鵜舞

今日約咗兩個姊妹淘,聽聞D2 Place有間唔錯嘅居酒屋格調嘅日本菜, 一於同啲姊妹去試下先鰻魚蛋卷, 蛋卷好味,但同鰻魚好似無咁夾燒阿波尾雞翼,燒得香脆,雞肉滑滑,食得出係靚雞燒豚肉,豚肉配上醬汁燒,啖啖肉好惹味呀燒牛舌,厚切架入口非常爽脆,配上新鮮檸檬汁,可以中和油膩感。明太子蛋卷,呢個好味呀明太子咸香配滑滑蛋卷,推介呀鵜舞釜飯,呢個味道一般,價錢略貴。三個人每人分到一小碗,裏面有三文魚,鰻魚配飯及三文魚子。燒年糕, 煙煙韌韌配上甜甜的汁:)我地仲試咗荔枝生啤, 啤酒泡好似沙冰咁,感覺好得意呀整體燒物不錯如果經過附近,呢度係一個飲下酒食下串燒嘅唔錯選擇…查看更多

又有舊同事飯局，揀左依間勁hit嘅日本菜。帶位小姐問我想坐邊，梗係壽司吧啦！望住個日本廚整壽司勁開心！雖然啲樓面員工好忙，但都好好招呼！野食方面燒牛舌壽司無得輸，反而刺身方面未如理想。但加埋招呼，應會再黎！…查看更多

好少去嗰頭， 行過見到，氣氛很好。入去試吓。 walk in 已無 table 枱了，只好坐爐端燒 bar 枱。 睇住個日本師傅係度燒肉，都幾好。 而且抽風很好， 唔會一頭煙。講返食物。要了一個魚生飯和一客鰻魚飯。 魚生飯的魚生不算大新鮮，只是中價貨。 而飯又調得太酸，失去飯味， 十分失望。失望中食個鰻魚飯反而有驚喜。 尐鰻魚很美，入口熔，飯加了浦燒汁，甜甜地，好正。另外，加了兩個小食，明太子蛋卷和炭燒牛舌。 蛋卷和明太子很夾。 但要趁熱食，否則有鯹味。 牛舌就值得一讚， 燒得恰到好處，彈牙又香。 好回味。 如果喜歡飲酒的， 佐酒無得彈。…查看更多

單睇個價單以為好平，點知三五知己小飲返兩杯，愈叫愈多野食，咁就出事啦。講真，呢度野食真係唔特別好食、上菜慢、所有職員都好似傻下傻下不夠醒目，但氣氛真係冇得輸，好似置身喺日本的小漁港、大家一齊開祭典派對咁。尤其是直行到尾有個位可以直接望到廚師做爐端燒，所有新鮮食材都放曬出黎，真係睇到都開心。由於叫左的食物眾多，略講幾味值得分享。個鵜舞沙律做得好，有多種材料口感豐富，但建議mix埋先上碟，因為唔mix試唔曬所有食材。沙律中有吞拿魚、蛋、番茄仔、脆脆、生菜等等，味道互相配合而且放左成晚都爽脆、冇咩出水。番茄sukiyaki唔太ok，個湯底甜到「嗱喉」。而且牛肉片放左入去湯入面，點解唔係燒完肉先放湯…？一點也不日本、不正宗。唔緊要，港式食法一煲上其實都ok，但肉應該分開上，免得放入湯過熟「孩」曬。另外點雞蛋泡泡好嘔心、 我接受唔到﹝我知日本有人點泡泡﹞。咁如果一開頭港式不如全部港式曬，點生蛋液算啦。佢地出名的爐端燒，item有啲好食有啲唔好食。牛舌同魷魚都燒得好juicy，即叫即整所以熱辣辣。塗上少少的青檸汁更帶出肉和海鮮的味道、同時減少膩口。但職員推介、$380隻的大幔就好不濟。鵜舞燒大蝦時控制火喉實在麻麻，燒到乾曬、蝦肉硬曬。明顯調味唔夠、腥！雜菌烏冬麵質滑，但湯底冇咩味，雜菌亦得好少、唔夠食。…查看更多

之前一直都想試呢間, 見介紹講到好日本地道居酒屋咁, 好彩tablemap可以訂位, 所以約埋朋友去試下我地4個人分左2批去, 第一批坐低左先, 我同另一個隨後去到, 一去到門口果度, 店員已經係好熱情 (其實係扮friend果種)入到去坐低, 負責serve我地個枱既店員不斷催我地落單, 話星期五好多人要等好耐, 心諗你都要比時間人望下個menu有咩至得架, 再唔係就一係你地推介囉揀左D串燒, 但又猛咁要我地叫多幾串, 話唔夠食, 我唔係好明點解唔可以比我地叫多幾款唔同既野, 做咩係都要我地同一款叫幾串, 如果係咁樣, 我不如一人一個定食好過啦其實4個女仔order左十幾樣野, 都唔係好算唔叫野霸住人地張枱丫, 同埋朋友之前聽到佢地同冇訂位既人講滿晒唔駛等, 咁即係8點呢轉只係做一轉唔駛趕翻單啦我地叫左：刺身5點 -- 不錯！幾新鮮！鹽辛魷魚 -- 送酒一流碟野上枱後, 前後幾個店員同經理都來問我地知唔知呢碟係咩野, 話好多人都唔知, 驚我地叫錯左, 心諗唔知又點會叫, 叫左又點會唔知呢, 好煩囉明太子蛋卷 -- 入面勁好明太子, 一咬落去就標晒出來, 好好味！蒲燒鰻魚 -- 初時睇餐牌見$180, 有少少保留好唔好叫, 好彩係靚鰻魚, 推介推介！炸軟殼蟹 -- 超大隻, 炸到幾硬下炸蝦天婦羅 -- 唔係平時果D梅晒既假蝦, 但又唔算好好, 普普通通咁啦溫室蕃茄豆腐沙律 -- 超普通, 蕃茄唔似平時日本蕃茄燒香腸 -- 好似話係黑豚腸, 但係我食過之中最難食的月見免治雞串 -- 免治雞入面有軟骨, 有咬口, 最值得讚既係隻蛋, 超濃味, 勁香蛋味一夜干燒魷魚 -- 平日去居酒屋必叫的, 但呢度既係我食咁多之中最難食既一個豚肉露筍串 -- 都算好味燒豬腩肉 & 燒雞軟骨 -- 豬腩肉超硬超咸, 雞軟骨好一般鰻魚牛油果卷 & 鐵火卷 -- 卷物一般, 壽司醋重手左少少燒阿波尾雞雞翼 -- 懷疑係燒完先灑鹽上去, 好唔均勻, 好咸, 嘥晒隻雞翼燒牛舌 -- 口感OK, 但味道普通豚肉生姜燒 -- 港式日本料理都不如, 難食到我地成碟冇食過咁濟燒雞皮 -- 呢一串等左幾個鐘！！！！！身為一間日式居酒屋, 飲品唔掂就真係好唔掂, 做居酒屋都係希望客人邊食邊飲, 燒酎梳打飲唔到有酒, 朋友想叫燒酎Calpis但唔加梳打, 店員話Calpis本身已經有梳打, 好心啦！身為一間日式居酒屋既店員, 唔該你先去了解下公司賣既野先啦, 用來整燒酎梳打既Calpis, 多數係用濃縮版的Calpis, 係無氣架你問我會唔會再幫襯呢間？老老實實, 唔會囉, 雖然佢有幾樣野都幾好味其實唔會再幫襯既原因, 主要唔係因為野食既問題, 係服務既問題, 成晚食左3個幾鐘, 前前後後N咁多次埋來「盤問」我地來左D咩野野食, 因為上菜既店員冇劃走來左咩野, 心諗佢地做漏野關我咩事！？我地來開開心心食野, 唔係來assist你架, 話比佢知有D咩野未來, 佢會反覆問我地係唔係真係未來, 又會不斷同我地講廚房既野食會快過燒既野食, 燒要時間燒, 呢個我都知, 但串燒雞皮冇理由要等幾個鐘囉！！！！！其中一個店員 (應該係國內人), 上菜時我地完全聽唔明佢講咩, 佢話佢自己係外國返來 @@""""""""""" 懶攪笑但一D都唔好笑後來朋友見到佢地上雪糕, 多口問句係唔係送既, 佢地好串咁答話冇得送, $28一杯, 係日本雪糕來既, 朋友再問咁有咩野雪糕, 佢話得一種雪糕, 日本雪糕, 要問幾次先肯講係菠蘿雪糕之後埋單仲發現佢地收多我地200蚊唔知咩野飲品, 好彩有check單咋…查看更多