鳳城1954 (MegaBox)

营业中

休息中

今日向九龍灣食飯，終於可以再黎鳳城食西米布甸， 之前去過其他分店食自己好中意，真系可食完會再黎食, 其他食物味道有一定水準西米布甸唔會太甜太漏， 呢個甜品係重点，主菜叫左孖寶$368，有炸子雞半隻同清蒸沙巴, 炸子雞皮好脆皮肉質唔錯, 金黃色外皮已經好吸引。沙巴蒸得岩岩好, 唔會太熟同太生, 蒸魚始終份酒樓比自己屋企整好味, 唔腥又唔會唔熟,  值得一試.餐廳向Megabox所以地方好闊落, 仲有卡位系玻璃窗望到出面, 早d訂枱希望下次坐窗邊

下午茶時段，食品一流，但服務就不敢恭維，管理層應多加留意改善！食品一般平均水準之上，食物好味，有特色，比之前的其他店出色，唔介意服務有D受氣，食物可以推介！推介蝦多士，灌湯餃，安格斯牛肉腸粉

中午同老人家黎飲茶， 繁忙時間都唔使等位，即入。 轉手後裝修光猛咗好多，座位頗為闊落，坐得好舒服。點心同小菜嘅選擇好多，仲有d好少見的懷舊點心， 淨係望張點心紙已經好吸引！鮑魚燒賣+七彩蝦餃果然冇令我失望，大大件，蒸的火候剛好，表皮冇溶冇爛，餡料都好新鮮。 但包點的味道就稍為遜色， 雖然公仔的賣相好可愛，不過唔太好食。而令我最有驚喜的係紅棗糕～ 材料的比例配得好好，所以口感煙韌，又q又彈口。 食完之後，陣紅棗的香味仲留喺個口同鼻腔入面，真係齒頰留香😋 有一點我感覺不太好，就係佢用的膠杯膠碗膠碟，大大影響用餐的感受。 其實佢收的茶錢已經比普通茶樓貴，用的竟然係毫無質感的膠餐具，確實有d失望。 另外佢的銅茶壺設計好有問題，令我多次燙親手。呢度嘅食物質素唔差，但餐具嘅細節就令人印像大打折扣，有點可惜。

It was a dim sum lunch but none of the dim sum we ordered today can be found in other dim sum restaurants. Every dim sum is very exquisitely presented and are all very palatable! About $740 for all the dim sums we ordered for five of us. The very typical 义燒飽，流沙飽，蝦餃 and 豆苗餃 were made into soo lovely and colourful styles!This is a good match!Yummy crispy spring roll wrapped with 腸粉The deep fried squid was excellent. Just the so-called 話梅tomato and spicy pickled cucumber were really nothing specia

放假去Megabox行下, 順便飲茶🫖， 嘆返一盅兩件🥢。 入到去左手邊係窗口位， 景觀開揚， 可以見到海濱匯一帶🏙️， 不過侍應生話所有窗口位已經預留給其他客人， 所以只好坐裏面的位置。 佢啲點心整體上都唔錯, 特別喜歡～🌟蓮蓉西米布甸： 煙韌的外皮包住細滑的西米和蓮蓉， 西米軟硬度適中， 有口感， 蓮蓉餡料夠多👏， 若嫌甜了一些， 不過如果喜歡食甜品的， 還是可以接受😉。🌟炸粉果： 外皮炸得香脆飽滿， 食落去外脆內軟， 粉果皮和餡料的分量比例適中， 口感豐富😋。

今日帶呀仔到MEGABOX 玩, 揀左呢間早D開同可以電話訂位既餐廳。我地被安排坐在近門口位置的卡位, 環境舒適, 坐位寬敞, 光線☀️充足。最開心係見到兩版寫得密麻麻的點心紙, 有傳統的也有創新的, 係我近年去過咁多酒樓飲茶🫖, 款式種類最多的一間。 我地點左1954蝦🦐多士, 魚湯龍躉泡飯, 豬嘜🐷叉燒包同3D車仔腸粉。3D車仔腸粉 - 入口軟熟嫩滑, 醬汁充足, 可惜食物溫度略嫌不足, 我估計酒樓應該係一早整好左D點心, 然後放在一個保溫爐入面, 唔係即叫🙋🏻‍♀️即蒸。1954蝦多士 - 蝦肉爽口彈牙, 新鮮啖啖肉, 調味剛好。可惜同一問題, 食物溫度只是微暖。另外仲有一個餐廳需要注意既地方就係塊炸麵包, 中間部份好硬好實, 感覺似係屋企用微波爐翻熱麵包🍞但叮既時間控制得唔好, 耐左, 麵包放涼後就會變成咁。魚湯龍躉泡飯 - 魚肉足料, 配菜份量也多, 魚湯底味道濃郁, 只是略嫌泥味頗重, 是可以接受的程度。豬嘜叉燒包 - 嗌比呀仔食, 我無食, 分到一啖既老公話幾好味, 因為叉燒唔肥。鳳城1954的食物味道整體不錯, 如果能夠做到即叫即製就更好或者注意❗️一下翻熱技巧。

黎到Megabox飲個茶😝坐窗口卡位 望住零碳天地點心質素唔錯😋牛肉腸粉同平時茶樓食開唔同裏面無芫荽 岩哂我🙈而且牛肉份量好足 而且好有牛味 蝦餃個皮好靚 有七彩色🌈裏面估唔到有D湯汁😦燒賣就普普通通啦流沙包有得意心心眼造型放左一陣先食都流沙😍甜甜地 有淡淡鹹蛋味 炸物唔會好油膩聽服務員介紹 嗌左蟹鉗🦀係平時酒席時會有嘅菜式係蝦滑包住蟹鉗去炸熱辣辣 蝦滑幾彈牙😄蟹鉗唔係好鮮味 感覺係雪藏嘅😶價錢真心唔平🙈但點心造型特別😎而且坐得幾舒服

假日想飲茶，但又想打卡，原來鳳城都有！一聽鳳城，開頭以為係好古舊嘅茶樓，點知嚟到，野食好味之餘，仲有好多打卡嘢wor!今次一口氣叫咗呢啲：小鳳依人，三式炸作（梨子青啤、脆皮蝦餃、蒜香蝦春卷），包羅萬有（溶岩流沙包、青趣奶皇子、豬o麥叉燒包），安格斯霸王(牛肉腸)，鮑魚燒賣，龍蝦湯鮮竹卷 及 牛仔骨陳村粉！個人嚟講，最鍾意小鳳依人個鳳梨琳，超得意完全唔捨得食，食落唔甜，唔錯唔錯！另外仲有Agnes beef嘅腸粉，牛香味幾重，食落唔似平嘢：燒賣上嘅鮑魚有口感，入味，但都唔平；陳村粉必點，加埋汁食好好味！

某日同友人去Megabox行街，行到某樓層角位有間「鳳城」，門口放咗個精緻鳥籠下午茶，最適合女生打卡了入面環境可以，我哋選擇咗窗邊卡座，可以望到零碳天地，好開陽，好舒服😌坐低叫咗個二人下午茶（💰98 for 2，➕花茶另加💰28）入面有六樣嘢，夠曬我同女友人食，本人最喜歡就是甘筍鹹水角，燒賣也好吃😋

明天是中秋正日，我們兩口子提早一晚自己食左先。不知道是我們的口味淡，還是這家飯店的主要顧客群年紀比較大，全晚所點的菜式都是偏咸。撇除這1點，味道還是不錯的。全晚最合我們口味的，竟是金銀蛋浸莧菜。（冇咁咸）鳳城最出名的是炸子雞，送上枱後，家人問服務員有沒有准鹽，上菜員很堅定的話：冇。我同家人講可能好夠味呢。食落口，皮脆肉滑多汁的確好入味。節日當前食好D，四頭鮑魚，好腍，好入味。要留意的是原來menu上面的價錢只是一只的，但下單要兩只起，幸好部長特意remind我哋一聲，算啦，用埋消費券最後幾百蚊當政府請。順水魚湯龍球，魚皮Q彈，魚肉厚滑，一定要叫，美中不足係湯底勁咸要溝滾水。總括嚟講，可以做到咁多年嘅老字號，一定有原因的。

Mega box 有幾間星期日吃點心的選擇，最後選擇因為被鳳城老字號所吸引。期望越高、失望越大。 一坐下看到那張點心紙，還以為自己去了尖沙咀酒店嘅酒樓。基本的蝦餃、燒賣點心，50 多圓只有三件，平均價比酒店貴。蘿蔔絲酥餅30 多圓只係兩件，真的想不透？算了吧，以為價錢偏貴，質素應該唔錯，可惜真的不行，吃完後非常非常口乾….順德菜最出名嘅炸牛乳，淡而無味。陳川粉咸到過份。點心的質素真的一般。炒貴叼比茶餐㕔差，兩個人埋單$560。可能他們跟原來鳳城沒什麼關係。亦可能他們的晚餐才有水準。但經過今次，真的不會再嚟。

想來這裡很久了，因點好像很有特式，今次多人總算可來一試！見到張點心紙已很興奮，因好多都好吸引！我最喜歡的是小鳳依人，外表是三隻很像真的小鳥及鳥籠，鳳梨酥外皮香酥內餡微甜，又美又好味！另點了不少熱門點心，如大良炸鮮奶，勁好味！蝦多士也好味，另外表很吸引的是包羅萬有，有晒三款很可愛的包，當中以麥嘜叉燒包最吸睛、黃色的流沙包也不錯。另一個味道很好的是黑松露水晶波，一入口很香的松露味，很夾，中西合璧！I am loving it!

we tried this Chinese restaurant for 20 people team lunch. Staff arranged C Zone (6 people per table zone) which is inside the room to serve us for 4 tables. The staff sent us the menu by WhatsApp and we pre-order in advance. When we arrived the restaurant, they input the pre-order menu into the system. The dishes were served to the table pretty quick. Menu order same as below photos1:1954 Prawn toast2:Green tea custard bun3:Egg yolk lava bun4: Deep fried milk5:Tiger prawn & pineapple hush salad

與朋友好耐無見，在MEGABOX 亂找一間食肆座下傾計。最後揀左鳳城1954，在放飯時間都好多附近的人黎食。好彩唔洗等位。1.椒鹽軟殼蟹（ $58 ）炸得酥脆，且非常重口味，適合晚上食或送飯食。但對於只食點心的我們則較咸。2.安格斯霸王（牛肉腸粉） （ $48 ）腸粉好滑，且皮薄餡靚，且安格斯牛肉分佈平均，啖啖都係肉。整得非常出色，值得推薦。3.熔岩流沙包（ $43 ）每次飲茶都必定要試一試佢既奶皇包，奶皇包整得好代表呢間餐廳一定有點質素。呢間奶黃包同佢命名的名字一樣，好似熔岩一樣，一咬會流出濃濃香香的奶皇。正！4.黑松露素餃（ $39 ）素餃內有不口種類的菇，餃上會有黑松露，提昇素餃的味道。且同腸粉一樣皮薄，且煙韌，不易爛。其中一件蝦碌的事情，職員以為我地食完野，於是收起所有點心盤，放左落D 裝滿食完的車仔內。但其實未食完，咁岩經理見到，佢好友善地同我地講唔好意思且重新蒸過籠比我地，佢仲同佢既員工講唔緊要，無怪責佢。值得一贊佢地既服務態度和處理方法。

之前去完荃灣個間鳳城1954之後覺得質素唔錯，今日經過九龍灣順便係Megabox鳳城1954分店食野。1️⃣1954蝦多士蝦多士製作得好認真，多士炸得好香脆，上面既蝦都好彈牙，亦都幾鮮甜，依個點心整得幾出色。2️⃣蜆蚧鯪魚球鯪魚球入口冇碎骨，亦都唔腥，質感好彈牙，幾好味。3️⃣紫砂茶壺燉螺頭湯紫砂茶壺好保溫，依個湯一飲就知好足料，入口清甜。4️⃣「蜜招」安格斯牛粒依道菜煮得好入味，菇同脆肉瓜帶甜味，脆肉瓜好爽口，唔會煮到太老。牛粒煮到好惹味，牛肉味好特出。5️⃣宮廷紅棗糕紅棗糕好柔軟，入口唔會太甜，仲好香紅棗味，依個我都幾鐘意食。6️⃣楊枝甘露楊枝甘露好足料，有芒果同西米露同忌廉，好特別，幾好味。7️⃣西米布甸依個西米布甸我上次都講過好高質，所以今次再點。整體黎講，九龍灣分店既質素都高，食物好好味，我自己最鐘意既就係1954蝦多士。💕九龍灣宏照道38號企業廣場5期MEGABOX7樓6號鋪#hkfoodie #hkfoodblogger #foodporn #followforfollow #hkfood #hongkongfoodie #hkfoodlover #hkig #香港美食 #hkgirl #igfoo