，就快啲排隊嚟試吓！鹽味撈麵 🍜🍜今日想食清淡啲就叫咗呢款撈麵，滿滿嘅配料全部蓋住咗小麥麵條！我好鍾意佢哋嘅豬腩肉，一點腥味都冇，肥瘦均勻嘅厚片咬落去仲有微微嘅煙熏味，好好味🤤 麵條都係我鍾意嘅硬度，口感煙韌彈牙，仲好掛汁添～最特別就係佢哋仲有畀一小撮魚粉畀客人撈住食，味道更加豐富！雖然呢款有小小清淡但係口感同味道一點都唔單調，推介畀唔鍾意重口味嘅朋友～抹茶拿鐵 🥤🥤呢杯抹茶味道超級濃郁！有抹茶苦味但係牛奶又好好咁中和咗抹茶嘅苦澀，口感超絲滑！

每次經過都見到呢間裝修好新穎，一直都好想知係咩cafe嚟，直至朋友同我講，我先知呢間係一間日式拉麵店！琴日我就特登嚟試吓，雖然話係晚餐時間，但係人潮都唔算太多，排咗陣隊就到我喇。Menu好多選擇，撈麵就有超過5款，仲有小食同埋飯都可以食到。我就揀咗【明太子忌廉撈麵】，喺我食之前店員仲好貼心咁俾我睇佢哋嘅撈麵食法四部曲！佢話唔同嘅食法有唔同嘅風味喔～其實到第二步我就好鍾意喇，加咗少少黑胡椒，成條麵好濃郁，仲帶住黑胡椒微微辛辣嘅味道，好好味！👍👍呢款撈麵嘅料都好多，有豬腩肉、生蛋黃、蔥花、紫菜碎等等，最主要梗係明太子啦！明太子本身嘅鹹鮮味融入晒落啲麵度，再加埋忌廉同埋生蛋黃，成個口感好creamy！不過食耐咗會有一啲滯，但係加咗黑胡椒成個味道就唔同晒！黑胡椒平衡咗啲麵嘅奶香味，我依家諗起都流口水！🤤🤤

帶住朋友嚟到我鍾意嘅餐廳，主要係想佢平時唔多出門嘅嘗試同體驗下除咗家常菜之外嘅食物。舒適乾淨嘅環境絕對係潔癖嘅佢第一要求。揀咗個角落位，介紹菜單同時又同佢講解點樣正確咁食撈麵先至可以食到當中嘅精華。我朋友嘛本身就原本對生蛋黃有一定抗拒嘅佢，在我極力推薦之下點咗較簡單嘅🧂鹽味撈麵，入面都有佢比較熟悉嘅配料，小麥麵配住豬腩、蔥花、紫菜碎、水菜、竹筍、唐辛子絲、生蒜同魚粉調味。我自己嚟過咗兩次，所以今日我就試咗清香帶點微甜口味嘅🍃柚子鹽味冷撈麵，係小麥麵配上雞肉片、生蛋黃、蔥花、紫菜碎、水菜同竹筍嘅。朋友先後加咗適量胡椒粉同白醋之後開始攪拌，食上第一啖仲係小心咁體驗嗰種感覺，睇佢表情應該仲可以？好快就開始大口食麵，睇情況好似十分鐘內就食曬咗，之後又叫服務員送上白飯，畀四步驟畫上一個完美句號。我嘅冷麵體驗都唔錯，柚子睇嚟真係一個可以令到一道美食更好嘅食材。隨後叫店員捧出我提早買畀我朋友嘅小蛋糕，呢個中午過得真係幾幸福嘅。

咖哩炸雞撈麵真係一道幾得意嘅組合，係一次成功嘅創新。呢碗麵佢將傳統嘅日式咖哩炸雞同撈麵嘅概念結合埋一齊，整咗一道好獨特嘅美食出嚟，雖然對於唔慣食咖哩嘅人嚟講可能需要啲時間適應，但係對於鍾意試新口味嘅人嚟講，呢一道絕對係必食之選。日式咖哩係呢碗麵嘅靈魂。佢嘅味道溫和唔刺激，帶住一種獨特嘅甘甜感。咖哩汁均勻噉掛喺啲麵條上面，令成道菜嘅味道更加統一。啲麥麵保持住適中嘅硬度，食落口既唔會太腍又唔會太硬。炸雞係另一個亮點。外皮酥脆，入面嘅雞肉就保持住多汁。炸雞嘅熱辣辣嘅香味令人食慾大開。當你撈啲麵條嘅時候，啲蛋黃會同咖哩汁撈埋一齊，形成一種獨特嘅濃稠質地。天婦羅碎係一個驚喜，佢畀成碗麵加咗額外嘅脆感，喺口感度形成咗有趣嘅層次。魚粉巧妙噉提升咗成碗麵嘅鮮味，但係唔會搶走咖哩嘅主角地位。佢嘅存在令到成碗麵嘅味道更加圓潤。