鳥駅

朋友極力推薦，今晚同老細兩個人去試新店～搭住中環登山電梯直上到頂，原來有間走高級路線嘅燒鳥店！裝修現代和風，最貼心係有locker放袋，可以輕鬆食飯唔使睇住啲隨身物品👏試咗新推出嘅「鳥の職人套餐」，二人分享啱啱好：🥢 前菜日本大根+水茄配秘製脆脆醬，芝麻、脆蒜、香蔥撈埋乾醬油，脆卜卜，鹹香開胃！🔥 稀有部位三連發雞心爽口彈牙、雞皮燒到脆卜卜、雞腳筋煙韌有嚼勁，每款都係驚喜！🌿 嚴選部位三重奏大蔥雞肉香甜多汁（連蔥都好味）、雞翼外脆內嫩（超正！）、雞柳柔軟入味（勁juicy），火候控制恰到好處～🍢 時令燒野菜小青椒清新爽脆、秋葵黏滑帶焦香，簡單鹽燒已經好正，仲有鰹魚絲，提香提味！🍲 全場MVP慢煮三黃雞白湯濃到黏嘴唇！忍唔住追加雞白湯稻庭烏冬，湯底醇厚烏冬滑溜，老細都默默飲清光😆👨‍🍳 廚師長特製燒鴨肝配新鮮草莓同藍莓，水果嘅清新完美平衡鴨肝嘅豐腴，邪惡得嚟唔膩口～🍚 完美收尾親子丼日本蛋漿包裹嫩滑雞肉，撈飯食超治愈！甜品豆腐雪糕+抹茶凍餅冰涼清爽。今次二人飯局非常satisfied，老細食得好滿意，稀有部位特別得嚟又夠矜貴～帶埋張單一個月內仲送一杯mojito，係值得encore嘅好地方！…查看更多

🍶中環 | 鳥駅 | 燒鳥解剖圖鑑 🍣🅰️ 三黃雞雞湯烏冬 💯不是串燒不好，而是雞湯太驚艷!! 是日MVP, 黃金膠質爆棚，三黃雞熬十小時的濃湯掛滿稻庭烏冬，吸溜時黏住嘴唇的幸福感🐔  🥗前業季節沙律 ：牛油果, 車厘茄，生菜蓋上粉櫻透光的雞肉刺身，蘸自家製日式油醋汁，酸味刺激醒胃🍅  山葵長芋：長芋條爽脆，配上山葵辛香竄，好refreshing  🔥 燒鳥五重奏 雞甲狀腺：薄鹽輕燒鎖住半熔岩質感，咬破脆膜味道濃郁。大蔥雞腿肉；腿肉縫隙嵌滿炭香，蔥段帶甜，經典組合。雞翼：刷了醬油燒成琥珀焦殼，外脆肉嫩🍗  雞胸軟骨 ：聽覺系美食，軟骨在齒間蹦跳如跳跳糖。雞心：爆汁! 果然係一隻雞只得一粒既雞心，肉味濃郁。串燒安格斯牛小排：油花四溢，wasabi融化在肉紋間，辛嗆與脂香合而為一的美味。白鱔：燒烤鎖住膠質，魚皮香脆，魚肉彈牙多汁。 豬肋條：豬油香惡感×幸福感的表現蘑菇，蘆筍：爆汁，健康又好食。明太子燒飯團：鍋巴控至愛，日本米捏成三角後炭燒，焦脆米粒鑲滿爆籽明太子醬，海苔包著吃鹹鮮脆香。  🍨 甜點終章  豆腐雪糕：雪葩的口感，濃郁口腐味。焦糖大福：麻糬煙韌，配雪糕又幾夾。  …查看更多

🐔南蠻雞丼 ($168)午市套餐包左廚師精選漬物3款，有醋漬蒜頭、柚子蘿蔔、糖漬合桃，超級開胃☺️蜆味噌湯好足料有齊蘿蔔、豆腐、紫菜、蜆同葱花🥣，時令雞前菜係茶碗蒸，好嫩滑👏🏻主菜南蠻雞配紅米飯素，南蠻醬有洋蔥粒🧅，酸中帶點鹹香，係炸雞塊嘅靈魂🍗用嚟拌飯一樣好食! 唐揚炸雞啖啖肉，保留到少少肉汁唔乾👍🏻👨🏻‍🍳午市Omakase ($328)特別日子可以一試嘅Lunch time omakase，呢個價錢嚟講性價比都幾高😍前菜有廚師精選漬物3款、時令沙律係三文魚牛油果沙律，配醋汁好清新🫶🏻同樣有茶碗蒸慢煮三黄雞湯🐔超級推薦!!!係全餐飯嘅MVP😇雞味超濃，啖啖精華好似呑左一隻雞落肚咁🥹飲完超回味🙆🏻‍♀️🍢鳥串4本🐔雞頸肉雞頸肉好嫩仲有啲juicy😚🐔燒雞翼燒到少少脆皮但啲肉唔柴🐔燒雞皮🐔雞軟骨兩者都好有口感🤩雞皮爽口帶點煙韌，雞軟骨好脆😋🍢牛串/豚串/海鮮串2本🐟鰻魚燒得恰好，外皮有少少脆佈滿鰻魚汁，鰻魚肉嫩滑🐽豬肉腩豬肉腩係半肥瘦，配左燒汁燒得好香口🍢野菜串2本秋葵、蕃茄🍚迷你烏食事親子丼，蛋同雞都好嫩滑仲好啱送飯🤗…查看更多

餐廳分咗兩邊，一邊係用餐區，另一邊係酒吧，氣氛都幾chill。裝修以木系為主，帶點日式居酒屋嘅感覺**串燒**重點推介佢哋嘅串燒！全部都係現場即刻烤，所以特別香！我哋叫咗芫荽豚肉卷、車厘茄腩肉卷、雞膝軟骨、大蔥雞肉卷、燒雞心同牛橫膈膜。芫荽豚肉卷嘅芫荽味好香，豚肉juicy；車厘茄腩肉卷嘅車厘茄爆汁，配上腩肉嘅油脂香，真係perfect match！雞膝軟骨爽脆彈牙；大蔥雞肉卷嘅大蔥好香甜，雞肉嫩滑。燒雞心處理得唔錯，冇腥味，口感彈牙。牛橫膈膜肉味濃郁，口感豐富。鍾意飲酒嘅朋友，呢度嘅串燒真係送酒一流！**小食**烤枝豆，熱辣辣，送酒一流。**主食**雞湯烏冬配燒飯團。雞湯烏冬嘅湯底清甜，烏冬彈牙，燒飯團外脆內軟，食完串燒之後，食碗暖笠笠嘅烏冬，真係好舒服。**甜品**柚子雪糕加豆腐雪糕。柚子雪糕清新，豆腐雪糕口感綿密，兩者都好啱做飯後甜品。餐廳分咗兩邊，一邊係用餐區，另一邊係酒吧，想靜靜地食飯或者想同朋友飲返杯都可以！…查看更多

Chic & relaxing yakitori & sake bar towards the street's end We began celebrating my horoscope month early this year, the yakitori and hospitality in this setting gave us an absolute enjoyment, and we ended up exalting the food and the vibe in full contentment. Lounges for boozy catch-ups, and lockers for your bags, are both available, so you can completely put your chores down and relax here with a fancy yakitori getaway.Seat yourself comfortably around the kitchen island and spectate the chefs chargrilling the skewers, because you will appreciate how smokeless and well-controlled the fireside was. Every skewer was stunning (both a-la-carte, and omakase available), made out of fresh produce and carefully seasoned and cooked. My personal favourites of the omakase set tonight (HK$ 728 /pax) were:10/10 Tori paitan (鶏白湯), this was the best chicken white broth I've tasted in HK so far, cooked for 10 hours with locally raised three-yellow chicken, the flavour was at its finesse, I assure you. You can order just the soup, or you can opt for the addition of some fine made udon;Crispy skin-on white eel, so beautifully sectioned, spongy flesh and highly delicious grilled skin;Cheesy rice cake, which the chewy rice outer was so different from the regular ones, you could tell there's something special about the choice of starch and ways they handled the rice cake;Smoked daikon studded with cream cheese and sliced- this was another masterpiece, crunchy, smoky and velvety at the same time, the presentation was second-to-none since it looked like sliced truffles laying on a delicate stone crafted bowl. We were so happy, another best part was the short greetings in well-articulated Japanese from the smiling staff. Definitely felt like dining in Tokyo. …查看更多

「鳥駅」喺中環嘉咸街一帶，係一間主打日式串燒、以雞為主題嘅餐廳，裝修走現代和風路線，環境幾闊落。佢哋以燒鳥廚師發辦聞名，可以品嚐到雞隻嘅稀有部位，而且餐廳設有開放式吧枱，可以睇住師傅即叫即燒，幾有氣氛。今次試嘅午餐廚師發板，由煙燻雞肉沙律開始，作為前菜幾醒胃。跟住係雞肉茶碗蒸，食落蛋身香滑又濃雞味，入面有雞肉粒，口感同味道都唔錯。之後個慢煮三黄雞湯真心正！湯底用咗本地三黃雞熬製多個鐘，飲落非常濃郁，充滿膠質，感覺成隻雞嘅精華都喺度，係成個set嘅MVP！串燒部分，一次過試勻幾款：· 雞頸肉：肉質好嫩，食落仲有肉汁，係比較罕見嘅部位。· 雞翼：燒得外皮香脆，裏面嘅肉依然保持到嫩滑。· 大蔥雞肉同雞腿肉：雞肉嫩滑，大蔥燒完之後清甜多汁，係經典嘅配搭。· 牛柳同豬肋條：牛柳肉味濃郁；豬肋條半肥瘦，燒完香口惹味。· 車厘茄同秋葵：車厘茄燒過後爆汁，秋葵黏滑帶焦香，可以平衡一下肉食嘅膩感。最後以迷你親子丼作結，雞肉嫩滑，配上醇厚嘅蛋汁，同飯好夾，食完真係好滿足。「鳥駅」嘅午餐廚師發板由頭到尾都係一場雞嘅全方位味覺享受，值得一試！…查看更多

陪朋友去左中環打卡遊,鳥駅位於近半山區,位置比較偏,但因佢近出名打卡位,所以都易搵.餐廳與名一樣,所以食材都係圍著雞為主,店舖設計好特別,一入去好似去左高級髮型屋,以Omakase為用餐方式.叫左個嘗味套餐$768+10%慢煮松露雞卷味道超奢華滋潤！雞肉慢火燉嫩滑入味，松露香氣濃郁帶土香菌味，微微鹹鮮不膩,層次豐富養顏,人生第一次嘗試.各種雞類部位烤串,每一串都很出色,每串外皮烤得金黃微脆，帶焦香,雞肉/內臟多汁嫩滑，肉味濃郁，還可以刷上師傅推介甜鹹燒汁，入口鹹香帶微甜，超級惹味.雞肝茶碗蒸係最令我驚艷,味道滑嫩濃郁！蛋液蒸蛋嫩滑，混合雞肝特有的濃厚甘香,質感細膩不腥,係我食過茶碗蒸最好食的一間.日式親子丼嫩雞肉鮮滑多汁帶微甜，蛋液半熟滑溜蛋香四溢，澆在熱騰騰白飯上，鹹甜日式醬汁入味，層次豐富不膩，入口即化療癒滿分.鵝肝就試得多,未試過鴨肝&雞湯,腥味比較重,本人一般般.…查看更多

燒鳥套餐大滿足嚟到環境有驚喜✨裝修有格調同闊落，坐喺吧枱可以睇住廚師即燒串燒，但又唔會好大油煙，整到全身都係油煙味。🔸慢煮雞卷黑松露雞&雞肝茶碗蒸慢煮雞卷嫩滑配埋黑松露嘅香氣好食👍茶碗蒸十分香滑，配埋雞肝好有特色又濃郁。🔸稀有部位串燒3本& 嚴選串燒3本當日食咗雞肝，雞心，雞腎，雞翼，大蔥雞大腿肉串同雞小腿肉串。有多款稀有部位可以食到唔同嘅口感同內臟獨有嘅濃郁鮮味，個人就喜歡爽口雞腎同雞心，另外雞翼都好食，超香口，但肉質依然軟嫩juciy👌特別欣賞各款串燒都唔會調味得太鹹太濃，惹味得嚟剛剛好🙌 保留到外脆，入面鎖住到肉汁唔會太乾。🔸時令野菜串燒當日試咗銀杏，青椒同秋葵，野菜都燒得好香，唔會好乾，保持到野菜嘅鮮味。🔸慢煮三黃雞白湯日式燒鳥專門店，果然有出色嘅雞白湯，非常鮮味鮮甜，但唔會油膩非常好飲👍🔸香煎雞肝食完串燒，有驚喜煎得外脆內嫩，入口即溶咁又香濃。🔸雞白湯烏冬&親子丼烏冬配上招牌雞白湯，好滿足，親子丼就有嫩滑嘅雞肉配上雞蛋，輕鬆食晒成碗飯。🔸綠茶蛋糕配芝士雪糕最後有賣相精緻嘅甜品，係圓滿嘅一餐💫餐廳仲有唔少嘅日本酒選擇，環境好適合同同事或朋友放工嚟輕鬆食飯傾偈。📍鳥駅 中環嘉咸街53A號嘉利大廈地下F及H號舖…查看更多

位于中环核心地带的「鳥駅 Torieki」，是一家将日式串烧艺术与现代烹饪理念完美融合的匠心餐厅。无论是追求极致体验的「午市厨师发办套餐」，还是丰俭由人的行政午市套餐，这里都能以一份专注於鸡料理的职人精神，为你带来超越预期的味觉惊喜。🌟 午市厨师发办：一场鸡料理的深度探索这份定价$328的套餐堪称性价比之王，宛如一场精心编排的味觉乐章。开场以厨师精选小品三款与时令沙律唤醒味蕾，紧随其后的慢煮三黄鸡汤是整场演出的序曲——汤色清澈见底，入口却浓郁醇厚，慢煮工艺将鸡肉的精华完全释放，每一口都是极致的温暖与鲜美。主菜星日鸡料理充分展现主厨对鸡肉的理解，搭配四本精心烤制的鸟串（如经典的鸡腿肉、鸡翅、鸡胗等），炭火香气与肉汁完美交织。再佐以牛、豚或海鲜串两本与野菜串两本，荤素搭配，风味层次极为丰富。最后以迷你鸟食事（如亲子丼或鸡碎饭）与鸡汤乌冬收尾，暖心暖胃，无比满足。🍱 行政午市定食：快节奏中的精致选择若时间有限，行政午市套餐同样出色。你可以选择专注鸡肉的“肉”定食（$148，含3串特选鸡肉串与2串野菜串），或品尝多元风味的**“坐令”定食**（$188，含鸡、牛、猪、海鲜、野菜串各一串）。串烧火候精准，外微焦而内多汁，搭配的亲子丼或鸡汤乌冬配松露鸡肉卷更是诚意满满。✨ 不容错过的亮点· 慢煮鸡汤：无论是单点还是套餐内的，都是必尝的招牌，堪称灵魂之作。· 串烧技艺：炭火直烤，锁住食材原味，调味恰到好处，不过分抢戏。· 贴心服务：从待应到主厨都体现出专业与热情。「鳥獸」隐匿于中环的喧嚣之中，为都市人提供了一处能静心享受美食的治愈空间。记得，一个月内再度惠顾还可享免费无酒精特饮一杯！你是否也曾在香港发现过这样令人惊喜的串烧店？或者对“慢煮鸡汤”情有独钟？欢迎在评论区分享你的心水餐厅和美食体验！…查看更多

琴晚同朋友慶祝轉新工，去左中環呢間特色燒鳥店，餐廳闊落高級，有分開串燒同酒吧area，menu可以見到好多好新奇嘅稀有部位，例如雞嘅喉嚨，動脈同甲狀腺，真係大開眼界，好多款都想試所以就叫左tasting menu😗慢煮松露雞卷🐔超多嘅黑松露，雞卷好嫩滑，底下仲有沙律添雞肝茶碗蒸 🥣非常之滑，雞肝新鮮，香濃惹味島の稀少部位串燒 (3本) 🍡第一次試到雞氣喉，好爽口好似零食咁，會上癮! 雞掌心都好特別，有少少脆骨嘅口感。雞腎同平時食嗰啲都有啲唔同，更加juicy同新鮮🤩島の嚴選部位串燒 (3本) 🍡專業師傅燒嘅雞翼果然係唔同，外皮超香口~ 大蔥雞腿肉口感豐富，經典之選。雞柳肉都好juicy😍時令野菜串燒 (2本) 🥗燒豆腐我俾100分，外邊煎得好脆好惹味。秋葵好夾木魚花👏🏻慢煮三黃雞白湯 🍲飲落好暖胃好舒服，濃郁黏口廚師長の本日料理 🧆雞肝，好似鵝肝嘅味道，好食到同食十舊雞の主食 🍚親子丼 朋友話呢個飯刷新左佢對親子丼嘅認知，冇食過咁好食嘅親子丼😆另加 雞湯烏冬 🍜個湯同樣咁濃郁，幼烏冬超滑甜品 🍨抹茶蛋糕配豆腐味雪糕…查看更多

放工約左人食野、想食下日本野、所以搵左一間餐環境闊落，特式燒鳥店，以雞的不同部位製作串燒、酒吧🍽️🍽️🍽️🍱🍱🍱🍽️🍽️🍽️🥄👅 廚師推薦 💲768👅🥢慢煮黑松露雞卷🥢慢煮黑松露雞卷通常肉質嫩滑，非常入味，松露香氣濃郁。雞肉配大蔥🥢氣味更香，雞腿肉嫩滑雞軟骨🥢有咬口,香氣十足雞翼🥢外皮香脆,油潤好味。雞甲狀腺🥢鹽燒剛剛好、入口輕柔銀杏🥢你外層微焦、內裡軟糯，食落微苦又帶堅果味。雞肝茶碗蒸🥢雞肝茶碗蒸係一道以雞肝做主料嘅蒸蛋料理，滑嫩嘅蛋配上濃郁雞肝味。慢煮三黃雞白湯🥢雞肝茶碗蒸係用雞肝入湯做茶碗蒸，口感滑嫩，雞肝鮮香，湯底甘甜抹茶蛋糕🥢超濃抹茶新地茶味自然，口感絲滑🥄👅 親子丼💲128👅🥢用雞肉同蛋慢煮，鋪喺熱飯上，味道鮮甜滑嫩。…查看更多

中環的燒鳥店之選，午市套餐性價比高，又有一個舒服又寧靜的地方🫶🏻☺️午市套餐｜雞白湯烏冬配慢煮黑松露雞卷黑松露雞卷有清新的冰凍感，雞卷嫩滑不油膩還配了很多黑松露！雞白湯烏冬十分濃郁，份量也很多🤩🌟重點推薦｜午市廚師發板來到燒鳥店一定要吃廚師發板的燒鳥湯🥣：雞白湯烏冬鳥串四本🫶🏻◽️大蔥雞腿肉：大蔥配雞腿肉好夾◽️雞胸軟骨：雞肉配軟骨又脆口，口感一流◽️雞翼：雞翼燒至金黃色色，外皮香脆◽️雞甲狀腺：鹽燒剛剛好，味道輕盈其他燒串◽️安格斯牛小排口感嫩滑 廚師發辦套餐，還會有一個迷你親子丼飯相當豐富，真係食唔晒！☺️…查看更多

呢間餐廳主打日本燒鳥串燒以雞嘅唔同部位人饌，全部即叫即燒，另外仲有日式小食熱食烏冬選擇。餐廳裝修闊落，分開兩個部份，一邊就係omakase位，一邊就係雅座，適合三五知己聚會我哋叫咗晚市廚師推介套餐($768)，都好豐富，有:慢煮松露雞卷沙律，首先嚟個refreshing既salad，雞肉滑溜，上面仲鋪咗黑松露醬雞肝茶碗蒸，蒸蛋整得嫩滑，下面仲有大大嚿雞肝同埋其他海鮮配菜，令到個蒸蛋更加香口串燒類有鳥の稀有部位(3串)同鳥の嚴選部位(3串）、野菜2本，雞串燒有雞翼、大蔥雞腿肉、雞胸肉、雞軟骨、雞心、雞喉嚨，即叫即燒所以全部都好熱辣辣，整體調味同味道都唔錯，個人最鍾意雞翼同雞喉嚨，雞翼外脆內軟，雞喉嚨咬落口感一流，搽喺上面嘅燒汁亦都好襯，至於蔬菜類師傅就燒咗秋葵同豆腐，燒完加上秘製醬汁同木魚喺上面，同樣香口，鍾意飲酒嘅朋友，襯呢度嘅串燒真係一流燈煮三黃雞白湯，呢個湯真係好好飲！用左本地三黃雞，熬製左10個鐘嘅湯，飲落骨膠原滿滿，飲得出個湯仲有加咗啲雞嘅內臟入去一齊煮，令到個鮮味更加提升雞の主食係煎雞肝，呢個賣相一流，鋪咗啲食用花喺上面，雞肝亦都煎得外脆內軟，食落好惹味迷你親子丼就正常發揮，日本蛋都整得香滑甜品係抹茶蛋糕加焙茶雪糕，味道唔算好濃，但再加埋個雞湯烏冬，其實已經食得好飽，所以清清地都唔錯，適逢朋友生日仲準備咗Happy Birthday字句喺甜品上面，開心慶祝…查看更多

位於中環嘉咸街的「鳥駅」，專注於以雞為主題的串燒體驗。Torieki Tasting Menu $每位768，從松露雞卷、雞肝茶碗蒸，到雞心、雞軟骨等特色部位，再配上時令蔬菜與雞湯，風味層層遞進。當中廚師長推介的鴨肝更是驚喜之作，值得一試。結尾來一碗雞湯烏冬，湯頭醇厚，暖心滿足。餐廳環境寬敞，設計新派，設有吧枱座位，可近距離觀賞師傅手藝。整體氛圍輕鬆，很適合下班後與朋友共聚，邊嚐串燒邊小酌，享受悠閒一夜。…查看更多

今日颱風樺加沙終於走左啦，即刻約朋友去蘇豪區happy hour，飲完嘢之後，經過呢間喺斜路嘅居酒屋，就入去食嘢。餐廳環境好舒適好舒服，呢度係一間特色燒鳥店，以雞的不同部位製作，係一間串燒+酒吧，仲有個好正嘅三皇雞白湯烏冬，雞湯係煲咗十個鐘頭,好濃嘅骨膠原感覺，good ！1.慢煮雞卷肉嫩到爆汁，松露香好濃郁，咬落好惹味！2.香菇茶碗蒸超嫩滑，菇香滲滿蛋羹，入口鮮甜，食完好暖胃！3.雞翼燒得夠味，肉juicy，越食越上癮！4.雞腿肉燒得入味，大蔥甜，食得好香！5.雞腎燒得入味，冇腥氣，越嚼越香！6.雞掌心燒得惹味，脆嫩適中，食完想再食！7.鴨肝燒得啱好，外微焦內軟滑，冇腥氣，一流！ 8.慢煮雞白湯濃鮮，烏冬吸滿湯汁，咬落彈牙，食完仲要飲曬所有湯先正！9.綠茶蛋糕鬆軟不甜膩，豆腐雪糕清潤，兩樣配埋食超夾！…查看更多