鳳城1954 (MegaBox)

营业中

休息中

約左朋友去mega box晚餐，好想食中餐，最後揀左鳳城，係門口眼到餐牌已經覺得好多野都新奇有趣，樣樣都想點來食。三隻公仔造形包，見到已經忍唔住要點，兩隻流心包好ok，隻豬仔造形嘅叉燒包就削左D喇牛肉球，造形靚，但都係牛肉球一粒無特別鮑魚雞粒酥非常一般炸物三件都係無乜特別叫左碟炒飯，炒得好乾身好香口咕嚕肉就麻麻地喇，可能唔係我想食傳統港式果種涼瓜鮮魷唔錯，涼瓜唔會過熟蠔仔魚湯浸絲瓜，好鮮甜炸子雞超好食，一D肥都無，塊皮脆卜卜叫左甜品，個蛋散好驚喜，好酥脆，又唔會好甜，上面唔係淋糖漿係鍊奶加D花生同椰絲，好好食。焗西米布甸我嫌佢好甜楊枝金露好好味，好香芒果味

星期日突然想飲茶，就黎左之前未去過既鳳城，點知......我以後唔會再去！又貴又唔好食！牛仔骨陳村粉味道一般安格斯霸王味道一般左上係溶岩流沙包，味道普通右上係彩虹鮮蝦餃，味道ok,鮮蝦足料大隻，但有蝦殼送！😂下面係古法灌湯餃，呢個係最難食！成（劈）野咁！

由於Megabox嘅位置問題，我都比較少去呢度飲茶，所以都有一段時間冇嚟鳳城，但呢度嘅點心的確唔錯。呢度嘅點心精緻，出面又真係唔多食到。見到有蝦多士，縱使唔係好想食熱氣嘢，都忍唔住叫嚟食，果然冇令人失望，炸得好香脆好好味。而紅寶石素餃嘅餡料雖然只係一般素餃，味道冇乜特別，但外型就做到好似番茄咁，好靚，即時增加咗食慾。至於鳳城水餃係能夠保持一貫水準，炒飯亦都炒得唔錯，夠乾身，除咗有叉燒粒同蝦仁，亦有番茄粒，減少咗炒飯本身嘅飽滯感。整體令人滿意嘅一餐。

移民潮之下，我哋有同事將會移民去加拿大🇨🇦今日將同佢食個farewell lunch ,揀呢度係因為有覺得附近冇咩高質素嘅西餐，同埋嚟緊去外地都應該好難食到好食嘅中菜。呢間鳳城我未嚟過，原來已經變咗一間新派點心食肆，裝修格局都同以往嘅鳳城有好大出入，令我眼前一亮。不過其實之前聽人講過麻麻哋 我哋一枱四個人，究竟叫咗啲乜嘢呢？#啤梨型嘅鹹水角外型吸引真係成個啤梨咁，但係唔知點解要一客三隻呢？🤔#椒鹽豆腐粒炸到外脆內軟，不過佢哋話擺耐左入邊啲豆腐冇咁滑喎。我又唔係好覺#鳳城招牌炒飯林林總總嘅炒飯炒麵都唔知揀邊個，如果換轉係我自己呢，我就會揀啲特別推介嘅，不過穩陣起見都係揀佢嘅招牌，有番茄粒嘅炒飯，佢哋話咸咗啲喎，但係我又覺得幾好味喎，夠乾身（其實係我本身鍾意食炒飯）🤣#蝦餃蝦餃係等咗好耐先到嘅點心之一，要三催四請😉不過佢特別在外皮五顏綠色好特別，同埋啱啱蒸出嚟真係差好遠#奶皇包奶皇包亦都係遲遲先出現，原來大家都好期待，又係熱辣辣蒸出黎，流心奶黃辣口嘅添#龍鳳腸粉呢個就真係麻麻啦！專登擺唔到好似盤龍咁樣其實一啲都唔美觀。龍就係代表🦐肉鳳就係代表雞肉，我食咗一件龍嘅代表，可惜d蝦肉好似麻麻

剛好週末 和家人來到商場逛逛 早聽說鳳城食物不錯 就來試一下近來後因為疫情原因三個人坐了兩張檯，但坐下很久直到點完單也沒人問我們喝什麼茶，和這了的員工說了以後才不耐煩的問喝什麼，十五元一個茶位難道不是應該理所當然問的的嗎好了，三個人吃四百有找下午茶來說也算正常了吧本人是做服務業的 難道連最基本的服務態度都沒有嗎？上菜的時候也是一聲不吭，嘛呀 我簡直想爆炸粗口了反倒是一吃完馬上就退部車來收東西 是很趕時間嗎？唉 總之 吃了個晦氣我以後不會來也會推薦朋友不要來 難道老員工的餐廳服務就不需要管教了嗎真是擔憂

還記得十年前的一個星期，跟幾位食友在聊天室吹水，說起鳳城的焗西米布丁，竟然一呼百應，即時相約午膳，事情當然不會就此完結，第二日大家正在回味之際，竟然又發起去另一間鳳城，可想而知，大家對「食」的熱衷。早前跟幾位食友相約了九龍灣鳳城飯聚。餐廳以順德菜為主，的確勾起了不少童年回憶，無他，因為老爸每逢喜慶日子，都愛選擇順德菜。燉螺頭湯（$58）以紫砂茶壺奉上，份量雖然較少，但每口都是精華，芳香醇厚，令人齒頰留香。1954蝦多士（$40）揉合了中西特色的蝦多士，麵包炸得鬆化可口，但略微過了火，蝦肉是預期的爽彈。今次以順德菜主打，炸鮮奶（$68/6件）及野雞卷（$68/8件）是少不了。原先要以水牛乳作料的炸鮮奶，今日已難求，但在大廚的巧手下，倒也似模似樣。至於野雞卷炸得酥脆香口，雖然好邪惡，但偶爾一件都可以。金皮炸子雞（$298）選用新鮮雞，質素已勝一籌，炸得雞皮脆卜卜，而雞肉保持嫩滑，自己倒是食了不少。孔融釀蟹蓋（$232）溶化了芝士，烘得表面焦香，內裡是豐腴的蟹粉，都幾足料，喜歡蟹蓋的朋友，大可一試。金叵蘿蟹鉗（$232）很飽滿紮實，咬落彈牙，蘸點一下甜酸汁更吸引，不過都幾熱氣，真係一件起兩件

上一次來係 2020年既 12月, 當時好少人, 可能因為果時係 2人限聚令, 呢一日就完全好旺場, 不過都唔使點等就有位, 始終 MegaBox 呢度食肆好多, 今次大致上都係叫返岩自己口味既點心, 而古法灌湯餃就一定唔少得, 大大隻入面有齊魚翅, 瑤柱絲, 少少豬肉, 成隻餃都係湯, 好大隻好熱, 就算點小心放落碗度, 落到去就一定爆開, 成包湯同 D 料都出哂來, 用匙慢慢食, 好好味, 皮又薄可以好滿足咁成隻食哂另外要提既就係紫砂茶壺燉螺頭, 好熱好熱, 但湯係好清好有螺頭味, 兩個人飲, 每人一定有 4小杯, 燉完既螺肉好淋而且仲有螺味今次叫左安格斯牛肉腸, 腸粉好嫩滑, 再配合埋好滑好夠味既安格斯牛肉, 加少少腸粉豉油, 回味無窮仲有就係鮑魚燒賣, 雖然無尖沙咀海港薈有三大隻, 但呢兩隻可以做到好入味, 而且唔會口, 除左放係頂既鮑魚之外, 鮑魚下面仲有隻好爽既大蝦, 好值得一試  

其實事緣今次專誠嚟MegaBox，係要食嗰間好好pancake，點知中午時間佢哋爆曬。我哋從來個三個都唔會等，人哋話樓上鳳城都食得過咁，就試吓啦。講真其實都幾好食，唯一需要改進。嗰個龍蝦汁鮮竹卷冇乜龍蝦味，如果湯濃郁翻啲就very good。點心拼盤都幾好，一個人可以試晒。另外嗰個黑松露雞絲，就幾特別。未食過可以試吓。嗰個龍蝦汁鮮竹卷係好好食嘅，都係果句龍蝦湯龍啲就好啦！服務員服務都到位，幾好！下次都可以試吓

黑松露野菌餃 （$39）餃皮薄，而且足料。夾起嘅時候完全唔痴底，唔會一夾就散。本人非常好黑松露，所以十分歡喜。一啖入口，黑松露令到個 上素野菌餃更加惹味好食指數：8/10脆皮BB鴿 （$68）炸完即上枱，夠熱同乳鴿皮好脆。原本擔心皮炸得咁脆，D肉可能會又乾又更，但呢間肉質鮮嫩多汁，炸得岩岩好，好值得推介好食指數：8/103D車仔腸粉 （$36）即係混醬腸粉。架車仔一定係加分之作，本人媽子都忍唔住相機食先。腸粉滑嘟喐，溝埋豉油、甜醬同麻醬，一定冇得輸。不過，如果加埋芝麻就更加perfect！好食指數：7.5/10包羅萬有 （$46）分別係豬嘜叉燒包、青趣奶皇子同溶岩流沙包。樣就好趣致，但味道就普通，但沒有驚喜　而且價錢略貴好食指數﹕6.5/10

「餓」了這麼久，當然趁有吃便吃了，這次的飯聚點就在九龍灣 Megabox的鳯城1954。這裡的炸子雞很不錯，四個大男人，半隻當然唔夠啦。有人提議叫燉湯，是晚的選擇有椰皇燉雞湯及燉螺頭湯，而我就選了後者，用紫砂壺盛載不但可保溫；更可持久保香，淺嘗一口；湯頭濃郁味甘，既滋陰又補腎。1954蝦多士～金黃四正，蝦肉爽彈，大人細路都鍾意的一味小吃。大良炸鮮奶～正宗版本要以水牛奶入饌，現實雖不可行，然這裏的出品倒也做得外脆內滑。一口野雞卷是以豬肥膘、瘦肉及火腿做成，口感酥脆帶煙韌；據說以前是不折不扣的雞卷，但後來改用豬肥膘代替，因完全沒有雞肉成份，就在前面加上「野」字，則代表為不正宗的意思。金皮炸子雞/一隻～新鮮雞;味道零舍鮮，金黃外皮香脆少肥膏，大家也吃得滿意。孔融釀蟹蓋～烤得金黃的釀蟹蓋熱辣香噴；一客兩件，無需讓嚟讓去啦。輕輕揭開面頭的芝士，便見餡料充塞其中，濃香的芝士和蟹粉原來可以咁夾。金叵蘿蟹鉗～兒時每次跟父母到飲宴場合，最喜歡同印象深的非「百花釀蟹鉗」莫屬，每每是又怕燙、又饞吃；吃著這個香脆彈牙的「金叵蘿」，童年回憶返晒嚟。蜆蚧鯪魚球～蜆蚧醬的味道未必人人接受，像本人便喜歡直接食用，其實

5樣點心308元，叉燒包（宿既），蝦多士隔夜返熱既，多士油淋淋，唔夠熱，炸鮮奶簡直惡心，食落去一口油，服務態度超級差，出左有問題食品，投訴左之後就咁攞走左，就無人理，一句道歉都無，所謂既廚師攞住籠宿既叉燒包經過仲要啤住我地呢台，好似我地係度搞事咁，咩態度呀，點做生意呀，收x啦唔明老細究竟係咪想做生意，無心做就唔好做啦，不知所謂，真係鬼暗眼入左去呢間x店，MegaBox最少有三間飲茶，好多餐廳，黑到絕頂先去左呢間

後悔因為想試下新野所以放棄去平時去開既餐廳，改黎鳳城。😓😓😓餐廳環境，服務方面不過不失，主要係針對食物。除左第一碟「金磚豆腐」（炸豆腐粒）正正常常外，其他野食都真係失敗到一個點。1、叉燒包裡面D叉燒餡霉霉地，唔知係擺左好耐定係本身唔係用新鮮叉燒2、蠔仔餅，上檯果下大家都懷疑係咪順德興散開曬既蠔仔碎，但係食既時候發現蠔既數量少得可憐，好似得幾粒仲要勁細仔，好肉酸3、胡椒豬肚湯，一個字：咸！超級咸！4、魚鬆炆米份：：都係得個咸味😥結論：絕對唔會再幫襯！

今日約左朋友去MEGA食飯，講起好耐無飲茶好掛住點心呀😔朋友就話帶我去鳳城食好野，滿足我嘅願望喎🥰坐底見到menu好多野都好想食，點知唔覺唔覺點左勁多野，食到食唔晒，要打包走🙈金光炸粉果完全超出我想像，有點以餃子嘅外型，炸到好香脆，啖啖彈牙嘅蝦肉，配埋蝦上湯，正﹗飽魚雞粒酥以為蛋撻嘅外型好似好普通，其實味道一啲都唔普通，而且酥皮撻底好鬆脆貪心嘅我點左個什錦嘅包羅萬有。豬仔外型嘅叉燒包，味道啱啱好又有口感。點知黃色嘅奶黃流心都唔弱，差啲流到周圍係。最喜出望嘅係綠色嘅青趣奶皇子，原來係味道好fresh嘅綠茶，好味又唔會太甜😋黑松露野菌餃熱辣辣嘅野菌餃有少少筍，口感變得好爽脆，配埋黑松露，好惹味👍🏻三式炸作唔止有樣，仲好有內涵。又睇得又食得孔融釀蟹蓋真係好好味﹗蟹蓋釀得滿滿、勁足料外，個餡仲勁多蟹肉😋不過食完覺得勁飽1984蝦多士炸到好香口，上面嘅蝦仲係原隻咁上，睇得見嘅足料，仲好鬼彈牙🤪紫砂茶壼燉螺頭湯雖然係1位份量，但其實都好多，可以斟到6、7杯😍湯料多，味道好香濃金磚豆腐除左平時食到嘅味道同口感外，當中好似帶有淡淡芝麻香味金叵籮蟹鉗Size超大，炸得香脆、爽口又彈牙，小朋友都一定會鐘意

公公喜歡嘆一盅兩件, 今晚終於齊人陪佢老人家去酒樓嘆點心。九龍灣MegaBox鳳城1954, 就連夜晚都供應點心, 而且質素同味道都有唔錯嘅驚喜。【彩虹鮮蝦餃】HK$48與別不同嘅彩虹賣相令蝦餃更加吸引, 蝦餃脤卜卜, 皮薄餡靚, 蝦肉餡料鮮甜爽口。【鮑魚燒賣】HK$48燒賣大大粒, 混入蝦肉跟香菇餡料, 鮮味彈牙, 配上原汁原味嘅小鮑魚, 味道超正!【龍蝦湯鮮竹卷】HK$39鮮竹卷外皮索左鮮甜龍蝦湯, 卷中有蝦肉碎, 既有層次, 鮮甜更加突出。【金藏牛肉球】HK$39腐竹包住整個牛肉球, 牛肉球keep到豐富肉汁, 牛味濃郁。【1954蝦多士】HK$40多士香脆鬆化, 開邊蝦仲幾爽, 點少少沙律醬食, 味道更加提升【孔融釀蟹蓋】HK$58/個釀蟹蓋好足料, 表面焗至金黃, 有陣陣咖喱香, 仲食到一梳梳嘅鮮甜蟹肉同埋豐富層次嘅餡料, 正!【彩棉芒果布甸】HK$36/杯質地彈滑, 芒果味濃, 配上入口即溶嘅彩棉, 唔錯~

限聚令變回4人，亦已恢復堂食。今晚約左久未露面嘅朋友近近地食番餐廣東順德菜！鳳城1954 屬鳳城酒家嘅新派路線，裝潢風格別於傳統樓行簡約路線朋友點了一壺蟲草花燉豬展湯紫砂茶壺上碟非常有特色，打開見到滿滿蟲草花，幾足料，飲落味道非常濃郁！黑松露野菌餃 $39黑松露夾野菌一流腐皮卷 $39炸得脆卜卜唔油膩，配泰式辣雞醬。1954蝦多士 $20/件剛炸起脆口熱辣辣，蝦肉夠爽彈。金叵蘿蟹鉗 $58/件 小時候去酒樓永遠最期待的一道菜式，口感彈牙，亦有蟹肉在內，真材實料。鮑魚雞粒酥 $96/2件 鮑魚煮到軟淋淋入晒味，酥皮撻皮亦酥脆。生菜包 $88加入乳鴿肉嘅生菜包真係第一次，有種炒鴨鬆概念。炸鮮奶 $68 炸鮮奶又是經典順德菜，炸漿唔算好厚，鮮奶餡都香甜古法灌湯餃 $32/隻 正宗灌湯餃可以話買少見少，呢個價錢超值！金皮炸子雞 $168(半隻)最鍾意食炸子雞 皮脆肉嫩楊枝甘露啖啖都食到芒果、金柚，頂上唧上忌廉，拌勻口感更香滑。