鴻圖樓

营业中

休息中

鴻圖樓，之前經過見到幾次都覺得成個外型都好靚，好有特色，呢日晚餐時間特登過去試吓。我哋去咗一樓宴會廳食小菜晚飯，餐廳餐牌主要融合四川特色菜同港式小菜，比較特別。🌟永州血鴨永州嘅特色名菜，改良咗冇咁辣，非常惹味香口，因為呢道菜，我已經食咗一碗飯。🌟金沙海皇豆腐有大蝦同大粒帶子，鹹蛋黃味道非常香，呢度菜送飯真係一流。🌟酸菜爆炒大腸大腸彈牙香口，酸菜味道會唔會太濃烈，送飯都好啱。特色中菜餐廳真係要多啲支持，外型特色，入邊菜式都特別，仲有好多特色川菜同燒味，下次再試吓。

成日都想帶兩老去呢一間飲茶，但係成日覺得佢好隔涉要喺大街行入嚟都有段距離。不過兩老又話OK喎，咁就去試吓啦。成間酒樓一條龍，下層茶餐廳上層酒樓。上到去酒樓，冇我預期中咁大，不過啲位都隔得幾開坐得幾舒服。基本上大部份食物都性價比幾高一嚟嘅時候就上咗個甜品蘆薈椰汁糕，我初頭以為佢係一層椰一層蘆薈。點知原來唔係，不過咬落去都有啲蘆薈粒，食落都幾清甜。另外乾炒牛河都好足料，唔會因為下午茶炒到細細碟。我覺得值得一讚係啲韭菜餃，蝦餃同埋粉果，個皮做得好薄啲餡料又夠多。其實唔止係多，即係係爆餡。小籠包都好多湯汁，個皮都唔會太厚。鴛鴦紥裏便啲雞肉好大塊好似唔使錢咁。個咖喱土魷都好有趙口。唯獨下邊呢幾個有少少失望，燒腩卷個醬同叉燒包冇分別。個牛柏葉就碎咗少少，份量唔算多用芋頭晾底。咁屋企人鍾意食酥炸鯪魚球，嚟到嘅時候佢跟咗個甜酸醬，問佢有冇蜆蚧醬，佢話佢哋呢度淨係有得甜酸醬，呢度就有少少失望。不過綜合來講都比起出邊啲酒樓大件及抵食。

位於觀塘與牛頭角之間的一段鴻圖道有一座具懷舊特色的建築物，地下為港式茶餐廳、一樓為中式酒樓，二樓則為提供麻雀耍樂的場地；於網上看到介紹一樓的「鴻圖樓」無論點心抑或小菜皆出色，今天帶同爸爸到訪----------🔹金牌欖角骨 $128為酒樓得獎菜色，精心選用三度腩排上檯時新鮮熱焫焫為菜色增加不少分數；外皮香脆，肉質爽彈而肥瘦各半，欖角加以甜酸有致的醬汁非常開胃----------🔹農家小炒肉 $98特色川菜，老闆曾到北京學廚數年，將美味正宗菜式帶到香港選用香辣螺絲椒，薄切豬肉爽嫩緊緻，炒得惹味又入味----------🔹蘇州甜酸肉 $88加入菠蘿、三色椒及三色椒等炒成甜酸肉外脆內嫩，充滿豬肉鮮香及油脂香，甜酸平衡好滋味----------最後附送南瓜糖水，選用北海道南瓜，加入椰奶及保利牛奶煮成，無添加糖夠健康

最近去咗觀塘鴻圖道嘅鴻圖樓，呢間酒樓外觀好有地標性，古色古香，好有特色。今次試咗幾款點心，真係好滿意。首先係山竹牛肉球，牛肉香嫩彈牙，新鮮製造。潮州粉果皮薄餡靚，內裡嘅餡料豐富，味道鮮美。北菰棉花雞係我最鍾意嘅一款，雞肉鮮嫩，北菰香氣十足，肚魚嘅口感軟綿，好味道👍🏻。至尊蝦餃皇，蝦仁大大粒，新鮮彈牙，皮薄餡靚，大件又抵食。最後係蜜汁叉燒腸，叉燒甜而不膩，蜜汁香甜，腸粉滑溜彈牙，好好味。鴻圖樓嘅點心質素高，味道出色，非常推薦俾大家試試！

終於試到公司附近的鴻圖樓，紅綠色外牆加霓虹燈，帶點古色古香，非常有特色鴻圖樓有三十多年歷史，地下是茶餐廳，一樓是酒樓飲茶，二樓是雀會；今天就去了一樓，餐廳光猛，坐得舒服，平日晚飯時段食客頗多，不知是否因為當天可觀看賽馬泡椒皮蛋 $55皮蛋晶瑩，有溏心，配上新鮮爽脆青瓜，味道不錯，但泡椒太辣，基本上食完表層就太辣吃不了脆皮燒肉 例牌 $98表皮燒得十分香脆，令我十分驚訝；肥肉和瘦肉比例剛好，咬落不會很柴很乾身蜜椒薯仔牛柳粒 例牌 $138牛柳粒有牛味，而且不會老韌；每粒薯仔都沾滿蜜糖，炒到外層脆卜卜茗茶 $13/1差不多吃完準備走的時候，有個店員問我們要不要糖水，可惜南欣露不合胃口，不過非常有人情味酒樓-總體評分-環境：7/10 食物：7/10 服務：8.5/10 抵食：8/10-鴻圖樓📍 觀塘鴻圖道30號1-2樓

雖然在觀塘長大，但是從來未到過鴻圖樓吃飯。今晚想吃晚飯小菜，看到酒樓的外型古色古香，於是便入內一試。酒樓的裝修簡潔，黃色的枱布，湖水藍花紋的地氈，看得出年月的痕跡。店員全部都很親切友善，還特意介紹我們吃叉燒。極品叉燒皇:叉燒肉肥瘦適中，肉質鮮嫩多汁，表面焦香酥脆。咬起來有彈性，肥膏部分也入口即化。叉燒醬汁的味道濃郁，帶有鹹甜香味，能襯托出叉燒肉的鮮甜原味。實在太出色了。香辣小刀魚:小刀魚肉質飽滿，表皮炸得金黃酥脆。辣椒、蒜、蔥等調料的辛香味與魚肉的鮮甜味道恰當平衡，不會有一味的辣。小炒黃牛肉:牛肉肉質鮮嫩有嚼勁，芫荽脆嫩清香。配上點點的辣椒，醬汁的鹹香味與牛肉的鮮味，芫荽的清甜味道完美融合。口感十分豐富。原隻菠蘿炒飯:米飯粒粒分明，飯Q彈有嚼勁。菠蘿新鮮多汁，內有大大隻蝦。十分美味。最後，店員還奉上南瓜椰汁露。這餐實在豐富！

約咗朋友去觀塘飲茶，鴻圖樓是一幢五層高紅色的建築，地舖是鴻圖樓茶餐廳，對上兩層是鴻圖樓。酒樓裝潢雅潔，對客人有禮貌。點心新鮮現做，即叫即蒸至尊蝦餃皇，蝦餃晶瑩剔透，饀料足料飽滿，鮮蝦鮮味爽口。蟹籽燒賣皇：燒賣口感嫩滑彈牙，豬肉、鮮蝦嘅鮮甜味道同配料完美混合，鋪上金黃蟹籽，令燒賣充滿豐富口感同層次感。醬皇蒸鳯爪軟腍入味，沾滿濃郁惹味的醬汁，令人食不停口。原隻鮮蝦腸：腸粉的外皮雪白，口感香滑帶Q，每段腸粉都有大大隻爽口嘅原隻鮮蝦，加些甜醬油令腸粉更添美味

今晚有個老友記約我食飯, 都係觀塘區做野, 咁都係公司附近食就方便了, 我地揀咗呢間外觀超有特色嘅酒樓, 紅綠色外牆加霓虹燈, 睇落有啲古色古香。地下係茶餐廳, 一樓係酒樓飲茶, 二樓係雀局; 一入到去就感受到好有人情味, 夥計全部都好熱情招代, 見到老闆同啲客互動, 佢之前仲係北京做咗5年呀! 晚餐價錢又唔係貴, 有啲仲要係得獎名菜! 鴻圖燒鵝皇(例) - $148大大份嘅四份一下庄燒鵝, 肉質嫩滑肉厚, 鵝皮燒得香脆又夠薄, 個醬油又唔會好咸, 好惹味, 一啲鵝騷味都冇, 點些酸梅醬更惹味可口, 老友記食到停唔到口呀!准香生海蝦 - $98薄脆漿包住原隻蝦炸得外殼鬆脆, 仲有准鹽嘅咸味, 鬆脆到可以連殼連頭尾一齊食, 蝦肉保留蝦汁, 師傅廚㙯高時間掌握得好好, 就算放咗一陣都唔會唔脆, 大廚真係真功夫, 掂呀!艇王酸菜魚 - $168湯底唔係好辣, 佢濃得嚟係香, 唔會好咸; 魚肉很滑啖啖肉, 一啲都唔腥, 配寬條薯粉, 大豆芽, 雲耳, 鹹酸菜, 芫茜蔥, 配埋白飯就啱哂!茗茶 - $13我哋差不多食完準備走嘅時候, 有個夥計行咗過嚟問我地食唔食糖水, 但我地已經飽哂, 食唔落

餐牌有好多item係辣嘢，同部長吹開水原來廚師Team本身轉做湖南菜同廣東菜，將中菜帶嚟香港鴻圖樓仲特登將辣度減低，迎合香港人口味我哋唔算話非常食得辣，淨係揀咗一碟湖南菜小炒黃牛肉，的確炒得非常香口，每一啖嫩滑嘅牛肉都有香麻辛辣味，仲有好多辣椒籽一齊炒部長介紹佢哋得獎嘅三色蝦球，有特別偏好可以只選一隻味，我哋揀咗香芒蝦球，炸蝦球脆卜卜，再兜上香芒沙律醬，酸酸甜甜好開胃涼瓜肉碎煎蛋角係我哋出親去食飯都會叫，貪佢平靚正有好送飯，欣賞佢蛋餅煎得濕潤軟滑唔會太油，有啲菜脯鹹鹹地

👧🏻😋👅🍽✨晚飯小菜適合家庭聚餐-🏯 鴻圖樓翻新後除左外觀突出上晒關注組, 室內都靚左好多! 🏯 weekend夜晚都係大枱為主, 一家大細去食飯, 部長都好熱情同生客熟客傾計-🌶 避風塘大連鮑💯避風塘口味都唔算太辣, 似椒鹽都好香口, 雖然炸左但都食得出鮑魚本身既鮮甜味, 口感彈牙-🐂 小炒黃牛肉✨黃牛肉比普通牛肉嫩滑, 做辣野快炒好適合, 辣味好出但唔會成碟都係油-🥩 京蔥爆肥牛💯肥牛係胖安格斯牛肉唔算非常肥, 京蔥炒到腍身好入味-🍳 涼瓜肉碎煎蛋角✨又一個送飯小菜, 蛋角厚厚的好完整, 有菜脯好鹹香

見以前成日去打牌既地方裝修左就去試下😌入面好光猛，枱同枱之間距離好遠好闊落，坐得好舒服，我地兩個人叫左3個餸脆皮燒肉例牌$98例牌一客4舊燒肉😳雖然個皮燒到好脆，但份量好似有啲少，如果份量可以多啲就好啦三色蝦球$168一客有4件，係用沙律醬包住隻蝦再拎去炸，然後係面頭淋左啲士多啤梨醬，酸酸甜甜幾開胃蜜椒薯仔牛柳粒 例牌 $138啲薯仔沾滿蜜糖，炒到外層脆卜卜幾好食，牛柳粒唔會韌咬得開，唔錯👍🏻

沿住觀塘鴻圖道行，見到一棟橙紅色嘅建築物🧱，好有復古建築物嘅感覺，地下係茶餐廳，二樓係傳統舊式茶樓，喺度飲茶夠晒風味！點心款式多，13:45就係下午茶時段，星期日$21.8起就有一籠點心，而且茶位費$12，同屋企人行開呢頭都可以嚟飲個茶🫖，超抵食！------------------------------🤎◖潮州靚粉果◗ $21.8外皮黏糯煙靭，裏面有好多爽甜嘅沙角，仲有啲蝦米，增添咗啲鹹香🤍◖山竹牛肉球◗ $25.8牛肉球夠彈牙，鍾意佢唔會太多肥肉，但略嫌喼汁唔夠酸～🤎◖蟹籽燒賣皇◗ $28.8蟹籽燒賣加入咗冬菇同豬肉，豬肉餡肥瘦適中，口感彈牙，食落更香更有層次🤍◖北菇棉花雞◗ $28.8雞件大大嚿，爽滑肉質超嫩，呢個做得幾出色！🤎◖蜜汁叉燒腸◗ $28.8叉燒腸皮煙韌，屬於偏厚身，你鍾意佢包偏瘦嘅叉燒餡，點上甜豉油食超正！🤍◖黑竹炭奶黃流沙包◗ $28.8包身好鬆軟，搣開佢裏面真係見到粒粒鹹蛋黃碎，起晒沙有少少流心嘅效果，記住趁熱食！🌟Encore指數：8.5/10

很久的時間也沒有到酒樓吃晚飯，今晚得到我好朋友的邀請，有機會來到這間酒樓吃晚飯，名字叫做鴻圖樓。今日我們品嚐了三道佳餚：第一道菜是木瓜魚肚湯，這個湯非常特別，木瓜的甜味，滲入魚肚裏面，這兩種食材煮出來的湯水產生的化學作用非常美妙，再加上加了黑胡椒，喜歡吃的有這個湯絕對適合你們。接着是辣子雞，這道菜樣貌十足，看上去好像辣味十足因為有很多的辣椒在上面，但是吃下去辣到適中，雖然是用油炸方式處理，但雞肉還非常嫩滑，香脆可口。最後是蜜糖雞中翼，雞翼啖啖肉大大隻，外脆內鬆軟，是一道很開胃的菜式。

今日去咗喺觀塘嘅舊式茶樓，「鴻圖樓」食點心，都唔錯 🍽️ 👌🏻🫖🥟🍽️至尊蝦餃皇，餃皮薄透彈牙，內裡包滿鮮嫩多汁嘅大蝦，吃落去鮮甜味美🍽️👍🏻🍤🥟🍽️蟹子燒賣皇，燒賣皮薄酥香，內裡有蝦肉同其他鮮美嘅成分，味道鮮美又豐富！🦐🥟🍽️👍🏻🍽️蜜汁叉燒腸，腸粉算滑，滿滿的叉燒風味🍽️😋🥢🍽️臘味蘿蔔糕，口感軟糯，味道香濃🍽️🤤可以一試🍽️👍🏻😋🤤🍴🫖

近牛頭角站鴻圖樓外牆很有特色，紅綠色外牆加霓虹燈，光亮奪目，二樓是中式酒樓，有一列大大玻璃窗，晚飯時段食客頗多。我們點左鴻圖燒鵝皇 $148准香生海蝦 $98艇王酸菜魚 $168鴻圖燒鵝皇：大大隻鵝髀肉質嫩滑肉厚，鵝皮燒得香脆，點些酸梅醬更惹味可口，超正👍准香生海蝦：薄脆漿包住原隻蝦炸得外殼鬆脆，蝦肉保留蝦汁，師傅廚㙯高時間掌握得好好👍真不錯😊艇王酸菜魚：選BB辣味道不錯，魚肉很滑啖啖肉，配薯粉、大豆芽、雲耳、鹹酸菜，配白飯至岩。酒樓每位顧客都贈送：綠豆沙西米糖水，不太甜很香好食。