麺屋こころ (軒尼詩道)

营业中

休息中

2022年8月23號因為7到8月要上堂，終於上完一個課程，有返自己時間，剛好有想試的咖啡店係灣仔，所以就係灣仔隨機揾到哩間麵店。今次就點左肉混ぜ蕎麦叉燒（叉燒肉碎撈麵）哩個係中size，麵量大約有110克左右，唔係好多，但啲料睇落仲多過啲麵。😆😆🍜🍜麵身為太麵，而且麵中見到有小麥，食落煙韌彈牙，不過小麥既味道唔大突出🤔🍥🍥叉燒好大粒，起碼2×2厘米大，食落好有彈性，唔會柴，好夠豬肉味唔腥而且肥瘦適中👍🏻✨🐷🐷撈麵中間係蛋黃下面有大約2湯匙既肉醬，味道唔會太鹹，有D似肉醬意粉偏甜既肉碎，唔會成口肥肉，撈麵撈飯感覺都幾正。👍🏻✨撈麵入面既配菜除左叉燒同肉醬外，仲有蛋黃，韮菜碎， 紫菜碎，魚粉，蒜蓉，大蔥等等。哩撈麵有建議既三種食法：第一係將醬汁撈勻食三分一；第二係再加上黑椒碎食；第三係將剩低既三分一加上秘制香醋食。我自己三種方法都試過，但都係覺得加香醋食最正😋，味道唔會太酸，有少少昆布既鮮味，同撈麵一齊食正好抵消咗麵嘅油膩感😊食完麵之後，碗入面仲剩返啲肉醬，該店仲可以免費加飯，撈埋啲料食！🤩🤩不過我食完麵都飽啦😂見到啤酒就叫左一支試下，雖然未見過，唔知係咪手工啤😂啤酒嘅香味聞落好似荔枝味，

日本過江龍撈麵專門店我就bookmark 左好耐，但一路都的唔起心肝過海食，點知有日係佢地ig見到出左真鱈魚白子山椒麻辣撈麵，又白子又辣真係抗拒唔到，去睇 drama 前即刻要回一回。選址非常好係修頓附近好易搵，一般日本簡潔裝修無乜太特別，反而想讚下個廁所，舖仔細細但個廁所可以咁精緻又寬敞，仲要超乾淨。叫野食既時候，店員同我哋講無晒白子面面的后好傷心，所以同朋友係餐牌一人揀一碗就算。全料東京撈麵 - 黎到果然同相一樣嫁喎，有叉燒、生蛋黃、辣肉碎、溏心蛋、紫菜、蔥花、韭菜、竹荀、紫菜碎、生蒜、魚粉撈入有煙韌口感既小麥麵，係超惹味既。叉燒粒既油香撲鼻相當好味，仲可以跟住店内列明既建議4 steps食法，最後個step 係撈飯但姐姐不行了，留返下次会想提下係佢 Step 3係加 KOKORO 秘製既昆布香醋，加左真係更上一層樓，食落無咁膩。明太子忌廉撈麵-基本上同東京撈麵差唔多，只係辣肉醬變多左明太子同埋用既醋轉雪梨醋，多左份明太子咸香少左份辛香但一樣出色。

朋友帶咗我嚟呢間拉麵店食，午餐時間一點來門口已經有10至20個人排隊可以喺排隊之前揀定想食咩嘢食囉，入到去餐廳錯咗5分鐘嘢食已經到咗，冷氣好覺，而且都好舒服。其實佢有啲似撈嘅擔擔麵，但係比擔擔麵更加好食，首先我覺得配料非常足夠有叉燒仲有溫泉蛋。啲醬汁同個面非常之夾，食落其實個份量唔算話非常之足夠，所以最後佢會可以俾你選擇留返一啖嘅醬汁，然後加個免費嘅一口飯，送啲醬汁食飯，個味道好好食，食埋最後一啖飯就啱啱好食晒成碗麵同醬汁，絕對唔會有浪費。我覺得下次可以嗌個大份少少嘅。

我個人好鍾意食沾麵同拉麵 🍜但係日本撈麵真係好少食因為唔係好啱我胃口😰但係呢一間好有驚喜！呢一間日本撈麵啲自家手製粗身太麵入口好煙韌！又彈牙今次試咗個正宗全料東京撈麵啲材料好豐富有我最愛嘅糖心蛋 啲叉燒都好多物有所值！！好鍾意佢個醬汁，令到入口好有層次下次會帶朋友嚟食

麺屋こころ Kokoro Tokyo Mazesoba是一間日本過江龍撈麵專門店，以到既撈麵其實係台式拌麵改良版，KOKORO於日本連續3年取得No.1外賣撈麵品牌殊榮，撈麵已經風摩全球，已經有超過五十多間分店。「不是拉麵、不是沾麵、我們是撈麵！」餐牌主打6款日本撈麵，「無湯の革命」，每款口味都含有十多種配料，份量十足，亦可以追加配料，另外亦有迷你丼、小食、日本手作飲品選擇。原味東京撈麵（$89）撈麵配料十分豐富，有生蛋黃、紫菜碎、芝麻、蔥花、韮菜、辣肉碎、生蒜，再將所有配料撈勻，因為有辣肉碎關係，味道更惹味，味道層次豐富，以到既麵條使用日本配方，以優質全麥麵粉製作，麵條更彈牙、非常掛汁，食完唔夠飽亦可以免費加白飯。鹽味撈麵（$89）配料一樣十分豐富，有叉燒、紫菜碎、芝麻、生蒜、竹筍、水菜，叉燒肥瘦適中，鹽味比原味味道會淡一點，帶點鹹香味，味道非常適合我。單骨香脆雞翼（$36）單骨雞翼方便食用，雞翼炸得非常香脆。炸雞球（$33）有三大舊，雞球外脆內嫩，雞球嫩滑，食落好Juicy 。焙茶拿鐵（$36）飲前要搖勻，焙茶和奶平衡得好好，焙茶味道濃郁，口感順滑，甜度適中。Cold Brew (

個friend話想去食拉麵 咁啱經過見到哩間 個門面幾靚 幾乾淨 又唔貴話入左去試吓🤪結果又幾驚喜啵😋我就叫左叉燒拉麵🍜($99)叉燒拉麵啲肉燥有少少辣🌶️唔食得辣嘅朋友要小心🙈不過個肉燥好惹味 個麵就偏硬身 對我嚟講就啱啱好🤤我朋友就叫左明太子忌廉撈麵🍜($99)明太子忌廉撈麵就好creamy🤤好夠味 如果唔食得辣嘅朋友 哩個係一個好好嘅選擇👍🏻食完哂個麵之後仲可以免費添加一個飯仔 撈埋啲汁 變成一個肉燥飯 咁就唔洗哂左啲咁惹味嘅汁😋

小龍貓最鍾意食拉麵同沾麵 ，估唔到日式撈麵都幾有驚喜喎！明太子忌廉撈麵$99 撈麵嘅配料好豐富，有明太子、日式叉燒、生雞蛋、沙律菜、蒜粒、紫菜同香料，下面滿佈忌廉汁，明太子同忌廉汁好夾，叉燒都燒得好香。正宗全料東京拉麵$109配料比忌廉撈麵多少少，有辣肉碎、叉燒、竹筍、溏心蛋、生雞蛋、紫菜同生蒜；店內有張指示，建議撈麵食左1/3 先，加黑椒食會更加香辣，再食1/3，加特製香醋中和返油膩感，又可以食晒麵之後免費添加白飯，自製肉燥飯。雞皮餃子$46雞皮入口好香脆，裏面爆出肉汁，好好食😋餐廳環境非常舒適，但全料拉麵等得比較耐，打工仔要預早啲時間去食～

💖 麺屋こころ (灣仔)✨灣仔軒尼詩道68號新禧大廈地下1C號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️今日又同Ashley姐姐😍去食好野🤫，今日食過呢一間餐廳嗰個新開張，超級多人排隊🫣，我哋都響門口大概等咗15分鐘左右。平時沾麵、拉麵就食得多，撈麵真係好少食。-明太子忌廉撈麵🍝 $99依家碗麵就係暖暖地，上面有好多好多明太子，下面有忌廉汁🤩，另外仲有好多唔同嘅配料，例如生雞蛋、蔥花、叉燒、生蒜、水菜等等💁🏻‍♀️另外佢哋仲俾咗一杯仔雪梨汁我，佢哋話加入個撈麵嘅麵質比較硬身。-柚子鹽味撈麵🍜 $89另外我哋仲叫咗一個柚子味，天時暑熱最緊要就係食飯一個冷麵先至夠爽😵，柚子汁帶有酸甜味，但係加入咗適量嘅鹽，味道有少少中和左。呢一個面就唔係用叉燒做配料，反而係用嫩滑嘅雞肉片😚-軟骨餃子🥟 $39好好食呀！我覺得一定要叫🫰🏻，雖然雞軟骨嘅份量唔算好多，但係個外皮好好食，點埋佢哋配有嘅醬汁更加一流💋-單骨香脆雞翼🦴 $36呢個雞翼有少少鹹香嘅味道，外脆內軟好Juice🤫-抹茶入玄米茶🍵 $36個茶底好香濃，入邊真係有茶葉㗎🤤，職員提醒我哋要搖勻先可以飲，以免有沉底嘅情況。飲落去帶有少少苦澀好唔錯。

前排行經開灣仔見到呢間新拉麵舖，新開時冇乜人，之後想再食就多咗好多人 要排隊食啦🤣呢間舖頭一定要早少少嚟排隊先食到，order完等入座 入到座都重要再等㗎～ 慢工出細貨🤤餐牌大部分都係無湯拉麵 夠晒特別，香港好似唔多地方有呢啲選擇 食落好似平時嘅撈麵咁 有特製醬汁撈撈吓 本身已經有唔少伴料，再有埋芝士嗰款食落會飽肚感重啲 啱晒我😆不得不提嘅係佢嘅慢煮叉燒粒😋 非常軟稔入味！差啲想加多份食二訪店舖就輕鬆啲ot完嚟食 同巴打叫埋炸雞啤酒🤤 少飲嘅無過濾啤酒 有啲酵母粒粒飄浮喺杯中 視覺效果滿分😚

《麺屋こころ》唔好介意🤣因為版主係灣仔返工，今次又係做灣仔餐廳嘅食評。由於返工放工都會係呢度附近上落巴士，所以留意到呢間鋪頭好一段時間。見佢次次午餐晚餐時間都要排隊就暫時擺係to-eat list住先，今日落雨經過竟然只係等一張枱，咁我就即刻食食佢😋🍜正宗全料東京撈麵$109是咁的，其實版主係一個拉麵控，對於日本嘅拉麵真係毫無反抗嘅能力。除非比身邊嘅人大大力咁比差評，否則都會用自己條脷試真佢。呢間鋪選用左粗麵，口感好彈牙而且麥味好出。我揀嘅呢個撈麵有荀、叉燒、生雞黃、半熟蛋、紫菜同肉燥，加埋魚介粉同濃汁令到成麵味道好豐富，個麵都成功掛哂湯。我就跟足餐廳教路，先食左1/3原味之後就加黑胡椒，入口有少少辛辣夾埋胡椒香。食多1/3之後再加左魚乾泡嘅香醋，即時解左前2/3碗都嘅膩，輕鬆食哂😋當我以為食完準備埋單走人，點知店員問係唔係可以上埋個飯，我就又唔執輸要埋。果一口白飯撈埋留係碗入面嘅最後一滴汁，令到成餐非常完滿👍🏻呢間東京過江龍算係重口味之選，間唔時食一次可以增加罪惡感😙材料好豐富同埋係湯麵都同沾麵以外又多左一個選擇👍🏻

位於灣仔軒尼詩道< 𝐊𝐨𝐤𝐨𝐫𝐨 𝐓𝐨𝐤𝐲𝐨 𝐌𝐚𝐳𝐞𝐬𝐨𝐛𝐚＞, 一間東京過江龍日式撈麵店, 全球超過五十多間分店, 於日本連續三年取得ɴᴏ.1外賣撈麵品牌殊榮。*不是拉麵、不是沾麵、我們是撈麵！**無湯の革命*ᴛᴏᴋʏᴏ ᴍᴀᴢᴇꜱᴏʙᴀ $⁷⁹原味東京撈麵, 配料十分豐富, 包括生蛋黃、辣肉碎、蔥花、韭菜、紫菜碎、生蒜、魚粉及小麥麵, 攪拌後味道濃郁。ʏᴜᴢᴜ ꜱʜɪᴏ ᴍᴀᴢᴇꜱᴏʙᴀ $⁷⁹柚子鹽味撈麵是冷的, 放有嫩滑雞肉、生蛋黃、蔥花、紫菜碎、水菜、竹筍及小麥麵, 配搭自家製柚子醬汁, 整體清新開胃。ꜰʀɪᴇᴅ ᴄʜɪᴄᴋᴇɴ $³³炸雞球配有蛋黃醬, 再散上檸檬汁更好吃。ᴄʜɪᴄᴋᴇɴ ꜱᴏꜰᴛ-ʙᴏɴᴇ ᴅᴜᴍᴘʟɪɴɢ $³⁹雞軟骨餃子, 外皮薄脆。ɪᴄᴇ ᴄʀᴇᴀᴍ ᴍᴀᴅᴇ ꜰʀᴏᴍ ꜰʀᴇꜱʜ ³.⁷ ʜᴏᴋᴋᴀɪᴅᴏ ᴍɪʟᴋ $³⁶季節限定, 雪糕選用北海道3.7新鮮牛乳製😀ᴍᴀᴛᴄʜᴀ ʟᴀᴛᴛᴇ $³⁸味道温和😃麺屋こころ (灣仔)📍灣仔軒尼詩道68號新禧大廈地下1C號舖

呢間黎自東京嘅過江龍主打日本撈麵🇯🇵全球有超過50間分店🌏上年開嚟香港 黑洞都係第一次食😗-🔹明太子忌廉撈麵（$89/M)每款撈麵有10幾款配料叉燒肥瘦分明 明太子忌廉超惹味🤤小麥麵非常彈牙💯根據官方食法 食咗三份一加黑胡椒😉三份二後加入秘製香醋食落微酸好特別😝-🔹柚子鹽味撈麵（$89/L)呢款只有冷撈麵供應⚠️柚子味好開胃 雞肉嫩滑 成個組合好啱夏天🔥加上吾油膩 啱晒吾鍾意重口味嘅朋友仔💕-🔹單骨香脆雞翼（$36）雞翼一開二半煎炸 略嫌表層調味粉多左d 少鹹🤏🏻-🔹雞皮餃子（$43）一咬勁雞皮好脆😋但又唔會食到口油👅加分-🔹抹茶拿鐵（$36）/抹茶玄米茶（$32）拿鐵抹茶同奶味平衡得啱啱好✅㊙️記得要搖勻先至飲吾係抹茶粉會聚晒落底喇至於想飲清茶朋友仔可以試抹茶玄米茶🍵清得黎又唔會好甘☺️

★不是拉麵、不是沾麵、我們是撈麵！無湯の革命日本拉麵同沾麵平時都好多好好嘅選擇, 地道港式撈麵直頭係我favourite, 喺香港食到東京撈麵係第一次!! 仲要喺灣仔, 超級方便, 要加100分! KOKORO TOYO MAZESOBA來自日本東京, 全球有超過50間分店, 一年前終於黎到香港, 是香港首間日本撈麵品牌專門店! KOKORO於日本連續3年取得No.1外賣撈麵品牌殊榮, 餐廳每日新鮮製麵, 主打日本撈麵, 每款口味都含有十多種配料，份量十足！☺️店內有日本著名90後書道家万美親筆畫既塗鴉, 環境幾特別同新潮, 不過如果想打卡影靚相嘅話就建議喺非繁忙時間去📸🍜明太子忌廉撈麵呢個係我至愛, 入面有叉燒、明太子、生蛋黃、蔥花、紫菜碎, 明太子食落有少少辣, 但我呢個完全唔食得辣嘅人, 都覺得好好味好惹味! ❤️🍜鹽味撈麵穩陣之選, 個麵底好好味, 用鹽味帶生叉燒同其他配料, 好出色 🍗單骨香脆雞翼好香嘅豉油汁醃咗落去雞翼, 個雞翼好Juicy 好鎖汗, 我覺得係必食❤️🥟鳥軟骨餃子餃子味道香濃，配埋撈麵食是常識吧😆🍵KOKORO NOMINONO日本手作飲品: 抹茶拿鐵佢哋嘅手作

呢間門面細細，係東京人氣正宗撈麵，裝修清新舒服。.▪️正宗全料東京撈麵 M $99.材料超級豐富，有叉燒、生蛋黄、辣肉碎、溏心蛋、紫菜、蔥花、韭菜，竹筍、紫菜碎、生蒜、魚粉及小麥麵，淨係睇材料都夠誠意，將所有嘢撈勻一齊食，麵條非常彈牙有口感，叉燒肥瘦適中，咬落滲出淡淡油香，食咗三份一之後，加黑胡椒，再食三份二之後，落埋香醋，最後剩低嘅肉碎可以加白飯撈埋一齊食👍🏻👍🏻 一個價錢，有唔同層次嘅味道😋😋

嚟到灣仔食麵屋kokoro ，叫咗正宗全料東京撈麵、雞皮餃子同埋單骨香脆雞翼。正宗全料東京撈麵 - 有叉燒、蛋黃、辣肉醬、糖心蛋、紫菜、蔥花、韮菜、竹筍、紫菜碎、生蒜、魚粉同埋小麥麵。餐廳建議有4種食法：1. 把所有材料攪勻食。2. 加黑胡椒食。3. 加秘製香醋食。4. 把麵吃完加白飯食。我自己最鍾意加黑胡椒，超香勁好味！雞皮餃子 - 用雞皮代替餃子皮，外面脆卜卜，咬落雞皮勁香雞油，好食！單骨香脆雞翼 - 普通，可以不用叫😂