再嚟D2 Place 鹈舞食饭。今次主要想试呢度新推出嘅「德岛美食祭」同埋「秋刀鱼祭」菜式。🐟秋刀鱼刺身秋刀鱼刺身摆盘精致，肉质肥美富弹性，仲带有甘甜浓郁嘅鱼鲜。秋刀鱼秋天最肥美，被日本人视为「秋の味觉」的代表之一。以姜蓉、葱花去衬托出秋刀鱼油香系最正宗嘅配搭。🍠黑糖鸣门金时蕃薯条 配忌廉芝士沾酱 以甜度高、纤维少、口感佳嘅德岛鸣门优质金时蕃薯，切成幼条，炸至金黄色，口感变香脆，加上黑糖糖浆，咬下去甜而不腻。配搭自加装忌廉芝士酱，我系食到停唔到口！呢个小吃造型靓，打卡𩠌酒必点！ 🧡神山香菇北海道海胆寿司徳岛神山町出产嘅「神山香菇」肉质肥厚、口味鲜香。加上北海道海胆，劲甘甜浓郁，呢个创新嘅配搭超赞。🐓明太子芝士酿阿波尾鸡翼 阿波尾鸡系代表德岛嘅高级地鸡，低脂肪健康、口感酥脆。阿波尾鸡翼肉味香浓，酿入福冈明太子、芝士及明太子辣味噌，炸至金黄色松脆，入面嘅鸡肉仍然软嫩多汁。🥟阿波尾鸡饺子天妇罗 这晚阿波尾鸡嘅另一美食。采用肉质扎实低脂、鸡味鲜香浓郁嘅阿波尾鸡做饺子馅料，饺子皮薄至半mm。这阿波尾鸡饺子沾上轻薄酥脆的天妇罗面衣，炸至外层酥脆、带嚟无比惊喜嘅丰富口感。🥘铁板油浸芝士有马山椒德岛釜扬丁香鱼 日籍主厨以「釜扬」工法制作德岛釜扬丁香鱼保留丁香鱼嘅鲜嫩。将丁香鱼、芝士及兵库县有马山椒以橄榄油放上铁板加热至焦香气。山椒嘅独特柑橘香气及清爽麻味，能中和丁香鱼腥味提升整体层次。以香脆多士沾上橄榄油、釜扬丁香鱼、微溶芝士及山椒粒食别有一番滋味！🍋德岛半田酢橘冷素面德岛县半田素面搭配德岛名产酢橘制作清爽冷面，Q弹微酸、清新开胃! 之前每次去日本都会揾嚟食，估唔到喺香港都可以食到咁优质嘅酢橘冷面👍🏻作为居酒屋，呢度嘅饮品都有好多选择。我哋就拣咗🍹Umai Calpis Soda鹈舞乳酸梳打🍺Double Cultured乳酸生啤啤酒与乳酸结合，两种发酵技术创造出极致的啤酒鸡尾酒。好甜好易入口！配搭炸物同咸香菜式一流。🈵 整体嚟讲，鹈舞呢次嘅德岛美食祭＋秋刀鱼祭，将正宗日本食材原汁原味带到香港。食材独特优质、菜式美味新颖。炸物尤其出色 … 加埋居酒屋嘅轻松环境，仲好有气氛𠻹！真系好有去咗日本旅行的感觉。…Read More
冇谂过其他菜式都几出色特别系天妇罗店员过来推销的几款菜式，都有叫可以讲系全部都好食天妇罗食材够新鲜，炸虾、炸蚝都系刺身级别（食得出，同急冻货系唔同）粉薄浆脆
侍应都好好，虽然坐卡位，都定时有人过嚟望吓，而落单𠮶位sell嘅嘢食都真系好食依个价钱话平唔系最平，但依个价又做到以上咁多样嘢都做得好嘅餐厅真系唔多食评可能冇其他既咁专业，本人普通食客一名，基本上都唔会特登去写食评。埋单嘅时候听到系餐厅13周年，都几难得人人都话香港饮食业寒冬，希望用心嘅餐厅多啲人知道:)
