鳳城1954 (愉景新城)

🔅11月係咩季節啊？係秋季。📌岩岩秋風起都係大閘蟹熟成嘅時候。📌仲唔趕緊食大閘蟹，又要等出年啊！近排見個個都去《鳳城1954》食佢個大閘蟹宴，熊妹今日就湊埋竹高妹，馬騮妹同埋馬騮佬齊腳去食大閘蟹！📌《鳳城1954》咁歷史悠久嘅酒家喺九龍灣同埋荃灣都有分店，熊妹一早已經聽過啦！今次去到荃灣愉景新城分店比較就腳，佔據3樓一角，非常大嘅面積，光鮮嘅裝潢，一個個梳化卡位同埋多人圓枱，樓底又夠高，成件事坐得好舒服。肆人大閘蟹宴，$8884位大人的大閘蟹宴絕對係期間限定，焦點在四隻時令大閘蟹，咩都抵返晒！時令大閘蟹（四隻）嘩！一隻一隻大閘蟹剛剛蒸起熱呼呼呈上，外殼燈黃黃好有色水，明顯靚貨！咁名貴嘅食材，識食先唔會浪費。不嬲細心的竹高妹，拆蟹呢個重點環節就交俾佢啦。剪剪剪、拆拆拆、篤篤篤， 望住佢整走唔識得嘅部位，又乾乾淨淨地整拆出食得嘅部位，個過程都起碼要成三四個字，其他人就坐享其成食得啦😇！流心蟹黃蟹膏好正啊！清蒸大閘蟹嘅蟹肉夠哂鮮甜！一年食一次真係食過返尋味😋！蟹腳位就可以加一點陳醋帶點酸甜味。太史五蛇羹位位一盅蛇羹夠哂份量，超級足料，多料多到滿瀉，冬菇片、冬荀絲、木耳絲同蛇肉絲熬出嚟嘅羹滋味無窮，越多料就越出味，啖啖羹都好似食緊精華，感覺非常補身又暖胃，大推呢款蛇羹，冬天值得一試。一口金磚豆腐一大兜金磚豆腐份量好多，輕輕炸過面頭帶脆，灑上少許椒鹽調味料，入口豆腐嫩滑，size一件一口，令人食完想再食。魚湯杞子浸豆苗魚湯加入了薑片癖腥，翠綠嘅豆苗浸入魚湯減少草青味，不時仲食到帶點點酸甜嘅杞子粒，可以清一清口腔嘅濃味，豆苗同大閘蟹蛇羹呢個餐宴配搭，味道好夾。秘制羊腩煲會送上Gas爐，再上羊腩煲，一路熱著羊腩煲唔會令到醬汁同油脂凝固，非常細心做法。份量十足，一煲起碼有8-10件羊腩，加入了枝竹、馬蹄、冬菇、冬筍熬製嘅羊腩汁完全唔覺羊羶味，羊腩肉煲到非常軟腍，少少油脂位，好驚喜嘅係有幾件羊肋骨位，感覺都幾重本，每件羊腩都煲得咁入味！絕對值得散叫！脆皮炸子雞（半隻）半隻炸子雞都有大大隻雞脾，炸子雞做法炸到雞皮超薄，泌哂雞油出來鎖住雞汁，令到雞肉口感嫩滑，係一款標準嘅炸子雞！驅寒薑茶最後，呈上位位一杯熱薑茶，食晒咁多款補品，一杯薑茶真係可以解吓膩濟。📌值得一讚，店員由進入餐廳到坐下到送菜到埋單都非常有禮好笑容，服務一流，又不斷自動加水，又會留意食客進食進度再上菜，今時今日，咁的服務態度真係難能可貴。📌呢個大閘蟹盛宴，唔至有大閘蟹呢個名貴食材，仲有蛇羹、羊腩煲，樣樣都係大補品，咁多款美食，四個人都係$888，絕對相當抵食，秋冬嚟食呢個餐宴絕對係最適合不過。…查看更多

[ 鳳城1954 ]新派順德菜品牌「鳳城1954」最近推出秋冬系列「肆人大閘蟹宴」，四人套餐只需$888就食到大閘蟹🦀、蛇羹🐍、羊腩煲🐑等經典秋冬菜式。✿ 肆人大閘蟹宴 $888 (四位用)菜單：時令大閘蟹 (四隻）太史五蛇羹一口金磚豆腐魚湯杞子浸豆苗秘制羊腩煲脆皮炸子雞 (半隻）驅寒薑茶每隻大閘蟹公有三兩重，蟹黃甘香濃郁，蟹肉清甜，蘸上蟹醋顯鮮甜。太史五蛇羹醇厚綿滑，以蛇肉絲、雞肉、木耳等煮成羹，肉絲帶來嚼感，加埋白胡椒粉辛暖胃。一口豆腐外層炸得酥香輕薄，內裡豆香軟嫩。豆苗以奶白色魚湯為底，豆苗清嫩，魚湯鮮甜且解羊腩油膩。羊腩煲每件羊腩都大嚿厚肉。帶著皮層嘅羊腩燜得軟爛入味，羊味醇厚，南乳醬汁鹹香而不膻，與花菇、枝竹等配料融合。炸子雞雞皮香脆，肉質保持豐盈肉汁，以少量椒鹽提味。最後以驅寒薑茶作結，辛辣回甘。總結🫦 $888「肆人大閘蟹宴」份量充足食得夠飽👍，套餐適用於荃灣愉景新城店、九龍灣MegaBox店、上環店、銅鑼灣店。需另收茶芥及加一服務費。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿鳳城1954地址：荃灣青山公路 - 荃灣段398號愉景新城3樓3003號舖電話：2328 8398✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿…查看更多

秋風起又到大閘蟹時節，今次同親友來到鳳城酒家來個大閘蟹宴！鳳城最近推出肆人大閘蟹套餐$888，除時令大閘蟹仲有滋補五蛇羹同羊腩煲勁豐富。時令大閘蟹（四隻）鳳城酒家選用時令大閘蟹公蟹膏飽滿、蟹肉鮮甜，必食！太史五蛇羹以五種蛇肉熬制，加入雞絲、冬菇、陳皮、筍絲、薑絲等配料勁足料，湯底濃郁，口感層次豐富。暖胃驅寒，是秋冬滋補之選一口金磚豆腐一口豆腐外脆內嫩炸至金黃酥香，入口即化食唔停口魚湯杞子浸豆苗魚湯清甜，豆苗滑嫩平衡健康整頓豐富晚宴秘制羊腩煲羊腩煲香氣撲鼻，羊腩件整齊大件，全是靚腩位肉質軟腍入味，少羶可口配料如枝竹、馬蹄、冬菇吸收了羊腩的精華，湯汁濃郁，令人一口接一口，食完成身暖笠笠脆皮炸子雞（半隻）皮脆肉嫩，香氣四溢。炸子雞火候掌握得宜，皮層酥脆不油膩，雞肉保持多汁。驅寒薑茶一杯薑茶溫潤驅寒，薑味濃而不嗆成整頓盛宴完美句點…查看更多

又到咗大閘蟹當造嘅季節啦！為食🐑今次同班friend去咗愉景新城嘅「鳳城1954」試佢哋嘅大閘蟹宴，呢間老字號酒家果然冇令我哋失望！🦀肆人大閘蟹宴 $888性價比超高！人均二百幾就可以食到成圍蟹宴，抵到爛啦～🦀清蒸大閘蟹（4只）（公）約3両啲蟹一上枱就聞到陣陣蟹香！蟹膏多到爆棚，金黃色嘅蟹油慢慢滲出嚟，入口甘香豐腴。蟹肉鮮甜得嚟仲帶啲回甘，正到爆！🐍太史五蛇羹（4位）秋冬必飲！湯底濃郁得嚟唔會太稠，蛇肉絲分量足料。跟埋檸檬葉絲、菊花瓣、薄脆同埋胡椒粉，自己鍾意點配就點配！我鍾意落多少少胡椒粉，飲完成個身即刻暖笠笠，再加啲脆脆增加口感，正到不得了！🧈金磚豆腐外脆內嫩！豆腐滑溜到差啲夾唔起，炸粉薄薄一層，味道真係無得頂！🥬魚湯杞子漫豆苗魚湯奶白色，鮮味十足，豆苗嫩綠爽口，正好平衡返大閘蟹嘅寒涼。🐑古法羊腩煲羊肉嘅獨特風味反而帶出咗配料嘅豐富層次！冬菇索晒啲醬汁精華，枝竹吸盡羊肉嘅鮮味，炆得入味非常！🍗全皮炸子雞（半隻）雞皮脆卜卜，肉質嫩滑多汁，連胸位都唔會鞋颯颯，功夫到家！☕薑茶（4位）飲完成個蟹宴飲返碗薑茶，驅寒保暖，襯返呢個蟹宴！✨整體來講，大閘蟹真係鮮甜到不得了，最衰每人得一隻真係唔夠喉啊，餐廳仲有另外一個大閘蟹餐，可以試到大閘蟹唔同部位同煮法，真係好吸引！…查看更多

早排Happy Friday朋友聚會，他們帶了我去食這間位於荃灣的鳳城1954，原來是鳳城集團的新派順德菜品牌，加入了經改良嘅特色小菜，走年輕的路線，裝修優雅時尚，環境舒適，店裡環境不會感到嘈吵，餐廳的職員也很友善，很適合跟三五知己及家庭聚會～☺️👍🏻以下是我當晚精選的菜式和點心😎🫘龍袍四季豆 ($48)香濃的鹹蛋黄醬包裹住炸到十分香脆的四季豆，香口惹味！😍 超級邪惡！😈 好食到停唔到口，大家都爭住食～🤤🤤🐷蜜汁火方配蝴蝶包🦋 ($46/4件)這款傳統順德菜式，金華火腿肥瘦適中，用蜜汁煨過，味道鹹香，再配上蝴蝶包，不會感到油膩。👍🏻🦆冰鎮花雕鴨舌($58)花雕鴨舌爽口彈牙，份量也很多，超香花雕酒味，送酒一流！😋🍻🐣小鳳依人-鳳梨酥 ($36/3件)小雞造型的鳳梨酥放在雀籠入面上枱，非常可愛！😍 味道酸酸甜甜，記得要趁熱食呀，凍了的鳳梨餡料會變硬🙊🐷考古欖角骨 ($88/6件)冰梅醬與爆香了的欖角加上金沙骨，肉質軟腍，帶點蜜香，酸甜度適中，好滋味！😋🐣🐟自選孖寶 ($268)這個自選孖寶有半隻招牌炸子雞，炸子雞外皮炸至微脆，肉質也不錯！另外話可以在五款主菜中選一，我們選了酸菜魚片，魚片非常嫩滑，酸菜魚份量很多，非常足料！金湯底鮮甜，酸酸微辣，怕辣的朋友也吃得到～☺️👍🏻🐷🥟包羅萬有 ($42)3色包分別是青趣奶皇子，入面是香濃的抹茶醬☺️👍🏻，溶岩流沙包，很香奶黃味，還有可愛的🐷豬嘜叉燒包，每款造型都很有趣！🤩🌈彩虹鮮蝦餃($46/3件)鮮蝦餃大大粒，蝦肉爽口彈牙，外皮煙靭呈彩虹色，幾得意！👍🏻🥢金光炸粉果 ($32/3件)外脆內軟糯，吃時蘸上高湯，減少熱氣～🤣🍲鳳城小炒皇 ($108) 炒得好鑊氣，材料也魷魚鬚、韮菜花、蝦乾、炸芋頭絲及腰果，食落好香口！大家都一口接一口！😋👍🏻🍲招牌鳳城炒飯($118)炒飯炒得很香口乾爽，而且粒粒分明，配料有叉燒、蝦仁、蕃茄、雞蛋、蔥花等，口感豐富！☺️🍮宮廷紅棗糕 ($34/4件)紅棗糕手工製作，一層層好考心機，口感煙靭軟糯，味道香甜又養生，為這餐作完美的句號！😋👍🏻…查看更多

又開始到大閘蟹嘅季節啦，今次一於同屋企人嚟試吓鳳城試下新出嘅秋冬套餐，一次過可以試晒秋冬嘅菜式蛇羹蛇肉質地其實有點像雞絲，口感偏向帶有嚼口及彈性，入口胡椒味濃香，去埋薄脆同埋菊花片一齊食更加清香大閘蟹宜家最當造都係蟹公，隻隻都爆膏，一打開蟹蓋膏腴豐滿，濃郁既蟹膏即刻撲鼻而來魚湯杞子浸豆苗豆苗係而家最當季嘅食物，豆苗很嫩而且吸晒魚湯精華古法羊腩煲冬天必食之一羊腩煲，濃郁的香氣撲鼻，羊肉肥瘦相隔，肉質軟腍不柴口，腐竹吸飽濃汁，當中更帶有馬蹄及冬菇，食完即刻暖笠笠金磚豆腐香脆可口，帶有陣陣椒鹽香味而且店員禮貌對待，服務態度都唔錯，下次可以再過嚟…查看更多

冬風起，最好當然係食羊腩煲同大閘蟹！今晚專登同屋企人嚟到荃灣呢間酒家，佢推出咗一個四人大閘蟹宴，有齊大閘蟹、羊腩煲、蛇𡙡等，真係啱晒呢個天氣，暖一下身！時令大閘蟹：總共四隻大閘蟹，每隻三両左右，肉嫰膏肥，金黃色蟹膏非常甘香！太史五蛇𡙡：蛇𡙡非常鮮甜，而且一啲都唔稀，食落釨暖釨滿足！秘制羊腩煲：羊腩絕對唔馬虎，份量多之餘，每件都啖啖肉，羊騷味香濃，配上腐乳一流！脆皮炸子雞：外皮十分香脆，肉質保持嫰口多汁，而且份量十足，一家人都食得非常滿足！…查看更多

而家有大閘蟹宴，人均$250左右首先係太史五蛇羹。呢個天氣飲真係啱哂，夠熱辣辣，湯羹唔會太稀或者太厚，料都算足，有蛇肉絲、木耳絲之類，飲完成個人暖笠笠，個胃好舒服。味道調得幾好，唔會太鹹或者落太多胡椒搶味。跟住係一口金磚豆腐。炸得幾靚仔，外皮好薄好脆，入面嘅豆腐依然好滑。點埋喼汁食，係幾香口嘅一道前菜。時令大閘蟹（四隻），一人一隻。上檯嘅時候望落都幾大隻，蟹膏金黃香濃，蟹肉甜。魚湯杞子浸豆苗呢道菜我好鍾意。個魚湯底好夠味，好鮮甜，完全冇腥味，浸住啲嫩綠豆苗同幾粒杞子，食完濃味嘢之後食返啲菜，清清地又好飲，覺得好健康。秘制羊腩煲份羊肉炆得夠淋夠入味，羶味唔會過重，個汁濃稠適中，幾好送飯。脆皮炸子雞（半隻），皮真係炸得脆，雞肉嫩滑，唔會乾。最後每人有一碗驅寒薑茶，夠薑辣，飲落好暖胃，為成餐飯作結就最適合不過。總括來講，$888 四位，有蛇羹、有大閘蟹、有雞有羊有菜，都唔錯…查看更多

好開心，今日係愉景新城買完BB嘢之後就約咗啲friend喺鳳城1954食蟹黃宴。呢個套餐包咗四隻大閘蟹，蛇羹，羊腩煲，炸子雞，一口豆腐同埋豆苗。成個餐都好抵食，有菜又有肉。第一次食蛇羹，感覺非常良好手腳冰冷嘅我，感覺食蛇羹真係好補身。食大閘蟹，但係又唔識拆蟹，好彩又識拆蟹朋友，以後都要跟佢食嘢啦。等佢慢慢拆，我喺度等食，就好似我個小包包等我整嘢俾佢食咁，飯來張口嘅感覺真係好。大閘蟹好多膏，剛剛蒸起啲蟹膏黃油泌晒出嚟，好邪惡呀！炸子雞雞皮好薄好脆呀。食到超級飽，頂住個肚返去，再慰勞返我個小包包先。…查看更多

最鍾意食大閘蟹，聽朋友講喺荃灣愉景新城有間鳳城1954有個4人大閘蟹餐，多人食飯開心share先夠滋味。一同四人喺愉景新城行逛完之後就食個大閘蟹晚餐，一人一隻，擦得勁開心。佢哋唔識拆，都要我拆晒。蟹肉鮮甜蟹膏爆滿，要拆蟹的架撐都齊晒，好開心可以俾我大展拳腳。蛇羹足料滿滿，熱辣辣多到滿瀉。仲有勁入味嘅羊腩煲，入面勁足料，一口豆腐乾炸起，絕對係外脆內軟。主要係店員服務超好，由頭到尾笑容滿面，又會跟進食物嘅進度而上菜。食呢個餐完全夠特，可以攞埋商場泊車優惠揸車返屋企，開心。…查看更多

🍁秋風起！又到一年一度品嚐大閘蟹嘅黃金季節啦，今次同三位朋友嚟到愉景新城嘅「鳳城1954」，試咗個超抵食嘅四人大閘蟹宴，人均$200幾就能嘆到滿滿一桌經典菜式！✨肆人大閘蟹宴✨️ $888🔸時令大閘蟹（4隻）每隻都爆膏！蟹膏甘香豐腴，蟹肉鮮甜飽滿，簡單蘸點浙醋已經好吃到停唔下來🔸太史五蛇羹用料十足嘅傳統手工菜！湯底醇厚，裡面有雞絲、冬菇、筍絲等配料，飲完成個人暖笠笠❄️🔸一口金磚豆腐外脆內嫩嘅經典小食，豆腐口感滑溜溜，作為前菜好開胃🔸魚湯杞子浸豆苗奶白色嘅魚湯鮮味十足，配上嫩綠豆苗同養生杞子，清爽又解膩🌱🔸秘制羊腩煲羊肉燜得軟淋入味，完全無膻味！醬汁濃郁，最適合涼涼哋嘅天氣食🍲🔸脆皮炸子雞（半隻）雞皮香脆可口，肉質保持嫩滑多汁，水準不錯👍🔸驅寒薑茶食完大閘蟹飲返碗熱辣辣薑茶，即刻成個人暖返晒，超舒服☕️成個套餐每道菜都做得用心，尤其係大閘蟹同蛇羹真係令人印象深刻！想同朋友家人享受大閘蟹盛宴嘅話，快啲約定去試下啦！…查看更多

入秋最期待的當然是大閘蟹！鳳城1954推出「肆人大閘蟹宴」，每席只需$888，就能一次品嚐多款時令佳餚，性價比極高，最適合好友聚會或家庭晚餐。套餐主角是時令大閘蟹，共四隻，新鮮即蒸，蟹膏飽滿香濃，蟹肉鮮甜滑嫩，配薑醋入口，滿嘴秋香，細細仔都可以過下口癮。隨後登場的「太史五蛇羹」風味濃郁，用料十足，蛇肉滑嫩，配合雞絲，冬菇、陳皮、筍絲、薑絲等熬成濃湯，暖身又補氣。前菜「一口金磚豆腐」外脆內嫩，豆香四溢，一口一件非常惹味。清新一點的「魚湯杞子浸豆苗」則以鮮白魚湯打底，豆苗出色超清甜，養眼又開胃。重頭菜「秘制羊腩煲」香氣撲鼻，羊腩軟腍入味，浸透過羊腩煲精華的枝竹、馬蹄、冬菇味道更濃厚，連蔥條都很入味。「脆皮炸子雞（半隻）」皮脆肉嫩，油香四溢，是鳳城1954的招牌之一。餐後來一杯「驅寒薑茶」，辛香暖胃，為整頓盛宴畫上完美句號。這套大閘蟹宴無論從價錢、份量還是味道都很不錯，經濟實惠，讓人一次過享受鮮蟹、濃湯與經典煲仔風味，是秋冬必試的溫暖選擇！…查看更多

屋企人生日選擇荃灣鳳城1954聚餐，決定食大閘蟹！試試新推《肆人大閘蟹宴》四位用$888除時令大閘蟹，更可品嚐滋補五蛇羹同暖笠笠羊腩煲，夠晒多樣化！時令大閘蟹（四隻）當日4隻都係蟹公，蟹膏飽滿、蟹肉鮮甜～一人一隻過口癮恰度好處太史五蛇羹用左五種蛇肉熬制，加入雞絲、冬菇、陳皮、筍絲、薑絲等配料勁足料，湯底濃郁，口感層次非常豐富。暖胃驅寒，秋冬滋補之選一口金磚豆腐炸至脆皮金黃豆腐，入口嫩滑即化魚湯杞子浸豆苗秋冬最岩食豆苗，口感嫩滑配上一口清甜魚湯暖胃養生！秘制羊腩煲羊腩煲內羊腩件非常大件足料，全部靚腩位肉質軟腍入味，少少羶有羊味枝竹、馬蹄、冬菇等吸收晒羊腩精華，湯汁濃郁，食完成身暖笠笠脆皮炸子雞（半隻）炸子雞火候掌握得宜，外皮金黃香脆不油膩，雞肉保持多汁。驅寒薑茶薑茶薑味濃而不嗆，食大閘蟹一定要飲反杯驅寒…查看更多

又到左我最愛既秋天可以食大閘蟹既時候原來鳳城1954有套餐今次同朋友一齊揀左個四人餐會有一隻大閘蟹 🦀時令大閘蟹 - 好香濃既蟹黃味﹐而且好綿滑仲都有大量既白膏﹐真係好想再encore多隻 🥣太史五蛇羹 - 冬天飲非常之暖身又滋補﹐仲要係巨多料﹐而且薑味十足 ✨🍲秘制羊腩煲 - 一上菜已經好濃郁既味道﹐羊肉好軟腍﹐易入口﹐個湯底好濃厚最緊要有埋腐乳﹐極惹味 一口金磚豆腐 - 係鳳城既經典菜式﹐外脆內軟﹐豆腐非常嫩滑 🐓脆皮炸子雞 - 雞皮酥脆 , 雞精華滴哂出黎 ☕️驅寒薑茶 - 食完大閘蟹必飲﹐成個套餐既結尾﹐薑味濃郁…查看更多

今次來到荃灣呢間酒樓同屋企人食飯，環境算寬敞明亮，食物種類款式多，主打順德菜同點心，不過都有好多中式小菜。價錢相宜，份量多。▶️金磚豆腐蒸煮滑豆腐裹上麵粉，外炸內軟❤️麵粉好薄仲帶有少少嚼口，面層加左啲芝麻增添香氣同口感。調味方面鹹淡適中，推介👍🏻▶️上湯龍蝦伊麵底揀伊麵要額外➕$50我覺得有啲奇怪，明明道菜叫上湯龍蝦伊麵🤣唔加就會得上湯龍蝦食。伊麵份量多，口感偏淋但味道上都食到上湯嘅鮮味。龍蝦好新鮮，肉質爽彈鮮甜，非常好食👍🏻▶️炸子雞(半隻)炸子雞外皮酥脆，肉質鮮嫩唔乾有肉汁，骨頭都有香氣。調味偏鹹但尚可接受。比較可惜嘅係師傅處理雞毛唔夠乾淨，部分雞件仲有毛係面🥲🥲▶️大良炸鮮奶正宗順德菜嘅炸鮮奶有鹹甜2食，鳳城係鹹嘅版本，同我想像中有啲岀入，我覺得食落有啲腥同有浸油溢味。不過同行友人覺得好好食，話食到蝦米香同鹹鮮味。▶️松子魚外觀就認真麻麻地，條魚上枱已經散左同分開咗2邊，個魚頭係中間，下面張相係岩岩上枱個樣😂但味道方面唔錯，甜酸汁調味岩岩好，好開胃。魚肉外皮炸得好香，肉質唔乾，滑得來都有魚味。…查看更多