麵屋黑岩

营业中

休息中

-黑蒜油厚叉燒拉麵-黑蒜味道濃郁 拉麵係幼身拉麵 軟度我叫左正常 但覺得可以再林啲 叉燒有厚切同火灸選擇 我揀左原切叉燒 平時食開個啲厚切都好林身 但呢個較鞋口 加左粒溏心蛋 粒蛋口感味道都幾好食.-濃湯口叉燒拉麵-湯底應該係豬骨湯味 我覺得咸左些少 同樣叫左厚叉 都係鞋左啲 .-唐揚脆雞-🌟尼呢道食一定要加呢個雞 因為雞炸完唔會鞋同乾 不但保留左啲肉汁 同仲好脆 一啲都唔貴.-豚肉薯餅-豚肉得幾粒 麻麻 賣相差 $20算係咁.-日式蝦餅-呢個還可以 都係$20 蝦味唔夠重 同埋可以再脆啲 $20尼講 叫可接受

晚餐時間，叫咗1碗黑蒜，1碗辛辣，1碟魚餅食食下碗黑蒜拉麵有條好un既野，吐反出泥問個待應呢條咩泥，佢答”係呀，唔好意思，呢條係包住叉燒既麻繩泥架，係呀”聽到佢咁答真係黑人問號，奉勸各位去食既人小心食到條麻繩呀同埋個魚餅係外熱內凍架，記住浸下湯先好食呀

今次試左依間黑岩拉麵🍜🍜，本身想同朋友食茶屋町，點知未開門📴，就去左隔離果間拉麵店食午餐，上openrice 睇完發現都幾多like 數，心諗應該幾好食。😋😋 —《原味火灸豚肉拉麵》$68一試個拉麵，拉麵有咬口，味道正常👌🏼，叫左火炙叉燒🐷，叉燒厚度適中，一放入口有層次感，好惹味，惟獨個拉麵湯底真係咸左d ，得個咸字，完全無湯底應有味道。👺👺😕 —《櫻花蝦🦐🦐餃子》$24/4隻個櫻花蝦漏左單，喊出黎，等到2046 。😭🥟🥟餃子煎得香，會爆汁，不過本身以為餡入面都會有櫻花蝦🍤，食落只係普通煎餃，而且賣相真係....，🤨🤨堆蔥放哂上去，見唔到餃子。🧐🧐 價錢中等，係深水埗區算貴價食品，但香港黎講，價錢和食物質素屬合理水平。總結，真係麻麻地。😑😑

之前都同個朋友同朋友個女黎食，小朋友都食得好開心！因為有拉麵之餘，仲有唔同嘅小食！比較有特色，而且就係我哋屋企附近🤭而今日因為新工人到咗，諗住帶佢出去食餐飯當welcome dinner,所以揀咗呢間拉麵店!仲帶咗屋企小朋友去，拉麵選擇都有好幾款，而且有好多唔同嘅特色小食！我地各自揀左唔同的拉麵我揀左黑蒜油而工人揀左魚湯拉麵，魚湯拉麵好香魚味！芬香撲鼻！小食都係小朋友揀，揀左豚肉薯餅，熱辣辣炸起！仲叫左炸薯片雞翼，雞翼內𥚃好juicy🤣

深水埗，一個平民遊走去尋寶的地方，隱藏了這家拉麵店，有點到了日本拉麵店的感動。如果我要為這家店找個代言人，咁，我就會找Jason 陳栢宇。“I miss you, 感動你” 歌手陳柏宇很像是會吃到這面sir sir 聲，而我很久沒有吃新鮮的海膽。這家店把冷的海膽和溫的拉麵融和得很配調而這個價錢88 元，吃到這麼的素質，已經不賴。對於剛休班的打工仔而言，工餘即便不能立刻飛到大阪東京過一個weekend，也有人會為你預備點點的安心する。

最近迷上食拉麵 所以我又去食拉🤤昨晚在深水埗買台灣數據卡因為靜靜媽冇漫遊就買張比她🤭之後發現這家拉麵店 所以就決定要食😍這間小店挻環保的 菜單是膠質 可以重用·鰹魚拉麵 HKD$78湯底我在食拉麵之前一定會飲幾口的很香的味道 飲起來很鮮味☺拉麵選了硬身 選了少拉麵 因為不想浪費食物蓮藕炸過感覺像食薯片一樣😏·辛辣拉麵 HKD$78辣度果然十足 這份的叉燒是厚切的很大件🤭 真的是啖啖肉呢~·唐揚魷魚 HKD$22鬆脆可口用來送啤酒一流 可惜啤酒已賣光了不打緊吧 沒有啤酒一野好食🤤🤤·溏心蛋 HKD$12輕輕一按蛋汁就流出來😍😍 拍下重要時刻🤭食到好滿足的一餐 下次帶靜靜媽來試試☺

對日本拉麵一直念念不忘，今日朋友帶我嚟深水埗試吓一間拉麵小店。 間店舖嘅位置好便利，喺地鐵站一出就到啦佢嘅餐牌非常環保，仲可以循環再用添。▪️湯底: （$72至$80）原味、辛辣、醬油、黑蒜、海老、鰹魚湯底➖每一碗可以選擇叉燒、配菜、面嘅軟硬度叉燒：厚切叉燒、火炙叉燒➖配菜選擇：蔥、椰菜➖▪️追加$20一塊紫菜、溏心蛋、叉燒➖ ▪️追加木耳$8➖▪️小食選擇：汁燒豚肉飯、日式豬軟骨、汁煮蘿蔔、櫻花蝦餃子、松露燒叉燒。鰹魚湯底配厚叉燒$78海老火炙叉燒拉麵$80➖▪️湯底：兩碗拉麵比較，我比較喜歡鰹魚湯底，因為呢度大部份嘅拉麵都係用豬骨湯，而海老拉麵的湯底就是雞湯。兩種湯底比較，個人覺得豬骨湯丸拉麵的味道比較匹配一點，配上雞湯，感覺上有點中式。。▪️叉燒：厚切叉燒真係好大塊，差唔多有手掌咁大，而且脂肪十足，一夾落去已經感受到好軟稔，火炙叉燒相對較為薄身，不過叉燒被火槍微微燒過，味道有別於一般的日式叉燒。溏心蛋：特別一讚溏心蛋，咬開真係好有驚喜，不只溏心咁簡單，即頭係溏心+流心的結合。。拉麵：拉麵略嫌唔夠彈牙🙈佢似日本的風格，這裏不能夠選擇多麵或者少麵呢。小小一碗拉麵食完之後真係好飽每次食拉麵都有呢種

在深水埗搵到呢間拉麵店，價錢不算貴，但質素絕對比佢的價錢更值！呢度都同正宗拉麵店一樣，選湯後，可以自由選擇麵的軟硬度，自由選擇要蔥還是椰菜，重點連叉燒都可以自己選擇那一款！對於肉食迷的朋友就有福啦～叉燒分兩種：厚切叉燒、炙燒叉燒，我們各自都點了～還有所有湯都不會太鹹，這是我最中意呢間舖的原因！黑蒜拉麵 $80 |黑蒜湯非常濃郁，不會太鹹而且黑蒜油也不會太多太油，食完不會起痰～配了炙燒叉燒，有微燶的超香口～海老拉麵 $80 |海老湯就更加驚艷了，除了湯本身蝦味濃，還有一大堆小蝦乾/蝦米🦐放在上面，一邊撈一陣陣鹹香味出曬黎～大推介！而厚切叉燒真係無得輸，雖然無火炙嘅效果，但因為厚切有較多肥膏所以仍然好香，而且肉質非常軟嫩又夠啖啖肉！較喜歡吃厚切的！

平時都好少出嚟深水埗，今日係玩具街行咗一陣，買完小玩意，就嚟搵嘢食啦。之前朋友介紹過呢間拉麵店，所以我哋就嚟試下啦～落單嗰陣店員會比餐牌你，好似小朋友做練習咁，用筆圈返出嚟，再交返俾店員。我哋先點左份豚肉炸薯餅，雖然熱辣辣好脆，但又唔會太油呢～而拉麵就揀咗黑蒜拉麵同海老拉麵，叉燒、配菜同軟硬度都可以自由選擇，厚切叉燒好有口感呢。食拉麵點可以唔叫糖心蛋，佢哋係最佳拍擋，不過我哋分開個陣太粗魯，影得唔靚呢，但係唔影嚮佢嘅味道啦

因女兒喜歡吃這裡的海老拉麵，所以自自然然成為這裡的常客起初我們只會點海老拉麵，最近出了限量的海膽拉麵，看到海報，一板新鮮海膽加在熱騰騰的拉麵上？實在太奇怪了吧，口感又會怎樣呢？只靠想像實在想不到。看看價錢只是$88，就試一下吧！星期六6:15入座，原來每天6:30限賣10碗。我點的時候已經第7碗了，看來在座的人都是等6:30才能上桌的海膽拉麵吧!主角終於出場，先吃一口海膽！好鮮味哦，一口凍海膽一口熱拉麵，想不到竟然很配呢！再加上彈口的三文魚子！口感味道一流！下次一定要再試哦

今日塔車係深水埗落車，正正就企係間拉麵店門口，之前都好似唔多覺眼，朋友話試下，就試下啦入到黎，真係幾多人，不過有BAR枱位我又唔介意，其實望住師傅煮野都幾得意見到師傅好用心咁燒緊叉燒，我都點返個黑蒜拉麵配火炙叉燒先。朋友見到個海老拉麵就已經雙眼發光，不過佢就點佐厚切叉燒啦黑蒜拉麵，真係激重黑蒜，講緊係將肉醬打埋黑蒜個隻勁法，夾佐一啖黎食，嘩，咩事咁正好香好香跟面再加多個木耳配菜（＋8），都幾大碗均埋落麵一齊食，正，湯底好濃，再配埋個黑蒜醬，真係停唔到係咁飲佢D湯啊﹗連個火炙叉燒都好正，用火炙完真係特別香口朋友個海老拉麵賣相都唔差啊，超多櫻花蝦，飲佐啖湯都好鮮味原來厚切叉燒真係都唔簡單WOR，真係堅大塊，肉又夠淋，又有咬口，同火炙叉燒各有各特式，正﹗我地仲叫佐個八爪魚丸黎食，不過呢個略有小小失色，個皮略厚，但入面一樣好熱好淋單講拉面黎講質素真係幾高，下次可以再黎試下

一場黎到深水埗當然要試佢地小店見到OpenRice 咁多好評所以今次揀左呢間拉麵店!兩個人各自叫左碗拉麵呢個係海老拉麵叉燒揀左厚身款! 肉超厚好足料不過有啲韌面揀左硬面都ok 唔會太硬不過湯底有少少咸另外叫左碗黑蒜拉麵黑蒜味唔算好重叉燒要左灸燒款! 薄身啲不過都係有少少韌面要左普通硬度都ok再叫左個小食見到薯片雞翼感覺好特別不過食落就有啲失望個皮好粉!! 唔太脆! 好彩啲肉好嫩🙈食完之後好濟! 過左幾個中都未消化到🤣整體黎講! 不過不失啦

深水埗有唔少拉麵店，呢度系其中一間，客人量唔少，食物選擇亦多。海老拉麵有大量蝦米鋪面，帶嚟陣陣蝦香，湯頭飲落蝦味唔錯，但未至於濃郁。麵質爽彈有咬口，掛上湯底，簡單又好味。叉燒半肥瘦，肥既部分入口即化，脂香濃郁，瘦既部分亦未至太粗糙，唔錯。黑蒜拉麵有陣陣蒜香，較適合重口味者。見到薯片雞翼咁特別當然要試。雞翼大大隻，沾滿脆脆既薯片，非常香脆，難得內裏依然充滿肉汁，正。二百唔到既價錢，系cp值高既選擇！

在家附近的其中一間拉麵店，門面幾有日本風味，拉麵有幾款，餐牌一目了然。六時到達，被安排坐吧檯，很好，有得睇有得食。甫坐下即被旁邊的海報吸引住，下單時侍應說六時半才開始供應。一分鐘後，我們聽到師傅說「海膽剩二」，才驚覺很多人已經下單了，立即也預留一碗，要吃的話建議提早到達。師傅很細心的問我們想先上其他食物，還是六點半所有食物一併送上，我們選了後者。海膽拉麵 $88湯底先加入海膽，再加湯，最後在拉麵放上整整一板的馬糞海膽！湯底因混入海膽有一點橙橙的，質感比一般豬骨湯厚身，清甜香濃，海膽和三文魚子新鮮甘美，是性價比極高的一碗拉麵。叉燒可選厚切和火炙，老公選了火炙，是即叫即燒的，飄來陣陣香味。海老拉麵 $78 + 溏心蛋 $12我在蔥和椰菜之間選了椰菜，叉燒選了厚切。先嘗湯底，是豬骨加大量櫻花蝦的味道，再把肉碎和蒜蓉混入，香濃得來剛好不會過鹹。厚切叉燒醃得入味，半肥半瘦，入口即溶，好吃。拉麵是博多風味的幼身拉麵，是我喜愛的韌度，帶點彈牙，索湯力不錯。額外加的溏心蛋入味又夠滑，流心度不錯。大家都把湯喝完，喉嚨沒有不適感，相信沒有太多味精。章魚小丸子 $18外脆內軟，餡料充足，份量四粒剛剛好，與醬

大家都知道，深水埗有很多美食。但說到拉麵店，找一間較為好食就比較難。今晚，我找到這間麵屋黑岩，大家絕對可以一試!論價錢，絕對不貴，大約$68-78一換，視乎所選湯底。點餐很特別，給你一塊白板餐牌，再給你一支黑色蠟筆，你需要的食物只要用黑色蠟筆圈上然後給侍應就可以，頗環保。總共有4款湯可供選擇，而且可選麵質及配菜，挺不錯的。海老拉麵: 湯底用蝦米煮出來，很有海鮮味，味道頗濃。叉燒選了火炙，口感不錯。黑蒜湯底: 很有濃香黑蒜味，有很多黑蒜粒碎，吃上又是另一番味道。另外加了叉燒，都是火炙。最後點了薯片雞翼，口感很特別，外面有一細細塊的，似是碎薯片，雞翼內裡有很多肉汁，又大隻。下次去深水埗時想食日本拉麵，可考慮這一間。