麵家

营业中

休息中

【🍜麵家｜難忘白雞湯👍🏻】銅鑼灣登龍街一帶真係幾多啱我口味嘅野食，講食中式粉麵，我最鍾意「麵家」，佢哋嘅湯底同埋shake魚皮都係我最愛😍秘製慢煮牛腩蝦籽麵配招牌白雞湯牛腩慢煮得十分腍，用上牛坑腩部位，肥與瘦之間，腍中帶爽口，配埋蝦籽麵出奇地夾，白雞湯底功不可沒。.招牌櫻花蝦雲吞粗麵配招牌白雞湯用上櫻花蝦和鮮蝦，雲吞大大粒，彈牙惹味集於一身，配上靈魂白雞湯，全碗連湯帶麵全清。.甘梅shake shake魚皮台式甘梅粉倒入紙袋起勢shake, 啱晒喜歡體驗嘅我！魚皮與甘梅粉又出奇地夾到。.自家製辣菜脯與辣椒醬麵彈湯靚之餘，一間麵店最理想就是擁有自家製辣椒醬及菜脯，每每就係我回頭嘅秘密，今次我都超鍾意麵家嘅辣菜脯，可惜暫時未有單樽發售。麵好食原來係用咗有50年歷史嘅本地老品牌「永樂麵粉廠」，同埋70年歷史嘅「雙喜」河粉，粉麵控朋友都知道係好野！

🍜🍜 呢間麵店，主打自家秘製湯底同精選食材，無論撈麵定湯麵都係誠意十足！🔥🍲 秘製慢煮牛腩撈波菜麵🥩牛腩用秘製醬料慢煮至入味，肉質軟腍得嚟仲帶有少少膠質口感，啖啖都係香濃牛味～面底竟然有得揀波菜麵好特別，撈埋牛腩汁一齊食又幾夾。另外都跟咗一碗清湯我就揀咗大地魚雞白湯，熱辣辣就咁飲或者送麵食都好正咩都有麵 🍲🐟🐓 揀咗大地魚雞白湯，湯頭好鮮甜”每日熬製至少8小時”嘅湯底😍送麵食飲到一滴不淨😂，名副其實嘅「咩都有」，真係好豐富，有雲吞(係店家自家包好足料！)、墨丸、牛丸、魚蛋、牛腩同貢丸(丸類大粒又彈牙)，配河粉朔晒啲湯底，每一啖都係湯同粉嘅完美融合 😋時令油菜*🥬簡單嘅清新又解膩！

🇭🇰 Causeway Bay 銅鑼灣｜Min Gaa 麵家New noodle place alert! This restaurant may look like the other noodle 🍜 place but what’s so special about it is their unique broth that is used for the noodle! It takes over 8️⃣ hours to make their wonton noodle broth! Even the wonton are made by themselves everyday to ensure the quality and freshness! 😆Here are some noodles that I tried:•𝐒𝐞𝐜𝐫𝐞𝐭 𝐒𝐥𝐨𝐰 𝐂𝐨𝐨𝐤𝐞𝐝 𝐁𝐞𝐞𝐟 𝐁𝐫𝐢𝐬𝐤𝐞𝐭 𝐍𝐨𝐨𝐝𝐥𝐞𝐬 (𝐂𝐨𝐧𝐜𝐞𝐧𝐭𝐫𝐚𝐭𝐞 𝐂𝐡𝐢𝐜𝐤𝐞𝐧 𝐒𝐨𝐮𝐩)The beef brisket 🥩 is perfect in terms of texture and I love the

最近喺社交平台睇到人介紹呢間係登龍街食雲吞麵嘅舖頭係用雞湯底配雲吞麵覺得幾特別就去咗試。平日夜晚餐廳唔算好多人都唔使等位就可以入去，不過就要同人搭枱。餐廳環境唔錯係啱啱裝修好所以好新淨。雙拼麵- 雲吞拼牛腩+$10 ($65) 湯底揀咗雞扒湯配粗麵，雞湯好鮮甜同出邊食到嘅魚蛋粉湯底好唔同，睇得出係用心熬製嘅湯底。不過本身以為係好濃雞味，不過飲落係偏清甜感覺應該冇加味精。但係個粗麵有啲失望，佢係比較偏腍唔係魚蛋麵舖嗰種粗麵，而且唔係好吸到雞湯味。另外牛腩賣相同份量都唔錯，可惜肉質偏韌個人鍾意比較腍身。我覺得雲吞係最出色，第一次食咁大粒咁足料嘅雲吞，而且味道都唔錯。招牌櫻花蝦雲吞魚蛋麵 ($55)湯底揀咗大地魚雞湯配幼麵，湯底同普通雞湯唔同係多咗啲鹹鮮味，不過就唔係好飲到湯入面話有魚嘅味道。幼面同粗麵都係一樣冇咩咬口比較腍。櫻花蝦雲吞好大粒，而且一件充滿櫻花蝦加埋本身蝦嘅鮮味食落好滿足。時命油菜-菜心苗 ($22)菜心份量都多同好清甜，而且蠔油中可以分開上。重點係個湯可以免費追加，飲到夠為止😂。飲得出個湯底係好用心每日新鮮熬製而成，如果鍾意飲清甜雞湯嘅就值得你試吓。

早排見有個YouTuber介紹香港雲吞麵店見佢話呢間有雞白湯底😍即刻mark低去試可以揀湯麵或撈麵，多款配料選擇，仲可以雙拼枱面有辣菜脯，好夠惹味亦不至於麻辣，自己不停加🙈▶️ 雲吞、牛筋、秘製慢煮牛腩三拼湯麵 ($68+10)配蝦子麵 (+$12)呢度採用香港50年老字號「永樂麵廠」蝦子麵🤩自己咁大個女第一次食蝦子麵，質感爽口幾好食湯底揀咗大池魚雞白湯，無味精、無添加，經8小時熬製雖然冇日式雞白湯咁杰咁濃郁，但清清地又鮮甜🤍就咁飲都OK櫻花蝦雲吞每日自家製新鮮包，大過乒乓波😍皮薄餡多入面原隻蝦仲有豬肉球、櫻花蝦同蟹籽粒🥟口感勁豐富，調味到位感覺似食緊湯燒賣，must try!牛筋處理得好乾淨，份量唔少，雖然未係自己最鍾意嘅質感，但有入口即溶感覺且有滷水味牛腩揀咗瘦啲，慢煮果然唔同啲，肉質鬆啲且入味，帶適量肥膏▶️ 雲吞、牛筋、金錢肚三拼湯麵 ($68+10)配蝦子麵 (+$12)朋友的～都係第一次食金錢肚，比預期好味個口感好得意😮入口紮實又爽彈▶️ 時令油菜- 菜心苗($22)菜心苗翠綠新鮮，簡單配蠔油，健康🥬▶️ 冷萃烏龍茶x2 ($15)支裝飲品，凍飲好解渴-平時都唔會食雲吞麵舖，但呢間

昨晚與老公去到銅鑼灣登龍街的「麵家」，一嚐有港式情懷的麵店。 我們點選了兩碗三拼麵，材料包括雲吞、墨丸、金錢肚，配以米粉和招牌大地魚雞白湯。另一碗是雲吞、魚蛋、秘制慢煮牛腩，幼麵和招牌雞白湯。 比較驚喜的是慢煮牛腩、雲吞及湯底。自家炆慢煮牛腩，牛肉非常入味、嫩滑，入口即化。雲吞非常大粒，老闆跟我們說，這裏的雲吞每天自己新鮮包。湯底每日熬至少8小時，用雞腳雞肉熬製而成的雞白湯，湯底的確非常美味，可以全部飲盡。麵食亦彈牙爽口，幼麵是用上超過50年老字號永樂，河粉則是超過70年的雙喜。 這家店內裝修合宜，乾乾淨淨，環境舒適，服務員亦熱情友善，絕對值得一試！ #麵家#登龍街18號V Point地下3號舖

麵家 @mingaa.hk 推出特別口味的港式粉麵主打雞白湯 無味精 無添加 用超過8小時熬製濃而不膩 必食：鮮肉櫻花蝦雲吞及慢煮牛腩乾麵選用超過50年老字號永樂🇭🇰香港制造⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯🍤招牌櫻花蝦雲吞撈麵。撈蝦籽麵。招牌雞白湯店內招牌菜當然要試 雲吞以咸香櫻花蝦為主大大粒 咬開便感受到豬肉的鮮美及蝦的新鮮配上爽彈的蝦籽麵🍜淋上蔥油後更增添風味雞白湯味道清新而不膩 令人驚豔 成碗湯飲哂·🍛火辣紫薯咖哩雙拼撈麵。撈粗麵(秘制慢煮牛腩｜金錢肚)。招牌大地魚雞白湯期間限定的撈麵 紫薯咖哩的獨特風味有驚喜辛香四溢帶微甜 特別適合喜愛重口味的食客選擇金錢肚🐂秘制慢煮牛腩比坊間炆得更淋粗麵口感滑順 以招牌大地魚雞白湯解辣一流·🐟香脆魚皮。芥末Shake Shake粉除了單吃外 還可加錢配調味粉shake shake三款口味(甘梅 芥末 BBQ) 成為極佳開胃小食推薦芥末～微妙芥末香氣增添了魚皮層次感口感極為香脆🚨依家follow 社交平台page 免費送·🍹紅茶花伝檸檬紅茶🥃冷萃烏龍茶

早前看了一條介紹三間港島區牛腩的YouTube片，窩夫對銅鑼灣的「麵家」最感興趣，某晚加班後去嚐嚐。窩夫是因為牛腩而光顧的，又想試招牌櫻花蝦雲吞，便來一碗雙拼吧。雙拼要秘制慢煮牛腩要加10元，窩夫特別欣賞牛腩可選「肥啲」或「瘦啲」，因為個人很怕太肥的牛腩。香脆魚皮($22)炸得鬆脆，不會太硬，今次吃的是原味，下次試試shake shake的。雲吞拼牛腩的雙拼麵($65)來了，湯底可選雞白湯或大地魚雞白湯，窩夫感覺雲吞要配大地魚，所以選了大地魚雞白湯。麵底選了本地老字號「雙喜」出品的河粉，信心保證。大大粒的自家製雲吞白𥚃透紅，雲吞皮夠薄，透出入面櫻花蝦的紅色，咬開雲吞散發出濃郁的櫻花蝦香味，一試難忘。「瘦啲」的秘製慢煮牛腩賣相和口感都跟平日吃的清湯腩不同，牛味特別濃，別樹一格的小店絕對值得支持。「麵家」用上非一般港式粉麵的湯底，雞白湯熬煮至少8小時，誠意之作，絕無味精，難得窩夫會把湯喝光呢。

老公知我最鍾意雞白湯，平時我就唔識整架啦！所以佢專登帶我黎呢度食野，呢度啲湯底無味精，仲話熬至少8小時而成，所以可以一邊食麵一邊放心飲湯，我地最後每人叫左一碗麵秘制慢煮牛腩牛肚金錢肚三拼麵（雞白湯）第一次食港式粉麵係配雞白湯，雞湯好濃郁而不油膩，真係幾好飲，我最後飲哂！慢煮牛腩係餐廳自己炆嘅，好入味！而牛肚同埋金錢肚都好軟淋，無異味！好味嘅一碗湯麵秘制慢煮牛腩牛筋墨魚丸三拼撈麵（大地魚雞白湯）牛腩牛筋份量都唔少，香味濃郁，肥瘦適中，都好腍又入味，唔會太韌！墨魚丸好彈牙，配埋爽口彈牙嘅撈麵一齊食，惹味又可口紅茶花伝檸檬紅茶菜心苗餐廳舒適，乾淨企理！餐廳店員服務態度好友善，抵讚！今次佢哋嘅自家製雲吞賣晒，下次會再黎幫襯！

平時一個人喺銅鑼灣，最煩就係食咩好😆 朋友話俾我知銅鑼灣最近有間好Hit嘅麵店，叫我一定要去試吓😎 佢推薦我試佢地嘅招牌雞白湯，一於試吓😎餐廳唔算好大，裝修好靚，乾淨又企理👍 而且店員都好好招呼，仲同我介紹佢哋嘅招牌菜，真係一間好有心嘅小店🥰 🌟雙拼麵套餐🍜我揀咗雲吞，拼慢煮牛腩，呢兩樣都係佢哋嘅信心招牌菜😎 自家炆慢煮牛腩勁靚仔😍 每片都好靚，一層筋一層肉，軟腍帶爽🥰🥰 雲吞每日新鮮自己包，勁大粒😍😍 裏面有原隻鮮蝦，超級爽口彈牙，食得出係新鮮靚料👍 我揀咗蝦子麵，原來係香港超過50年嘅老字號面廠永樂嘅出品，唔怪得咁好食🤩 最後最後一定要讚一讚嘅係雞白湯，同我想像中嘅雞白湯有少少唔同，我印象之中係日本嗰種奶白色嘅雞白湯，飲完都幾漏😆 呢度嘅雞白湯係類似中式慢慢熬煮嘅足料雞湯，非常鮮甜，成碗湯飲晒都唔會覺得口渴，真係勁正🫶🏻 🥬蠔油菜心苗有心嘅店舖，果然連碟菜都講究啲😆 菜心苗翠綠油潤，賣相已經非常加分👍 菜心苗非常新鮮爽脆，烚嘅生熟度係剛剛好👍👍👍 🥤冷萃烏龍茶套餐仲包咗一杯飲品，我就揀咗冷萃烏龍茶，係淳荼舍嘅出品🫶🏻 呢間麵家真心唔錯，唔怪得我朋友極力推薦，十分推薦大家嚟試吓🫶🏻🫶

講開港式粉面多數都係魚蛋雲吞 加埋鹼水味好重嘅麵冇乜新意 實在唔係太吸引 所以都好少食但係最近喺銅鑼灣發現咗一間新派嘅港式粉麵店無論係湯底定係小食都非常吸引 價錢仲要好合理無論係下午茶定係晚餐輕食都係一個唔錯嘅選擇-🤤秘制慢煮牛腩麵 $58推介佢哋自己炆嘅慢煮牛腩 有五大片 肥瘦適中 肉質軟腍最特別係佢哋嘅湯底有雞白湯同大地魚雞白湯佢唔係拉麵嗰種好濃厚嘅雞白湯而係比較清甜啲嘅唔會搶咗牛腩嘅風頭 同港式粉面亦都比較搭雞湯原來用咗超過8小時製作 真材實料記得好似我哋咁飲晒啲湯呀🤤-🤤招牌櫻花蝦雲吞魚蛋麵 $55另一個驚喜位就係雲吞 原來係舖頭自己新鮮包因為加咗櫻花蝦 同平時食開嘅雲吞味道好唔同 多咗層次佢嘅肉亦都冇出邊咁多肥豬肉雲吞大大隻 非常飽滿 皮薄餡靚雖然得兩粒雲吞 但係絕對食得滿足配大地魚雞白湯 同老字號永樂出品嘅粗麵 係絕配🤤-🤤shake shake炸魚皮 （免費）餐廳最近做緊優惠 只要follow佢哋IG就送炸魚皮最特別嘅係佢係Shake Shack炸魚皮！有三款口味：梅 Wasabi BBQ我哋就揀咗梅味 好似食緊甘梅粉炸番薯條咁！包埋紙袋同味粉 有得食有得玩魚皮炸得香脆

.作為香港人 🇭🇰 你知唔知🤔 雲吞麵既由來？分派系？.雲吞與麵一體成形｜骨肉不分離香港🇭🇰麥氏派系｜以大地魚湯底配雲吞麵出名最初由竹擔雲吞麵為宵夜小吃｜於老廣州成菜餚發源點簡單來講【 作為宵夜 一口麵 三粒雲吞 收工 】雲吞以一口一粒為佳 舖底｜爽口鹼水麵蓋面時至今日 成為廣東菜餚之一.大地魚湯底 就係配合 並 提昇 雲吞【鮮】與【香】屬性粵菜特色【 物盡其用 巧手工藝】大地魚就係其中一員 普通到係浙江一帶既比目魚｜鰨沙而大地魚一詞就等同魚乾｜烤至酥脆 出油 磨成粉將大地魚粉混入豬肉餡料｜包入雲吞作提鮮而且｜雲吞 🈯️ 要即日包｜即日煮因為大地魚【香味】容易散走.🍜 招牌櫻花蝦雲吞魚蛋麵 🍜蝦籽麵｜招牌大地魚雞白湯｜ $67Signature Sakura Shrimp & Wonton Fish Ball NoodlesShrimp Ros Noodles｜ Flounder Fish Chicken Soup🔸🔸🔸🔸🔸🔸巨大雲吞當然係 signature｜大唔係重點 好食才是重點晶瑩剔透雲吞｜雲吞皮薄 餡料豐富一眼望到因巨大化｜雲吞由常見【金魚尾包】改為【菊花中央包】咬一啖 就食到

位於登龍美食街地下，一眼就會見。食晚飯時間剛好有位就唔使排隊。🥢 秘製慢煮牛腩撈麵 （揀左腩汁）嚟到無可能唔食佢皇牌嘅，佢嘅慢煮牛腩同我食其他餐廳嘅唔同，其實佢賣嘅唔係重重腩汁，而係整體肉質，食佢本身嘅牛肉香，個人幾喜歡佢牛肉同肥腩分明，邪惡但好正！不過因為揀左腩汁咁我又覺得撈麵唔夠味，可以下次試佢蠔油撈。🥢 牛雜麵 牛雜新鮮，佢個雞白湯好好飲，好似飲緊媽咪湯咁，麵底用咗永樂粉麵出品，無得輸。麵家價位大眾化，平時一個件嚟醫肚又想飲湯，佢一碗攪掂了！

跳完兩場舞過對面同姑姑去醫個肚先聽朋友講呢間麵既湯底係可以飲晒唔口渴有好幾次經過都想試正好仲係下午茶時段揀左兩個下午茶雙拼湯麵分別係招牌櫻花蝦雲吞魚蛋河粉$57要招牌大地魚雞白湯～等食期間睇住店員逐隻雲吞係咁包餡料十足非常飽滿～一上枱就見到奶白色既湯底飲落鮮甜偏向清淡大地魚味道突出真係幾唔錯雲吞個頭好大大過大魚蛋咬開就見到一隻蝦係中間～真材實料魚蛋都幾彈牙我叫左秘制慢煮牛腩拼牛筋轉菠菜麵$75湯底係招牌雞白湯呢款湯底相比大地魚較為濃郁～個人比較喜歡呢款，大家都各自選中喜歡既口味👍慢煮牛腩真係比較少見每塊慢煮牛腩都粉粉嫰嫰口感比平時食開既嫰滑得多雖然要左肥d但食落一d都唔膩牛筋長過我手指～炆得幾腍係我鍾意既口感菠菜麵口感適中都唔錯落埋自家製惹味鮮辣菜脯即時昇華左唔食得辣既建議唔好落咁多我就落左兩匙好惹味正另外再加左個蠔油菜心飲品就要左豆漿同忌廉店鋪已經唔少聖誕裝飾～仲有大小聖誕樹～都幾有節日氣氛店員們都非常親切～會推介有咩招牌菜～會問你夠唔夠飽下午茶嚟講份量都算大份唔講唔知河粉係出自有70年歷史既雙喜～其他麵係出自超過50年既永樂～堅持香港製造食得安心～大家一齊支持本地小店

早排有朋友介紹過呢到係新開張，帶左男朋友嚟試下個牛筋好唔好味因為新開鋪關係，果陣做Like 就送左個炸魚皮都幾好食，好脆🍜我叫左個2餸牛筋，牛丸配大地魚雞白湯米粉個湯就正正常常，味精唔算重牛丸都普通，但都算大粒牛筋真係全筋冇咩肉，而且好爽彈口個米粉我覺得份量有d少，有少少唔夠飽😂💫我地叫個油菜(蠔油菜心)，有d細碟🍜男朋友係食蝦子麵配牛腩但牛腩太多肉，麻麻地以車仔麵嚟講，佢價錢貴左dd不過餸都比得足料同埋新裝修，實乾淨但米粉份量我係女仔都覺得唔夠飽不過牛筋真係幾好食下次順路應該會淨叫牛筋食