鴻星中菜 (MOKO新世紀廣場)

营业中

休息中

今日原約了朋友去新世紀「翠園」茶聚，因要輪侯1O9票，就去對面「鴻星」攞輪侯票，實行雙線輪候，誰知，可以即時入座，我們都感奇怪两間酒摟，何解輪候人數相差咁大？後來便明白了平時喜歡打卡(食物和食店環境)，但今日的食物賣相平平不吸引，故沒有食物和環境相片提供。食物除了义燒腸粉好味外，其他都平平，品質跟一般酒樓差不多，但收費偏高，平均每人$164

今日原约了朋友去新世紀廣場「翠園」茶聚，因要等候109票，便去對面「鸿星」取輪候票，採取雙線輪候，誰知「鴻星」可以即時入座，起初都感奇怪。下單點食物，食物都算快送上枱，但因賣相不吸引，没有打卡(平時有打卡習慣)，食物質素除了义燒腸粉稍好，其他都平平。環境一般。

入太子區老人家 想坐好d 環境舒服d真係唸唔到有咩餐廳好食好坐剩係唸到新世紀廣場見有多間食過酒樓(北X樓 ,百X潮X等)心唸 無理由凸登入太子 又食呢幾間最後，揀左鴻星因為甚少食叫左4點心1炒飯賣單＄381 （連茶錢花生加1）仲送左一碟仔京葱海參（只可講 唔啱自己口味）點心有d係每件計😰😰😰芝麻糕 ＄14/細件（好在叫1件試下，象皮糖咁，嚼到.....從未食過咁既口感芝麻糕🤮 出面買中式甜點舖頭都好食過佢。起碼係熟悉既口感，自己都覺難消化，老人家咪更加.......)牛肉腸（皮厚唔軟熟 餡少）福建炒飯 （最食得人，夠濕潤叫足料）其它點心都係 普普通通應該無下次以家物價貴晒卑左叫咁既價錢 但質素真心麻麻 😞真係唔抵食可能吃返北X樓，百X潮X都好過呢間😩

大年初三去飲茶，到鴻星中菜，位於旺角太子道西193號MOKO新世紀廣場6樓601A號舖。 已經有一段時間沒有去鴻星， 點了大約十多款點心， 有多款都是需要逐件叫。 點心有蝦餃、排骨、牛肉球、鳳爪、蘿蔔絲酥餅、蜜汁叉燒腸粉、臘腸卷、叉燒包、四寶滑雞扎和馬拉糕。 其實每款點心質素都差不多， 普普通通沒有一款特別出眾，上菜時溫度更是微暖，個人比較喜歡吃熱辣辣的點心😅。 服務普通，性價比不算高， 埋單大約$600。    鴻星中菜 (MOKO新世紀廣場)地址: 旺角太子道西193號MOKO新世紀廣場6樓601A號舖

平日星期三下午1:45到，見有人排隊等2:00下午茶5折，對面是翠園，也見一長龍，我們也有兩面排，但友人有20鴻星現金券，且鴻星1:45開始取票，1:50就開始安排入座，我們未夠兩點已坐低了。掃碼下單若折後過$200好以有折扣，我們不過便沒有留意，但等了一陣也未有服務員到，便自己掃碼下單，其實都好方便，而且仲可以即睇價錢，原來有部分食品是沒有五折的，一目了然。喜歡點心是可每件下單，就算2個人來飲茶也可試多幾款。另我們要求取消花生等芥位，服務員也即安排，沒有不悅神色。叫了5款點心，5折連茶位加一是$131扣現金券只是$111，實在相宜。牛肉球糯米包幾好，金沙蝦腸都夠脆，蝦餃皇反而覺得一般稍鹹，菜苗卷更差。

雖然呢個套餐算唔貴，但係啲蟹真係唔得，沒有鮮味，又熟得滯，蟹后啲膏硬實實，好唔得。完完全全浪費咗我的quota。 我覺得隻蟹係冰鮮的。未食之前我嘗試請佢俾我睇吓啲蟹先，但係酒樓話唔可以拎啲蟹出嚟。其他配菜我沒有要求，因為大閘蟹先至係主角。 早知自己買啲大閘蟹返屋企食仲好。絕對不會介紹給朋友。

🦀🦀鴻星兩重一后大閘蟹餐🦀Openrice 買左coupon, 店員話：黎到買仲平啦，極掃興掃完兌換code,冇解釋冇講只夜低一埋食物名既單， 店員一味撕走單但未上菜…..大閘蟹尚算大隻，不過膏好淡色，唔爆膏黑松露元貝羹：有d似忌廉菇湯，夠熱ok煙熏鴨胸拼青瓜:鴨胸好香，青瓜都幾好味😎蟹粉小籠包：每人得一隻，感覺唔夠喉，蟹粉唔多，似普通小籠包酥炸廣島生蠔：蠔大大隻，肉厚juicy,脆漿夠薄，yummy😍椒絲腐乳菜苗: 一黎，而且講明一人兩件，好寒酸家嫂臘味飯： 炒得夠乾身又香，岩晒入秋天氣食😋薑汁湯丸： 薑汁份量十足，湯丸皮薄餡多，好味🥰

預早一星期預訂咗一個大閘蟹🦀4人餐，點知今晚去食不但服務麻麻，上菜次序大亂，蟹都未食就先上湯丸，然後嚟咗四粒西蘭花，再問先話每人應該有兩粒。個餐話明係🦀兩皇一后，但係等咗好耐先話🦀后賣晒，冇得食，要我地以皇換后，但我哋不接受，最後只係全單減$200就算，最後未夠鐘就熄燈，好似趕我地走咁😡

一行四人食這個鴻星大閘蟹套餐。本來我們志在聚舊傾偈，估計食物質素係一般酒樓行貨。誰不知有意外驚喜。個湯羹足料，頭盤鴨肉味香肉厚，青瓜爽口。然後主角出場，大閘蟹雖然唔係十分之大隻，但係勝在多蟹膏，鮮味十足。套餐用嘅碟印有大閘蟹圖案，真係花了心思，令客人食得更開心。炸乳鴿，酥炸生蠔及西蘭花時菜亦都火候十足大家都覺得好滿意。臘味糯米飯，滿意程度爆燈真係好食到唔停得口！就係因為呢個糯米飯，我哋協議以後每年大閘蟹季節，都要來食一次呢個套餐。

又到食大閘蟹的季節， 預早了兩個星期前訂座 ，限時约個半鐘頭用膳， 此分店在我用膳那晚上（是平日）， 所有座位已被訂滿 （晚上六時首輪），剛碰巧有客人walk-in 都沒有位。 有心食的朋友， 請提早訂位。 今次選食二人大閘蟹套餐，兩母一公， 會先上兩隻母，待食完之後才上另外一隻公，其他小菜方面，份量比較少 ，味道不過不失， 糯米飯份量可以， 最後的薑茶湯丸很夠薑味。 總括而言此套餐不過不失 ，沒有驚喜 。 今次選用了openrice的 優惠券 平了幾十元。

以前常來，點心很好吃。今日重來，發覺一些點心質素不及從前，但因為早茶有優惠，包括點心半價，還有點兩份點心就送蝦腸兩條，所以性價比還是挺高的。叉燒包：外皮柔軟內饀好味道，仍然好吃。鮮蟹肉生煎包：外皮微脆，餡料的蟹肉很足，不過味道有點淡。上湯菜苗卷：點的時候沒看清楚，以為是菜苗餃，原來類似鮮竹卷，內饀除了菜苗，還有蝦，味道也有點淡，喜歡清淡的朋友會覺得不錯。蒸蘿蔔糕：糕面有臘腸，裏面有一條條的蘿蔔絲，口感不錯。金箔芝麻糕：上桌的時候有驚艷的感覺，看到芝麻下得很足，但吃的時候反而覺得芝麻味道不夠。鮮蝦腸粉：這是送的，蝦很多而且很爽口，但腸粉皮不夠滑，不合格。整體來說，大部份點心味道偏淡，還有就是不太夠熱，我是比較喜歡熱騰騰的點心的，不過因為早茶優惠，還是可以一試的。

每年一到大閘蟹時間，鴻星必然係我選擇範圍之內，無他既😂因為佢平囉！當日可能係星期五，而且夜晚8點後再減$𝟓𝟎.人多到呢。。。。門口企滿等叫飛。等。。。2️⃣皇1️⃣后🦀食得大閘蟹餐，主角一定係蟹啦。唔知係咪晚餐第二輪時間，我最愛既蟹公上枱，居然係凍既🙈凍既大閘蟹，點會好食。仲要2隻公一齊上枱。凍上加凍👎🏻再黎隻乸就好好多，起碼係熱既😬。叫左支一斤花雕，我印象中，佢花雕好抵飲，好好飲架🥴但今年。。我叫一斤，飲淨半斤。講返仲有個套餐既磨菇湯，🙈我一啖都唔想飲，係一碗生粉加水加磨菇粒。全部都差左好多，好多。完

大閘蟹套餐 $4xx/兩位, 其中一道菜式叫花椒菜苗咁上下. 上抬實物, 事實係一棵切開四粒手指公咁大粒嘅西蘭花, 而所謂花椒, 只是四條短過手指尾兩條絲粒狀嘅燈籠椒掛, 只可以形容係一道小食. 其他無意見, 平平.

大閘蟹季節剛開始就急不及待去開餐訂位時說，90分鐘交枱實在諗唔到食三隻蟹，要呢個時間交枱我地一行五人茶樓處理好以好d例如係四人餐加一位我們最後是一個四人餐，加一人餐上菜，是亂呀不分次序，入錯單前菜正常。蟹粉小籠包餡料係好味賣相和包皮是一般蟹一般，一隻隻有的帶點苦味可能太早食未係時候蟹羔顏色有的但不太香蟹壳是軟身的沒有用剪刀都食到公的，張口感覺很少松露菇蓉湯入口或賣相也一般黃金廣島蠔可以的炒西蘭花，出奇地份量細每人2-3件乳鴿，正常大閘蟹餐不抱太大期望，就不會太失望。

每年都會選擇在鴻星食大閘蟹，第一次嚟到太子店，早2日訂位前已在openrice買咗coupon，平咗幾十蚊。訂位時，已講明用餐時間只有90分鐘，套餐可以接受，以前係冇限時。我唔鐘意有限時，所以一直都唔選擇任食。首先嚟咗2隻蟹公，蟹比較細仔，而且唔夠熱，冇紫蘇葉味道，有少少失望，食咗差不多大半個鐘先再上其他食物，食物質素有少少求其。蟹乸，比較好食，味道夠比較熱.蟹粉小籠包，味道唔夠濃。鴨胸青瓜 黑松露元貝羹，好鹹酥炸生蠔 🦪熱辣辣夠脆，好食糯米飯，材料太少，唔夠熱，有啲硬甜品- 薑汁湯圓👍🏻由於食物太耐先上菜的關係，所以都冇限時，服務態度都算幾好，由於人手不足，好明顯見到佢哋打緊仗，食物質素有待改善嘅。