麵屋黑岩

营业中

休息中

路經深水埗，人多車多，快感到窒息之時，看到這間黑岩拉麵店，見人流不算多，決定入內進餐兼暫時避開污糟的街外。餐廳環境不俗，較一般拉麵店寬闊，枱與枱間有一定的空間。雖然裝修不算新，但保養得宜，牆身和枱椅都有木材質感，感覺柔和。我食了黑蒜拉麵和日式豬軟骨。黑蒜拉麵我揀了硬麵，煙韌有硬口，不錯；湯底味濃，有些許油香，但不膩，飲一口又食一口麵，口腔立刻充滿黑蒜的香味；叉燒和同類拉麵店比較，叉燒厚度不算突出，不過有一定水準，肉質不會太硬，咬一口叉燒肉和脂肪，油份散發在我口中，感覺實在不錯；可惜份量有限，我食完未有飽意，要追加小食。日式豬軟骨質素一般，肉質偏硬，不算十分腍，但總算能咬開肉和骨，份量都是略嫌不足。以上兩款食物質素可以接受，味道雖好但在同類店舖中不算突出；份量偏細，價格雖稍較其他拉麵店低，若計上追加小食或玉替，總支出就相約，日後路過會考慮這餐廳。

平時好少去開深水埗區，早前經過要去高登買電腦野，順便周圍行吓搵好嘢食，發覺原來都有好多又平又抵食的餐廳呢！今次就試咗一間日式拉麵店，平平哋又幾好食，所以就介紹一下啦！餐廳午市時間都有套餐供應，但夜市呢就要單點散叫，不過價錢都不貴也算很抵食，可能遷就返深水埗區的消費指數吧！主食點了海老拉麵，小食就選了日式炸蝦餅，兩者都係我最喜歡的蝦口味呢！海老拉麵其實就是加了櫻花蝦的豬骨湯底拉麵，櫻花蝦的味道很濃郁，與豬骨湯底相配沒有違反感，入口的味道很香濃，正！叉燒厚切很大塊，大件夾抵食，而且肥瘦適中，不會有油淋淋很肥膩的感覺！流心蛋一咬就知流心的效果，蛋香而滑炸蝦餅烹調得很出色，不會炸得過火，餅肉很紮實，而且還食得出一粒粒的蝦肉，貨真價實呢！

想不到作為平民區的老深，除了粉麵陣營外，還有不少挑戰 - 拉麵店，例如黑岩拉麵。地點方面，位於鴨寮街附近，店面不大卻不難找。店內裝修算是有日式麵屋風格，不過不失。枱上有水和調味料，自助形式不煩人。餐牌簡單易明，直接在上面選項就可以。拉麵共有4款：原味、黑蒜、辛辣及海老，叉燒可選厚切或火炙，配菜有蔥或椰菜，麵條亦可以自選軟硬度。再加上額外配料選項、多款小食及普通汽水。《日式豬軟骨 $21》豬軟骨份量不少，上面舖滿蔥花，豬軟骨色澤深，入口又腍好又入味，膠質滿滿很不錯。《黑蒜拉麵 $78》自選配搭了火炙叉燒、椰菜選擇和普通硬度的拉麵。火炙叉燒油潤腍身，麵身爽韌；湯底除混入黑蒜油，麵中還加有炸蒜同豬肉碎，十分香濃，但個人而言有點偏咸。《辛辣拉麵 $72》自選了厚叉燒，厚身之外入口軟腍，麵中有辣醬肉碎，湯底辣度適中，很有風味，麵韌度選擇普通，爽口煙韌。辣度夠不夠還是因人而異。《配菜 - 溏心蛋 $12》溏心清甜，要另點而不包在拉麵內。整體來說最日式豬軟骨和叉燒值高分。

路過深水埗，以前都會去食混亂拉麵，但自從搬遷之後，只好到處搵食，偶然得知這間拉麵有黑蒜。而蒜就是本人最愛，當然不能放過。再加芽菜芽菜芽菜多生蒜，多油渣就是一等一味道。

都不是第一次來麵屋黑岩，會再光顧的原因不外乎平、靚、正。這家拉麵店充滿和色，彷彿去了日本一樣。環境寬敞，裝修以木作為主色，簡單而舒適。這家餐廳跟其他拉麵店一樣，都是先選擇湯底、然後配料、麵質等等。海老火炙叉燒拉麵我選了海老火炙叉燒拉麵，拉麵剛上枱就香氣撲鼻，湯底由豬骨湯和雞湯調成，十分鮮濃，但有點兒鹹。湯底配上很多櫻花蝦，每一啖都有很鮮的櫻花蝦味。火炙叉燒肉質鮮嫩，肥瘦均勻，經火炙後變得更香口而且惹味，入口即溶。海老拉麵還加入了免治豬肉碎，肉味濃郁。我再加了溏心蛋，溏心蛋非常鮮甜，更有流心，配合得好好，簡直錦上添花。黑松露燒叉燒黑松露很香，配上叉燒倒是第一次吃，非常特別。黑松露配叉燒沒有不夾，也算可口。而黑松露燒叉燒比火炙叉燒偏瘦，也偏乾身。這家充滿和色的拉麵店，價錢合理，食物味道保持水準，值得一去再去！

約了朋友去深水埗黃金商場行街，途經長沙灣道見到有間「麵屋黑岩」食日式拉麵🍜，突然好想吃就試試啦！店外都感受到日式料理風味🏮門外擺設了拉麵🍜餐牌，有4種味道選擇，有原味、辣味、海老、黑蒜😍進入店內播放日文歌曲📀好有格調呢！點餐運作模式是用循環再用餐牌，可以餐牌上寫上✔️落單的食物👍👍我點了《黑蒜味拉麵》＄78，麵身彈牙，很香黑蒜香味，非常好味😋朋友點了《海老味拉麵》＄78，湯底濃郁，很香櫻花蝦味道，啱晒朋友嘅口味😋追加了配菜《糖心蛋》＄12，內裡是流心的啊👍又點了一款小食《薯片雞翼》＄26，食落熱騰騰的，很香口😋

每次要買電腦野自然就會去深水埗，順便吃個飯。有一段時間沒到過深水埗，除了出名的食店仍然屹立不倒，也加入了些新面孔。發現一家拉麵店，紅色的博多地道非常吸睛，於是就進了去。室內是傳統香港拉麵店的格局，麻雀雖小，五臟俱全。餐牌上除了原味，辛辣，黑蒜，海老，還有期間限定的味道，而最近的期間限定是海膽拉麵，可惜今天來遲了一點，無緣一試。拉麵的價錢也很大眾化，最平的都不過是$68，絕對貼地。海老拉麵 $78櫻花蝦份量不吝嗇，櫻花蝦湯底的咸香味濃，但沒有死咸。火炙叉燒有炙燒香，口感比一般的叉燒更討好。另外加一份溏心蛋，溏心的效果好好，放到拉麵上就錦上添花。黑蒜拉麵 $78先將中間大大舊黑蒜撈勻拉麵，湯底混入黑蒜，生蒜和豬肉，蒜的味道突出，厚切叉燒肥瘦均勻，口感唔錯。豚肉炸薯餅 $20外脆，中間香腍。這是一家性價比不錯的拉麵店，有它的吸引力，難怪食客絡繹不絕。

深水埗越來越多有質素小店，大家都努力將這香港舊區特色重建成一個創意用心的小社區。這家拉麵🍜都秉承創意小店理念，推出不同創意小食，唐揚魷魚、吉列三文魚、薯片雞翼、松露燒叉燒⋯⋯再加上舊有日式傳統小食，章魚小丸子、豚肉可樂餅⋯⋯另外，拉麵有香港人最愛既櫻花蝦拉麵，香口而蝦味鮮甜濃郁既湯底（這款是期間限定 是當季食材才有的）👇🏼 朋友喜歡這家已出名的黑蒜豚肉拉麵，重口味，湯頭更濃郁，師父將叉燒煎過燒出油會更香口 少了多餘油脂👇🏼總括黑岩拉麵性價比高，價錢適宜 味道有質素。

放工後去深水埗買嘢，買完已經七點半，經過呢間日式餐廳，之前係朋友嘅ig睇過佢post嘅食物相好似好好味咁，所以就入去試下。我叫左一個海老拉麵同最愛嘅溏心蛋上面有滿滿嘅櫻花蝦，令到湯底好鮮甜好濃郁。仲有好大塊半肥瘦嘅叉燒，叉燒肉質好嫩，雖然未去到入口即溶，但係就好鬆軟好入味好腍拉麵亦好爽口彈牙，吸收曬湯汁，不得不提嘅係麵量好多，叉D食唔曬。而溏心蛋都不錯，裡面嘅蛋黃剛剛好，唔會太熟，我終於暖食，所以我將佢放入湯底，伴隨湯底一齊食，非常正

隱藏在深水埗的日式拉麵店 和同區很多的餐廳一樣 具有極高CP值 😋 同朋友找到近地鐵站超近的這間拉麵館 八時許見到座無虛席 我們就心思思排隊一試 等大概5分鐘已經可以入座呢度嘅拉麵有四款湯底 🍜 我同朋友分別選擇咗黑蒜油和辛辣湯底 而配菜方面 我們就叫了一人一款不同的叉燒 分享一下 厚叉燒和火炙薄叉燒😋我個人還要了一隻糖心温泉蛋！除此之外 我們看到附近枱的人的小食非常吸引 別追加了一點炸魷魚🦑我的黑蒜油拉麵 一上枱已經非常香濃的蒜味撲鼻而來 那一團黑黑的感覺是黑蒜末和肉碎 令湯底喝起來 有小小咬口 湯底濃而不膩 好吸引！麵的質地我選擇了硬度適中 和我在日本拉麵店吃的口感非常相似 麵條雖然幼身但亦可以掛起湯汁 好💯至於我朋友的辛辣湯底 辣度雖然冇得選擇 但既定的湯底辛度適中 微辣令湯底香氣升級 入口時不算辣 但慢慢吃下去 辣到就會逐漸累積 帶少許麻 佢既辣油相當香👍🏻叉燒方面 這間店處理得非常得宜 肥瘦均勻入口甘香 如果喜歡少少燶既焦香氣 不妨選擇火炙叉燒！溏心蛋無令我失望 蛋白嫩滑蛋黃流心 是我心目中拉麵的完美伴侶👍🏻我和朋友也好滿意今晚的「揾食記」遇上了一間值得再來的拉麵館😋

最近經常去食拉麵，前排去咗深水埗行街，又發現有間好似開張不久的拉麵店，膽粗粗入去試吓啦！始終深水埗都不算旺區，屬於平民化的舊區，所以餐廳都走一些街坊路線，有一些套餐優惠，價錢亦不算很貴，經濟實惠抵食！門口有一個紅色大燈籠，木門入口感覺亦很日本風，門面裝潢也算很有誠意了！餐廳很環保啊，用蠟筆在特製餐牌上選取自己喜愛的拉麵和小食，之後可以抹掉重用！可惜今天期間限定賣光了，沒什麼好心水，同朋友一起試了店員推介的海老拉麵吧！小息先點了櫻花蝦餃子，餃子皮薄，煎得很香口鬆脆，沾一些特製的餃子醬汁吃入口感覺也很滋味！再來就是主角上場了，海老拉麵再追加紫菜，雙倍叉燒和糖心蛋！大大份超抵食呢！海老拉麵說穿了就是櫻花蝦湯底，蝦味濃郁，與平時吃開的豬骨湯底就是另一種味道！叉燒亦燒得香口很大塊，不會過多脂肪肥膏，吃入口不會肥膩的感覺！而且拉麵硬度適中，不會太軟淋無味，整碗拉麵的水準完全超出小弟預期呢！👍🏻👍🏻

知道SSP開左間拉麵就特登過黎試下!款式既選擇唔係好多~我就簡左黑蒜味拉麵要厚切鹽燒叉燒，都好大塊好淋好香!叉燒燒到香口!麵既硬度我簡左普通，對我黎講岩岩好~唔會太硬!湯底又好濃好岩我胃口!!差D飲哂成個湯跟住仲另外加左個小食，薯片雞翼!聽到個配搭覺得好得意，D薯片又幾MATCH到，炸粉不會太過厚，好脆又好味!OVERALL 都覺呢間CP值幾高，服務都唔錯，同埋坐得幾舒服!下次經過會再食，試下其他小食同湯底!

深水埗可以話係我同小胖女經常搵食既地方,因為呢頭好多平民級美食出現,今日比我地發現到呢間新開既黑岩拉麵,即刻黎試下佢,店內環境幾骨子,店員會送上一塊板比你,自己畫,有得選擇麵既軟硬度啦,湯既濃度,呢點的確幾貼心,因為每個人會有唔同口味,仲有其他配料例如白蔥,多叉燒等等可以滿足唔同需要,我地就點左一人一個拉麵同小食,小胖女就叫左個蒜拉麵配火炙叉燒,我就叫左個辛辣拉麵,另外再叫左個櫻花蝦餃子同薯片雞翼,拉麵最講究係個湯底,呢到做得唔錯,由其是係小弟呢個辛辣拉麵,唔會淨係食到辣味,火炙叉燒肥瘦度都ok,燒完個味度唔會太過刺激,份量亦都足夠,小食方面都做得唔錯,雞翼炸到卜卜脆,整體水準係中上

下午去ssp試下呢間無乜人彈的黑岩拉麵唔駛等位，得兩個客食緊我自己一個所以坐bar枱望下佢煮麵Bar枱好高,坐得唔算舒適叫左黑蒜拉麵 ,㨂厚叉燒 ,麵就普通硬78 蚊唔覺得好平 ,屬於正常價 ,所以我對佢都用返一風堂果d出名店的要求碗麵煮好 ,係要我接 ,而唔係擺我面前咁樣幾危險,亦都感覺唔好無紫菜無蛋 只有一片叉燒同葱有木耳絲撈埋首先試一口湯 ,好咸好重味精嘅感覺個碗唔夠熱,湯底太差 飲多啖都唔想跟住試麵, 麵偏幼但硬身 ,唔似舖頭賣的質素水準一般最後叉燒 就幾好 夠厚夠肥夠林 食完飲兩杯水出門口都仲覺得條脷有味精好口渴的感覺唔駛再幫襯第二次了

香港食拉麵選擇非常多但係價錢都偏貴偏偏比小妹遇到呢間係九龍區性價比高之王！拉麵款式選擇不多只有4款日常選擇也是可以選擇拉麵的軟硬度但這間叉燒都可以選擇火灸/厚切最後我們選擇了海老$78火灸叉燒/配菜：椰菜個人比較喜歡海老拉麵 味道濃而不膩加上海老的鮮味 令味道得而提升湯頭更加鮮甜另外點了黑蒜$78厚切叉燒；配菜：蔥黑蒜味道更加濃 咸香咸香的叉燒兩款都嘗過 火灸味道更加出色薄切比較嫩口厚切是啖啖肉之選溏心蛋更是水準之作蛋味香濃令人食過之後印象難忘在香港很難吃到性價比高的拉麵這暫時成為我心中的第一名一定要試試喔